8 առողջական խնդիր, որոնց մասին հուշում են մեր աչքերը. tert.am

Աչքերը ո՛չ միայն հոգու հայելին են, այլև յուրօրինակ պատուհան դեպի առողջական վիճակը: Աչքերը ևս կարող են հուշել մարդու մոտ առկա մի շարք հիվանդությունների մասին: Այս մասին գրում է supertastyrecipes.com-ը` ներկայացնելով այն երևույթները, որոնց պետք է ուշադրություն դարձնել:

Թափվող հոնքեր

Այս երևույթը վահանաձև գեղձի հիվանդության ախտանշիներից է, որի ժամանակ հոնքերի մեկ երրորդ մասն ինքնուրույն անհետանում է:

Տիկնակլունձ, որը չի լավանում

Եթե տիկնակլունձը չի լավանում երեք ամիս շարունակ կամ անընդհատ կրկնվում է նույն տեղում, դա կարող է հուշել քաղցկեղի հազվադեպ տեսակի` ճարպագեղձի քաղցկեղի մասին:

Աչքերի այրոց, աղոտ տեսողություն համակարգչից օգտվելիս

Սա համակարգչային տեսողության համախտանիշ է: Դա պատճառվում է կոնտրաստի բացակայությամբ համակարգչային էկրանի վրա, ինչպես նաև աչքերի ուժեղ լարումով:

Տեսողության մեջ առկա փոքրիկ կետ` առկայծող լույսերով կամ ալիքաձև գծերով

Այս անհանգիստ տեսողությունը կարող է պայմանավորված լինել միգրենով: Դա կարող է ուղեկցվել կամ չուղեկցվել գլխացավով:

Ակնագունդը դեղնավուն երանգ է ստանում

Սա դեղնախտի հայտնի ախտանիշն է: Սա պատահում է լյարդի գործառույթի խանգարման արդյունքում` նորածինների մոտ կամ լյարդի ու լեղապարկի խնդիրներ ունեցող մեծահասակների մոտ:

Ակնագնդերի արտանկում

Ակնագնդերի արտանկման պատճառը վահանաձև գեղձի գերակտիվությունն (հիպերթիրեոզ) է:

Տեսողության հանկարծակի վատացում, կորուստ կամ կրկնակի տեսողություն

Սրանք կաթվածի մասին նախազգուշացնող ախտանշաններ են:

Աղոտ տեսողություն

Շաքարախտով հիվանդ մարդկանց մոտ կամ ռիսկային գոտւմ գտնվողների մոտ ևս կարող է տեսողության վատթարացում նկատվել, ինչը երբեմն կարող է հանգեցնել կուրության:

Հարցեր, պատասխաններ, մեկնաբանություններ