Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Վիրաբուժություն

Ինչ պետք է գիտենալ ճողվածքների մասին սկիզբը 2009-ի 4-ում

Ինչ պետք է գիտենալ ճողվածքների մասին սկիզբը 2009-ի 4-ում

Հոդվածի առաջին մասում անդրադարձանք ճողվածքների առաջացման պատճառներին, տեսակներին: Այժմ կանդրադառնանք բուժման եղանակներին:

 

Ճողվածքով հիվանդներին խորհուրդ է տրվում օգտագործել աղեկապ (բանդաժ): Մյուս դեպքերում, երբ վիրահատության համար հակացուցումներ չկան, խորհուրդ չի տրվում այն օգտագործել, քանի որ երկարատև կրելիս նպաստում է ճողվածքի դռների լայնացմանը և ճողվածքապարկի և ներքին օրգանների միջև կպումների առաջացմանը, որոնք հետագայում տեխնիկական դժվարություններ են ստեղծում վիրահատության ժամանակ:

 

Եթե օղակված ճողվածքների դեպքում անհրաժեշտ է շտապ վիրահատական միջամտություն, ապա ներուղղվող, չբարդացած, ինչպես նաև չներուղղվող ճողվածքների դեպքում դրա կարիքը չի լինում: Պլանային կարգով վիրահատության կատարումը սակայն չպետք է շատ ուշացնել, քանի որ ցանկացած պահի, նպաստավոր պայմանների դեպքում, կարող է ճողվածքն օղակվել` դառնալով կյանքի համար վտանգավոր բարդությունների պատճառ: Չբարդացած ճողվածքների վիրահատական բուժման ժամանակ հյուսվածքները հատելուց հետո ճողվածքապարկը հայտնաբերվում է, բացվում, ներսում եղած օրգանները ներուղղվում որովայնի խոռոչ, ապա վզիկի շրջանում կապելուց հետո այն հեռացվում է, որից հետո իրականացվում է վիրահատության վերջին և ամենակարևոր փուլը` որովայնի պատի վերականգնումը` պլաստիկան: Հենց այս փուլով է պայմանավորված թե վիրահատության հաջողությունը, թե հիվանդության կրկնության բացառումը: Հատկանշական է, որ վիրահատության մեկ ընդհանուր եղանակ և տեխնիկական կատարման ձև գոյություն չունեն: Մինչև այժմ ճողվածքների վիրահատական բուժման համար առաջարկված գրեթե 200 եղանակները բաժանվում են 2 մեծ խմբի.

 

  • աուտոպլաստիկ (ավանդական). այս դեպքում որովայնի պատի պլաստիկայի համար օգտագործվում են տեղային հյուսվածքները,
  • ալոպլաստիկ. կիրառվում են կենսաբանական կամ սինթետիկ նյութեր:

 

