Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ախտորոշում

Գլխավոր
Տեսասրահ

ՈՒԼՏՐԱԻՄԻՋԻՆԳ. հանդիպում Ռադիոլոգիայի գիտամեթոդական ախտորոշիչ կենտրոնի բժշկական գծով տնօրեն, դոցենտ, բ.գ.թ. Արամ Քոչարյանի հետ

ՈՒԼՏՐԱԻՄԻՋԻՆԳ. հանդիպում Ռադիոլոգիայի գիտամեթոդական ախտորոշիչ կենտրոնի բժշկական գծով տնօրեն, դոցենտ, բ.գ.թ. Արամ Քոչարյանի հետ

Ինչքան էլ հաստատուն քայլերով առաջ գնա բժշկությունը, նրա կարևոր հատվածը ախտորոշումն է:  Ճառագայթային ախտորոշման մագնիսական-ռեզոնանսային մեթոդն իր տեսակով եզակի է և գործնականորեն չունի հավասարը կենտրոնական նյարդային, ոսկրա-մկանային համակարգերի,  ողնաշարի և ներքին այլ օրգանների հիվանդությունների հետազոտման մեջ: 

 

ժամանակակից ախտորոշման այս և այլ մեթոդներ է առաջարկում «Ուլտրաիմիջինգ» գիտամեթոդական կենտրոնը, որի առիթով մենք զրուցեցինք ընկերության բժշկական գծով տնօրեն, դոցենտ, բ.գ.թ. Արամ Քոչարյանի հետ:

ՈՒԼՏՐԱԻՄԻՋԻՆԳ ռադիոլոգիայի գիտամեթոդական ախտորոշիչ կենտրոն–   Պարոն Քոչարյան, ինչպե՞ս և ե՞րբ է առաջացել «Ուլտրաիմիջինգի» ստեղծման գաղափարը:


–   Ինքս կրթությամբ բժիշկ-ռադիոլոգ եմ։ Դեռևս ուսանողական տարիներից, երբ մեր հայրենակից  Ռայմոնդ Դամադյանը 80-ականներին ժամանեց Հայաստան ու մեր բուհում, մագնիսական ռեզոնանսային մեթոդին վերաբերող դասախոսություն կարդաց, ինձ համար պարզ դարձավ, որ մասնագիտանալու եմ հենց այդ ուղղությամբ:1989 թ. բուհն ավարտելուց հետո փորձեցի աշխատանքի տեղավորվել: Դեռ այն տարիներին կար ժամանակակից սարքավորում` ռենտգենյան համակարգչային տոմոգրաֆ։ Սարքավորումը Հայաստան էր բերվել երկրաշարժից հետո: Մեթոդը ստիպեց խորանալու և ձեռք բերելու անատոմիական գիտելիքների մեծ պաշար, որը ստացա անատոմիայի ամբիոնում 3 տարվա աշխատանքային փորձով, իսկ ավելի ուշ ախտաբանական անատոմիայի բնագավառում պաշտպանեցի ատենախոսական թեզ: Ստանալով ռենտգենյան համակարգչային տոմոգրաֆիայի ոլորտում աշխատելու անհրաժեշտ գիտելիքներ, 1994 թ. ամբողջովին նվիրվեցի իմ սիրած աշխատանքին։ Կենտրոնում աշխատելու տարիներին` 1996 թ. Հայաստան ներկրվեց մագնիսա-ռեզոնանսային տոմոգրաֆ։ Այդ առիթով ինձ ուղարկեցին վերապատրաստման ԱՄՆ, ապա Սանկտ-Պետերբուրգ, Մոսկվա և Վիենա: Այդ ժամանակից ի վեր սկսվեց տոմոգրաֆի շահագործումը Հայաստանում: 2005 թ. ես ստացանք մեկ այլ կոմերցիոն առաջարկ, որն առիթ դարձավ հիմնել «Ուլտրաիմիջինգ» Ռադիոլոգիայի գիտամեթոդական ախտորոշման կենտրոնը:


ՈՒԼՏՐԱԻՄԻՋԻՆԳ ռադիոլոգիայի գիտամեթոդական ախտորոշիչ կենտրոն–   Ի՞նչ ծառայություններ է տրամադրում կենտրոնը:


–   Մասնագիտացել ենք ռենտգեն-համակարգչային և մագնիսա-ռեզոնանսային տոմոգրաֆիայի բնագավառում: Երկու ախտորոշման մեթոդների, ինչպես նաև ուլտրաձայնային տարբեր հետազոտությունների  հնարավորութունը բարձրացնում է արդյունավետությունն այն դեպքերում, երբ հիվանդին անհրաժեշտ է թե՛ մեկը, թե՛ մյուսը: Կենտրոնը երաշխավորում է անոթային ախտահարման, չարորակ ուռուցքների, ներքին օրգանների ախտաբանական փոփոխությունների, վնասվածքների և հոդերի հիվանդությունների ախտորոշման բարձր մակարդակ:


–   Ինչպե՞ս է տեղի ունենում հիվանդների ընդունումը  և սպասարկումը:


–   Մեր կենտրոն հիմնականում հիվանդները դիմում են բժշկի կողմից խորհրդատվություն ստանալուց հետո, երբ որակյալ գերժամանակակից ախտորոշման արդյունքերը ձեռքի տակ ունենալը դառնում է հույժ կարևոր: Կատարում ենք պետպատվերի շրջանակներում ծառայություններ, մասնակցում Երևանի Քաղաքապետարանի և Զինված ուժերի սպասարկման համար հայտարարված տենդերներին:  Մեր ընկերությունը հավատարմագրված է նաև մի քանի դեսպանատների և օտարերկրյա կազմակերպությունների կողմից: Մեզ հաճախ են դիմում հարևան երկրի` Վրաստանի քաղաքացիները։ Բանը նրանում է, որ Վրաստանը նույնպես ապահովված է գերժամանակակից սարքավորումներով: Այստեղ խոսքն արդեն վերաբերում է որակյալ մասնագետներին։


ՈՒԼՏՐԱԻՄԻՋԻՆԳ ռադիոլոգիայի գիտամեթոդական ախտորոշիչ կենտրոն–   Ինչո՞վ է առանձնանում «Ուլտրաիմիջինգը»:


–   Մեր ընկերությունն ունի մի շարք առանձնահատկություններ: Առաջին հերթին՝ թիմային գործելաոճն է, որ ստիպում է բոլորին նվիրվել գործին և մեկ-մեկու: Այստեղ թերանալն աշխատանքում, անուշադրությունը հիվանդի հանդեպ դառնում է անհնար, իսկ ծառայության մատուցման բարձր մակարդակն անվերապահորեն ապահովված է։

 

Հաջորդ առանձնահատկությունը. բոլոր ախտորոշման եզրակացությունները կայացվում են կոնսիլիումի հիման վրա: Դա բարձրացնում է ախտորոշման որակը, հնարավորինս նվազեցնում  սխալվելու վտանգը, օգնում սկսնակ մասնագետներին` ձեռք բերելու մասնագիտական փորձ: 


Եվս մեկ առանձնահատկություն. մեր բժիշկները տարեկան մեկ անգամ անցնում են վերապատրաստման դասընթաց, ծանոթանում իրենց մասնագիտական ոլորտի նորություններին: Մեր ընտրած ուղղությունն անընդհատ զարգացող է և արագ է առաջ ընթանում, հենց այդ առումով էլ պետք է օգնել մասնագետներին` իրենց իմացությամբ ու գիտելիքներով բավարարելու ժամանակի պահանջներին։

 

ՈՒԼՏՐԱԻՄԻՋԻՆԳ ռադիոլոգիայի գիտամեթոդական ախտորոշիչ կենտրոն–   Որտե՞ղ են վերապատրաստվում Ձեր մասնագետները:


–   Մեր անձնակազմը հնարավորություն չունի մեր երկրում վերապատրաստվելու, քանի որ հենց մեր մասնագետները, լինելով ռադոլոգիայի ամբիոնի աշխատակիցներ, այս ոլորտում բազային վերապատրաստման դերակատարում ունեն: Անգամ Ռուսաստանում վերապատրաստումն արդյունավետ չի համարվում մեր ժամանակներում և մեր մասնագետները վերապատրաստվում են եվրոպական երկրներում, որտեղ օրեցօր են զարգանում այս մեթոդները:


–   Ի՞նչ նպատակներ ունի կենտրոնը` կապվաժ ծառայությունների ընդլայնման հետ:


–   Նախատեսվում է նոր մեթոդների ներդրում, ավելի հզոր մագնիսա-ռեզոնանսային տոմոգրաֆի ներկրում, որը կունենա բուժական միջամտության անցկացման հնարավորություն: Նախատեսվում է նաև թվային ռենտգեն ախտորոշման սարքավորման ներկրում՝ հիվանդների ավելի լայն շրջանի սպասարկման համար:


ՈՒԼՏՐԱԻՄԻՋԻՆԳ ռադիոլոգիայի գիտամեթոդական ախտորոշիչ կենտրոն–   Մեր ավանդական հարցը. ի՞նչ կարգախոսով է առաջ շարժվում «Ուլտրաիմիջինգը»:


–   Թիմային մոտեցում. դա այն է, ինչով տարբերվում ենք նմանատիպ կենտրոններից: Այստեղ աշխատում է թիմ: Դա շատ բան է փոխում:  Մեզանից յուրաքանչյուրը կրում է իր գործընկերոջ և իր աշխատանքի առաջ պատասխանատվություն: Հիվանդին մենք ընդունում ենք որպես հարազատի:


Շուտով կենտրոնի գործունեության հետ ավելի մանրամասն հնարավոր կլինի ծանոթանալ մեր կայքի էջերում:

Հեղինակ. Նիկա Բաբայան
Սկզբնաղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Ուլտրաձայնային հետազոտությունը հոդային հիվանդությունների ժամանակ. հարցազրույց ռադիոլոգ էլլա Զուրաբյանի հետ. armeniamedicalcenter.am
Ուլտրաձայնային հետազոտությունը հոդային հիվանդությունների ժամանակ. հարցազրույց ռադիոլոգ էլլա Զուրաբյանի հետ. armeniamedicalcenter.am

Ի՞նչ է ուսումնասիրում հոդերի ուլտրաձայնային հետազոտությունը:

Հոդերի ուլտրաձայնային հետազոտությունը ոչ ինվազիվ, անցավ, բավականին տեղեկատվական մեթոդ է...

Վնասվածքաբանություն և օրթոպեդիա
Բժշկական հետազոտությունների նախապատրաստման ընդհանուր կանոնները
Բժշկական հետազոտությունների նախապատրաստման ընդհանուր կանոնները

Արյուն

Խորհուրդ է տրվում արյունը հանձնել առավոտյան մինչև ժամը 12-ը՝ քաղցած (մոտ 12 ժամ քաղցած մնալուց հետո)...

Արյան մեջ սպիտակուցի մակարդակի բարձրացում. nairimed.com
Արյան մեջ սպիտակուցի մակարդակի բարձրացում. nairimed.com

Սպիտակուցի քանակն արյան մեջ սպիտակուցային փոխանակության կարևոր ցուցանիշ է: Եթե սպիտակուցի քանակը բարձր է, անհրաժեշտ են համակարգային հետազոտություններ...

Լաբորատոր հետազոտություններ
Օնկոմարկերներ. ուռուցքաբան Վահագն Համբարձումյան. armeniamedicalcenter.am
Օնկոմարկերներ. ուռուցքաբան Վահագն Համբարձումյան. armeniamedicalcenter.am

Օնկոմարկերները սպիտակուցներ են, որոնք օրգանիզմում միշտ ինչ-որ չափով արտադրվում են: Նրանց քանակությունն ավելանում է ուռուցքների և բորբոքային գործընթացների դեպքում, երբ սկսում են արտադրվել նաև ուռուցքային կամ բորբոքված...

Ուռուցքաբանություն
Էնդոսկոպիա. հարցազրույց Անդրանիկ Ղազարյանի հետ. armeniamedicalcenter.am
Էնդոսկոպիա. հարցազրույց Անդրանիկ Ղազարյանի հետ. armeniamedicalcenter.am

Ի՞նչ է հետազոտում էնդոսկոպիան:

Էնդոսկոպիան հետազոտության եղանակ է, որ օգնությամբ հետազոտում են ամբողջ մարսողական համակարգը...

Գաստրոէնտերոլոգիա և լյարդաբանություն
Արյան մեջ սպիտակուցի մակարդակի բարձրացում. nairimed.com
Արյան մեջ սպիտակուցի մակարդակի բարձրացում. nairimed.com

Սպիտակուցի քանակն արյան մեջ սպիտակուցային փոխանակության կարևոր ցուցանիշ է: Եթե սպիտակուցի քանակը բարձր է, անհրաժեշտ են համակարգային հետազոտություններ...

Լաբորատոր հետազոտություններ
Ուլտրաձայնային հետազոտությունը հոդային հիվանդությունների ժամանակ. հարցազրույց ռադիոլոգ էլլա Զուրաբյանի հետ. armeniamedicalcenter.am
Ուլտրաձայնային հետազոտությունը հոդային հիվանդությունների ժամանակ. հարցազրույց ռադիոլոգ էլլա Զուրաբյանի հետ. armeniamedicalcenter.am

Ի՞նչ է ուսումնասիրում հոդերի ուլտրաձայնային հետազոտությունը:

Հոդերի ուլտրաձայնային հետազոտությունը ոչ ինվազիվ, անցավ, բավականին տեղեկատվական մեթոդ է...

