Պերինատալ բժշկության խնդիրներին նվիրված առաջին գիտաժողովը Հայաստանում

Ապրիլի 5-ին առաջին անգամ Հայաստանում կազմակերպվեց պերինատալ բժշկության արդի խնդիրներին նվիրված միջազգային գիտաժողով, որին մասնակցելու նպատակով Երևան են ժամանել Ֆրենկ Չերվենակ` Նյու-Յոռքի Կորնելի համալսարանի մանկաբարծության և գինեկոլոգիայի ամբիոնի ոարիչ,պրոֆեսոր, Ժան-Կարլո Դի Ռենցո`պրոֆեսոր, Իտալիայի Պերուջո քաղաքի համալսարանի  մանկաբարծության և գինեկոլոգիայի ամբիոնի ղեկավար, Մանկբարձ-Գինեկոլոգների Միջազգային Ասոցիացիայի գլխավոր քարտուղար Ալեքսանդր Մակացարիա`ՌԲԳԱ թղթակից-անդամ ,բ.գ.դ. պրոֆեսոր , Սեչենովի անվ. Առաջին ՄՊԲՀ բժշկա-կանխարգելիչ ֆակուլտետի  մանկաբարծության և գինեկոլոգիայի ամբիոնի վարիչ Վիկտորիա Բիցաձե` Սեչենովի անվ. Առաջին ՄՊԲՀ բժշկա-կանխարգելիչ ֆակուլտետի  մանկաբարծության և պրակտիկ բժիշկներ: Այս աշխարհահռչակ գիտնականների այցը Հայաստան և նրանց փորձի փոխանակումը հղի կանանց և նորածինների առողջության ապահովման հարցում մեր երկրի մասնագետների հետ կազմակերպել էին ԲԵԶԵՆ դեղագործական ընկերութըունը և Հայաստանի Մանկաբարճ – Գինեկոլոգների և Նեոնատոլոգների ասոցիացիան
Պերինատոլոգիան մանկաբարձության նորագույն բաժիններից է, որն ուսումնասիրում է պտղի զարգացումը, ապահովում մոր, պտղի և նորածնի առողջության պահպանումը:

Կոնֆերանսի նպատակն է Հայաստանի մասնագետներին ներկայացնել միջազգային փորձը, ինչը կնպաստի մայրական և մանկական հիվանդացության ու մահացության իջեցմանը, ինչպես նաև նոր  մոտեցումների ներդրմանը (տե′ս հղումը` գիտաժողովի ծրագիրը):

Պերինոտոլոգիայի բնագավառում խնդիրների ու անելիքների մասին մի քանի հարցերի պատասխաններ ստացանք ՀՀ ԱՆ Պերինատոլոգիայի, մանկաբարձության և գինեկոլոգիայի հանրապետական կենտրոնի տնօրեն  Ռազմիկ Աբրահամյանից:

–   Պարոն Աբրահամյան, որո՞նք են պերինոտոլոգիայի արդիական խնդիրները:

–   Ինչպես ամբողջ աշխարհում, այնպես էլ մեր հանրապետությունում, ծննդօգնությունը, ծննդաբերությունը և պերինատալ բժշկությունն ունեն իրենց հիմնախնդիրները: Առաջնահերթ խնդիրներից է մայրական մահացությունը, իջեցման ուղիները, կանանց` հղիության ընթացքում ունեցած առողջական խնդիրները, ներարգանդային ինֆեկցիաները և էլի մի շարք խնդիրներ: Գիտաժողովի նպատակն է առաջատար մասնագետների փորձի փոխանակումը` ի նպաստ մայրական և նորածնային հիվանդացության ու  մահացության թվի նվազմանը:

–   Կարո՞ղ եք թվերով ներկայացնել առկա պատկերը:

–   Չնայած նրան, որ մենք մեծ հաջողություններ ենք գրանցել, այնուամենայնիվ, անելիքներ դեռ շատ կան: Եթե 10 տարի առաջ մահանում էին 25-30 կին, վերջին տարիներին մենք ունեցել են 3-4 դեպք:  Մահացության հիմնական պատճառը եղել է ոչ միայն ծննդաբերությունը, այլև հղիությանն ուղեկցող հիվանդությունները:  Առաջացող խնդիրների թիվն ավելի կնվազի, եթե  կանայք ժամանակին դիմեն բժշկի:

–   Տարվա ընթացքում քանի՞ ծնունդ է գրանցվել:

–   Եթե համեմատենք 2011-ի տվյալները  2012-ի հետ, ծնունդների քանակը բավականին աճել է: Շուրջ 41000 ծնունդ է գրանցվել: Դա մոտ 1200-ով ավելի է, քան 2011-ի ցուցանիշը:

Թե ի՞նչ խնդիրներ ունի պերինատալ բժշկությունը Հայաստանում, փորձեցինք պարզել Պերինատոլոգիայի, մանկաբարձության և գինեկոլոգիայի ինստիտուտի բաժանմունքի վարիչ Արմեն Բլբուլյանից:

–   Պարոն Բլբուլյան,  ներկայացրեք, խնդրեմ, պերինատալ ծառայության իրավիճակը Հայաստանում: Ի՞նչ խնդիրներ կան այս ասպարեզում և ո՞րն է գիտաժողովի բուն նպատակը:

–   Մեր խնդիրներն են մնում ծնելիությունը, մայրական մահացությունների թիվը և բնական աճի հրամայականը: Իհարկե, մենք հասել ենք որոշակի արդյունքի, բայց այս խնդիրները պերինատոլոգիայում դեռևս առկա են:  Գիտաժողովի շրջանակում հրավիրել ենք  ԱՄՆ-ի Կորնելի հանրահայտ բժշկական քոլեջի մանկաբարձության և գինեկոլոգիայի ամբիոնի վարիչ, պրոֆեսոր Ֆրենկ Չերվենակին, Մոսկվայի Սեչենովի անվան առաջին բժշկական համալսարանի մանկաբարձության և գինեկոլոգիայի ամբիոնի վարիչ, պրոֆեսոր Ալեքսանդր Մակացարիային և այլ անվանի բժիշկ-մասնագետների։ Հանդիպումը ճանաչված մասնագետների հետ հնարավորություն տվեց քննարկելու մեզ գոյություն ունեցող խնդիրները, և խորհրդակցելու ու պարզաբանելու լուծման ճանապարհները: Իհարկե մենք ունենք մեր փորձառությունն ու խնդիրների լուծման տարբերակները, սակայն փորձի փոխանակումը լավագույն մասնագետների հետ միշտ էլ արդյունավետ է:

Բացման և ողջյունի խոսքով հանդես եկան ՀՀ առողջապահության նախարար, բ.գ.դ., պրոֆեսոր Դերենիկ Դումանյանը, ՀՀ Ազգային ժողովի Առողջապահության, մայրության և մանկության հարցերի մշտական հանձնաժողովի նախագահ, բ.գ.դ., պրոֆեսոր Արա Բաբլոյանը և Վերարտադրողական առողջության, պերինատոլոգիայի, մանկաբարձության և գինեկոլոգիայի հանրապետական ինստիտուտի տնօրեն, ԱՆ գլխավոր մանկաբարձ-գինեկոլոգ, ՀՀ ԳԱԱ թղթակից անդամ բ.գ.դ., պրոֆեսոր Ռազմիկ Աբրահամյանը։

–   Եթե համեմատենք եվրոպական մի շարք երկրների հետ, մեզ մոտ իրավիճակը համեմատաբար ավելի լա՞վ է, թե՞ լրացնելու շատ բացեր ունենք:

–   Հետխորհրդային երկրների հետ համեմատած, կարող եմ ասել, որ Հայաստանում մայրական մահացության թիվը շատ ավելի ցածր է, մոտ 2.5 անգամ: Իսկ Եվրամիությունում առկա արդյունքներին հասնելու համար մենք դեռ շատ-շատ անելիքներ ունենք:

Պերինատալ բժշկության խնդիրներին նվիրված առաջին գիտաժողովը Հայաստանում

Կազմակերպված գիտաժողովին իրենց օժանդակությունն են  ցուցաբերել դեղագործական մի շարք ընկերություններ: Զրուցեցինք  ԱՍՏԵԼԼԱՍ ճապոնական ընկերության ներկայացուցիչ Ալեքսանդր Միրզոյանի հետ, ում խնդրեցինք պարզաբանել ընկերության դերը պերինատալ  բժշկության բնագավառում:

–   Ես ներկայացնում եմ «Աստելլաս» ճապոնական օրիգինալ դեղագործական կազմակերությունը: Օրիգինալ, քանի որ  ընկերությունն արտադրում է դեղամիջոցներ, որոնք հենց ինքն էլ սինթեզել է առաջինը: Մեր դեղամիջոցները կիրառվում են բժշկության ամենատարբեր բնագավառներում: Արդեն 10 տարուց ավելի է, ինչ համագործակցում ենք բժշկական մի շարք ասոցացիաների հետ , ակտիվ աջակցություն ցուցաբերում կազմակերպվող գիտաժողովներին: Այսօրվա գիտաժողովի կարևորության մասին խոսում է այն փաստը, որ բացման արարողությանը ներկա էին բժկության բնագավառում մեծ ներդրում կատարած մարդիկ, ՀՀ առողջապահության նախարարը,  արտասահմանյան առաջատար մասնագետներ: Մեր դեղամիջոցները լայն կիրառություն ունեն նաև գինեկոլոգիայում: Դեղամիջոցներն առանձնանում են իրենց անվտանգությամբ և բարձր արդյունավետությամբ: Մանկաբարձության բնագավառում շատ կարևոր է անվտանգ դեղամիջոցի կիրառումը, քանի որ գործ ունենք կանանց և երեխաների հետ: Մեր ընկերությունն անում է ամեն ինչ` բարձրացնելով կյանքի որակը հնարավորինս ապահովել մոր և մանկան առողջությունը:

Հարց ուղղեցինք նաև «Գեդեոն Ռիխտեր» ԲԲԸ դեղագործական ընկերության ներկայացուցիչ Հերմինե  Գասպարյանին.

–   Ինչպիսի՞ն է ընկերության դերը Հայաստանում պերինատալ ծառայության մեջ:

–   Բավական է նշել, որ «Գեդեոն Ռիխտեր»  ընկերության արտադրության պորտֆելի 30 տոկոսն ուղղված է կանանց առողջությանը: Այսօր մենք ունենք բավականին արդյունավետ դեղամիջոցներ, սակայն ընկերությունը տեղում չի դոփում և այս բնագավառում ներկայացնում է նաև նոր  դեղամիջոցներ: Պետք է նշեմ, որ  հայաստանյան շուկայում լայն կիրառություն ունեն մեր ընկերության դեղամիջոցները:

Հարցեր, պատասխաններ, մեկնաբանություններ