Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ախտորոշում

Մագնիսառեզոնանսային տոմոգրաֆիա. հարցազրույց ռադիոլոգ Մերի Սուքիասյանի հետ. armeniamedicalcenter.am

Մագնիսառեզոնանսային տոմոգրաֆիա. հարցազրույց ռադիոլոգ Մերի Սուքիասյանի հետ. armeniamedicalcenter.am

Արմենիա ՀԲԿ-ում առկա մագնիսառեզոնանսային տոմոգրաֆի (ՄՌՏ) առավելություններից է դիֆուզիայի ռեժիմի անձայն լինելը՝ ախտորոշման գործընթացի որոշ չափով դանդաղելու արդյունքում: Կարևոր է նաև, որ օգտագործվող կոնտրաստ նյութը հիպոալերգիկ է: ՄՌՏ հետազոտությունը օրգանիզմի վրա ճառագայթային ազդեցություն չունի:

ՄՌՏ-ն ունի՞ վնասակար ազդեցություն։

Ներկայում չկա ապացույց, որ ՄՌՏ-ն որևէ բացասական ազդեցություն ունի օրգանիզմի վրա:

Երբեմն հետազոտությունից հետո բուժառուները գանգատվում են գլխացավից, ինչն անհատական զգայունության կամ լարվածության հետևանք է:

Ի՞նչ հիվանդությունների դեպքում է իրականացվում ՄՌՏ։

ՄՌՏ իրականացվում է ամենատարբեր ախտաբանությունների հայտնաբերման համար: Այն ցուցված է  գոյացությունների, մկանների, ջլերի, վնասվածքների ժամանակ:

ՄՌՏ-ն նախընտրելի է գլխուղեղի գոյացությունների կամ կաթվածների դեպքում (իշեմիկ կամ հեմոռագիկ), ողնաշարի դիստրոֆիկ-դեգեներատիվ փոփոխությունների ժամանակ: Ճողվածքների դեպքում ՄՌՏ-ն առաջին նախընտրելի հետազոտությունն է: Որովայնի խոռոչի հետ կապված խնդիրների դեպքում ՄՌՏ հետազոտությամբ հայտնաբերվում են նորագոյացությունների, զարգացման արատների հավանական առկայությունը: Փոքր կոնքի դեպքում տղամարդկանց մոտ հետազոտվում է շագանակագեղձը,  կանանց մոտ՝ արգանդը, ձվարանները:

Ողնաշարի ՄՌՏ իրականացվում է կոմպրեսիոն կոտրվածքների, պրոտրուզիաների (միջողային սկավառակի արտափքումն է դեպի ողնաշարային խողովակ), ճողվածքների կասկածի դեպքերում:

Ինչպե՞ս է ՄՌՏ-ն հարաբերվում մյուս հետազոտությունների հետ։

Ռադիոլոգիա,ն ինքնին, մեծ ընտանիք է, որն ընդգրկում է ուլտրաձայնային հետազոտությունը (ՈՒՁՀ), անոթների դուպլեքս հետազոտությունը, համակարգչային տոմոգրաֆիան (ՀՏ), ռենտգեն հետազոտությունը, ՄՌՏ-ն։ Այս բոլորը մեկը մյուսին լրացնող հետազոտություններ են: Երբեմն, նախ, կատարվում է ռենտգեն, ՀՏ, հետո միայն, հարկ եղած դեպքում՝ ՄՌՏ: Լուրջ խնդիրների դեպքում հետազոտությունների վերոհիշյալ փուլերն անցնելը պարտադիր է, որովհետև մեկ հետազոտությամբ, ցավոք, հնարավոր չէ հիվանդության մասին հստակ պատկերացում կազմել: Միայն մեկը մյուսին լրացնող հետազոտությունների արդյունքում կարելի է հասկանալ, թե ինչ ախտաբանության հետ գործ ունենք:  

Հոդերի, ջլերի խնդիրների դեպքում կատարվում է ՈՒՁՀ, իսկ ավելի խորքային հետազոտության համար ցանկալի է ՄՌՏ, քանի որ այդ դեպքում հստակ տեսանելի են մենիսկների, ջլերի, մկանների, կապանների պատռվածքները, այտուցը, հեղուկի քանակը և այլ փոփոխություններ:

Ոսկրային ախտաբանության ախտորոշման դեպքում նախընտրելի են ռենտգեն և ՀՏ հետազոտությունները:

Նախապատրաստվելու անհրաժեշտություն կա՞։

Որովայնի, փոքր կոնքի հետազոտությունների ժամանակ բուժառուն պետք է նախապատրաստվի հետազոտությանը, նրան խորհուրդ է տրվում մեկ օր առաջ չօգտագործել գազ առաջացնող սնունդ, հետազոտությունից կես ժամ առաջ ընդունել Նո-շպայի դեղահաբ՝ նվազագույնի հասցնելու աղիների կծկողականությունը (պերիստալտիկան): Ցանկալի է հետազոտության ներկայանալ աղիները դատարկ վիճակում:

Որքա՞ն է տևում հետազոտությունը։

Կախված հետազոտվող անատոմիական շրջանից, հետազոտության տևողությունը տարբեր է: Գլխի ստանդարտ հետազոտությունը տևում է մոտավորապես 20 րոպե, ողնաշարի դեպքում՝ 15-17 րոպե, որովայնի դեպքում՝ մոտ 40 -45 րոպե, իսկ փոքր կոնքի հետազոտությունը տևում է 35 րոպե:

ՄՌՏ-ն, այլ հետազոտությունների համեմատ՝ երկար ժամանակ է պահանջում, քանի որ աշխատում է տարբեր ռեժիմներով, որոնցից յուրաքանչյուրը տևում է մոտավորապես 3-4 րոպե: Կոնտրաստանյութով իրականացվող ՄՌՏ-ն համեմատաբար երկար է տևում:
Ո՞ր դեպքերում է հետազոտությունը կրկնվում։

Երբեմն, բժշկի ցուցումով, հետազոտությունը հարկ է լինում կրկնել. օրինակ, որևէ գոյացության դեպքում ՄՌՏ հետազոտությունն իրականացվում է պարբերաբար՝ բուժման արդյունավետությունը հսկելու համար: Կամ՝ հաճախ վիրահատությունից հետո ՄՌՏ հետազոտությամբ փորձում են պարզել՝ արդյո՞ք վիրահատելիս անհրաժեշտ ամբողջ ծավալն է ընդգրկվել:

Որո՞նք են ՄՌՏ հակացուցումները։

ՄՌՏ հետազոտության հակացուցում է օրգանիզմում առկա որևէ մետաղ, եթե այն տիտանապատ չէ: Դա կարող է լինել մետաղական կոնստրուկցիա, կարդիոստիմուլյատոր, լսողական սարք, կավաֆիլտր, օրգանիզմում բեկորի առկայություն և այլն:

Եթե պացիենտին առաջին անգամ է նշանակվել ՄՌՏ, նախապես հարկ է անամնեզ հավաքել՝ գանգատները, հիվանդության պատմությունը, տարած վիրահատությունները, և, եթե դրանք հոդերի հետ են կապված, շատ կարևոր է պարզել օգտագործված մետաղի տեսակը, վիրահատության ծավալը: Երբեմն բուժառուն չի կարողանում անհրաժեշտ տեղեկություն տալ բժշկին: Նման դեպքում նախընտրելի է հրաժարվել ՄՌՏ-ից՝ բուժառուին վնասելուց խուսափելու համար:

Օրգանիզմում ստենտների առկայությունը հակացուցում են տեղադրումից հետո մինչև 3 ամիսը: Հակացուցվում է նաև մինչև 3 ամսական պտղի հետազոտությունը:  

Վիրահատություններից հետո մեկ ամիս ՄՌՏ հետազոտության կրկնություն խորհուրդ չի տրվում, իսկ լեղապարկի վիրահատության դեպքում՝ մինչև 3 ամիս:

Անհանգիստ բուժառուներին խորհուրդ է տրվում հետազոտվել սեդացիայով (անէսթեզիայի իրականացման ևս մեկ տեխնիկա): Կլաուստրոֆոբիայով տառապող պանցիենտներին ՄՌՏ-ն բացարձակ հակացուցված է, սակայն սեդացիայով հնարավոր է այն իրականացնել:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Ցավ ձախ ենթակողում. armeniamedicalcenter.am
Ցավ ձախ ենթակողում. armeniamedicalcenter.am

Ձախ ենթակողում, երբեմն, ի հայտ են գալիս տհաճ զգացողություններ, որը հաճախ անցնում է 10-15 րոպեից:  Ոմանց մոտ այն մշտական է և խանգարում է լիարժեք կյանքին...

Թերապիա
Հոդերի ՄՌՏ հետազոտություն. հարցազրույց Նունե Սարգսյանի հետ. armeniamedicalcenter.am
Հոդերի ՄՌՏ հետազոտություն. հարցազրույց Նունե Սարգսյանի հետ. armeniamedicalcenter.am

Որքանո՞վ է հոդերի ՄՌՏ հետազոտությունն ախտորոշիչ հոդերի ախտաբանության ժամանակ։

ՄՌՏ հետազոտությունը հոդերի համար վերջնական ախտորոշիչ...

Վնասվածքաբանություն և օրթոպեդիա
Քաղցկեղ. գենետիկ հետազոտությունների կարևորությունն ու նշանակությունը. cmg.am
Քաղցկեղ. գենետիկ հետազոտությունների կարևորությունն ու նշանակությունը. cmg.am

Գենետիկ հետազոտությունները երկու գլխավոր նպատակ են հետապնդում...

Գենետիկա Ուռուցքաբանություն
Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am
Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am

Գլխի ո՞ր հիվանդությունների դեպքում է իրականացվում ՄՌՏ։

ՄՌՏ իրականացվում է գլխի ցանկացած փոփոխությունների դեպքում, եթե այն ոչ ոսկրային բնույթի է...

Նյարդաբանություն
ՄՌՏ մանկական ծառայությունը «Արմենիա» ՀԲԿ-ում․ հարցազրույց ռադիոլոգ Թերեզա Հովհաննիսյանի հետ. armeniamedicalcenter.am
ՄՌՏ մանկական ծառայությունը «Արմենիա» ՀԲԿ-ում․ հարցազրույց ռադիոլոգ Թերեզա Հովհաննիսյանի հետ. armeniamedicalcenter.am

Որքա՞ն ժամանակ է, ինչ «Արմենիա» ՀԲԿ-ում գործում է ՄՌՏ մանկական ծառայությունը։

Մանկական ՄՌՏ-ծառայությունը “Արմենիա” ՀԲԿ-ում սկսել է գործել 2023 թվականի...

Առողջ երեխա
ՄՌՏ-ն կլաուստրոֆոբիայի ժամանակ. armeniamedicalcenter.am
ՄՌՏ-ն կլաուստրոֆոբիայի ժամանակ. armeniamedicalcenter.am

Մագնիսա-ռեզոնանսային շերտագրությունն անհրաժեշտ հետազոտություն է բժշկության տարբեր ասպարեզներում: Սակայն այն ունի նաև բացարձակ և հարաբերական հակացուցումներ, որոնցից...

Մագնիսառեզոնանսային տոմոգրաֆիա ՄՌՏ. հարցազրույց ռադիոլոգ Մերի Սուքիասյանի հետ. armeniamedicalcenter.am
Մագնիսառեզոնանսային տոմոգրաֆիա ՄՌՏ. հարցազրույց ռադիոլոգ Մերի Սուքիասյանի հետ. armeniamedicalcenter.am

Արմենիա ՀԲԿ-ում առկա մագնիսառեզոնանսային տոմոգրաֆի (ՄՌՏ) առավելություններից է դիֆուզիայի ռեժիմի անձայն լինելը՝ ախտորոշման գործընթացի որոշ չափով դանդաղելու արդյունքում: Կարևոր է նաև...