Վերջին տարիներին որոշ կլինիկաներում սահմանափակ ցուցումերով կիրառվում է ճողվածքների վիրահատական բուժումը ներդիտման եղանակով (լապարոսկոպի օգնությամբ), սակայն դրա հնարավորություններն ու ստացված արդյունքներն առանձնապես զգալի չեն: Առաջին խմբի` ավանդական եղանակներով վիրահատական բուժման հեռավոր արդյունքները բարենպաստ համարել չի կարելի, քանի որ մեծ թիվ են կազմում հիվանդության կրկնությունները (10-45%): Դրանց հաճախականությունը էապես տարբեր է` պայմանավորված ճողվածքի տեսակով, հիվանդի տարիքով և օրգանիզմի ու հյուսվածքների առանձնահատկություններով, վիրահատության եղանակով, վիրաբույժի որակավորումով և մի շարք այլ գործոններով: Կրկնությունների առաջացմանը նպաստում են հիվանդների տարիքը (ծերունական), ճարպակալումը կամ խիստ հյուծվածությունը, ճողվածքի շրջանում հյուսվածքների թերաճը և սկլերոզը, ուղեկցող հիվանդությունների առկայությունը (որոնց պատճառով ներորովայնային ճնշումը մշտապես բարձրանում է), ճողվածքի տեսակին ոչ համապատասխան վիրահատական եղանակի ընտրությունը և տեխնիկական սխալ լուծումները վիրահատության կատարման ընթացքում, հետվիրահատական վերքի թարախակալումը և մի շարք այլ գործոններ: Սույն հիմնախնդրի լուծման ուղիներից մեկը որովայնի պատի պրոթեզավորումն է ընտրանքային այլ նյութերի` բնական, օրգանական (մաշկ, փակեղ, կարծր ուղեղաթաղանթ) և արհեստական (պոլիմերներ) էքսպլանտատների` արտապատվաստների օգտագործմամբ: Որովայնի պատի պլաստիկայի համար առաջարկված և փորձարկված բազմաթիվ նյութերից ամենահուսալին պոլիպրոպիլենն է, որից պատրաստված ցանցերը հնարավորություն են ընձեռում փակելու ճողվածքային մեծ դեֆեկտները առանց որովայնի պատի ձգման, ուստի այն հատկապես ցուցված է հետվիրահատական վենտրալ` որովայնային և տարբեր տեղակայման կրկնված ճողվածքների ժամանակ, նաև այն դեպքերում, երբ տեղային հյուսվածքները կազմափոխված են, քայքայված, սկլերոզի ենթարկված, որովայնի պատը` թուլացած, որոնք պայմանավորված են հիվանդի տարիքով, մարմնակազմական առանձնահատկություններով և ուղեկցող հիվանդություններով: Պոլիպրոպիլենն իր ֆիզիկաքիմիկան և կենսաբանական հատկանիշներով չի խանգարում վերքի լավացման ընթացքին, թունավոր և ալերգիկ ազդեցություն չունի, կենսաբանորեն չեզոք է, չի ներծծվում, ֆերմենտների ազդեցությունից նրա ամրությունը և մյուս հատկանիշները չեն տուժում: Այսօր այն լավագույնն է եղած արհեստական բոլոր նյութերի շարքում և համարվում է «ոսկե ստանդարտ» ճողվածքների վիրաբուժության մեջ: Միաժամանակ պարզվել են այդ նյութի որոշ թերություններ:

 

 Նկ. ՄԻնչև վիրահատությունը   Վիրահատությունից հետո

 

Չնայած կենսաբանական տեսակետից չեզոք լինելուն, պոլիպրոպիլենին բնորոշ է վերքում բորբոքային ռեակցիայի առաջացումը, իսկ վարակի ներթափանցման դեպքում կարող է նաև վերքը թարախակալել: Բացի այդ, բորբոքային ռեակցիայի ժամանակ վերքի շրջանում ձևավորվում է կոպիտ թելավոր, պինդ սպիական հյուսվածք, որից ցանցը ձևափոխվում է` առաջ բերելով որովայնի պատում օտար մարմնի զգացում և շարժումների սահմանափակում: Շատ հեղինակների կարծիքով, հենց ցանցի կծկումն էլ դառնում է ճողվածքի կրկնության պատճառ, որը դիտվում է մինչև 4-7% դեպքում: Բացի այդ, վիրահատությունից հետո կարող են առաջանալ ճնշման, անհարմարավետության` դիսկոմֆորտի զգացում, շարժումների սահմանափակում և նևրալգիկ ցավեր: Ցանցի հետ հպվելիս հնարավոր է սերմնալարի ատրոֆիա: Ըստ գրականության տվյալների, նշված բարդությունները կազմում են 10-15%: Ալոտրանսպլանտատի հեռացման անհրաժեշտություն ծագում է վերքի ամբողջական թարախակալման դեպքում: 

 

Պոլիպրոպիլենային ցանցի օգտագործման շուրջ տասը տարիների մեր փորձը վկայում է, որ թեև եղել է ճողվածքի կրկնության մեկ դեպք, սակայն այլ բարդություններ չեն դիտվել: Դա խոսում է այն մասին, որ պետք է առաջնորդվել առաջին հերթին դրա կիրառման ցուցումներով: Թեև առ այսօր որովայնի պատի պլաստիկայի համար իդեալական որևէ նյութ գոյություն չունի, սակայն մեր ստացած արդյունքները թույլ են տալիս եզրակացնելու, որ ճիշտ ցուցումներով և տեխնիկական ճիշտ լուծումներով առաջնորդվելու դեպքում պոլիպրոպիլենային ցանցերի օգտագործումը էապես նպաստում է վիրահատական բուժման արդյունքների բարելավմանը:

Հեղինակ. Սասուն Գրիգորյան բ.գ.դ., պրոֆեսոր «Սուրբ Ներսես Մեծ» գիտաբժշկական կենտրոնից
Սկզբնաղբյուր. Առողջապահություն 1.2010 (286)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Աղիքային անանցանելիություն. nairimed.com
Աղիքային անանցանելիություն. nairimed.com

Աղիքային անանցանելիությունը համախտանիշ է, որը բնութագրվում է մարսողական ուղիով վերջինիս պարունակության դատարկման լրիվ կամ մասնակի խանգարմամբ՝ պայմանավորված մեխանիկական խոչընդոտով կամ աղիների շարժողական ֆունկցիայի խանգարմամբ...

Գաստրոէնտերոլոգիա և լյարդաբանություն
Էնդոսկոպիա. Հարցազրույց Վարյա Մոսոյանի հետ. armeniamedicalcenter.am
Էնդոսկոպիա. Հարցազրույց Վարյա Մոսոյանի հետ. armeniamedicalcenter.am

Ի՞նչ կասեք էնդոսկոպիկ ծառայության մասին

Արմենիա բժշկական հանրապետական կենտրոնի էնդոսկոպիկ ծառայությունը Երևան քաղաքի և հանրապետության...

Ախտորոշում
Ո՞ր դեպքում է անհրաժեշտ շտապ վիրահատել նորածնին. մանկական վիրաբույժի խուրհուրդը
Ո՞ր դեպքում է անհրաժեշտ շտապ վիրահատել նորածնին. մանկական վիրաբույժի խուրհուրդը

Բոլորն են երազում առողջ երեխա ունենալ, բայց ոչ բոլորն են գիտակցում, որ դրա համար նախ պետք է հոգալ սեփական առողջության մասին. Նման կարծիքի է «Շենգավիթ» բկ նորածնային և մանկական վիրաբուժության բաժանմունքի...

Մանկական հիվանդություններ
Ծամողական ֆունկցիան և հիշողությունը. nairimed.com
Ծամողական ֆունկցիան և հիշողությունը. nairimed.com

Վերջին տասնամյակներում մարդկության սննդակարգի բնույթի կտրուկ փոփոխությունը հանգեցրել է ծամողական ակտիվության նվազմանը։ Հայտնի է, որ ծամողական ակտիվության նվազումը բացասական ազդեցություն ունի դիմածնոտային...

Կրծքավանդակում ցավային համախտանիշը որովայնի խոռոչի հիվանդությունների ժամանակ. armeniamedicalcenter.am
Կրծքավանդակում ցավային համախտանիշը որովայնի խոռոչի հիվանդությունների ժամանակ. armeniamedicalcenter.am

Ցավային համախտանիշը բնորոշ է որովայնի խոռոչի շատ հիվանդությունների: էզոֆագիտի ժամանակ դիտվում է կրծոսկրի հետևում մշտական այրոց, կերակրափողի երկարությամբ ցավն ուժեղանում է կլման ժամանակ, կապված սառը...

Թերապիա
Ինչպե՞ս արագ ու առավելագույնս անցավ ազատվել թութքից
Ինչպե՞ս արագ ու առավելագույնս անցավ ազատվել թութքից

Կոլոպրոկտոլոգիական հիվանդությունների 90%-ի բուժումը հնարավոր է միայն վիրահատական միջամտությումբ: «Էրեբունի» բժշկական կենտրոնում իրականացվում է կոլոպրոկտոլոգիական վիրահատությունների ամբողջ ծավալը...

Գաստրոէնտերոլոգիա և լյարդաբանություն Բժշկի ընդունարանում
Ցավ աջ թուլակողում. armeniamedicalcenter.am
Ցավ աջ թուլակողում. armeniamedicalcenter.am

Աջ թուլակողում ցավերը կարող են առաջանալ սպոնտան` ընդհանուր լավ վիճակի ֆոնի վրա: Դա համարվում է տագնապային նշան, որը խոսում է որովայնի խոռոչի մեկ կամ մի քանի օրգանների ախտաբանության մասին: Ցավն օրգանիզմի բնական...

