Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ախտորոշում

Ինչի՞ մասին են վկայում աչքերի տակ առաջացած պարկերը. ի՞նչ անել. drtehmine.com

Ինչի՞ մասին են վկայում աչքերի տակ առաջացած պարկերը. ի՞նչ անել. drtehmine.com

Նախքան որևէ բան նախաձեռնելը, պետք է պարզել այս տհաճ երևույթի պատճառը. միայն այդ դեպքում կարելի է ազատվել աչքերի տակ առաջացած պարկերից։

Աչքերի տակ պարկեր առաջանում են կամ այտուցի, կամ ճարպային հյուսվածքի գերաճի հետևանքով։ Դրանք կարող են լինել կամ կոսմետիկ թերության մասին, կամ կարող են վկայել լուրջ հիվանդությունների մասին։

Ե՞րբ են աչքերի տակ «պարկեր» առաջանում` առողջ մարդու մոտ:

Եթե պարկերն առաջանում են առավոտյան` քնից հետո, իսկ ցերեկը նվազում են կամ` անհետանում, ապա պատճառն օրգանիզմում հեղուկի կուտակման հետևանքով առաջացած այտուցն է։ Դա կարող է լինել աղի սննդի չարաշահման, ալկոհոլի (նույնիսկ մեկ անգամ ընդունման, սակայն` մեծ քանակությամբ), անքնության հետևանքով և այլն։ Պարկերի առաջացման պատճառ է նաև կանանց մոտ, նախքան դաշտանը, էստրոգենների մակարդակի բարձրացումը ։

Տարիքի հետ, մաշկի էլաստիկության և առաձգականության կորստի հետևանքով, աչքերի տակ պարկերի առաջացումը պայմանավորված է ենթամաշկային ճարպաբջջանքի գերաճով։ Մաշկը կարող է կորցնել առաձգականությունն անգամ երիտասարդ տարիքում, որին նպաստող գործոններ են` հաճախակի արևային լոգանքները, ծխելը, սպիրտային խմիչքների չարաշահումը և այլն։ Առանձնահատուկ նշանակություն ունի ժառանգական  նախատրամադրվածությունը։ Եթե աչքերի տակ պարկերն առաջացել են նշված պատճառներով, ապա դրանք մշտապես կան, երեկոյան չեն նվազում և չեն փոքրանում։

Ո՞ր դեպքերում են աչքերի տակ պարկեր առաջանում հիվանդության հետևանքով։

Եթե աչքերի տակ` պարկերից զատ, կան նաև այլ ախտանշաններ, կամ դրանք առաջացել են քրոնիկ հիվանդությամբ տառապող մարդու մոտ, ապա այն կարող է վկայել հիվանդության առաջացման կամ սրացման մասին։

Աչքերի տակ պարկերի առաջացումը հաճախ պայմանավորված է երիկամների հիվանդությամբ՝ պիելոնեֆրիտով կամ գլոմերուլոնեֆրիտով։ Այս դեպքում դրանք առաջանում են հանկարծակի, մեկ գիշերվա ընթացքում, որին ուղեկցում են միզարտադրության խանգարումներ, ցավ` գոտկային շրջանում, ջերմության բարձրացում։

Սրտային անբավարարության ժամանակ աչքերի տակ պարկեր առաջանում են մի քանի շաբաթվա ընթացքում, որոնք մեծանում են երեկոյան և փոքրանում կամ անհետանում են առավոտյան։ Ընդ որում, այս դեպքում այտուցվում են նաև ոտքերը, ֆիզիկական ծանրաբեռնվածության ժամանակ առաջանում է հևոց, հաճախացած սրտխփոց, դյուրհոգնելիություն։

Սինուսիտի ժամանակ (քթի հարակից խոռոչների բորբոքում) պարկերն առաջանում են մի քանի օրվա ընթացքում, միաժամանակ, առաջանում են հարբուխ, ցավ` աչքերի տակ կամ ճակատի շրջանում, ջերմության բարձրացում։ Աչքերի տակ պարկերը կարող են ալերգիկ ռեակցիայի նշան լինել։ Այս դեպքում դրանք շատ արագ են զարգանում, երբեմն մի քանի րոպեի ընթացքում՝ ալերգենի հետ շփումից հետո, որը կարող է լինել ծաղկափոշին, կենդանիների բուրդը, կենցաղային փոշին կամ սննդի մեջ որոշ մթերքների կիրառումը։ Միաժամանակ, լինում է փռշտոց, քթից արտադրություն, աչքերի կարմրածություն, մաշկային քոր, հևոց։  

