Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ֆարմացևտ պրակտիկ 4-5.2007 (4-5)

Հայկական բժշկական ասոցիացիա. կլինիկական այցեր

Հայկական բժշկական ասոցիացիա. կլինիկական այցեր

Հայկական բժշկական ասոցիացիա հասարակական կազմակերպության հիմնական նպատակն է. իր գործունեությամբ նպաստել Հայաստանում բժշկագիտության և գործնական բժշկության զարգացմանը և արդի չափանիշներին համապատասխան առողջապահական համակարգի ձևավորմանը։


Այս նպատակին հասնելու համար ասոցիացիան իր առջև դրել է մի շարք առաջնահերթ խնդիրներ, որոնցից մեկն էլ աջակցությունն է բժշկագիտության զարգացմանը ՀՀ մարզերում։ Ոչ մեկի համար գաղտնիք չէ, որ Հայաստանի մարզերում բնակչությունը հիմնականում հնարավորություն չունի ժամանակակից չափանիշներին համահունչ բուժօգնություն ստանալու։ Սրա պատճառները բազմաբնույթ են և բխում են մեր երկրի և մասնավորապես մարզերի առջև ծառացած մի շարք խնդիրներից, ինչպիսիք են` բնակչության կենսամակարդակի ու վճարունակության ցածր մակարդակը, տեղի բուժհաստատությունների չափազանց անբավարար տեխնիկական և կադրային հագեցվածությունը և այլն։ Բնական է, որ ՀԲԱ իր գործունեությամբ չի կարող ամբողջական լուծում տալ այս խնդիրներին, սակայն հավատարիմ է մնում իր կողմից որդեգրված քաղաքականությանը. այն է` երբեք չնահանջել դժվարությունների առջև և սեփական լուման ներդնել անգամ ամենաբարդ ու անլուծելի թվացող խնդիրների իրագործման հարցում։ Առաջնորդվելով հենց այս տրամաբանությամբ` ՀԲԱ կլինիկական հանձնախումբը 2004թ. նախաձեռնեց հանրապետության տարբեր մարզերում պարբերաբար կլինիկական այցերի կազմակերպումը։ Մինչ օրս այս կառույցը կազմակերպել է շուրջ երկու տասնյակ կլինիկական այցեր, որոնց ժամանակ բնակչության առավել խոցելի խմբերը անվճար բժշկական զննման, խորհրդատվության, հետագայում դինամիկ վերահսկման հնարավորություն են ստացել։

 

Այցերը երբեք չեն կազմակերպվում հախուռն կերպով. դրանց նախորդում են նախապատրաստական աշխատանքները առողջապահության մարզային կառույցների հետ, որոնք նախօրոք տեղական լրատվամիջոցների օգնությամբ բնակչությանը տեղեկացնում են պատրաստվող այցի մասին, կազմում անհրաժեշտ մասնագետների ցուցակը, կատարում հերթագրումներ։ Պատահական չէ նաև բնակավայրերի ընտրությունը։ Այցելությունները կատարվում են հիմնականում այն բնակավայրերում, որտեղ չկան բավարար քանակությամբ նեղ մասնագետներ ու համապատասխան սարքավորումներ։ 2004-2006թ.թ. կլինիկական այցեր են իրականացվել Սպիտակ, Գյումրի, Արթիկ, Ճամբարակ, Գավառ, Չարենցավան, Վանաձոր քաղաքներ, ինչպես նաև Երևանի, Գավառի և Գյումրու մանկատներ։ Այս այցերի ընթացքում անվճար բուժօգնություն են ստացել մի քանի հազար բնակիչներ, որոնք այժմ էլ գտնվում են բժշկական ասոցիացիայի բժիշկների հսկողության տակ։ Միևնույն ժամանակ կլինիկական հանձնախումբը մարզային բժիշկների համար հանրապետության առաջատար մասնագետների մասնակցությամբ կազմակերպում է գիտական սեմինարներ և "կլոր սեղաններ"` տարբեր հիվանդությունների բուժման ժամանակակից եղանակների վերաբերյալ։

