Հոլիվուդյան ժպիտի (վինիրների) դրական և բացասական կողմերը. հարցազրույց Wellmed ստոմատոլոգիական կենտրոնի ստոմատոլոգ-վիրաբույժ Վարդան Ստեփանյանի հետ

Հոլիվուդյան ժպիտ ունենալու գաղտնիքները բացահայտելու համար զրուցել ենք վերաբացված Wellmed ստոմատոլոգիական կենտրոնի ստոմատոլոգ-վիրաբույժ Վարդան Ստեփանյանին հետ:

- Ի՞նչ է  վինիրը, որը ներկայում բավականին մեծ պահանջարկ ունի:

- Veneer` թարգմանաբար նշանակում է պաշտպանող ծածկույթ: Դրանք օրթոպեդիկ կոնստրուկցիաներ են, որոնց միջոցով կարելի է փոխել ատամի գույնը և ձևը: Վինիրները, որպես այդպիսին, նորույթ չեն, նրանց պատմությունը սկսվում է Հոլիվուդից։ 1920-ականների վերջին կինոյի դերասանների համար մշակվեց կատարյալ ժպիտ ստեղծելու միջոց և ստոմատոլոգ Պինկուսը աստղերին նվիրեց գեղեցիկ, փայլուն ժպիտ: Վինիրներ կրել են Օդրի Հեփբերնը, Ջուդի Գարլանդը և շատ ուրիշներ: Աստղերի շրջանում ծառայության պահանջարկն էլ հենց հանգեցրել է «հոլիվուդյան ժպիտ» տերմինի առաջացմանը։ Տեխնոլոգիան, իհարկե, անկատար էր. առաջին վինիրները փխրուն էին և ոչ երկարաատև: Իսկ 1980-ականներին տեղի ունեցավ հեղափոխություն. բարելավվեց վինիրների տեղադրումը։ Այսպիսով, կարելի է ասել, սկսվեց էսթետիկ ստոմատոլոգիայի դարաշրջանը։

- Ինչպե՞ս վինիր ընտրել:

- Պացիենտի հետ խորհրդատվությունից հետո, նրան վինիրների տեսակների դրական և բացասական բոլոր ազդեցությունները մանրամասն ներկայացնելուց հետո միայն խորհուրդ է տրվում ընտրել վինիրներ: Վինիրները բաժանվում են երկու տեսակի՝ կոմպոզիտային և կերամիկական: Կոմպոզիտները պատրաստվում են ատամնաբույժի կողմից` հենց բերանի խոռոչում, դրանք ավելի քիչ դիմացկուն են և շատ ավելի էժան, քան` կերամիկականները։

Կերամիկական վինիրներն, իրենց հերթին, բաժանվում են մի քանի ենթատեսակների՝ դասական, ծայրահեղ բարակ, վինիրներ 360 և այլն։

Բոլոր դեպքում, կերամիկական վինիրները անհատական հեղինակային աշխատանք են, որը պահանջում է ատամնաբույժի և ատամնատեխնիկի բարձր որակավորում, որը ներկայում լիիրավ ապահովում է մեր  կլինիկան՝ Wellmed dental center-ը, որտեղ գործում է նաև թվային մեծ ատամնատեխնիկական լաբորատորիա:

- Արդյո՞ք ցավոտ է վինիրների տեղադրումը:

- Վինիրների ճիշտ, զգույշ և շատ նուրբ տեղադրումը գործընթացը դարձնում է անցավ:

- Որքա՞ն է վինիրների կյանքի տևողությունը:

- Ներկայում «Հոլիվուդյան ժպիտը» դարձել է երկարաժամկետ, հուսալի ու հասանելի բոլորին։ Կերամիկական վինիրները ծառայում են 20-30 տարի:

-  Արդյո՞ք կան տարիքային սահմանափակումներ վինիրների տեղադրման համար:

- Որպես այդպիսին, տարիքային խիստ սահմանափակումներ չկան: Սովորաբար, վինիրները տեղադրվում են 18 տարեկանից սկսած՝ էմալի գույնի փոփոխության, ոչ ուղիղ ատամնաշարի, ատամների միջև հեռավորություննեըն ծածկելու, էմալի վնասվածքների և այլ էսթետիկ շտկումների դեպքում:

- Կա՞, արդյոք, հատուկ խնամք:

- Այո, անհրաժեշտ է խնամք, քանի որ բերանի խոռոչի ճիշտ հիգիենան կերկարացնի վինիրների կյանքը: Օրը երկու անգամ (առավոտյան և երեկոյան) պետք լվանալ ատամները: Ցանկալի է ուտելուց հետո ողողել բերանը և օգտագործել ատամի թել։ Սնունդ ընդունելիս պետք է խուսափել ջերմաստիճանի կտրուկ փոփոխություններից. օրինակ՝ տաք սուրճից անմիջապես հետո պաղպաղակ չուտել։ Խորհուրդ չի տրվում ատամով կոտրել ընկույզ, սերմեր և այլ պինդ մթերք։ Բրուքսիզմի առկայության դեպքում գիշերը պետք է բերանային պաշտպանիչ կրել: Այս պարզ կանոնները կփրկեն կարիեսից և վինիրների վաղ վերականգնման անհրաժեշտությունից։

- WellMed-ում ատամների էստեթիկ գեղեցկության համար գործո՞ւմ են ապառիկ պայմաններ:

-  Այո, մեր կլինիկան տրամադրում է ապառիկ տարբերակ նաև բոլոր այն մարդկանց համար, ովքեր գնահատում են առողջ և գեղեցիկ ժպիտը:

- Ի՞նչ բարդություններ կարող են առաջանալ ոչ ճիշտ տեղադրված վինիրներից:

- Ոչ ճիշտ տեղադրված վինիրների արդյունքում առաջանում է վինիրների փշրում` կոտրում, իսկ առավել վտանգավոր՝ լնդերի ախտահարում՝, արյունահոսություն, ատամների գերզգայունություն, պուլպիտներ, ատամների գույնի փոփոխություն և այլն:

- Ո՞րքան ժամանակ է պահանջվում հոլիվուդյան ժպիտ ունենալու հանար:

- Եթե պացիենտի և ստոմոտոլոգի հետ համատեղ քննարկումների ընթացքում ամեն ինչ համաձայնեցվում է, ապա միջինը 14-16 օրվա ընթացքում վինիրները տեղադրվում են:

Հարցեր, պատասխաններ, մեկնաբանություններ