Ցավ
Վահանաձև գեղձի վիրահատությունը երբեք անհապաղ կամ շտապ չի իրականացվում. էնդոկրին վիրաբույժ Արամ Չոմոյան. nairimed.com
Վահանաձև գեղձի վիրահատությունը երբեք անհապաղ կամ շտապ չի իրականացվում. էնդոկրին վիրաբույժ Արամ Չոմոյան. nairimed.com

Հայաստանում, որպես յոդի պակասի էնդեմիկ գոտի, ցավոք, լայն տարածում ունեն վահանաձեւ գեղձի (ՎԳ) տարատեսակ հիվանդությունները: Հաշվի առնելով վերջին տարիներին ախտորոշիչ մեթոդների հնարավորությունների...

Ներզատաբանություն Բժշկի ընդունարանում
Փոքր մուտքերով մեծ արդյունքներ. ինչո՞ւ վիրահատվել լապարոսկոպիկ եղանակով
Փոքր մուտքերով մեծ արդյունքներ. ինչո՞ւ վիրահատվել լապարոսկոպիկ եղանակով

Ժամանակակից վիրաբուժության մեջ ներկայումս կարևորվում է ոչ միայն բուն վիրահատության արդյունավետությունը, այլև հետվիրահատական արագ ապաքինումը, կոսմետիկ առումով անցանկալի հետևանքներից խուսափելը...

Բժշկի ընդունարանում
Տարաբնույթ հիվանդությունների դեպքում ցավային համախտանիշի բուժումը Cosman RF-ի միջոցով. nairimed.com
Տարաբնույթ հիվանդությունների դեպքում ցավային համախտանիշի բուժումը Cosman RF-ի միջոցով. nairimed.com

Միջողային ճողվածքների աբլացիա

Փոքր չափի ճողվածքի դեպքում մենք առաջարկում ենք բուժում Cosman RF տեխնոլոգիայով` ոչ վիրահաատական եղանակով...

Նյարդաբանություն Ցավ
Թութքի բուժում՝ մեկ օրում Էրեբունի բժշկական կենտրոնում
Թութքի բուժում՝ մեկ օրում Էրեբունի բժշկական կենտրոնում

Թութքը (հեմորոյ)  կոլոպրոկտոլոգիայում ամենահաճախ հանդիպող պաթոլոգիան է, նրա տեսակարար կշիռը պրոկտոլոգիական հիվանդությունների մեջ կազմում է 40%: Հաճախականությունն ու վիրահատությունների մեծ ծավալը նպաստել են, որ աստիճանաբար զարգանան...

Գաստրոէնտերոլոգիա և լյարդաբանություն Բժշկի ընդունարանում
Միֆեր լապարոսկոպիայի մասին. oncology.am
Միֆեր լապարոսկոպիայի մասին. oncology.am

Ներկայում ուռուցքային հիվանդությունների վիրահատական բուժման մեջ լապարասկոպիայի առաջատար լինելը անհերքելի փաստ է: Նվազագույն ինվազիվ վիրահատությունների առավելություններն անվիճելի են: Չէ՞ որ միջամտության ամբողջ ծավալը...

Լապարոսկոպիայի առավելությունները. oncology.am
Լապարոսկոպիայի առավելությունները. oncology.am

Վիրաբուժության մի ամբողջ դարաշրջան կապված է մեծ կտրվածքների հետ: Հիմնականում սա պայմանավորված էր վիրահատողի հարմարավետությամբ...

Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com
Լապարոսկոպիկ վիրահատություն. հաճախ տրվող հարցերին պատասխանում է Տիգրան Լազրի Նալբանդյանը. izmirlianmedicalcenter.com

Ի՞նչ է լապարոսկոպիկ վիրահատությունը

Լապարոսկոպիկ վիրահատությունները ժամանակակից վիրաբուժության անքակտելի մասն են,  որի ժամանակ...

Բժշկի ընդունարանում
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com
Էպիթելային պոչուկային ուղիների բորբոքում՝ «պոչուկի կիստա» (Pilonidal sinus disease) արմատական բուժումը. հարցազրույց Ալեքսանդր Ղուրբանյանի հետ. izmirlianmedicalcenter.com

-Պրոկտոլոգիական հիվանդությունները Հայաստանում բավականին տարածված են և այդ հիվանդությունների շարքում տարածվածությամբ աչքի է ընկնում «պոչուկի կիստա» կոչվող՝ էպիթելային պոչուկային ուղիների բորբոքում...

Բժշկի ընդունարանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