Ախտորոշում
Հետազոտությունները հղիության ժամանակ. հարցազրույց մանկաբարձ-գինեկոլոգ Մերի Թադևոսյանի հետ. morevmankan.am

Հղիության ընթացքում հետազոտությունների ի՞նչ փաթեթ է իրականացվում:
Հայաստանում առկա է հղիության ընթացքում իրականացվող հետազոտությունների պարտադիր ցանկ: Մեր կլինիկայում կատարվող այդ հետազոտությունները բաժանվում են երեք ժամկետային փաթեթների՝ 12, 20 և 30 շաբաթականում: Ներկայում առողջապահության նախարարությունը փաթեթում համալրել է հեպատիտներին վերաբերող հետազոտությունը՝ 36 շաբաթական ժամկետում:
Ե՞րբ է առաջին անգամ հղին այցելում բժշկի մոտ, հաշվառվում և ի՞նչ հետազոտություններ են կատարվում:
Հղիի առաջին այցի ժամանակ, երբ նա նաև հաշվառվում է, կատարվում են հետևյալ հետազոտությունները՝ արյան ընդհանուր (արյան խումբ, ռեզուս գործոն և այլն), կենսաքիմիական (կրեատինին, գլյուկոզա, պրոթրոմբինային ժամանակ, ինդեքս), մանրէաբանական (հեպատիտ B և C, սիֆիլիս, ՄԻԱՎ), մեզի ընդհանուր և սեռական օրգանների արտադրության քննություն, վարակների առկայությունը հայտնաբերող հետազոտություններ, որոնք կարող են ներարգանդային աճի դանդաղման, վիժման սպառնալիքի պատճառ դառնալ: Իրականացվում է նաև ուլտրաձայնային հետազոտություն:
Կան լրացուցիչ հետազոտություններ, որոնք պետական հովանավորչությամբ չեն իրականացվում, բայց որոշ խմբերի հղիներին նշանակվում են: Այդ խմբերում ներառվում են կանայք, որոնք տարիքով մեծ են, անամնեզում նշում են ընտանիքի անդամների կամ արդեն ծնված երեխաների մոտ առկա գենետիկ շեղումներ:
Վերջին տարիներին չզարգացող հղիության պատճառներից է թրոմբոֆիլիա հիվանդությունը, որը հայտնաբերվում է բավականին հաճախ, ու թեև այդ ախտաբանության հայտնաբերման համար հետազոտություններն ընդգրկված չեն ընդհանուր ցանկում, միևնույն է, ցանկալի է իրականացնել:
Ե՞րբ են կատարվում գենետիկ հետազոտությունները:
Գենետիկ հետազոտությունները կատարվում են նախ` 12 շաբաթական ժամկետում, երբ իրականացվում է հիմնական գենետիկ քննությունը, որի օգնությամբ պարզվում են երեխայի քթոսկրի առկայությունը, օձիքային տարածքի չափը և գենետիկ խնդիրների այլ ցուցիչներ: Կատարվում են ևս երկու հետազոտություններ՝ մարդու խորիոնային հոնադոտրոպինը և հղիության հետ կապված պլազմային պրոտեին A-ն (PAPP-A), որոնք հայտնաբերում են նյարդային համակարգի հետ կապված գենետիկ շեղումները: Այս երկու հետազոտության և 12 շաբաթականում իրականացվող սքրինինգի արդյունքների հիման վրա պարզվում է գենետիկ խնդրի առկայությունը և նրա վտանգավորության աստիճանը:
Ինչպե՞ս են հետազոտվում և հսկվում առողջական խնդիրներ ունեցող հղիները:
Եթե հղին ունի գեթ մեկ ցուցում՝ կապված սիրտ-անոթային, էնդոկրին կամ այլ համակարգերի հետ, բնականաբար, նշված հետազոտություններին ավելանում են նաև այն հետազոտությունները, որոնք առանձնահատուկ են և պահանջում են նեղ մասնագետների՝ ներզատաբանի, արյունաբանի, սրտաբանի խորհրդատվություն: Առողջական խնդիրների դեպքում հղիների հետազոտությունները և այցերը իրականացվում են ավելի հաճախ: Այսօր պոլիկլինիկաներն արդեն ունեն բոլոր լրացուցիչ հսկողության, մասնագետների և հետազոտությունների հնարավորությունները;
Հաճախ են հսկվում և հետազոտվում շաքարային դիաբետով հիվանդ հղիները: Հատուկ հսկողություն է իրականացվում նաև վահանագեղձի խնդիրներով հղիների հանդեպ:
Ներկայում մեծ խնդիր է նաև վարիկոզի առկայությունը` հատկապես կրկնակի հղիների մոտ: Սակայն, եթե նախկինում վարիկոզի ժամանակ հաճախ էին դիմում կեսարյան հատման, ներկայում, անոթաբանի խորհրդատվությունը հաշվի առնելով, հնարավորին փորձում են իրականացնել ինքնուրույն ծննդալուծում:
Վարիկոզի առկայության դեպքում կինը հսկվում է նաև անոթաբանի կողմից, կատարվում են դուպլեքս հետազոտություն, արյան կոագուլոգրամա:
Վարիկոզի դեպքւմ հղին՝ հղիության ընթացքում և ծննդաբերության կամ կեսարյան հատման ժամանակ, կրում է կոմպրեսիոն գուլպաներ: Ներկայում գտնում են, որ բոլոր վիրահատությունները պետք է իրականացվեն կոմպրեսիոն գուլպաների առկայությամբ` անկախ նրանից` առկա՞ է վարիկոզ, թե` ոչ:
Եթե հղիության ընթացքում հայտնաբերվում են շեղումներ...
Եթե առաջին սքրինինգի ժամանակ շեղումներ են հայտնաբերվում, օրինակ` ժառանգական թրոմբոֆիլիա, պարտադիր հետազոտություններից զատ կատարվում է նաև արյունաբանի խորհրդատվություն, նրա կողմից նշանակվում է հետազոտություններ և բուժում:
Եթե հղիի մոտ առկա է լուրջ խնդիր, հղիության ընդհատումը կատարվում է մինչև 12 շաբաթականը:
Ի՞նչ հետազոտություններ են իրականացվում բազմապտուղ հղիությունների ժամանակ:
Բազմապտուղ հղիությունները ներկայում շատ են, քանի որ ավելացել են արտամարմնային բեղմնավորման համար դիմողները, որի ժամանակ մեծ է բազմապտուղ հղիությունների հավանականությունը: Այդ հղիների հետազոտությունները գրեթե նույնն են, ինչ մյուս հղիությունների ժամանակ, երբեմն հաճախ է իրականացվում ուլտրաձայնային հետազոտությունը:
Ի՞նչ փոփոխություններ են կատարվում հետազոտությունների փաթեթում` կորոնավիրուսի հետ կապված:
Այն հղիների մոտ, որոնք հղիությունից առաջ՝ վերջին մի քանի ամիսների ընթացքում հիվանդացել են կորոնավիրուսով, ավելի մանրակրկիտ են հետազոտվում արյան մակարդելիության ցուցանիշները, որովհետև նրանց մոտ երբեմն լինում են նկատելի շեղումներ: Նման դեպքերում հղիության ընթացքում նշանակվում է վիտամինային, արյան մակարդելիության կարգավորման, իմունիտետը բարձրացնող դեղորայք:
Հետազոտությունների փաթեթը 20 շաբաթականում:
16-20 շաբաթականում կատարվում է երկրորդ գենետիկ սքրինինգը, որը վերաբերում է ալֆաֆետոպրոտեինին: Այդ ցուցիչն անմիջապես ցույց է տալիս Դաուն հիվանդության առկայությունը: Դաուն թեստի փոփոխական լինելու դեպքում վերջնական արդյունքը հաստատվում է ամնիոցենտեզ կատարելուց հետո, որը ենթադրում է պտղաջրերի հետազոտություն:
20 շաբաթականում իրականացվում է հերթական ուլտրաձայնային հետազոտությունը, որը ցույց է տալիս երեխայի սրտի խոռոչների, անոթային համակարգի ամբողջականությունը, ընկերքի տեղակայումը, գլխուղեղի զարգացումը և այլն:
Եթե նորմալ հղիություն է ընթանում և երկրորդ սքրինինգում ամեն բան նորմալ է՝ գրեթե մինչև 30 շաբաթականը հետազոտություններ կրկնելու կարիք հնարավոր է այլևս չառաջանա: Սակայն անպայման վերահսկել է պետք զարկերակային ճնշումը, արյան մեջ հեմոգլոբինի տատանումները:
Հետազոտությունների փաթեթը 30 շաբաթականում:
30 շաբաթականում կրկնվում են հետևյալ հետազոտությունները՝ արյան և մեզի ընդհանուր, արյան կենսաքիմիական քննություն(կրեատինին, պրոթրոմբինային ժամանակ և այլն), սեռական վարակների հետազոտություն, ուլտրաձայնային հետազոտություն:
Ներկայում ավելացվել է հղիների հսկողության նոր փաթեթ, ըստ որի՝ 36 շաբաթականում ևս պետք է կրկնել հետազոտությունները՝ արյան և մեզի ընդհանուր քննությունը, հեպատիտ C-ն, որը վտանգավոր վիճակի՝ պրեէկլամպսիայի ախտորոշման համար խիստ կարևոր դեր ունի:
Կա ևս մեկ հետազոտություն՝ կարդիոտոկոգրաֆիան (երեխայի սրտի զարկերի և արգանդի տոնուսի գրանցում), որը կատարվում է 32 շաբաթականից սկսած:
Դոպլերոգրաֆիկ հետազոտությունը (երեխայի սիրտ-անոթային համակարգի վիճակը, շարժողական ակտիվությունը և արյան հոսքի համապատասխանությունը) պարտադիր հետազոտություն չէ, և կատարվում է այն դեպքերում, երբ առկա պտղի աճի դանդաղում: Այս հետազոտության իրականացման լավագույն ժամկետը 26-28 շաբաթականից հետո է: Վերոնշյալ հետազոտություններից զատ, եթե գործ ունենք ռեզուս բացասական կնոջ հետ, պարբերաբար կատարվում է նաև արյան մեջ ռեզուս հակամարմինների որոշում:
Շատ հղիներ՝ առաջնորդվելով համացանցային տեղեկատվությամբ, կողմնակի խորհուրդներով, ինքնուրույն հետազոտությունների են դիմում և առանց անհրաժեշտության օգտագործում ավելորդ դեղորայք: Մինչդեռ հետազոտությունները և դեղերի ընդունումը պետք է կատարել միայն բժշկի ցուցումով:
Պարզապես պետք է վստահել բժշկի գիտելիքներին և փորձառությանը:


Կարդացեք նաև

Ի՞նչ է ուսումնասիրում հոդերի ուլտրաձայնային հետազոտությունը:
Հոդերի ուլտրաձայնային հետազոտությունը ոչ ինվազիվ, անցավ, բավականին տեղեկատվական մեթոդ է...



Արյուն
Խորհուրդ է տրվում արյունը հանձնել առավոտյան մինչև ժամը 12-ը՝ քաղցած (մոտ 12 ժամ քաղցած մնալուց հետո)...



Սպիտակուցի քանակն արյան մեջ սպիտակուցային փոխանակության կարևոր ցուցանիշ է: Եթե սպիտակուցի քանակը բարձր է, անհրաժեշտ են համակարգային հետազոտություններ...



Օնկոմարկերները սպիտակուցներ են, որոնք օրգանիզմում միշտ ինչ-որ չափով արտադրվում են: Նրանց քանակությունն ավելանում է ուռուցքների և բորբոքային գործընթացների դեպքում, երբ սկսում են արտադրվել նաև ուռուցքային կամ բորբոքված...



Ի՞նչ է հետազոտում էնդոսկոպիան:
Էնդոսկոպիան հետազոտության եղանակ է, որ օգնությամբ հետազոտում են ամբողջ մարսողական համակարգը...



Սպիտակուցի քանակն արյան մեջ սպիտակուցային փոխանակության կարևոր ցուցանիշ է: Եթե սպիտակուցի քանակը բարձր է, անհրաժեշտ են համակարգային հետազոտություններ...



