Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Սեքսոլոգիա

Վագինիզմ մարմինը ցանկանում է, հոգին` վախենում...

Վագինիզմ  մարմինը ցանկանում է, հոգին` վախենում...

Յուրաքանչյուր կին վախենում է «դա» անել առաջին անգամ: Իսկ եթե առաջին անգամ չէ՞: Եթե արդեն հազարերորդ անգամ ցավի հանդեպ վախը, անհարմարության զգացումը, լարվածությունը չեն անցնում, ստիպում են կնոջը ներքուստ ճնշվել և հասնել գրեթե ուշագնացության:

 

Այստեղ կան բոլոր հիմքերը խոսելու մի հիվանդության մասին, որով այսօր տառապում է կանանց 3-4 տոկոսը: Վագինիզմը բավական լայն տարածում ունի նաև Հայաստանում, ինչն ամուսնական զույգի համար լուրջ խնդիր է դառնում:

 

Վագինիզմը կրկնվող կամ մշտական ախտաբանական վիճակ է, որի ժամանակ տեղի է ունենում հեշտոցի մկանների արտաքին մեկ երրորդի ակամա ջղաձիգ կծկում` անհնարին դարձնելով սեռական հարաբերությունը:

 

Վագինիզմը հոգեբանական բնույթ ունի: Պատահում է, իհարկե, որ կնոջ օրգանիզմի այդ ռեակցիան առաջանում է օրգանների ոչ ճիշտ կառուցվածքի, սեռական համակարգի տարբեր հիվանդությունների պատճառով: Սակայն այս դեպքում երևույթը կոչվում է կեղծ վագինիզմ (պսևդովագինիզմ):

 

Վագինիզմը կուսական ամուսնության` վիրգոգամիայի պատճառ է դառնում: Ամուսիններն ապրում են համատեղ կյանքով` իբրև պարզապես ընկերներ: Եվ միայն երեխա ունենալու ցանկությունն է, որ նրանց կարող է ստիպել դիմելու բժշկի: Որոշ դեպքերում զույգերը դիմում են սեռական հարաբերության այլընտրանքային ձևերի, որը ժամանակավորապես լուծում է խնդիրը:

 

Վագինիզմին ավելի հակված են կանայք, որոնց բնավորությանը բնորոշ են հուզական անկայունությունը, կասկածամտությունը, նեղացկոտությունը, ներշնչվելու հատկությունը: Պետք է նշել նաև, որ նման կանանց մոտ ցավի ընկալման շեմը շատ ցածր է լինում:

 

Տարբերում են վագինիզմի 3 աստիճան:

 

  1. Կծկումներն առաջանում են սեռական ակտի կամ գինեկոլոգիական հետազոտության ժամանակ:
  2. Սեռական օրգանների շփման ժամանակ:
  3. Սպասվող սեռական ակտի կամ գինեկոլոգիական հետազոտության ենթարկվելու մտքից:

 

Վագինիզմի այն ձևը, երբ կինը սեռական մերձեցումից առաջ անհաղթահարելի վախ է զգում, կոչվում է ֆոբիական վագինիզմ: Կինը կարող է շատ քաջ գիտակցել իր վախի անհիմն լինելը, կարող է իրեն դրական տրամադրել, բայց, այնուամենայնիվ, ի վիճակի չէ հաղթահարելու այն: «Թուլանալու և հաճույք ստանալու» զուգընկերոջ անհամբերությունն ու պահանջը տվյալ դեպքում միայն ավելի են խորացնում նրա վիճակը: Իր անլիարժեքության զգացումը կնոջը հուսահատության և նոր բարդույթների է հասցնում:

 

Ֆոբիական վագինիզմի հիմքում ընկած է շատ ամուր կապը վախի ու սեռական ակտի միջև: Սովորաբար նման ձևով տառապում են տարբեր ֆոբիաների նկատմամբ հակում ունեցող կանայք: Նրանք հաճախ վախենում են նաև մթությունից, արյան տեսքից, իսկ կուսաթաղանթի պատռվելու «մղձավանջների» և «շատրվանանման արյունահորդումների» մասին պատմությունները կարող են իսկական խուճապ առաջացնել:

 

Սեռական ակտի սկզբում` ներհրման պահին իսկապես կարող է առաջանալ ցավային զգացողություն` պայմանավորված վերոնշյալ նախապաշարումներով: Տվյալ դեպքում ցավային զգացողությունը կապված է էրոտիկ ցածր գրգռվածության հետ, որը լյուբրիկացիայի` հեշտոցի խոնավացման հոգեբանական արգելակման հետևանք է: Արդյունքում նման կանանց մոտ ամրապնդվում է այն խորը համոզմունքը, որ սեռական ակտը ուղեկցվում է անտանելի ցավով, որն էլ դառնում է ցավի հանդեպ վախի և ջղաձիգ կծկման ձևով հակազդման պատճառ: Նշված դեպքերում ի հայտ են գալիս հուզական խանգարումներ` տագնապ, անհանգստություն, լարվածություն, ինչի հետևանքով նման կանայք խուսափում են բոլոր այն իրավիճակներից, երբեմն նույնիսկ մտքից, որոնց կարող է հաջորդել սեռական մերձեցումը, և, որպես կանոն, հրաժարվում են սեռական կյանքից ընդհանրապես:

 

Վագինիզմի մյուս տարատեսակը հիստերիկ վագինիզմն է, որին բնորոշ է «փախուստ դեպի հիվանդություն» մեխանիզմը: Որպես կանոն, այն ունի ընտրողական բնույթ, այսինքն` ուղղված է կոնկրետ անձի, որի հետ կինը չի ցանկանում մերձենալ և կարող է դրսևորվել թե´ գիտակցապես, և թե´ անգիտակցաբար: Պատճառը կարող է լինել չսիրած մարդու հետ ամուսնությունը, զուգընկերոջ բնավորության որոշ գծեր, որոնք առաջացնում են հակակրանք և խոչընդոտում նորմալ սեռական կյանքին: Քանի որ հիմնական դրդապատճառը ընտրողականությունն է, ուստի հիստերիկ վագինիզմն անցնում է զուգընկերոջը փոխելուց հետո:

 

Սեքսոպաթոլոգները երբեմն կատակում են, թե վագինիզմը հիստերիկ կնոջ և կասկածամիտ տղամարդու միության հետևանք է: Սակայն գոյություն ունեն միանգամայն լուրջ պատճառներ, որոնք այս կամ այն կերպ կարող են ազդել հիվանդության զարգացման վրա:

 

Հաճախ աղջկա սխալ սեռական դաստիարակությունը կարող է ապագայում նրան վախ կամ զզվանք ներշնչել սեռական կյանքի նկատմամբ: Եթե կնոջ մեջ սեքսի նկատմամբ թյուր, ամոթալի վերաբերմունք է ստեղծվել, կամ նրա բացասական ռեակցիան պայմանավորված է ծնողների բացասական օրինակով, ապա հազիվ թե նրա մեջ առողջ և ճիշտ պատկերացում ձևավորվի սեռական կյանքի նկատմամբ: Ծնողների համար գաղտնիք չէ, որ նրանց երեխաները հետաքրքրվում են սեքսին վերաբերող հարցերով և իրենց սեռական օրգանների կառուցվածքով: Մանուկ կամ դեռահաս աղջիկներին ձեռնաշարժության, սեռական օրգաններին դիպչելու համար պատժելը կարող է ապագայում ենթագիտակցորեն հոգեբանական ճնշում գործադրել: Հետևաբար երեխաներին երբեք չպետք է պատժել նման արարքների համար. իմաստուն և խելացի ծնողները նրա ուշադրությունը պարզապես աննկատելիորեն կշեղեն:

 