Վնասվածքաբանություն և օրթոպեդիա
Բերանի խոռոչի ինքնազննում. nairimed.com
Բերանի խոռոչի ինքնազննում. nairimed.com

Չարորակ ուռուցքների դեմ պայքարի ամենաարդյունավետ եղանակներից է ուռուցքի նշանների վաղ հայտնաբերումը, ինչն առավել արդիական է բերանի խոռոչի քաղցկեղի դեպքում...

Քիթ-կոկորդ-ականջ հիվանդություններ
Ե՞րբ հետազոտել կուրծքը. կրծքագեղձի քաղցկեղ. erebunimed.com
Ե՞րբ հետազոտել կուրծքը. կրծքագեղձի քաղցկեղ. erebunimed.com

Ե՞րբ հետազոտել կրծքագեղձը, ահհրաժեշտ է կատարել ամենամյա հետազոտություն, թե՞ բժշկի դիմել, երբ արդեն կան գանգատներ: Թեման պարզաբանում է «Էրեբունի» ԲԿ մամոլոգիայի և կրծքագեղձի վիրաբուժության ծառայության...

Ուռուցքաբանություն
Թոքերի հետազոտում. սպիրոմետրիա. armeniamedicalcenter.am
Թոքերի հետազոտում. սպիրոմետրիա. armeniamedicalcenter.am

Սպիրոմետրիան հետազոտություն է, որը որոշում է, թե որքանով են առողջ Ձեր թոքերը, ինչպես նաև կիրառվում է  թոքերի հիվանդությունների ախտորոշման և վերահսկման համար։ Հետազոտության ժամանակ...

Շնչառական համակարգ
Մեզի լաբորատոր հետազոտություն. ինչպե՞ս ճիշտ հանձնել. armeniamedicalcenter.am
Մեզի լաբորատոր հետազոտություն. ինչպե՞ս ճիշտ հանձնել. armeniamedicalcenter.am

Ե՞րբ է նշանակվում մեզի հետազոտություն:

Մեզի լաբորատոր հետազոտություն նշանակվում է...

Արյան լաբորատոր հետազոտություն. armeniamedicalcenter.am
Արյան լաբորատոր հետազոտություն. armeniamedicalcenter.am

Արյան ընդհանուր հետազոտման ցուցանիշներից են՝ հեմոգլոբինը, էրիթրոցիտները, լեյկոցիտները, թրոմբոցիտները: Կենսաքիմիական հետազոտության ցուցանիշներից են՝ գլյուկոզան, ընդհանուր սպիտակուցը...

Գլխացավի դեպքում ե՞րբ ավելի մանրամասն հետազոտել. վտանգավորության նշանները. nairimed.com
Գլխացավի դեպքում ե՞րբ ավելի մանրամասն հետազոտել. վտանգավորության նշանները. nairimed.com

Գլխացավով մարդիկ, դիմելով խորհրդատվության, հաճախ հարցնում են՝ նախօրոք ի՞նչ հետազոտություններ պետք է անցնել, որպեսզի առաջին այցը բժշկի մոտ առավելագույն արդյունավետ անցնի...

Ցավ Թերապիա
Նախապատրաստում ենք ՈՒՁ հետազոտության. nairimed.com
Նախապատրաստում ենք ՈՒՁ հետազոտության. nairimed.com

Որովայնի խոռոչի ուլտրաձայնային հետազոտությունն (ՈՒՁՀ) իրականացվում է քաղցած, նախքան հետազոտությունը 3 օր սննդակարգից բացառել հում բանջարեղենը, մրգերը, կաթը, սև հացը...

Գլխուղեղի և նրա անոթների մագնիսառեզոնանսային տոմոգրաֆիա (ՄՌՏ). nairimed.com
Գլխուղեղի և նրա անոթների մագնիսառեզոնանսային տոմոգրաֆիա (ՄՌՏ). nairimed.com

Գանգուղեղային վնասվածք (ՄՌՏ իրականացվում է համակարգչային տոմոգրաֆիայից (ՀՏ) հետո), ուղեղի արյան շրջանառության իշեմիկ կամ հեմոռագիկ բնույթի սուր խանգարում (ՄՌՏ իրականացվում է ՀՏ-ից հետո)...

Նյարդաբանություն

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