Ե՞րբ է մեջքի ցավը խոսում ավելի լուրջ խնդիրների մասին. med.news.am

Մեջքի ցավերը կարող են խոսել ողնաշարի խնդիրների մասին: Սակայն դրանք կարող են նաեւ այլ պատճառ ունենալ,  նշում է Տագրիդ Հալիֆը Քլիվլենդի կլինիկայից:

Ողնաշարային խողովակի ստենոզ

Ողնաշարային խողովակի ստենոզը ցավերի ամենատարածված պատճառն է, որը կապ չունի վնասվածքների հետ: Ոսկրածուծի շուրջ հյուսվածքների նեղացումը սեղմում է նյարդերի վրա, ինչի արդյունքում ցավ ու անհարմարավետություն է առաջ գալիս:

Ողնաշարային խողովակի ստենոզ

• Ցավ մեջքի ստորին հատվածում,
• ջզաձգումներ՝ ոտքերում,
• ծանրություն՝ ոտքերում,
• ինջնելուց ցավն ուժեղանում է,
• ֆիզիկական ակտիվությունից ախտանիշները վատթարանում են,
• ցավը մեղմվում է, երբ թեքվում ես դեպի առաջ եւ հենվում որեւէ տեղ.

Հատկանշական է, որ, բժշկի խոսքով, 60-անց մարդկանց 21 տոկոսի մոտ ՄՌՏ սքանավորումից հետո այս խնդիրն, ամեն դեպքում, բացահայտվում է, եթե նույնիսկ նրանք ախտանիշներ չունեն:

Ինչպե՞ս տարբերել ավելի լուրջ խնդիրները

Ահա մի քանի խորհուրդ՝ առ այն, թե ինչպես տարբերել ստենոզը ավելի լուրջ խնդիրներից:

• Եթե ցավը վատթարանում է, երբ մարդը քայլում է ինչ-որ թեք հարթությամբ դեպի վեր, դա կարող է խոսոել պերիֆերիկ անոթների հիվանդության կամ արյունատար անոթներում կուտակումների մասին:
• Անոթների հիվանդության դեպքում ցավը չի անցնում՝ կռանալիս:
• Եթե ախտանիշները վատթարանում են երեկոյան, սակայն անցնում՝ մարզումներից հետո, դրանց պատճառը կարող է լինել նեյրոպաթիան:
• Եթե երիտասարդ մարդկանց մոտ մկանային ու ողնաշարային կաշկանդվածությունը 30 րոպեից ավելի է տեւում եւ վատթարանում չշարժվելու դեպքում, դա կարող է խոսել բորբոքային արթրիտի մասին:
• Այլ չկանխատեսված ախտանիշ, ինչպես քաշի հանկարծակի կորուստը, կարող է չարորակ ուռուցքի պատճառ լինել՝ շատ հազվադեպ, իհարկե, բայց անտեսել այս հավանականությունը պետք չէ:

Այս ախտանիշների ի հայտ գալու դեպքում ցանկալի է անհապաղ դիմել բժշկի:

Հարցեր, պատասխաններ, մեկնաբանություններ