Որովայնի և փոքր կոնքի օրգանների ՄՌՏ․ հարցազրույց ռադիոլոգ Գայանե Կիրակոսյանի հետ. armeniamedicalcenter.am
Որովայնի և փոքր կոնքի օրգանների ՄՌՏ․ հարցազրույց ռադիոլոգ Գայանե Կիրակոսյանի հետ. armeniamedicalcenter.am

ՄՌՏ օգնությամբ որովայնի և կոնքի խոռոչի ի՞նչ ախտաբանություններ են հետազոտվում։

Որովայնի և փոքր կոնքի ՄՌՏ իրականացվում է լյարդի, լեղուղիների, երիկամների...

ՄՌՏ, թե՞ կոլոնոսկոպիա. armeniamedicalcenter.am
ՄՌՏ, թե՞ կոլոնոսկոպիա. armeniamedicalcenter.am

Ուռուցքային հիվանդությունների հայտնաբերման մեջ հաճախությամբ առաջնային տեղ է գրավում կոլորեկտալ քաղցկեղը: Այն հիմնականում ձևավորվում է պոլիպների առաջացման տեղում՝ նրանց բջջային ձևափոխման հետևանքով...

Արտաքին շնչառության ֆունկցիա․ հարցազրույց թոքաբան, բրոնխոսկոպիստ Նարինե Մադունցի հետ. armeniamedicalcenter.am
Արտաքին շնչառության ֆունկցիա․ հարցազրույց թոքաբան, բրոնխոսկոպիստ Նարինե Մադունցի հետ. armeniamedicalcenter.am

Ի՞նչ  ԱՇՖ (արտաքին շնչառության ֆունկցիա) հետազոտությունը։

ԱՇՖ-հետազոտությամբ որոշվում է արտաքին շնչառության վենտիլիացիոն գործունեությունը...

Շնչառական համակարգ
Կարիոտիպի շեղումներ` բջջագենետիկական հետազոտություններ. cmg.am
Կարիոտիպի շեղումներ` բջջագենետիկական հետազոտություններ. cmg.am

Ո՞ր դեպքերում է անհրաժեշտ  հետազոտել  կարիոտիպը


Կարիոտիպի ուսումնասիրության համար կան ընդունված ցուցումներ...

Գենետիկա
Կարիոտիպի շեղումներ` բջջագենետիկական հետազոտություններ.
Կարիոտիպի շեղումներ` բջջագենետիկական հետազոտություններ.

Բնածին արատների, անպտղության, կրկնվող վիժումների ախտորոշուման համար նախապատվությունը տրվում է բջջագենետիկական հետազոտություններին, որոնք ներառում են հետևյալ թեստերը...

Գենետիկա
Էլեկտրոնեյրոմիոգրաֆիա. nairimed.com
Էլեկտրոնեյրոմիոգրաֆիա. nairimed.com

Եթե առկա են մկանների ոչ կամային կծկումներ, վերին և ստորին վերջույթների թուլություն, թմրածություն, մկանային հոգնածություն, մկանային զանգվածի նվազում և վերջույթների հետ կապված այլ գանգատներ...

Նյարդաբանություն
IGF. ինսուլինանման աճի գործոն/ IGFBP-3. ինսուլինանման աճի գործոն կապող սպիտակուց 3.
IGF. ինսուլինանման աճի գործոն/ IGFBP-3. ինսուլինանման աճի գործոն կապող սպիտակուց 3.

Ինսուլինանման աճի գործոնի (IGF) թեստն աննուղակիորեն օգնում է որոշել աճի հորմոնի (GH) քանակը:
IGF-ն և GH-ը պոլիպեպտիդ հորմոններ են, որոնք անհրաժեշտ են օրգանիզմում ոսկրերի...

Լաբորատոր հետազոտություններ
Թքի մեջ հորմոնների որոշում
Թքի մեջ հորմոնների որոշում

Գոյություն ունի օրգանիզմում հորմոնների քանակի որոշման մի քանի եղանակ՝ թքի, արյան շիճուկի և մեզի մեջ: Ներկայում ամենաժամանակակից մեթոդը թքի մեջ հորմոնների որոշումն է...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