Վագինիզմը կարող է նաև զուգընկերոջ կոպիտ վերաբերմունքի, բռնության կամ կուսաթաղանթի ցավոտ պատռման հետևանք լինել: Տվյալ դեպքում կնոջ ուղեղը հիշում և ֆիքսում է բացասական փորձը, ու յուրաքանչյուր հաջորդ սեռական ակտի ժամանակ ենթագիտակցորեն գործում է պաշտպանական մեխանիզմը. հեշտոցամուտքի մկաններն ակամա ջղաձիգ կծկվում են, ուստի վագինիզմն առավել հաճախ հանդիպում է երիտասարդ աղջիկների մոտ: Սակայն դա բնավ չի նշանակում, որ այն չի կարող հանդիպել ցանկացած տարիքում: Սեքսուալ փորձ ունեցող կինը նույնպես կարող է վագինիզմի զոհ դառնալ: Այն կարող է լինել հոգեբանական խորը սթրեսների և խանգարումների դեպքում: 

 

Կնոջ վախի հիմքում երբեմն ընկած են սեռական հարաբերության ժամանակ զուգընկերոջ վարքային առանձնահատկությունները, որոնք էլ պայմանավորված են զուգընկերոջ սեռական հարաբերության մասին փաստարկներով: Այսինքն` վագինիզմը երբեմն տղամարդու սեռական ոչ համարժեք վարքի դրսևորման հետևանք է: Տղամարդկանցից ոմանք սեռական հարաբերությունն ընդունում են որպես ինքնադրսևորման և ինքնակայացման միջոց` պայմանավորված իրենց անինքնավստահությամբ: Նման ամուսնական զույգի մոտ առաջին սեռական հարաբերության ժամանակ, երբ կինը, ելնելով վախի զգացումից, մի փոքր դիմադրում է, զուգընկերը թերարժեքությունից կամ անինքնավստահությունից դրդված ձեռնարկում է ամեն միջոց` կուսազրկումը իրականացնելու համար, երբեմն այն վերածվում է բռնության: Այս դեպքում կնոջ մոտ վախի զգացումը խորանում է` անհնարին դարձնելով նույնիսկ սեռական օրգաններին ձեռքով դիպչելը: 

 

Վագինիզմի հակված կինը կարող է նաև չկռահել իր խանգարման մասին: Առավել հաճախ սեռական կյանքի անհաջողությունները նա փոխհատուցում է ինքնաիրացման այլ եղանակներով, ինքն իրեն համոզում է, որ սեքսը այս կյանքում գլխավորը չէ: Հաճախ նման մտածելակերպը կապված է լինում տվյալ հասարակարգում արմատավորված սեռական կյանքի կուլտուրայի հետ: Գաղտնիք չէ, որ բազմաթիվ կանայք, հատկապես ավագ սերնդի, դաստիարակված են «կնոջը սեքսն անհրաժեշտ է միայն ծննդաբերելու նպատակով» սկզբունքով, ուստի իրենց կարգավիճակը դիտում են որպես թույլ սեռին բնորոշ ճակատագիր:

 

Նման դեպքում տղամարդը պետք է գտնի ոսկե միջինը, այսինքն` մի կողմից` չճնշի կնոջը «դիմացիր, բոլորի մոտ էլ ցավում է» արտահայտությամբ, մյուս կողմից` չձգտի խնդիրը բացարձականացնել, քանի որ անվճռականությունը և չափազանց մեղմությունը կարող են արջի ծառայություն մատուցել: 

 

Վագինիզմի բուժման համար կիրառվում են մի քանի մեթոդներ, որոնք ուղղված են սեռական ակտից կամ գինեկոլոգիական հետազոտությունից առաջ վախի զգացման հաղթահարմանը, վագինիզմի առաջացման պատճառների բացահայտմանը:

Հեղինակ. Վրեժ Շահրամանյան Երևանի Մխիթար Հերացու անվան ՊԲՀ սեքսոպաթոլոգիայի կլինիկայի բժիշկ-սեքսոպաթոլոգ, սեքսոլոգիայի ամբիոնի դասախոս
Սկզբնաղբյուր. Առողջապահություն 2.2012 (295)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...
Share |

Հարցեր, պատասխաններ, մեկնաբանություններ

Կարդացեք նաև

Ուռուցքաբանությունն ու սեռական կյանքը. oncology.am
Ուռուցքաբանությունն ու սեռական կյանքը. oncology.am

Ինտիմ կյանքում առաջանում են խնդիրներ մարդկանց մոտ, ովքեր ստանում են կամ արդեն ավարտել են ուռուցքաբանական բուժումը։ Պատճառը նրանում է, որ ուռուցքաբանական բուժումն իր հետքն է թողնում ինչպես հիվանդի ֆիզիկական վիճակի...

