Էնդոմետրիոզի վիրահատական բուժումը. morevmankan.am

Էնդոմետրիոզը բնորոշվում է արգանդի լորձաթաղանթից դուրս էնդոմետրիումին նման հյուսվածքի աճով:

Հիվանդության պատճառները մինչ այժմ դեռ լիովին պարզ չեն: Շրջանառվում են տարբեր տեսություններ:

Հիվանդությունը բնորոշվում է կոնքի շրջանի ցավով, որը կարող է արտահայտվել նաև դաշտանի, սեռական հարաբերության ժամանակ, անեմիայով, քսվող շագանակագույն արտադրությամբ՝ հիմնականում ցիկլի երկրորդ կեսում, անպտղությամբ և այլն:

Էնդրիոմետրիոզը, հատկապես հիվանդության ագրեսիվ ընթացքի դեպքում, խիստ նվազեցնում է ոչ միայն կնոջ կյանքի որակը, այլ նաև հղիանալն ու հղիության ընթացքը:

Եվ հաճախ հարկ է լինում դիմել վիրահատական միջամտության, որի ցուցումներն են.

• Դեղորայքային բուժման անարդյունավետությունը,
• Տվյալ շրջանում ուժեղ ցավերը,
• 40-ից բարձր տարիքը,
• Ձվարաններում կիստաների առկայությունը,
• Անպտղությունը։

Էնդոմետրիոզի և ադենոմիոզի վիրահատական բուժումը

Լապարասկոպիկ վիրահատություններ հնարավոր է իրականացնել էնդոմետրիոզի բոլոր ձևերի և ցանկացած տարածվածության ժամանակ, այդ թվում՝ տարածված և խորը ինֆիլտրացված դեպքերում, երբ գործընթացում ընդգրկվել են նաև կոնքի հարևան հյուսվածքները և օրգանները /աղիներ, միզուղիներ, միզապարկ/, ինչպես նաև հետվիրահատական սպիների էնդոմետրիոզի դեպքում:

Ռադիկալ վիրահատություն իրականացվում է էնդոմետրիոզի տարածված ձևերի դեպքում, երբ առկա է անեմիա, արտահայտված ցավային ախտանիշ, որն ազդում է կյանքի բնականոն ընթացքի վրա:

Իրականացվում է հիստերէկտոմիա՝ առկա բոլոր էնդոմետրիոզային օջախների և փողերի /երկկողմանի/ հեռացումով:

Հարցեր, պատասխաններ, մեկնաբանություններ