Կոճեր (Hallux valgus). Կումուրյան պոդիատրիկ կլինիկան առաջարկում է արդյունավետ միջոցներ կոճերի առաջացումը և հետագա դեֆորմացիան կանխարգելելու համար

Ի հակադրություն տարածված կարծիքի, «կոճերը» բժշկական լեզվով դրսադարձ բթամատ (hallux valgus) ոսկրային գերաճեր չեն: Սրանք իրենցից ներկայացնում են ոտնաթաթի ոսկրերի դիրքի պրոգրեսիվող փոփոխություններ: Մասնավորապես, ոսկրը, որը մենք անվանում ենք «կոճ», 1-ին մետատարզալ ոսկրն է: Առաջին մետատատարզալ ոսկրը ոտնաթաթի լայնակի կամարի հարթեցմանը զուգընթաց, շարժվում է դեպի դուրս, փոխում է ոտանաթաթի ուրվագիծը, դառնում ավելի արտահայտիչ և ընդունվում է որպես կոճ:

Այսպիսով, 1-ին մետատարզալ ոսկրը շարժվում է մեկ ուղղությամբ, իսկ 1-ին մատը՝ մեկ այլ ուղղությամբ: Այս փոփոխություները հանգեցնում են 1-ին մատի հոդի նորմալ ուրվագծերի, փոխհարաբերությունների փոփոխության: Հոդի ոչ ճիշտ աշխատանքն իր հերթին է՛լ ավելի է մեծացնում դեֆորմացիները, առաջանում են կոշտուկներ և ցավեր:

Կոճերի մեծամասնությունն ունեն գենետիկ ծագում՝ մոտավորապես 90%, մնացած 10%-ը առաջանում են այնպիսի հիվանդություններից ինչպիսին է ռևմատոիդ արթրիտը: Այսպիսով, ինչպես նշվեց վերևում, մեխանիզմները, որոնք ժառանգվում են հանգեցնում են ոսկրերի նման փոփոխությունների:

Խնդիրը կանանց մոտ ավելի հաճախ է հանդիպում, քան տղամարդկանց մոտ՝ մոտավորապես 10:1 հարաբերությամբ: Արտաքին գործոնները, ինչպիսիք են նեղ և/կամ բարձրակրունկ կոշիկները, ժառանգական նախատրամադրվածություն ունեցող անձանց մոտ արագացնում են հիվանդության առաջընթացը: Սակայն պետք նշել, որ հիվանդության առաջացման մեջ ժառանգականությունն ունի որոշիչ դեր և միայն նեղ ու բարձրակրունկ կոշիկները չեն կարող առաջացնել «կոճեր»:

Ներկայումս «կոճերի» կանխարգելման և հիվանդության վաղ շրջանում կիրառվում են տարբեր տեսակի բրեյսներ, մատների գիշերային կորեկտորներ, կոշիկների տարբեր ներդիրներ: Անհատական ներդիրները, որոնք ունեն, այսպես կոչված՝ մետատարզալ բարձիկ, միտված են պահպանելու լայնակի կամարը և վերականգնելու ոտնաթաթի նորմալ ուրվագիծը:

Ցավոտ, խիստ արտահատված «կոճերի» պարագայում լայն և խորը կոշիկները կարող են նպաստել գանգատների մեղմացմանը: Միջոցները, որոնք պաշտպանում են խնդրահարույց շրջանը, ևս բավականին արդյունավետ են նշված ախտանիշները մեղմելու համար:
Վերը նշված մեթոդների անարդյունավետության պարագայում դիմում են տարբեր վիրահատական միջամտությունների:
Կումուրյան պոդիատրիկ կլինիկան առաջարկում է խնդրի վաղաժամ հայտնաբերում և վիրահատությունների կանխարգելում:
 

ԿՈՒՄՈՒՐՅԱՆ պոդիատրիկ կլինիկա

Հասցե` Հայաստան 0012, Երևան, Կոմիտաս 44

Հեռախոս` +374 60 61 62 63, +374 60 61 61 62

Էլ. հասցե` [email protected]

Հարցեր, պատասխաններ, մեկնաբանություններ