Գինեկոլոգիական հիվանդություններ. morevmankan.am

Գինեկոլոգիական հիվանդությունները կնոջ սեռական գործունեության խանգարումներն են: Պատճառները կարող են լինել արտաքին գործոնները, և օրգանիզմում ընթացող գործընթացները: Առաջիններից են՝ վատ էկոլոգիան, սթրեսները, հաճախակի նոր զուգընկերներ ունենալը: Վարակիչ հիվանդությունները զարգանում են հիգիենիկ նորմաների խախտման, հակաբիոտիկների հաճախ և անվերահսկելի կիրառման դեպքերում:

Ներքին գործոններից են՝ օրգանների անոմալ զարգացումը, ոչ նորմալ տեղակայումը, հորմոնալ ֆոնի խանգարումը:

Հիվանդությունների վտանգը մեծանում է աբորտների, վիժումների ժամանակ:

Գինեկոլոգիական հիվանդությունները բաժանվում են 3 խմբի. վարակման արդյունքում ի հայտ եկած, հորմոնալ խանգարումների հետևանքով, կամ առաջացած ուռուցքների պատճառով:

Կանայք առավել հաճախ բժշկի դիմում են հետևյալ գանգատներով.

• սեռական ուղիներից ոչ տիպիկ արտադրություն,
• միջդաշտանային շրջանում` արյունահոսություն,
• Սեռական օրգանների շրջանում` քոր կամ այրոցի զգացում,
• միզարձակման կամ սեռական հարաբերության ժամանակ` խնդիրներ
• խոցեր և էրոզիաներ,
• ցավ` որովայնի ստորին շրջանում:

Գինեկոլոգիական հիվանդություների հետևանք կարող են լինել անպտղությունը, կրկնվող վիժումները, հղիության անկրելիությունը: Վարակի հետևանքով ի հայտ եկող հիվանդություներին բնորոշ են թարախային արտադրությունը, ցավոտ սեռական հարաբերությունը, ցանը: Էնդոկրին խանգարումները հետևանք են ամենորեան (դաշտանի ընդհատում), ցիկլի խանգարումը, արյունահոսությունը:  Նման ախտանշաններ արտահայտվում են նաև ուռուցքային խնդիրների ժամանակ:

Տարածված գինեկոլոգիական հիվանդություններ

Որոշ հիվանդություններ ընթանում են առանց արտաքին նշանների, անախտանիշ: Այդ պատճառով կանայք պետք է հաճախեն գինեկոլոգին նաև կանխարգելիչ նպատակով:

Ներկայում ամենատարածված հիվանդություններն են.

• վագինալ կանդիդոզը,
• կոլպիտը,
• արգանդի միոման,
• էնդոմետրիոզը,
• ձվարանների կիստան,
• արգանդի վզիկի դիսպլազիան:

Վագինալ կանդիդոզ առաջացնում են դրոժանման սնկերը: Միկրոօրգանիզմները կարող են լինել օրգանիզմում առանց որևէ արտահայտության, սակայն որևէ գործոնի ազդեցությամբ՝ վեներական հիվանդություն, հակաբիոտիկների ընդունում, իմունիտետի անկում և այլն, դրանք կարող են ակտիվանալ և դառնալ ախտածին:

Կոլպիտը բորբոքային հիվանդություն է, զարգանում է հեշտոցի լորձաթաղանթում, որին նպաստում են հորմոնալ խանգարումները, մեխանիկական կամ քիմիական ախտահարումները, անձնական հիգիենայի խախտումը:

Այլ ախտահարումներ

Բարորակ ուռուցքը, որն առաջանում է արգանդի մկանային շերտում, կոչվում է միոմա: Միոմայի ժամանակ դաշտանը դառնում է առատ, որովայնի ստորին շրջանում լինում է ճնշող ցավ: Այն ախտորոշվում է ՈՒՁՀ հետազոտությամբ:

էնդոմետրիոզն արգանդի էնդոմետրիումի ներքին շերտի սահմաններից դուրս գերաճն է, որը կարող առաջացնել մետաստազներ: Նոր օջախների կանխարգելման նպատակով անհրաժեշտ է ժամանակին բուժվել:

Ձվարանների կիստան հեղուկ պարունակությամբ նորագոյացությունն է: Վտանգ են ներկայացնում էնդոմետրիոդ և դերմոիդ կիստանեըը: Ախտանշաններն են՝ որովայնի ստորին հատվածում ցավի առկայությունը և դաշտանային ցիկլի խանգարումները:

Արգանդի վզիկի դիսպլազիան ատիպիկ բջիջների առկայությունն է: ժամանակի ընթացքում այն չբուժվելու դեպքում կարող է զարգանալ ուռուցքային  հիվանդություն: Սակայն վաղ շրջանում իրականացված բուժումը, սովորաբար, արդյունավետ է:

Հարցեր, պատասխաններ, մեկնաբանություններ