Մասնագետները պարզել են 27 ամենաանառողջ մասնագիտությունները. news.am

Ատամնաբույժների ու նրանց օգնականների մասնագիտությունն առաջին տեղն է զբաղեցրել ամենաանառողջ մասնագիտությունների ցանկում, քանի որ այդ մասնագետներն ամեն օր վտանգավոր ինֆեկցիաների հետ գործ ունեն:

Այդ ցանկը կազմել է Business Insider–ը՝ Occupational Information Network (O*NET) մասնագիտությունների ամերիկյան առ-ցանց բազայի տվյալների հիման վրա: Այդ բազայում հաշվի են առնված այս կամ այն ոլորտի աշխատանքային ռիսկերը: Ցանկ կազմելիս՝ մասնագետները հաշվի են առել մասնագիտության հետ կապակցված տարբեր ռիսկեր, օրինակ, վտանգավոր նյութերի ազդեցությունը, աշխատանքը հիվանդությունների ու վարակների հետ, վնասվածքներ ու ճառագայթում ստանալու հավանականությունը: Այդ բոլոր ռիսկերը գնահատվել են 0-ից 100 սանդղակով եւ մասնագիտություններից յուրաքանչյուրին վերջնական գնահատական է տրվել:

Այս ցանկում ատամնաբույժներին հաջորդում են բորտուղեկիցները (որոնց նույնպես վարակվելու մեծ վտանգ է սպառնում, քանի որ նրանք փակ տարածքում են աշխատում մարդկանց հետ, բացի դրանից նրանք կարող են վառվել այն սննդով կամ ըմպելիքներով, որոնք ուղեւորներին են բաժանում), անէսթեզիոլոգները, անասնաբույժներն ու մանկաբույժները:

Հետաքրքիր է, որ ամենաանառողջ 27 մասնագիտությունների ցանկում են հայտնվել նաեւ այն մարդիկ, ովքեր նախապատրաստում են մարմինը՝ հողին հանձնելուն, նրանք նույնպես, իրենց աշխատանքի բերումով, կարող են բախվել վտանգավոր քիմիկատների ու ինֆեկցիաների:

Ներկայացնում ենք անառողջ մասնագիտությունների ցանկն ու նրանց ստացած գնահատականները:

1. ատամնաբույժներ, ատամնաբուժական վիրաբույժներ ու նրանց օգնականները.  65.4 («անառողջության» ընդհանուր գնահատականը)
2. բորտուղեկիցներ.  62.3
3. անէսթեզիոլոգներ, նրանց օգնականներն ու բուժքույրերը.  62.3
4. անասնաբույժներ, նրանց օգնականներն ու տեխնիկները.  60.3
5. մանկաբույժներ.  60.2
6. իմիգրացիոն ու մաքսային տեսուչներ.  59.3
7. հիստոտեխնոլոգներ.  59
8. ջրազտման կայանների օպերատորներ.  58.2
9. ստացիոնար ինժեներներ ու կաթսայատների օպերատորներ.  57.7
10. վիրաբույժների օգնականներ, տեխնոլոգներ ու տեխնիկներ.  57.3
11. նավթային ու գազային աշտարակների օպերատորներ.  56
12. օդաչուներ, երկրորդ օդաչուներ, բորտինժեներներ.  55. 7
13. մարդիկ, ովքեր բժշկական սարքավորումներ են պատարստում.  55.7
14. միջուկային սարքավորումների հարցերով օպերատորներ.  55.2
15. աղբ ու վերամշակվող նյութեր հավաքող մարդիկ.  55
16. հրակայուն նյութերի վերանորոգողներ.  54.8
17. լեռնային արդյունաբերության մեջ գործածվող մեքենաների օպերատորներ.  54
18. շտապ օգնության տեխնիկներ ու ֆելդշերներ.  54
19. քիմիական գործարանների օպերատորներ.  53.7
20. սպասարկման բլոկի օպերատորներ /նավթի, գազի ու լեռնային արդյունաբերություն/.  53.7
21. ինտենսիվ թերապիայի բաժանմունքում աշխատող բուժքույրեր.  53.52
22. սառցախցերի մեխանիկներ.  53.3
23. միջուկային բժշկության տեխնոլոգներ.  53
24. մոնտաժնիկներ ու վերելակներ վերանորոգողներ.  52.8
25. դիահերձողներ.  52.8
26. մետաղանավթավերամշակման վառարանների օպերատորներ.  52.8
27. ռադիոլոգներ.  52.8

Հարցեր, պատասխաններ, մեկնաբանություններ