 

Կլինիկական այցերի ընթացքում բժիշկների համար մի շարք զեկուցումներ են կարդացվել "Էպիլեպսիա. դասակարգում, ախտորոշում, բուժում", "Պարբերական հիվանդության ախտորոշման և բուժման ժամանակակից մեթոդներ", "Զարկերակային ճնշման ախտորոշման, բուժման ժամանակակից մեթոդները", "Թոքաբորբեր" և այլ թեմաներով։ Զեկուցումներ են ներկայացնում նաև ասոցիացիայի հետ համագործակցող "NYCOMED", "PLIVA", "PFIZER" և այլ դեղագործական ընկերությունների ներկայացուցիչները։ Նման համագործակցությունը հնարավորություն է տալիս Երևանի և մարզերի բժիշկների միջև առավել սերտ և օգտակար մասնագիտական կապեր հաստատել։ Շատ կարևոր է նաև այն փաստը, որ բժիշկներին անվճար տրամադրվում է Բրիտանական "Հայաստանի բարեկամներ" բարեգործական կազմակերպության աջակցությամբ տպագրված համապատասխան գրականություն` մի շարք հիվանդությունների բուժման ժամանակակից սխեմաների և նորագույն դեղամիջոցների կիրառման վերաբերյալ։ Այս շարքից են` "Ապացուցողական բժշկության հիմունքներ", "Ուղեղի կաթվածի առաջնային կանխարգելումը" մեթոդական ձեռնարկները, "Կոլոռեկտալ քաղցկեղ", "Օստեոարթրիտ", "Ինչպե՞ս կանխել ուղեղի կաթվածը", "Դիաբետը հիվանդություն չէ, այլ ապրելակերպ", "Զարկերակային գերճնշում", "Սրտի իշեմիկ հիվանդություն։ Սրտամկանի ինֆարկտ", "Պրոստատիտ", "Զգուշացի՛ր պալարախտից" մեթոդական նյութերը։

 

Բացի այդ, կլինիկական հանձնախումբը պարբերաբար կազմակերպում է "կլոր սեղաններ" Երևանի տարբեր կլինիկաների բժիշկների համար։ Այս միջոցառումների նպատակն է նեղ շրջանակում (շուրջ 30-40 բժիշկների մասնակցությամբ) քննարկել ներկայացվող խնդրի վերաբերյալ տվյալ պահի արդիական հարցերը։ Արդեն իրականացվել են բազմաթիվ քննարկումներ` "Նեյրոգիտության հակասությունների տրամաբանական բացատրությունները", "Հղիության հիպերտենզիվ խանգարումներ", "Քնի օբստրուկտիվ ապնոէի համախտանիշ՝ կլինիկական նշանակությունը և զարկերակային գերճնշման հետ կապը", "Նեյրոսիֆիլիս` պարետիկ և ոչ տիպիկ ցերեբրովասկուլյար ձևերի կոմբինացիա", "Տղամարդկանց անպտղության և հիպոգոնադիզմի ախտորոշման ժամանակակից մոտեցումները", "Ռինոպլաստիկան` թե' "բաց", թե' ''փակ" եղանակով'', "Պարբերական հիվանդությունը փսիխոսոմատիկ հիվանդությու՞ն է, թե ոչ" և այլն։

 

Այս և նմանատիպ միջոցառումները միշտ կլինեն ՀԲԱ կլինիկական հանձնախմբի աշխատանքային ուղղությունների շարքում` միաժամանակ հաշվի առնելով զարգացումների և նորամուծությունների մշտական անհրաժեշտությունը։

 

Հարկ ենք համարում նշել, որ ՀԲԱ դռները բաց են կազմակերպության աշխատաոճն ու նպատակները կիսող բոլոր բժիշկների համար, որոնք կարող են ակտիվորեն ընդգրկվել ինչպես իրականացվող, այնպես էլ նախատեսվող հետագա ծրագրերում` անդամակցելով նրա համապատասխան կառույցներին։ Միաժամանակ անհրաժեշտ ենք համարում նշել, որ ներկայացված բոլոր ծրագրերը իրականցվել ու իրականցվում են անվճար և կամավոր սկզբունքներով ու հարազատ են հիպոկրատյան սկզբունքներին։

