Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Վիրաբուժություն

Ապենդիցիտ. հաճախ տրվող հարցերին պատասխանում է վիրաբույժ Հովհաննես Բատիկյանը. armeniamedicalcenter.am

Ապենդիցիտ. հաճախ տրվող հարցերին պատասխանում է վիրաբույժ Հովհաննես Բատիկյանը. armeniamedicalcenter.am

1. Ի՞նչ է ապենդիցիտը:

Ապենդիցիտը վիրաբուժական ամենատարածված հիվանդությունն է: Այն հաճախ նկատվում է երիտասարդ տարիքում, մեծամասամբ` կանանց մոտ:


Ապենդիցիտը որդանման ելունի բորբոքային հիվանդություն է: Որդանման ելունը սնամեջ օրգան է, որը սկսվում է կույր աղիքի գմբեթից՝ երեք ժապավենների միացման տեղից: Երկարությունը 5-10 սմ է, հաստությունը՝ 0,3-ից 1 սմ: Պատն ունի 4 շերտ՝ լորձային, ենթալորձային, մկանային և շճային: Լորձաթաղանթը հարուստ է ավշային ֆոլիկուլներով, որոնք պայմանավորում են որդանման ելունի մասնակցությունն իմունիտետի ձևավորմանը:


Որդանման ելունը ներորովայնամզային օրգան է և ունի միջընդերք, որի պատճառով շարժուն է և կարող է որովայնի խոռոչում գրավել տարբեր դիրքեր: Այն հաճախ ունենում է միջային դասավորություն, երբեմն կարող է իջնել փոքր կոնք, կամ տեղակայվել աջ թուլակողի շրջանում: Երբեմն որդանման ելունը տեղակայվում է կույր աղիքի հետևում (ռետրոցեկալ) և նույնիսկ հետորովայնամզային տարածության մեջ՝ (ռետրոպերիտոնեալ) հպվելով աջ միզածորանին կամ երիկամին: Առկա ցավերը պայմանավորված են տեղակայման դիրքով:

2. Որո՞նք են ապենդիցիտի զարգացմանը նպաստող գործոնները

Ապենդիցիտի առաջացման պատճառները բազմաթիվ են: Հիմնական զարգացման գործոններից են՝ ենթալորձային անոթների սնուցման խանգարումը (իշեմիա) և ելունի լուսանցքի խցանումը:


Ենթալորձային անոթների սնուցման խանգարումը փոքրացնում է լորձաթաղանթի դիմադրողականությունը, նվազեցնում նրա վերականգնողական հատկությունները, իսկ լուսանցքի խցանումը հանգեցնում է լուսանցքում առկա մանրէների զարգացմանը:
Սնուցման խանգարման հետևանքով կարող են առաջանալ տարբեր խանգարումներ, որոնց արդյունքում երևում են ապենդիցիտի առաջին նշանները:

3. Ապենդիցիտի առաջին նշանները:

Ապենդիցիտի առաջին նշաններն են` ընդհանուր թուլությունը, անհարմարության զգացումը, ախորժակի բացակայությունը, սրտխառնոցը, եզակի փսխումը, բերանի չորությունը, ենթատենդային ջերմությունը և այլն: Անոթազարկը սկզբում քիչ հաճախացած է, համապատասխանում է ջերմությանը: Ջերմության յուրաքանչյուր մեկ աստիճան բարձրանալու դեպքում անոթազարկը հաճախանում է մոտավորապես տասը զարկով: Այս գործընթացի զարգացման հետ միասին կարող են առաջանալ որովայնամզի գրգռման նշաններ: Կղարտադրությունը սովորաբար խանգարված չէ, սակայն կարող է դիտվել գազերի հեռացման դժվարացում: Կոնքում տեղակայվելու դեպքում կարող է դիտվել նաև լուծ։
Բացի ընդհանուր նշաններից կարող են լինել նաև տեղային նշաններ՝ ապենդիցիտին բնորոշ ախտանիշեր։
Ելունի հետորովայնամզային տեղակայման դեպքում դիտվում են ցավեր գոտկային շրջանում և կարող են ուղեկցվել հաճախամիզությամբ:

4. Որքա՞ն երկար է տևում ցավային համախտանիշը:

Ցավերի տևողությունը կարող է լինել մի քանի վայրկյանից մինչև 30-40 րոպե:
Բորբոքման հետագա զարգացման դեպքում ցավը կարող է կրել մշտական բնույթ:

5. Ինչո՞ւ են առաջանում ցավային նոպաներ:

Ցավային նոպաներն առաջանում են բորբոքման հետևանքով, որը բերում է ելունի պատերի լարվածության, նյարդային վերջույթների գրգռման, ինչպես նաև գործընթացի մեջ որովայնամիզի ընդգրկման:

6. Ինչպե՞ս են ախտորոշում:

Սուր ապենդիցիտն ախտորոշվում է՝ ելնելով հիվանդի գանգատներից, ցավերի բնույթից, տևողությունից, տեղակայումից: Բացի անամնեստիկ տվյալներից, կարևոր է հիվանդի օբյեկտիվ հետազոտությունը (ապենդիկուլյար ախտանիշերը, որովայնամզի գրգռման ախտանիշերը):
Հիվանդներն անհանգիստ են, ցավը մեղմելու նպատակով նրանք թեքվում են դեպի առաջ՝ ոտքը ծալած (հարկադրական դիրք):

7. Ի՞նչ հետազոտություններ են իրականացվում

Կատարվում են լաբորատոր և գործիքային հետազոտություններ: Լաբորատոր հետազոտություններից կարևորվում է արյան ընդհանուր քննությունը: Հայտնաբերվում է լեյկոցիտոզ, բարդություների դեպքում՝ լեյկոցիտային բանաձևի ձախ թեքում: Ախտորոշիչ նշանակություն ունի լեյկոցիտների աճի դինամիկան: Բնորոշ է նաև ԷՆԱ-ի բարձրացումը: Մեզում փոփոխություններ չեն լինում, սակայն ռետրոցեկալ տեղակայման դեպքում մեզում հայտնաբերվում են լեյկոցիտներ, էրիթրոցիտներ, սպիտակուց: Եթե առկա են ուղեկցող հիվանդություններ, ապա արյան հետազոտության ժամանակ կարող են հայտնաբերվել այլ փոփոխություններ:


Գործիքային հետազոտություններից կիրառվում է որովայնի գերձայնային հետազոտությունը, որի շնորիվ հնարավոր է սուր ապենդիցիտը տարբերակել որովայնի այլ օրգանների և հետորովայնամզային տարածության այլ վիրաբուժական հիվանդություններից: Երբեմն կարիք է լինում կատարել համակարգչային շերտագրություն, որն օգնում է հաստատելու ախտորոշումը: Կարևոր ախտորոշիչ և բուժական մեթոդ է լապարոսկոպիան: Ախտորոշելուց հետո հաճախ իրականացվում է լապարոսկոպիկ ապենդէկտոմիա:

8. Ո՞ր հիվանդությունների կլինիկական դրսևորումներն են նման ապենդիցիտին, ինչի՞ հետ կարելի է շփոթել:

Սուր ապենդիցիտը պետք է տարբերակել որովայնի խոռոչի սուր վիրաբուժական հիվանդություններից (սուր խոլեցիստիտ, սուր պանկրեատիտ, ստամոքսի և 12-մատնյա աղու խոցային հիվանդություն, սուր աղիքային անանցանելիություն և այլն), երիկամային խիթից, գինեկոլոգիական հիվանդություններից (հավելումների բորբոքում, ձվարանի ապոպլեքսիա, ալգոդիսմենորեա, արտարգանդային հղիություն և այլն):