Սեռական կյանք Ուռուցքաբանություն
Ինչո՞ւմ է կայանում տղամարդու սեքսուալությունը. urolog.am
Ինչո՞ւմ է կայանում տղամարդու սեքսուալությունը. urolog.am

Մարդն իր ծնված օրվանից պատկանում է արական կամ իգական սեռին: Հենց դրանով է պայմանավորված նրա վարքագիծը, սովորությունները և կենսակերպը: Յուրաքանչյուր սեռի մոտ գոյություն ունի կախվածություն իր սեքսուալ ոլորտից: Սեքսուալությունը մարդու...

ՏՂԱՄԱՐԴ: Ինտիմ  
Ինչո՞ւմ է կայանում կնոջ սեքսուալությունը. urolog.am
Ինչո՞ւմ է կայանում կնոջ սեքսուալությունը. urolog.am

Չնայած սեքսուալության և նրա դրսևորման նորմաների մասին գիտնականների և փիլիսոփաների բազմաթիվ ձևակերպումներին՝ հասարակության մոտ պահպանվում են այս բառի փոքր-ինչ այլ պատկերացումներ: Հենց հասարակությունն է որոշում...

Սեռական կյանք ԿԻՆ: Ինտիմ
Սեքսուալություն հասկացությունը. urolog.am
Սեքսուալություն հասկացությունը. urolog.am

Այսպիսով, ի՞նչ է սեքսուալությունը: Իրականում սեքսուալությունը պարզապես մարդու բնավորության գիծ չէ, որը նրան տրված է ծնված օրվանից, այլ նրա որակների հավաքածու է, որի շնորհիվ նա գրավում է շրջապատի մարդկանց: Սեփական սեքսուալության...

Սեռական հոգեբանություն (ակնարկ). urolog.am
Սեռական հոգեբանություն (ակնարկ). urolog.am

Սեռական բժշկությունը հատուկ ուղղություն չէ, հոգեբանության մաս է կազմում, սակայն կարևոր է թե՛ մարմնական և թե՛ հոգեբանական բժշկության ցանկացած ոլորտում բուժական և կանխարգելիչ միջոցառումների կազմակերպման ժամանակ...

Ուրո-անդրոլոգիա
Ինչո՞ւ են տղամարդիկ արթնանում էրեկցիայով Why Do Men Get Morning Erections. urolog.am
Ինչո՞ւ են տղամարդիկ արթնանում էրեկցիայով Why Do Men Get Morning Erections. urolog.am

Առնանդամի առավոտյան էրեկցիան կամ գիշերային այտուցվածությունը ոչ միայն հետաքրքիր ֆիզիոլոգիական երևույթ է, այլ նաև բնութագրում է տղամարդու սեռական ֆունկցիան...

Ուրո-անդրոլոգիա ՏՂԱՄԱՐԴ: Ինտիմ  
Որո՞նք են վաղ սեռական կյանքի վտանգները (The risks of early sexual activity). urolog.am
Որո՞նք են վաղ սեռական կյանքի վտանգները (The risks of early sexual activity). urolog.am

Բժշկական տեսանկյունից ո՞ր տարիքից կարելի է սկսել սեռական հարաբերությունները: Արդյո՞ք կուսության վաղ կորստի վտանգ գոյություն ունի: Արդյո՞ք սեռական ժուժկալությունը վնասակար է...

Երեխայի դաստիարակությունը և հոգեկան առողջությունը
Կյանքն առանց սեքսի. առասպելներ և ճշմարտություն. urolog.am
Կյանքն առանց սեքսի. առասպելներ և ճշմարտություն. urolog.am

Սեքսը կարող է բացակայել կնոջ կյանքում տարբեր պատճառներով: Որոշներն այն ընդունում են որպես փաստ, որի հետ պետք է հաշտվել և սպասել «մինչև լավ ժամանակներ», մյուսները տագնապում են: Կան նաև այնպիսիները, ովքեր սեքսից...

