Պերինատոլոգիա, մանկաբարձություն և ուրո-գինեկոլոգիա
Հղիության ընթացքում հետազոտություններ՝ վարակների առկայությունը պարզելու համար. tsnndatun.am
Հղիության ժամանակ ցանկացած վարակ վտանգավոր է, հատկապես սրացման վիճակում: Այդ պատճառով ցանկալի է օրգանիզմը հետազոտել նախքան հղիությունը: Եթե դա չի արվել, արյան լաբորատոր հետազոտություն պետք է իրականացվի արդեն հղիության ժամանակ և որքան շուտ, այնքան` լավ:
Անհրաժեշտ է հետազոտել TORCH-համակարգը, որը ներառում է միաժամանակ 4 վարակի հայտնաբերում՝ տօքսոպլազմոզ, կարմրախտ, ցիտոմեգալովիրուս և հերպեսի վիրուս: Այս հետազոտությունը պարտադիր է բոլոր կանանց համար, ովքեր պատրաստվում են մայր դառնալ:
RW (Syphilis RPR, միկրոպրեցիպիտացիայի ռեակցիա)
Այս հետազոտությունն իրակնացվում է սիֆիլիսը բացառելու համար, ընդ որում, հղիության ընթացքում` մի քանի անգամ:
Հաջորդ հետազոտություններն ուղղված են հեպատիտ В և С վարակների հայտնաբերմանը՝ HBs և HCV: Եթե պատասխանը դրական է, հաջորդիվ կատարվում են նաև այլ հետազոտություններ: Հեպատիտ В-ի դեմ պատվաստում ստացած կանանց մոտ հնարավոր է HBs անտիգենի հանդեպ հետազոտության պատասխանը դրական լինի: Ուստի պատվաստման մասին պետք է անպայման բժշկին տեղյակ պահել, կասկածելի դեպքերում կրկնակի հետազոտվել:
Հեպատիտ В կամ С հայտնաբերելու դեպքում անհրաժեշտ է դիմել վարակաբանի և կատարել նրա նշանակումները: Հեպատիտը վտանգավոր հիվանդություն է, որը կարող է մորից անցնել պտղին և վարակել նրան: Որոշ դեպքերում հեպատիտով հիվանդներին առաջարկվում է կեսարյան հատում:
Սեռավարակներ
Սեռավարակների հայտնաբերման համար քսուկը վերցվում է հեշտոցից: Այդ վարակներն են՝ գոնորեան, խլամիդիոզը, ուրեապլազմոզը, միկոպլազմոզը և այլն: Դրանք հաճախ պատճառ են դառնում վիժումների և պտղի մոտ տարբեր հիվանդությունների զարգացման: Դրանց առկայության դեպքում պետք է բուժվել բժշկի հսկողությամբ:
ՁԻԱՀ
Կնոջ մոտ դրական ՁԻԱՀ-ի դեպքում չի արգելվում հղիանալը և ծննդաբերելը: Այդ դեպքում պտղի վարակվելու հավանականությունը կազմում է 30 տոկոս: Այս վարակի առկայության դեպքում պետք է անմիջապես ներկայանալ մասնագիտական կենտրոններ՝ ավելի ճշգրիտ հետազոտության համար:
Եթե վերջնականապես հաստատվում է դրական պատասխանը, հղին պետք է հսկողության տակ գտնվի և ստանա հակավիրուսային բուժում:
Ծննդաբերությունից հետո երեխայի մոտ առաջին ամիսներին արյան մեջ ՁԻԱՀ-ի դեմ հակամարմիններ են հայտնաբերվում, բայց դա դեռ չի նշանակում, որ նա վարակված է, դրանք պարզապես մորից անցած հակամարմիններ են:
03.11.2018
|
|||||||||||||||||||||||||||||||||||||||||||||||||||
Fatal error: Uncaught Error: Call to a member function bind_param() on bool in /home/med-practic.com/public_html/classes/DatabaseManager_2.1.php(1230) : eval()'d code:1 Stack trace: #0 /home/med-practic.com/public_html/classes/DatabaseManager_2.1.php(1230): eval() #1 /home/med-practic.com/public_html/classes/DatabaseManager_2.1.php(727): TableManager->querySelectField() #2 /home/med-practic.com/public_html/classes/createPaging.class.php(71): TableManager->doSelect() #3 /home/med-practic.com/public_html/includes/include_article_comment.php(23): Paging->get_paging_result() #4 /home/med-practic.com/public_html/includes/include_article_more_1.php(84): require_once('/home/med-pract...') #5 /home/med-practic.com/public_html/article_more.php(115): require_once('/home/med-pract...') #6 {main} thrown in /home/med-practic.com/public_html/classes/DatabaseManager_2.1.php(1230) : eval()'d code on line 1















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