9. Եթե ապեդիցիտ է ախտորոշվում հղիի մոտ…

Սուր ապենդիցիտը հղիության առաջին կեսում առանձնահատկություններ չունի: Հղիության երկրորդ կեսում արգանդի չափսերը մեծանալու հետևանքով կույր աղիքը և որդանման ելունը դեպի վեր են հրվում: Դրա հետևանքով ցավերի տեղակայումը փոխվում է: Դրանք կարող են ի հայտ գալ աջ ենթակողում: Հղիության այդ շրջանում որովայնի պատի մկանների խիստ ձգման հետևանքով նրանց պաշտպանական լարվածության հայտնաբերումը բավականին դժվարանում է: Եթե ելունը տեղակայված է մեծացած արգանդի հետին մասում, ապա որովայնամզի գրգռման ախտանիշները կարող են լինել ոչ հստակ կամ չորոշվել: Սուր ապենդիցիտը դիտվում է որպես սպառնացող վիժման վտանգ:

10. Կարելի՞ է հոգնա կատարել ապենդիցիտի ժամանակ:

Ցանկալի չի կատարել հոգնաներ, քանի որ հնարավոր են բարդություններ՝ ելունի թափածակում:

11. Ի՞նչ չարժե անել:

Սուր ապենդիցիտի ժամանակ չի կարելի տաքացնել ցավի շրջանը, որովհետև բորբոքային գործընթացի ժամանակ դա նպաստում է բորբոքման զարգացմանը: Չի կարելի կիրառել ցավազրկող միջոցներ: Ցավազրկող միջոցների կիրառման դեպքում բնորոշ գանգատները և կլինիկական արտահայտությունները խեղաթյուրվում են:

12. Ի՞նչ է ցանկալի անել:

Ցանկացած հիվանդության, այդ թվում նաև ապենդիցիտին բնորոշ գանգատների առկայության դեպքում անհրաժեշտ է դիմել բժշկի: Ինքնաբուժմամբ չի կարելի զբաղվել:

13. Բուժման ի՞նչ եղանակներ կան:

Ապենդիցիտի բուժումը վիրահատական է ցանկացած դեպքում՝ լապարոսկոպիկ կամ բաց եղանակով, բացառությամբ` ապենդիկուլյար ինֆիլտրատի: 3-5-րդ օրերից հետո, երբ ապենդիկուլյար ինֆիլտրատ է գոյանում, ցանկալի է այն բուժել պահպանողական եղանակով (նշանակել հակաբորբոքային, հակաբակտերիալ այլ միջոցներ, սահմանել դինամիկ հսկողություն): Ինֆիլտրատը կարող է ներծծվել կամ փոխակերպվել թարախակույտի: Եթե այն ներծծվում է, անհրաժեշտ է սպասել: Հիվանդի վիճակը լավանալուց հետո 2-3 ամիս անց պլանային կարգով, անհրաժեշտ հետազոտություններից հետո, անհրաժեշտ է կատարել ապենդեկտոմիա: Իսկ եթե ներսփռանքը թարախակալվում է, ապա անհրաժեշտ է վիրահատել:

14. Կարելի՞ է բուժել ապենդիցիտն առանց վիրահատության:

Ո՛չ, բուժման միակ եղանակը վիրահատական է:

15. Ի՞նչ բարդություններ կարող են լինել վիրահատությունից հետո:

Սուր ապենդիցիտի վիրահատությունց հետո կարող են լինել արյունահոսություն, ծայրատի անբավարարություն, պերիտոնիտ, միջգալարային, ենթաստոծանիական, ենթալյարդային և փոքր կոնքի թարախակույտեր, պիլեֆլեբիտ, սեպսիս:

16. Ինչպե՞ս սնվել վիրահատությունից հետո:

Վիրահատությանը հաջորդող ժամերին ցանկալի չէ, որ հիվանդը սնվի, սակայն քիչ քանակությամբ հեղուկ կարելի է: Վիրահատությանը հաջորդող օրերին անհրաժեշտ է ընդունել դյուրամարս, կալորիաներով հարուստ սնունդ: Մեկ շաբաթ անց մեծամասամբ որևէ սննդակարգ անհրաժեշտ չէ:

17. Որքա՞ն է վերականգնողական շրջանը:

Երբ վիրահատությունն իրականացվում է լապարոսկոպիկ եղանակով, հաջորդ օրը հիվանդին կարելի է դուրս գրել, եթե բարդություններ չեն լինում։


Բաց մեթոդով իրականացվող վիրահատության դեպքում` վերքի առկայությամբ պայմանավորված, հիվանդի աշխատունակությունը վերականգնվում է մեկ շաբաթ անց:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Իրավիճակները, երբ վիրաբույժին դիմելն անհրաժեշտ է
Իրավիճակները, երբ վիրաբույժին դիմելն անհրաժեշտ է

«Արթմեդ» ԲՎԿ ընդհանուր վիրաբուժության բաժանմունքը ժամանակակից վիրահատական գործիքներով ու սարքավորումներով հագեցած բաժանմունք է, որտեղ իրականացվում է ճողվածքների, մաստոպատիաների, աղեստամոքսային ոչ...