 

P.S.
ՀԲԱ հատուկ շնորհակալություն է հայտնում "Աշտարակ Կաթ" ՓԲԸ և Բրիտանական "Հայաստանի բարեկամներ" բարեգործական կազմակերպություններին մեր ծրագրերին աջակցելու համար, ինչի շնորհիվ հնարավոր դարձավ կլինիկական այցերի համար անհրաժեշտ մի շարք բժշկական սարքավորումների ձեռքբերումը, որն էլ իր հերթին նպաստեց հատկապես հեռավոր գյուղեր կատարվող կլինիկական այցերի արդյունավետության բարձրացմանը։

Հեղինակ. Վահե Տեր-Մինասյան
Սկզբնաղբյուր. ՀՀ - Ամսագիր ''Ֆարմացևտ պրակտիկ'' 4-5-2007 (4-5)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

«Ֆարմացևտ պրակտիկ» ամսագրի խմμագրությանը «ԱրմենիաՎիժն» ՍՊԸ ադմիստրացիայից

Հարգելի խմբագրություն,
նախ և առաջ թույլ տվեք շնորհակալություն հայտնել Ձեզ այն կարևոր աշխատանքի համար, որ իրականացնում եք Հայաստանյան շուկայում առկա կեղծ դեղորայքների և կենսաբանական...

Ալերգիկ ռինոսինուսիտներ. կլինիկական ընթացքը, բուժումը

Քթի և հարակից խոռոչների ալերգիկ հիվանդությունները համարվում են ամենատարածված ալերգիկ պաթոլոգիան։ Աշխարհի տարբեր երկրների վիճակագրական տվյալները վկայում են, որ ներկայումս ալերգիկ ռինիտով...

Քիթ-կոկորդ-ականջ հիվանդություններ Ալերգոլոգիա
Ի՞նչ է քնի բժշկությունը: Քնի խանգարումները և նրանց բուժումը
Ի՞նչ է քնի բժշկությունը: Քնի խանգարումները և նրանց բուժումը

Քունը` ոչ հանուն առույգության, այլ` հանուն կյանքի

Ձեր ուշադրությանն ենք ներկայացնում հարցազրույց Երիտասարդ նյարդաբանների լիգայի նախագահ Սամսոն Խաչատրյանի հետ` նվիրված քնի բժշկությանը...

Ախտորոշում Քուն, քնի խանգարումներ Բժշկի ընդունարանում Բժիշկներ
Կեղծ բուժման իրական խնդիրը
Կեղծ բուժման իրական խնդիրը

Բնօրինակ և կեղծ տարբերակ... Այս երկուսի միջև եղած հավերժ բախումը... Պատկերացրեք` ինչ կատաղության մեջ կհայտնվեր մասնավոր հավաքածու ունեցող մեկը, որը Ռենուարի բնօրինակի փոխարեն...

Դեղագործական շուկա Հրատապ թեմա Հայաստանում
Դեղագործական ընկերությունների դերը բժիշկների իրազեկման գործում
Դեղագործական ընկերությունների դերը բժիշկների իրազեկման գործում

Կարելի է շատ հետաքրքիր կապ տեսնել, եթե ուսումնասիրեն դեղագործական ընկերությունների մարքեթինգային քաղաքականությունը։ Հատկապես երբ խոսքը վերաբերում է նոր դեղեր մշակող հզոր գիտաարտադրական...

Դեղագործական շուկա
Հասարակական առողջության հայկական ասոցիացիա
Հասարակական առողջության հայկական ասոցիացիա

«Հասարակական առողջության հայկական ասոցիացիա» հասարակական կազմակերպությունը (ՀԱՀԱ) ոչ պետական կազմակերպություն է, որն իր գործունեության ավելի քան 10 տարիների ընթացքում զգալի ներդրում է ունեցել...

