Անանուխի մզվածքն ու դարչինը կարող են բուժել քրոնիկ վերքերը. med.news.am

Անանուխի մզվածքն ու դարչինը կարող են օգնել քրոնիկ վերքերի բուժման գործում, պնդում են ԱՄՆ գիտնականները: Ավելին՝ նրանց հաջողվեց այս մթերքների մաս կազմող նյութով փոքր պարկուճներ պատրաստել, որոնք, հայտնվելով օրգանիզմում, վերացնում են պաթոգեն մանրէներն ու նպաստում առողջ հյուսվածքների աճին:

Եթերային մզվածքները հիդրոֆոբ հեղուկներ են, որոնք պարունակում են ծաղիկների ու բույսերի մզվածքներ: Ավելի վաղ գիտնականները պարզել էին, որ այս հեղուկները վառ արտահայտված հակամանրէային արդյունավետություն ունեն ու կարող են օգտագործվել վերքերի բուժման ժամանակ:

Հետազոտության ընթացքում անանուխի մզվածքն ու դարչինի ալդեհիդը (դարչինում պարունակվող նյութ, որը պատասխանատու է հոտի ու համի համար) տեղադրվել էին սիլիկոնե նանոմասնիկների մեջ: Այսպիսի մասնիկներ պարունակող միկրոպարկուճներն արդյունավետ էին մի շարք մանրէների դեմ պայքարում, ներառյալ՝ հակաբիոտիկակայուն մանրէները: Գիտնականները պարզել են նաև, որ այս համակցումն ապահովում է իբրոբլաստերի՝ վերքերի ապաքինման համար կարևոր բջիջների աճը:

Հետազոտության հեղինակները հույս են հայտնում, որ կկարողանան նոր նյութ ստեղծել՝ տարբեր հիգիենիկ միջոցներում օգտագործելու համար:

Հետազոտության մասին է հայտնում ACS Nano-ն:

Հարցեր, պատասխաններ, մեկնաբանություններ