Բժշկի ընդունարանում
Աղիքային անանցանելիություն. nairimed.com
Աղիքային անանցանելիություն. nairimed.com

Աղիքային անանցանելիությունը համախտանիշ է, որը բնութագրվում է մարսողական ուղիով վերջինիս պարունակության դատարկման լրիվ կամ մասնակի խանգարմամբ՝ պայմանավորված մեխանիկական խոչընդոտով կամ աղիների շարժողական ֆունկցիայի խանգարմամբ...

Գաստրոէնտերոլոգիա և լյարդաբանություն
Էնդոսկոպիա. Հարցազրույց Վարյա Մոսոյանի հետ. armeniamedicalcenter.am
Էնդոսկոպիա. Հարցազրույց Վարյա Մոսոյանի հետ. armeniamedicalcenter.am

Ի՞նչ կասեք էնդոսկոպիկ ծառայության մասին

Արմենիա բժշկական հանրապետական կենտրոնի էնդոսկոպիկ ծառայությունը Երևան քաղաքի և հանրապետության...

Ախտորոշում
Ո՞ր դեպքում է անհրաժեշտ շտապ վիրահատել նորածնին. մանկական վիրաբույժի խուրհուրդը
Ո՞ր դեպքում է անհրաժեշտ շտապ վիրահատել նորածնին. մանկական վիրաբույժի խուրհուրդը

Բոլորն են երազում առողջ երեխա ունենալ, բայց ոչ բոլորն են գիտակցում, որ դրա համար նախ պետք է հոգալ սեփական առողջության մասին. Նման կարծիքի է «Շենգավիթ» բկ նորածնային և մանկական վիրաբուժության բաժանմունքի...

Մանկական հիվանդություններ
Ծամողական ֆունկցիան և հիշողությունը. nairimed.com
Ծամողական ֆունկցիան և հիշողությունը. nairimed.com

Վերջին տասնամյակներում մարդկության սննդակարգի բնույթի կտրուկ փոփոխությունը հանգեցրել է ծամողական ակտիվության նվազմանը։ Հայտնի է, որ ծամողական ակտիվության նվազումը բացասական ազդեցություն ունի դիմածնոտային...

Կրծքավանդակում ցավային համախտանիշը որովայնի խոռոչի հիվանդությունների ժամանակ. armeniamedicalcenter.am
Կրծքավանդակում ցավային համախտանիշը որովայնի խոռոչի հիվանդությունների ժամանակ. armeniamedicalcenter.am

Ցավային համախտանիշը բնորոշ է որովայնի խոռոչի շատ հիվանդությունների: էզոֆագիտի ժամանակ դիտվում է կրծոսկրի հետևում մշտական այրոց, կերակրափողի երկարությամբ ցավն ուժեղանում է կլման ժամանակ, կապված սառը...

Թերապիա
Ինչպե՞ս արագ ու առավելագույնս անցավ ազատվել թութքից
Ինչպե՞ս արագ ու առավելագույնս անցավ ազատվել թութքից

Կոլոպրոկտոլոգիական հիվանդությունների 90%-ի բուժումը հնարավոր է միայն վիրահատական միջամտությումբ: «Էրեբունի» բժշկական կենտրոնում իրականացվում է կոլոպրոկտոլոգիական վիրահատությունների ամբողջ ծավալը...