Աչքերի տակ պարկերը կարող են վկայել նաև հիպոթիրեոզի՝ վահանաձև գեղձի կողմից հորմոնների արտադրության անբավարարության մասին։ Այս դեպքում ուղեկցող ախտանիշներ են նաև քաշի ավելացումը, փորկապությունը, հիշողության և ուշադրության նվազումը, ընդհանուր թուլությունը, ընկճախտը, կանանց մոտ` դաշտանային ցիկլի խանգարումը։  

Եվ, վերջապես, աչքերի տակ պարկերի առաջացման ամենալուրջ պատճառը չարորակ ուռուցքն է, որը բերում է, այսպես կոչված, սիներակի ճնշման համախտանիշի առաջացման։

Ի՞նչ անել

Պարզ է, եթե աչքերի տակ առաջացած պարկերը որևէ հիվանդության հետևանք են, պետք է բուժել հիվանդությունը։ Հիմնական հիվանդության բուժումից հետո աչքերի տակ առաջացած պարկերն ինքնուրույն անհետանում են։

Եթե աչքերի տակ պարկերի առաջացումը կապված չէ հիվանդության հետ, այլ առաջացել է սնուցման, քնի, աշխատանքի և հանգստի խանգարման հետևանքով, ցանկալի է հետևել հետևյալ խորհուրդներին.

  • վերանայեք սննդակարգը, սահմանափակեք աղի և սուր համեմունքների կիրառումը,
  • հրաժարվեք ալկոհոլից,
  • ձգտեք երեկոյան շատ հեղուկ չխմել,
  • օրական քնեք առնվազն  8 ժամ։


Կոսմետոլոգներն ու պլաստիկ վիրաբույժներն առաջարկում են աչքերի տակ պարկերի դեմ պայքարի սեփական եղանակները։ Դրանք են` մեզոթերապիան, էլեկտրախթանումը, լիմֆոդրենաժը և ամենաարմատական լուծումը՝ բլեֆարոպլաստիկան։  

Մեզոթերապիայի էությունը մաշկի տակ նյութերի ներարկումն է, որոնք թողնում են համապատասխան ազդեցություն։  

Էլեկտրախթանման ժամանակ մաշկի վրա ազդում են ցածր հաճախության հոսանքներով՝ խթանելով մկանները։ Լիմֆոդրենաժը խթանում է ավշային անոթներից հեղուկի արտահոսքը։  

Տարիքային փոփոխությունների հետևանքով աչքերի տակ առաջացած պարկերի դեպքում կարող է օգնել բլեֆարոպլաստիկան՝ վիրահատություն, որի ժամանակ հեռացվում է ավելորդ ճարպային հյուսվածքը։ Գոյություն ունի նաև քիչ արմատական լազերային բլեֆարոպլաստիկան։

Ժողովրդական բժշկությունն ունի աչքերի տակ պարկերի առաջացման դեմ պայքարի սեփական եղանակները։

Յուրաքանչյուր առավոտ աչքերի շուրջը շփեք սառցե խորանարդով։ Ավելի լավ արդյունքի համար կարելի է օգտագործել սառեցրած երիցուկի թուրմը (1 ճ.գ.մեկ բաժակ եռացրած ջրին)։

Կտրտած հում կարտոֆիլից կամ թարմ վարունգից պատրաստված դիմակը աչքերի վրա պահել 10-15 րոպե, որից հետո դեմքը լվանալ սառը ջրով։ Այս նույն նպատակով կարելի է կիրառել նաև թեյի թուրմ։

