Աճուկային ցավ (Inguinal Pain). urolog.am

Աճուկը կամ աճուկային շրջանը հանդիսանում է որովայնի խոռոչի ստորին եզրի մի մասը՝ ազդրին մոտ: Այստեղ է գտնվում աճուկային խողովակը (լատ. canalis inguinalis), որի միջով անցնում են ազդրի խոշոր անոթները և տղամարդկանց մոտ սերմնալարը, իսկ կանանց մոտ արգանդի կլոր կապանը, այստեղ կարող են իջնել աղիների կանթերը՝ առաջացնելով ճողվածք:

Ցավ աճուկային շրջանում` տարբեր հիվանդությունների ժամանակ

Ցանկացած կողմում աճուկային շրջանում ցավի ժամանակ հարկ է դիմել բժշկին, քանի որ դա կարող է լինել ճողվածքի նշան: Աճուկային ճողվածքներն առաջանում են տեղային հենարանային հյուսվածքների թուլացման պատճառով, որը թույլ է տալիս աղիների կանթերը որովայնից սահեն աճուկ:  Ճողվածքը նկատելի է դառնում որպես աճուկային շրջանում ուռածություն՝ հատկապես կանգնած վիճակում:  Սակայն Դուք կարող եք ցավ զգալ առանց տեսանելի ուռածության: 

Տղամարդուն զննման ժամանակ բժիշկը կարող է թաքնված ճողվածքը հայտնաբերել մեկ մատը ամորձապարկ մտցնելու ճանապարհով: Ճողվածքը կարող է տհաճ բարդություններ առաջացնել օրգանիզմի համար:  Եթե բացվածքը համեմատաբար մեծ չէ, իսկ աղիների կանթը հարաբերականորեն մեծ է, ապա վերջինս կարող է սեղմվել կամ օղակվել: Եթե սա տեղի է ունենում, ապա այն կոչվում է  օղակված ճողվածք:  Օղակված ճողվածքը պահանջում է անհետաձգելի վիրահատություն, քանի որ խախտվում է օղակված աղու արյունամատակարարումը, ինչն էլ բերում է նրա քայքայման:

Կոնքի շրջանում (ադնեքսիտ, էնդոմետրիտ, պրոկտիտ, պարամետրիտ), ոտքերում առկա վարակը կարող է բերել աճուկային շրջանում ավշային հանգույցների մեծացման և ցավոտության: Կոնքի շրջանի վարակները հետևյալն են.

• ադնեքսիտ,
• էնդոմետրիտ,
• պրոկտիտ,
• պարամետրիտ:.

Աճուկային շրջանի ուռուցքները կարող են լինել քաղցկեղ կամ բարորակ ուռուցք: Այն կարող է լինել նաև սիֆիլիսի առաջնային շրջանի դրսևորում:

Ցածր տեղակայված երիկամային քարը, միզածորանի քարը նույնպես կարող են առաջացնել աճուկային շրջանի ցավ: Երիկամային խիթի նոպան առաջանում է հանկարծակի, կարող է տևել մի քանի րոպե, ժամեր և օրեր: Այն բնութագրվում է գոտկատեղի կամ թուլակողի շրջանում սուր ցավով, ճառագայթում է միզածորանի ընթացքով դեպի աճուկային շրջան, միզապարկ,  արտաքին սեռական օրգաններ: Հաճախակի միզարձակումը և մեզի մեջ արյունը օգնում են ճիշտ ախտորոշմանը:.

Եթե Ձեր աճուկային շրջանի ցավը կապված չէ ոչ ավշային հանգույցների մեծացման, ոչ երիկամներում քարի առկայության հետ, ապա այն կարող է առաջանալ ողնաշարի սկավառակի կողմից այդ շրջանը նյարդավորող նյարդերի ճմլման հետևանքով: Դրա պատճառը կարող է լինել ողնաշարի գոտկային շրջանի օստեոխոնդրոզը:

Սակայն հաճախ աճուկային շրջանում ցավը վկայում է միզասեռական վարակի և բորբոքման մասին, որոնք բերում են աճուկային շրջանում ավշային հանգույցների մեծացման և ցավոտության: Այդպիսի հիվանդությունների հետևանքով առաջացած ցավը վտանգավոր է տղամարդկանց համար, քանի որ դրա հետևանքով հնարավոր է .

• սեռական ակտիվության խանգարում,
• իմպոտենցիա,
• անպտղություն:

Սովորաբար նմանատիպ ցավերին ուղեկցում են այնպիսի ախտանիշներ, ինչպիսիք են դժվարացած կամ ցավոտ միզարձակումը, արյան մեջ մեզի առկայությունը, գոտկային շրջանի ցավերը: Եթե աճուկային ավշային հանգույցներն այտուցվել են, սակայն չեն ցավում, ապա դա կարող է լինել քողարկված սեռական վարակի դրսևորում:.

Աճուկային շրջանի ցավի պատճառների մեջ կարելի է առանձնացնել հետևյալ հիվանդությունները.

 

• աճուկային շրջանի վնասվածքներ,
• վեզիկուլիտ,
• սեռական հերպես տղամարդկանց մոտ,
• կոլիկուլիտ,
• էպիդիդիմիտ,
• որովայնի քրոնիկական պրոպտոզ,
• կրիպտօրխիզմ (ամորձին աճուկային խողովակում),
• ֆունիկուլյոզ, սերմնալարի լիպոմա,
• հեմատոմա (ազդրային զարկերակի պունկցիայից հետո),
• ոտքի ենթամաշկային մեծ երակի վարիկոզ հանգույց,
• ազդրային զարկերակի անևրիզմա:

Աճուկային շրջանում ցավերի առաջացման դեպքում անհրաժեշտ է դիմել գինեկոլոգին, ուրոլոգին, օնկոլոգին՝  պայմանավորված առաջացած ցավի առաջնային պատճառով:

Հարցեր, պատասխաններ, մեկնաբանություններ