Գաստրոէնտերոլոգիա և լյարդաբանություն Բժշկի ընդունարանում
Ցավ աջ թուլակողում. armeniamedicalcenter.am
Ցավ աջ թուլակողում. armeniamedicalcenter.am

Աջ թուլակողում ցավերը կարող են առաջանալ սպոնտան` ընդհանուր լավ վիճակի ֆոնի վրա: Դա համարվում է տագնապային նշան, որը խոսում է որովայնի խոռոչի մեկ կամ մի քանի օրգանների ախտաբանության մասին: Ցավն օրգանիզմի բնական...

Ցավ
Վահանաձև գեղձի վիրահատությունը երբեք անհապաղ կամ շտապ չի իրականացվում. էնդոկրին վիրաբույժ Արամ Չոմոյան. nairimed.com
Վահանաձև գեղձի վիրահատությունը երբեք անհապաղ կամ շտապ չի իրականացվում. էնդոկրին վիրաբույժ Արամ Չոմոյան. nairimed.com

Հայաստանում, որպես յոդի պակասի էնդեմիկ գոտի, ցավոք, լայն տարածում ունեն վահանաձեւ գեղձի (ՎԳ) տարատեսակ հիվանդությունները: Հաշվի առնելով վերջին տարիներին ախտորոշիչ մեթոդների հնարավորությունների...

Ներզատաբանություն Բժշկի ընդունարանում
Փոքր մուտքերով մեծ արդյունքներ. ինչո՞ւ վիրահատվել լապարոսկոպիկ եղանակով
Փոքր մուտքերով մեծ արդյունքներ. ինչո՞ւ վիրահատվել լապարոսկոպիկ եղանակով

Ժամանակակից վիրաբուժության մեջ ներկայումս կարևորվում է ոչ միայն բուն վիրահատության արդյունավետությունը, այլև հետվիրահատական արագ ապաքինումը, կոսմետիկ առումով անցանկալի հետևանքներից խուսափելը...

Բժշկի ընդունարանում
Տարաբնույթ հիվանդությունների դեպքում ցավային համախտանիշի բուժումը Cosman RF-ի միջոցով. nairimed.com
Տարաբնույթ հիվանդությունների դեպքում ցավային համախտանիշի բուժումը Cosman RF-ի միջոցով. nairimed.com

Միջողային ճողվածքների աբլացիա

Փոքր չափի ճողվածքի դեպքում մենք առաջարկում ենք բուժում Cosman RF տեխնոլոգիայով` ոչ վիրահաատական եղանակով...

Նյարդաբանություն Ցավ
Թութքի բուժում՝ մեկ օրում Էրեբունի բժշկական կենտրոնում
Թութքի բուժում՝ մեկ օրում Էրեբունի բժշկական կենտրոնում

Թութքը (հեմորոյ)  կոլոպրոկտոլոգիայում ամենահաճախ հանդիպող պաթոլոգիան է, նրա տեսակարար կշիռը պրոկտոլոգիական հիվանդությունների մեջ կազմում է 40%: Հաճախականությունն ու վիրահատությունների մեծ ծավալը նպաստել են, որ աստիճանաբար զարգանան...

Գաստրոէնտերոլոգիա և լյարդաբանություն Բժշկի ընդունարանում
Միֆեր լապարոսկոպիայի մասին. oncology.am
Միֆեր լապարոսկոպիայի մասին. oncology.am

Ներկայում ուռուցքային հիվանդությունների վիրահատական բուժման մեջ լապարասկոպիայի առաջատար լինելը անհերքելի փաստ է: Նվազագույն ինվազիվ վիրահատությունների առավելություններն անվիճելի են: Չէ՞ որ միջամտության ամբողջ ծավալը...

Լապարոսկոպիայի առավելությունները. oncology.am
Լապարոսկոպիայի առավելությունները. oncology.am

Վիրաբուժության մի ամբողջ դարաշրջան կապված է մեծ կտրվածքների հետ: Հիմնականում սա պայմանավորված էր վիրահատողի հարմարավետությամբ...

Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com
Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com

Ի՞նչ է լապարոսկոպիկ վիրահատությունը

Լապարոսկոպիկ վիրահատությունները ժամանակակից վիրաբուժության անքակտելի մասն են,  որի ժամանակ...

Բժշկի ընդունարանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