Վարժություններ աչքերի համար

  • Ուժեղ կկոցել աչքերը, ապա լայն բացել՝ 6 անգամ։
  • Գլուխն ուղիղ պահել, նայել աջ և ձախ, վերև և ներքև։
  • Արագ թարթել աչքերը` մի քանի անգամ, փակել աչքերը` 10 վայրկյան։
  • Փակել աչքերը`  10 վայրկյան, ապա լայն բացել և նայել վերև (գլուխն անշարժ դիրքում)։ Թուլանալ և նայել հեռուն՝ 4–6 անգամ։

Սկզբնաղբյուր. drtehmine.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Օնկոմարկերներ. ուռուցքաբան Վահագն Համբարձումյան. armeniamedicalcenter.am
Օնկոմարկերներ. ուռուցքաբան Վահագն Համբարձումյան. armeniamedicalcenter.am

Օնկոմարկերները սպիտակուցներ են, որոնք օրգանիզմում միշտ ինչ-որ չափով արտադրվում են: Նրանց քանակությունն ավելանում է ուռուցքների և բորբոքային գործընթացների դեպքում, երբ սկսում են արտադրվել նաև ուռուցքային կամ բորբոքված...

Ուռուցքաբանություն
Էնդոսկոպիա. հարցազրույց Անդրանիկ Ղազարյանի հետ. armeniamedicalcenter.am
Էնդոսկոպիա. հարցազրույց Անդրանիկ Ղազարյանի հետ. armeniamedicalcenter.am

Ի՞նչ է հետազոտում էնդոսկոպիան:

Էնդոսկոպիան հետազոտության եղանակ է, որ օգնությամբ հետազոտում են ամբողջ մարսողական համակարգը...

Գաստրոէնտերոլոգիա և լյարդաբանություն
Արյան մեջ սպիտակուցի մակարդակի բարձրացում. nairimed.com
Արյան մեջ սպիտակուցի մակարդակի բարձրացում. nairimed.com

Սպիտակուցի քանակն արյան մեջ սպիտակուցային փոխանակության կարևոր ցուցանիշ է: Եթե սպիտակուցի քանակը բարձր է, անհրաժեշտ են համակարգային հետազոտություններ...

Լաբորատոր հետազոտություններ
Ուլտրաձայնային հետազոտությունը հոդային հիվանդությունների ժամանակ. հարցազրույց ռադիոլոգ էլլա Զուրաբյանի հետ. armeniamedicalcenter.am
Ուլտրաձայնային հետազոտությունը հոդային հիվանդությունների ժամանակ. հարցազրույց ռադիոլոգ էլլա Զուրաբյանի հետ. armeniamedicalcenter.am

Ի՞նչ է ուսումնասիրում հոդերի ուլտրաձայնային հետազոտությունը:

Հոդերի ուլտրաձայնային հետազոտությունը ոչ ինվազիվ, անցավ, բավականին տեղեկատվական մեթոդ է...

Վնասվածքաբանություն և օրթոպեդիա
Բերանի խոռոչի ինքնազննում. nairimed.com
Բերանի խոռոչի ինքնազննում. nairimed.com

Չարորակ ուռուցքների դեմ պայքարի ամենաարդյունավետ եղանակներից է ուռուցքի նշանների վաղ հայտնաբերումը, ինչն առավել արդիական է բերանի խոռոչի քաղցկեղի դեպքում...

Քիթ-կոկորդ-ականջ հիվանդություններ
Ե՞րբ հետազոտել կուրծքը. կրծքագեղձի քաղցկեղ. erebunimed.com
Ե՞րբ հետազոտել կուրծքը. կրծքագեղձի քաղցկեղ. erebunimed.com

Ե՞րբ հետազոտել կրծքագեղձը, ահհրաժեշտ է կատարել ամենամյա հետազոտություն, թե՞ բժշկի դիմել, երբ արդեն կան գանգատներ: Թեման պարզաբանում է «Էրեբունի» ԲԿ մամոլոգիայի և կրծքագեղձի վիրաբուժության ծառայության...

Ուռուցքաբանություն
Թոքերի հետազոտում. սպիրոմետրիա. armeniamedicalcenter.am
Թոքերի հետազոտում. սպիրոմետրիա. armeniamedicalcenter.am

Սպիրոմետրիան հետազոտություն է, որը որոշում է, թե որքանով են առողջ Ձեր թոքերը, ինչպես նաև կիրառվում է  թոքերի հիվանդությունների ախտորոշման և վերահսկման համար։ Հետազոտության ժամանակ...

