IGF. ինսուլինանման աճի գործոն/ IGFBP-3. ինսուլինանման աճի գործոն կապող սպիտակուց 3.

Ինսուլինանման աճի գործոնի (IGF) թեստն աննուղակիորեն օգնում է որոշել աճի հորմոնի (GH) քանակը:
IGF-ն և GH-ը պոլիպեպտիդ հորմոններ են, որոնք անհրաժեշտ են օրգանիզմում ոսկրերի և հյուսվածքների նորմալ աճի և զարգացման համար: IGF-ն արտադրվում է լյարդի, կմախքային մկանների և այլ հյուսվածքների կողմից՝ աճի հորմոնի խթանմանն ի պատասխան:

IGF-ի և աճի հորմոնի(GH) կոնցենտրացիան վաղ մանկական տարիքում մեծ չէ, այն մեծանում է՝ գագաթնակետին հասնելով սեռական հասունացման ժամանակ, և սկսում է նվազել մեծահասակների մոտ:

Հետազոտությունն անհրաժեշտ է․

• պարզելու աճի շեղումների պատճառները,
• գնահատելու հիպոֆիզի աշխատանքը,
• վերահսկելու աճի հորմոնի հանդեպ բուժման արդյունավետությունը
• անուղղակի որոշելու աճի հորմոնի քանակը, քանի որ IGF-ի նորմայի դեպքում աճի հորմոնի անբավարարությունը բացառվում է,
• հիպոպիտուիտարիզմի (ադենոհիպոֆիզի կամ հիպոթալամուսի տարածուն դեստրուկցիա) ախտորոշման համար՝ հիպոֆիզի այլ հորմոնների հետ միասին,
• հայտնաբերելու հիպոֆիզի ուռուցքները:

IGFBP-3 (Insulin-like growth factor binding protein 3). ինսուլինանման աճի գործոն կապող սպիտակուց 3.

IGFBP-3-ը մարդու շիճուկում IGF-I և -II հիմնական կապող սպիտակուցն է և մասնակցում է բջիջների աճի կարգավորմանը:

IGFBP-3 մակարդակի որոշումը կարևոր ախտորոշիչ թեստ է աճի հորմոնի հետ կապված հիվանդությունների դեպքում:

IGFBP-3-ի որոշումը ցուցված է հետևյալ դեպքերում․

• երեխաների մոտ աճի խանգարումներ,
• մեծահասակների մոտ աճի հորմոնի անբավարարություն,
• հիպոֆիզի գեղձի հիպոֆունկցիայի կասկած,
• աճի հորմոնով բուժման արդյունավետության մոնիթորինգ,
• երեխաների մոտ գիգանտիզմ կամ մեծահասակների մոտ ակրոմեգալիա,
• աճի հորմոն արտադրող ուռուցքը հեռացնելուց հետո,
• ուռուցքի հեռացումից հետո դեղորայքային կամ ճառագայթային թերապիայի մոնիտորինգ,
• ուռուցքի հեռացումից հետո մի քանի տարի աճի հորմոնի արտադրությունը վերահսկելու և հնարավոր ռեցիդիվը ժամանակին հայտնաբերելու նպատակով:

Ինչպես պատրաստվել հետազոտության․

• Արյունը հանձնել առավոտյան, անոթի
• առավոտյան, նախքան հետազոտությունը, կարելի է ջուր խմել,
• 12 ժամ առաջ խուսափել ալկոհոլ օգտագործելուց, ծխելուց, սահմանափակել ֆիզիկական ակտիվությունը,
• խուսափել դեղերի ընդունումից։

Ախտորոշում և բուժում` մեկ վայրում

Հարցեր, պատասխաններ, մեկնաբանություններ