Սեռական կյանք
ԱՄՆ-ում հավանություն են տվել «կանացի վիագրայի» արտադրությանը. 1in.am
ԱՄՆ-ում հավանություն են տվել «կանացի վիագրայի» արտադրությանը. 1in.am

ԱՄՆ Սննդամթերքի և դեղորայքի վերահսկողության հարցերով վարչությունը տվել է ֆլիբանսերին դեղի արտադրության թույլտվություն, որն ունի կանացի աֆրոդիզիակի հատկություններ։ Այս մասին հայտնում է BBC-ն...

ԼՈՒՐԵՐ: Կին. ինտիմ Լրահոս կանանց համար
Դիսպարեունիա՝ ցավոտ սեռական ակտ, որը խանգարում է ապրել միլիոնավոր կանանց. news.am
Դիսպարեունիա՝ ցավոտ սեռական ակտ, որը խանգարում է ապրել միլիոնավոր կանանց. news.am

Դիսպարեունիան ցավով ուղեկցվող սեռական ակտ է, որով տառապում են բազմաթիվ կանայք, ովքեր, սակայն, չեն կիսվում իրենց խնդիրներով՝ չնայած այն հանգամանքին, որ այս խնդրի բուժումը շատ պարզ է եւ...

ԿԻՆ: Ինտիմ
Ամենատարօրինակ սեռական շեղումներ. 1in.am
Ամենատարօրինակ սեռական շեղումներ. 1in.am

Սեռական նախասիրությունների և սեռական կյանքի այլ ինտիմ մանրամասների մասին ընդունված չէ խոսել պարկեշտ հասարակությունում, սակայն արգելված պտուղը քաղցր է, և մարդիկ...

Սեռական թուլության առաջին նախանշանները. news.am
Սեռական թուլության առաջին նախանշանները. news.am

Մասնագետները պնդում են, որ ծխող մարդկանց շրջանում տարատեսակ սեռական խնդիրներն առավել հաճախ են ի հայտ գալիս։ Մասնավորապես, ծխող տղամարդկանց մոտ բավական հաճախ...

Սեռական կյանք ՏՂԱՄԱՐԴ: Ինտիմ  
Բժիշկ Վրեժ Շահրամանյանի հետ. սեռական անկարողություն (իմպոտենցիա). հոգեբանական պատճառները (տեսագրություն)
Բժիշկ Վրեժ Շահրամանյանի հետ. սեռական անկարողություն (իմպոտենցիա). հոգեբանական պատճառները (տեսագրություն)

Տղամարդու պոտենցիայի (էրեկցիայի) հետ կապված դժվարությունները բոլոր տարիքային խմբերում հաճախ հանդիպող գանգատներից են: Սեռական ոչ մի խանգարում տղամարդուն այնքան մեծ անհանգստություն և հուսահատություն...

Սեռական կյանք Բժշկի ընդունարանում Բժիշկներ
Արական եւ իգական բջիջները մշտական պաշտպանության կարիք ունեն. med.news.am
Արական եւ իգական բջիջները մշտական պաշտպանության կարիք ունեն. med.news.am

Ինչու՞ եմ ես աղջիկ, իսկ ինչու՞ ես դու՝ տղա։ Որն է մեր գենդերային դերի կենսաբանական խթանը, եւ ինչպես է այն ազդում մեր կյանքի վրա։ Մինեսոթայի համալսարանի աշխատակիցները փորձել են հասկանալ կենդանիների...

Երբ տղամարդը ցանկանում է, բայց ոչինչ չի ստացվում. սեռական կարողության խանգարման պատճառները. ankakh.com
Երբ տղամարդը ցանկանում է, բայց ոչինչ չի ստացվում. սեռական կարողության խանգարման պատճառները. ankakh.com

Սեռական կարողության խանգարումը` իմպոտենցիան, ժամանակակից բժշկությունն անվանում է էրեկտիլ դիսֆունկցիա, այսինքն՝ գրգռվածության խանգարում...

Սեռական կյանք ՏՂԱՄԱՐԴ: Ինտիմ  

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