Շնչառական համակարգ
Մեզի լաբորատոր հետազոտություն. ինչպե՞ս ճիշտ հանձնել. armeniamedicalcenter.am
Մեզի լաբորատոր հետազոտություն. ինչպե՞ս ճիշտ հանձնել. armeniamedicalcenter.am

Ե՞րբ է նշանակվում մեզի հետազոտություն:

Մեզի լաբորատոր հետազոտություն նշանակվում է...

Արյան լաբորատոր հետազոտություն. armeniamedicalcenter.am
Արյան լաբորատոր հետազոտություն. armeniamedicalcenter.am

Արյան ընդհանուր հետազոտման ցուցանիշներից են՝ հեմոգլոբինը, էրիթրոցիտները, լեյկոցիտները, թրոմբոցիտները: Կենսաքիմիական հետազոտության ցուցանիշներից են՝ գլյուկոզան, ընդհանուր սպիտակուցը...

Գլխացավի դեպքում ե՞րբ ավելի մանրամասն հետազոտել. վտանգավորության նշանները. nairimed.com
Գլխացավի դեպքում ե՞րբ ավելի մանրամասն հետազոտել. վտանգավորության նշանները. nairimed.com

Գլխացավով մարդիկ, դիմելով խորհրդատվության, հաճախ հարցնում են՝ նախօրոք ի՞նչ հետազոտություններ պետք է անցնել, որպեսզի առաջին այցը բժշկի մոտ առավելագույն արդյունավետ անցնի...

Ցավ Թերապիա
Նախապատրաստում ենք ՈՒՁ հետազոտության. nairimed.com
Նախապատրաստում ենք ՈՒՁ հետազոտության. nairimed.com

Որովայնի խոռոչի ուլտրաձայնային հետազոտությունն (ՈՒՁՀ) իրականացվում է քաղցած, նախքան հետազոտությունը 3 օր սննդակարգից բացառել հում բանջարեղենը, մրգերը, կաթը, սև հացը...

Գլխուղեղի և նրա անոթների մագնիսառեզոնանսային տոմոգրաֆիա (ՄՌՏ). nairimed.com
Գլխուղեղի և նրա անոթների մագնիսառեզոնանսային տոմոգրաֆիա (ՄՌՏ). nairimed.com

Գանգուղեղային վնասվածք (ՄՌՏ իրականացվում է համակարգչային տոմոգրաֆիայից (ՀՏ) հետո), ուղեղի արյան շրջանառության իշեմիկ կամ հեմոռագիկ բնույթի սուր խանգարում (ՄՌՏ իրականացվում է ՀՏ-ից հետո)...

Նյարդաբանություն
Հետազոտում ենք արտաքին շնչառության գործառույթը. nairimed.com
Հետազոտում ենք արտաքին շնչառության գործառույթը. nairimed.com

Արտաքին շնչառության գործառույթի ստուգումը թոքերի օդահարման գործառույթի հետազոտումն է՝ տարբեր շնչական մանևրների ժամանակ գրաֆիկական գրանցման օգնությամբ և համակարգչով ստացված տվյալների հետագա մշակմամբ...

Շնչառական համակարգ
Հիպերպրոտեինեմիա. armeniamedicalcenter.am
Հիպերպրոտեինեմիա. armeniamedicalcenter.am

Հիպերպրոտեինեմիան արյան մեջ սպիտակուցի քանակի բարձրացումն է, որը ենթադրում է որևէ հիվանդության արտահայտություն...

Ռենտգենը հղիության ժամանակ. morevmankan.am
Ռենտգենը հղիության ժամանակ. morevmankan.am

Հղի կինը պետք է շատ զգույշ լինի տարբեր հետազոտությունների նկատմամբ, ուշադրություն դարձնի հասանելիք ճառագայթմանը, դրա թույլատրելիությանը...

Հղիություն, ծննդաբերություն Պերինատոլոգիա, մանկաբարձություն և ուրո-գինեկոլոգիա Վնասվածքաբանություն և օրթոպեդիա

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