Արթրիտ. ախտանշանները, ախտորոշումը, բուժումը. armeniamedicalcenter.am

Արթրիտն արտահայտվում է օրգանիզմում որոշակի բորբոքային գործընթացով, որն ընդգրկում է կենսական օրգանները և հոդերը: Այն սկսում է հոդացավով, այտուցով, արտահայտվում են որոշ փոփոխություններ: Քայլելը նույնպես դառնում է ցավոտ և դժվար: Երբեմն ճրթճրթոց է լսվում ծնկներում կամ ձեռքի հոդերում: Ուշ շրջանում ցավերը բավականին ուժեղանում են:

Հիվանդությունը հանդիպում է տարբեր տարիքներում, սակայն ռիսկի խմբում միջին տարիքի կանայք են:

Հիվանդության տեսակները

Հիվանդությունը բաժանվում է չորս խմբի

• Ռևմատոիդ. ունի ծանր ընթացք և անցնում է քրոնիկ ընթացքի: Ինֆեկցիոն-ալերգիկ գործընթացների ֆոնի վրա պերիֆերիկ փոքր հոդերում ընթանում են դեստրուկտիվ փոփոխություններ:
• Վարակային. արյան հոսքով կամ վերքի միջոցով մանրէները թափանցում է հոդեր:
• Ռեակտիվ. աղիների և ուրոգենիտալ վարակների հետևանք է, հիվանդությունն ախտահարում է լորձաթաղանթները, մաշկը և այլն:
• Պոդագրիկ. ոչ վարակիչ տեսակն է, բնութագրվում է նյութափոխանակության խանգարումով և հոդերում աղերի կուտակումով:

Առաջնային հիվանդությունը զարգանում է որպես տարբեր գործոնների ազդեցությամբ հոդերի ախտահարման արդյունք, իսկ երկրորդային հիվանդությունը որոշակի հիվանդությունների հետևանք է:

Պատճառները

Հիվանդության նպաստող գործոններից և պատճառներից են.

• ժառանգական նախատրամադրվածությունը,
• վարակի թափանցումն` օրգանիզմ,
• տարբեր բարդ հիվանդությունների առկայությունը,
• ծանրաբեռնվածություն` հոդերի վրա,
• ավելորդ քաշ,
• հոդերի վնասվածքներ,
• վնասակար սովորություններ:

Ախտանշանները

• Շարժունակության դժվարացում,
• արտահայտված ցավեր` ախտահարման տեղում,
• մկանների սպազմ,
• թուլություն և քրտնոտություն,
• հոդերի այտուց,
• մաշկի տակ հանգույցներ,
• կոնյուկտիվիտ,
• մաշկային ցան:

Ախտորոշումը

Կարևոր է տարբերակել արթրիտը և արթրոզը:

Կատարվում են հետևյալ հետազոտությունները.

• ախտահարված շրջանի ռենտգենոգրաֆիա,
• ուլտրաձայնային հետազոտություն,
• համակարգչային տոմոգրաֆիա,
• սցինտիգրաֆիա,
• արթրոսկոպիա:

Բուժումը

Արթրիտը դժվար է ենթարկվում բուժման, առաջին իսկ ախտանշանների դեպքում պետք է դիմել մասնագետի:

Թերապիան ներառում է դեղորայքի ընդունում.

• ոչ ստերոիդային հակաբորբոքիչներ
• հակաբակտերիալ միջոցներ,
• նոր սերնդի հորմոնալ պատրաստուկներ:

Բորբոքային երևույթների վերացումից հետո անհրաժեշտ է բուժական մարմնամարզություն: Խիստ սննդակարգեր ցանկալի չեն, հարկ է սահմանափակել ալկոհոլը, յուղոտ և կծու մթերքը, աղը:

Հարցեր, պատասխաններ, մեկնաբանություններ