Մի՛ փորձեք տեղը գցել դուրս ընկած ուսը մարտաֆիլմերի հերոսների նման

Կինոֆիլմերում դուրս ընկած ուսը այնքան հեշտ են տեղը գցում. հերոսը նույն պահին ուսը տեղն է դնում եւ կրկին նետվում հարձակման։ Սակայն իրական կյանքում այդ վնասվածքը շատ ավելի լուրջ է, եւ այդքան էլ հեշտ չէ բուժել, ասում է Քլիվլենդի կլինիկայի օրթոպեդ Ջոզեֆ Սկարսելան։

Ուսը դուրս է ընկնում, երբ ուսոսկրը դուրս է գալիս ոսահոդի բնից։ Ուսը մարդու մարմնի ամենաշարժուն հոդն է, ինչը նրան ավելի ֆունկցիոնալ է դարձնում, բայց եւ ավելի հեշտ վնասվող, քան մնացած հոդերը։

Ինչպե՞ս իմանալ, արդյոք ուսը դուրս է ընկել։

Եթե այն իրականում դուրս է ընկել, դուք ուժեղ ցավեր կունենաք։ Ձեռքը կարող է թմրել եւ ուռել։ Եթե անգամ փորձեք ձեռքը շարժել, դուք չեք կարողանա դա անել, ասում է Սկարսելան։ Մի՛ փորձեք կրկնել այն, ինչ ցուցադրում են մարտաֆիլմերում՝ ոչ մի դեպքում մի փորձեք ինքնուրույն տեղը գցել ձեր կամ մեկ ուրիշի ուսը։ Դա պետք է անել միայն շտապօգնության բաժանմունքում, ասում է բժիշկը։

Մասնագետի օգնությանը սպասելով, ձեռքը միեւնույն դիրքում պահեք եւ վրան սառույց դրեք։ Հենց որ բժիշկն ուսը տեղը գցի, դուք թեթեւացում կզգաք, թեպետ այտուցը դեռ որոշ ժամանակ կարող է պահպանվել։ Բժիշկները հաճախ այտուցն ու ցավը անցնելուց հետո վերականգնողական վարժություններ են խորհուրդ տալիս։ Վարժություններն ուղղված են մկանների եւ ջլերի ամրապնդմանը՝ վնասվածքի կրկնումը կանխելու համար։ 

Հարցեր, պատասխաններ, մեկնաբանություններ