Կատաղություն

Կատաղությունը տաքարյուն կենդանիների և մարդու վարակիչ հիվանդություն Է, որն ախտահարում Է կենտրոնական նյարդային համակարգը և ի վերջո բերում մահվան։

Հարուցիչը վիրուս Է, որը գտնվում Է հիվանդ կենդանու թքի մեջ և փոխանցվում է կծած կամ միայն թքոտված վերքերով։ Գաղտնի շրջանի տևողությունը կախված Է կծած վերքի տեղակայումից, վերքերի քանակից, վերքի չափերից ու խորությունից, տուժածի տարիքից, կծող կենդանու տեսակից և տևում Է 10-90 (միջինում 40) օր։

ՆՇԱՆՆԵՐԸ

Սկզբնական շրջանում՝

• լավացող կամ նույնիսկ արդեն սպիացած վերքի շրջանի կարմրություն, այտուց, ցավ, քոր, ծակծկոցներ,
• ընդհանուր գրգռված վիճակ, չհիմնավորված անհանգստություն, անքնություն։

3-4 օրից՝

• Կոկորդի մկանների ջղաձգում։ Հեղուկ խմելիս, հետագայում նաև միայն ջրի տեսքից կամ ձայնից, տեղի է ունենում կոկորդի մկանների կտրուկ կծկում, շնչառության դժվարացում, մինչև անգամ շնչառության կանգ (ջրավախություն), անգամ թեթև քամուց նորից առաջանում է կոկորդի մկանների կտրուկ կծկում (օդավախություն)։
• Առատ թքազատություն։ Տուժածը չի կարողանում թուքը կուլ տալ և այն անընդհատ արտահոսում է բերանից։
• Տուժածը կարող է ունենալ ագրեսիվության նոպաներ, տեսողական և լսողական պատրանքներ։
• Վերջին շրջանում տուժածը լինում է բոլորովին արգելակված։

Կենդանիների մոտ լինում են նույն նշանները, սակայն գաղտնի շրջանը կարճ է։

ԿԱՆԽԱՐԳԵԼՈՒՄ

Կատաղությունը կանխարգելնլու համար հետևեք ստորև բերվող խորհուրդներին`

• Սի՛ մոտեցեք կամ շոյեք անծանոթ, թափառող շներին ու կատուներին։
• Կասկածելի կենդանու կծելու դեպքում վերքը լվացեք հոսող ջրով ու օճառով 5-10 րոպե։ Վերքը մշակելուց հետո տուժածին շտապ տեղափոխեք հիվանդանոց, որտեղ նա կստանա կատաղության դեմ շիճուկ։
• Կծող կենդանին պետք է 10 օր գտնվի հսկողության տակ։ Նրա մոտ կատաղության նշանների ի հայտ գալու դեպքում՝ տուժածն անպայման պետք է ստանա պատվաստումների լրիվ կուրս։
• Եթե տանը պահում եք որևէ ընտանի կենդանի, ապա նա պետք է ստանա բոլոր կանխարգելիչ պատվաստումները և գրանցված լինի անասնաբուժական ծառայությունում։

Տե'ս նաև " ՎԱՐԱԿԻՉ ՀԻՎԱՆԴՈՒԹՅՈՒՆՆԵՐ ԵՎ ՎԱՐԱԿԻ ԿԱՆԽԱՐԳԵԼՈՒՄ":

Հարցեր, պատասխաններ, մեկնաբանություններ