Ի՞նչ է ուսումնասիրում հոդերի ուլտրաձայնային հետազոտությունը:
Հոդերի ուլտրաձայնային հետազոտությունը ոչ ինվազիվ, անցավ, բավականին տեղեկատվական մեթոդ է...



Չարորակ ուռուցքների դեմ պայքարի ամենաարդյունավետ եղանակներից է ուռուցքի նշանների վաղ հայտնաբերումը, ինչն առավել արդիական է բերանի խոռոչի քաղցկեղի դեպքում...



Ե՞րբ հետազոտել կրծքագեղձը, ահհրաժեշտ է կատարել ամենամյա հետազոտություն, թե՞ բժշկի դիմել, երբ արդեն կան գանգատներ: Թեման պարզաբանում է «Էրեբունի» ԲԿ մամոլոգիայի և կրծքագեղձի վիրաբուժության ծառայության...



Սպիրոմետրիան հետազոտություն է, որը որոշում է, թե որքանով են առողջ Ձեր թոքերը, ինչպես նաև կիրառվում է թոքերի հիվանդությունների ախտորոշման և վերահսկման համար։ Հետազոտության ժամանակ...





Արյան ընդհանուր հետազոտման ցուցանիշներից են՝ հեմոգլոբինը, էրիթրոցիտները, լեյկոցիտները, թրոմբոցիտները: Կենսաքիմիական հետազոտության ցուցանիշներից են՝ գլյուկոզան, ընդհանուր սպիտակուցը...



Որովայնի խոռոչի ուլտրաձայնային հետազոտությունն (ՈՒՁՀ) իրականացվում է քաղցած, նախքան հետազոտությունը 3 օր սննդակարգից բացառել հում բանջարեղենը, մրգերը, կաթը, սև հացը...



Գանգուղեղային վնասվածք (ՄՌՏ իրականացվում է համակարգչային տոմոգրաֆիայից (ՀՏ) հետո), ուղեղի արյան շրջանառության իշեմիկ կամ հեմոռագիկ բնույթի սուր խանգարում (ՄՌՏ իրականացվում է ՀՏ-ից հետո)...






Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Հղիություն. 2-րդ ամիս
- 4-7 ամսական երեխաների սնուցումը
-
Ինչպես ազատվել անցանկալի մազերից
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Դդում
-
Պարզվում է ապագա երեխայի սեռը կախված է մայրիկի սնունդից
-
Կոճապղպեղ՝ նիհարելու համար (կոճապղպեղի թեյ)
-
Ընկերության մասին
-
Արգանդի միոմա. նախանշանները, պատճառներն ու բուժումը
-
Հիվանդություն, որը փոխում է մեր կյանքը` կրծագեղձի քաղցկեղ
-
Սեռական գրգռում
-
Ամուսնական առաջին գիշերը
-
Երիցուկ դեղատնային - Ромашка аптечная - Matricaria chamomilla L.
-
Չիչխանի օգտակար հատկությունները
-
Ինչպես ազատվել բերանի վատ հոտից`պարզ միջոց
-
Քարավուզ (նույն ինքը՝ նեխուր)
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
-
Ընտրություն ըստ հորոսկոպի
-
Կրծքի ցավե՞ր ունեք. ինչ անել
-
Հիվանդություն, որի համար պետք չէ ամաչել (թութք)
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
-
Հեշտոցային արտադրության պատճառները. մասնագետի անդրադարձը
-
Հղիությունը և նախապատրաստվելը դրան
-
Հղիություն. 1-ին ամիս
-
Երբ գլխացավն ախտանիշ է: Հանճարեղ և օժտված մարդկանց հիվանդություն
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
- Խոսենք այդ մասին. ձեռնաշարժություն
-
Էկզեմայի տեսակները և բուժումը
-
Իրիդիոսքրինինգ
-
ՈւՆԱԲԻ: Արևելյան բժշկության գաղտնիքները
-
Ուլտրաձայնային դոպլերոգրաֆիա (երկակի (դուպլեքս) անոթների)
-
Գամմա-դանակը նշտարի փոխարեն