Ասոցիացիաներ
Դեղագետ-նկարիչ` Լևոն Սարգսյան
Դեղագետ-նկարիչ` Լևոն Սարգսյան

Լևոն Սարգսյանը ծնվել է 1930 թ.` Երևանում, ծառայողի ընտանիքում։ 1943 թ. ընդունվել է Երևանի բժշկական տեխնիկումի դեղագործական բաժինը, որն ավարտել է 1946 թ.` ստանալով դեղագետի օգնականի որակավորում...

Հայ բժիշկերի կյանքից
Հայ բժշկապետ Մխիթար Հերացու գիտական և բժշկական գործունեությունը
Հայ բժշկապետ Մխիթար Հերացու գիտական և բժշկական գործունեությունը

Կիլիկյան Հայաստանի և նրա բժշկական դպրոցի հետ է կապված Մխիթար Հերացու գիտական և բժշկական բեղմնավոր գործնեությունը: «Մեծն Մխիթար» են կոչել նրան իր ժամանակակիցները ու հետագա...

Հայ բժիշկերի կյանքից
Երկար ժամանակ առանց ջրի դիմանալու ուղտի ընդունակությունը
Երկար ժամանակ առանց ջրի դիմանալու ուղտի ընդունակությունը

Երկար ժամանակ առանց ջրի դիմանալու ուղտի ընդունակությունը շարունակում է գրավել գիտնականների ուշադրությունը։ Իրաքի գիտնականները տասնվեցօրյա փորձ են կատարել, որի ընթացքում կենդանուն ջուր չեն տվել...

Գիտե՞ք, որ...
Էկզեմայի տեսակները և բուժումը
Էկզեմայի տեսակները և բուժումը

Այս հիվանդության անվանումը ծագում է հունարեն eczeo` եռալ բառից։ Տվյալ հիվանդության դեպքում մաշկի վրա գոյանում են բազմաթիվ մանր բշտիկներ, որոնք եռացող ջրի պղպջակների նման պայթում են` առաջացնելով...

Մաշկաբանություն
Քրոնիկ հոգնածության համախտանիշը որպես հիվանդություն
Քրոնիկ հոգնածության համախտանիշը որպես հիվանդություն

Այս հիվանդությանը թե՛ մերօրյա քաղաքակրթության հետևանք և թե՛ տեխնիկական առաջընթացի տխրահռչակ ''ձեռքբերում'' են անվանում։ Այն սկսվում է աննկատ, զարգանում աստիճանաբար և դժվարությամբ է ախտորոշվում...

Նարկոլոգիա և տոքսիկոլոգիա
Ի՞նչ հողի վրա են առաջանում կոնֆլիկտները և ինչպե՞ս խուսափել
Ի՞նչ հողի վրա են առաջանում կոնֆլիկտները և ինչպե՞ս խուսափել

Մենք բոլորս խաղաղասեր մարդիկ ենք, օժտված ենք իրավիճակներին լիովին համապատասխան գնահատական տալու և երկխոսության գնալու կարողությամբ։ Սակայն կյանքում ամեն բան պատահում է, և հարց է առաջանում...

Հոգեկան առողջություն Ես
B խմբի վիտամիններ . B9 (ֆոլացին), B12 (ցիանկոբալամին)
B խմբի վիտամիններ . B9 (ֆոլացին), B12 (ցիանկոբալամին)

Ֆոլացինը` որպես համաֆերմենտ, մասնակցում է տարաբնույթ ֆերմենտային ռեակցիաներին, կարևորագույն դեր և նշանակություն ունի ամինաթթուների նյութափոխանակության, պուրինային և պիրիմիդինային հիմքերի...

Վիտամիններ և միներալներ
Դիմահարդարումը հին Եգիպտոսում
Դիմահարդարումը հին Եգիպտոսում

«Ծերությունը վերափոխենք մշտնջենական երիտասարդության»; Մատուցվող հոդվածի վերնագիրը մեջբերված է հին եգիպտական ձեռագրերից#։ Գրվածքը վերաբերում է դիմահարդարանքին, և նշված...

Առողջ և գեղեցիկ Պատմության էջերից

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