Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Ուռուցքաբանություն

Քիմիաթերապիային վերաբերող հարցերին պատասխանում է ՀՀ ԱՆ գլխավոր քիմիաթերապևտ Հասմիկ Պետրոսյանը. oncology.am

Քիմիաթերապիային վերաբերող հարցերին պատասխանում է ՀՀ ԱՆ գլխավոր քիմիաթերապևտ Հասմիկ Պետրոսյանը. oncology.am

Ուռուցքային հիվանդությունների բուժման եղանակներից մեկի՝ քիմիաթերապիային վերաբերող հարցերին պատասխանում է Ուռուցքաբանության ազգային կենտրոնի ուռուցքաբան, ՀՀ ԱՆ գլխավոր քիմիաթերապևտ Հասմիկ Պետրոսյանը:

Ի՞նչ է քիմիաթրապիան

Քիմիաթերապիան ցիտոտոքսիկ կամ ցիտոստատիկ դեղորայքային պատրաստուկների կիրառումն է չարորակ ուռուցքային հիվանդությունների ժամանակ, որոնք ազդում են այս կամ այն մեխանիզմներով և ուղիներով, ի վերջո, բերելով չարորակ բջիջների ոչնչացման: Նախկին դեղերի հետ մեկտեղ, ներկայում կիրառվում են թիրախային դեղեր, որոնք հեղափոխություն կատարեցին մի շարք չարորակ ուռուցքների` հատկապես կրծքագեղձի և շագանակագեղձի քաղցկեղի բուժման մեջ: Վառ օրինակ է տամոքսիֆենի կիրառումը կրծքագեղձի հորմոն–դրական քաղցկեղի բուժման մեջ, որը զգալի ավելացրեց 10-ամյա ապրելիությունն այդ հիվանդությամբ տառապող կանանց մոտ։

Ո՞ր դեպքերում է նշանակվում քիմիաթերապիա

Քիմիաթերապիա հիմնականում նշանակվում է չարորակ ուռուցքերի դեպքում, սակայն կան այլ հիվանդություններ, ինչպես օրինակ, փսորիազը, ցրված սկլերոզը, ռևմատիկ բնույթի հիվանդությունները, որոնց դեպքում քիմիաթերապևտիկ դեղերի նշանակումը նույնպես ցուցված է: Որոշ պացիենտներ քիմիաթերապիայի կուրս անցնում են վիրահատությունից առաջ` ուռուցքը փոքրացնելու և վիրահատելի դարձնելու, նաև դեղորայքի զգայունությունը որոշելու նպատակով, իսկ որոշ հիվանդներ` վիրահատությունից հետո, չարորակ բջիջները լիովին ոչնչացնելու համար: Լինում են դեպքեր, երբ քիմիաթերապիան դառնում է մարդու կյանքի որակը բարելավելու և  երկարացնելու միակ ճանապարհը: Բուժումն առավել արդյունավետ դարձնելու նպատակով, որպես կանոն, քիմիաթերապիային նախորդում կամ հաջորդում է  վիրահատական միջամտությունը և/ կամ ճառագայթային թերապիան:

Արդյո՞ք քիմաթերապիան նույն կերպ է ազդում բոլոր հիվանդներին

Դա կախված է նրանից, թե ինչ դեղ է նշանակվում: Ընդհանուր առմամբ, քիմիաթերապիայի ազդեցությունը և ինտենսիվությունը խիստ անհատական է յուքանչյուր հիվանդի դեպքում։ Սովորաբար, սովորական ցիտոտոքսիկ քիմիաթերապևտիկ դեղերի ազդեցությունը նման է միմյանց և արտահայտվում է մազաթափությամբ (ոչ բոլոր դեղերի դեպքում), սրտխառնոցով, փսխումով, կարող է արտահայտվել լորձաթաղանթների բորբոքումով (բերանի, քթի խոռոչների, աղեստամոքսային տրակտի լորձաթաղանթի), փորկապությամբ կամ փորլուծով , ինչպես նաև կարող է հանգեցնել սրտամկանի ախտահարման, լյարդի ֆունկցիայի խանգարման: Սակայն ժամանակին և ճիշտ բուժման արդյունքում հնարավոր է կանխել կողմնակի բարդությունները:

Քիմիաթերապիա ստացող հիվանդները, սովորաբար, դյուրազգաց են և հաճախ տառապում են դեպրեսիայով. ինչպե՞ս հաղթահարել:

Այո՛, նրանց մոտ հաճախ են հուզական վիճակները, ինչին պետք է աչալուրջ լինեն թե՛ բժիշկը, թե՛ ընտանիքը, թե՛ շրջապատող մարդիկ, հարկ եղած դեպքում՝ անհրաժեշտ է դիմել նաև հոգեբանի օգնությանը: Հիվանդներին հաճախ թվում է, թե կարող է ինքնուրույն հաղթահարել խնդիրը, սակայն երբեմն դրանք լինում են անհաղթահարելի, և բուժմանը հաջորդում են հիասթափություններ, կորցնում են պայքարելու ցանկությունը: Նման դեպքերում շատ կարևոր է մտերիմների, հարազատների աջակցությունը, ջերմությունը, յուրաքանչյուրի ոգևորող խոսքը:

Ի՞նչ սննդակարգ է ցուցված կամ հակացուցված քիմիաթերապիա ստացող հիվանդներին

Քիմաթերապիա անցնող հիվանդների սննդակարգը պետք է հագեցած լինի սպիտակուցներով, ածխաջրերով և ճարպերով, նաև հարուստ լինի վիտամիններով, ուստի պետք է օգտագործել շատ մրգեր և բանջարեղեն: Խորհուրդ է տրվում նախասիրություն տալ սպիտակ մսին ( թռչնեղեն, ձկնեղեն և այլն), ավելի քիչ օգտագործելով կարմիր միս:

Ցանկալի է սնունդը լինի դյուրամարս, թարմ պատրաստված, այն պետք է լինի ոչ տաք, ոչ` սառը: Քիմիաթերապիայի նախորդ և հաջորդ 2 օրերը պետք է շատ հեղուկ օգտագործել` սովորական կամ հանքային ջուր, կամ ` ցանկացած ոչ ալկոհոլային ըմպելիք, հնարավորինը նվազեցնել կոֆեին պարունակող ըմպելիքի քանակը:

Քաղցրի սահմանակումը պայմանավորված է միայն ճարպակալման ռիսկի նվազեցման հետ, քանի որ ճարպակալումը ռիսկի գործոն է ուռուցքային հիվանդության առաջացման կամ կրկնման համար:

Պետք է բացառել գրգռիչ, դժվարամարս, շատ համեմված կամ հոտավետ ուտելիքներն ու կերակուրները (սունկ, մեծ քանակությամբ սոխ, սխտոր, կծու, թթու) և այլն: Բացառել ալկոհոլային և գազավորված գունավոր ըմպելիքները :

Բացառել ծխախոտի օգտագործումը:

Սկզբնաղբյուր. oncology.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Ուռուցքաբանությունը բժշկության ամենաարագ զարգացող ոլորտն է. հարցազրույց Լևոն Բադալյանի հետ. nairimed.com
Ուռուցքաբանությունը բժշկության ամենաարագ զարգացող ոլորտն է. հարցազրույց Լևոն Բադալյանի հետ. nairimed.com

Մեր զրուցակիցն է ուռուցքաբան, բ. գ. թ., «Նաիրի» բժշկական կենտրոնի ուռուցքաբանության ծառայության ղեկավար Լևոն Գրիգորի Բադալյանը...

Բժշկի ընդունարանում
Ստենտավորում` աղեստամոքսային ստրոմալ ուռուցքների ժամանակ. nairimed.com
Ստենտավորում` աղեստամոքսային ստրոմալ ուռուցքների ժամանակ. nairimed.com

Ստամոքսաղիքային ուղու որոշ հիվանդություններ բերում են վերջինիս նեղացման կամ, նույնիսկ, լիովին անանցանելիության զարգացման, որը բնական սնուցումը դարձնում են անհնար։ Նախկինում նմանատիպ խնդրի դեպքում բարդ վիրահատություն էր իրականացվում...

Բուժում Գաստրոէնտերոլոգիա և լյարդաբանություն
Արգանդի հեռացումը միոմայի դեպքում. փրկության վիրահատություն, թե՞ չհիմնավորված վիրաբուժական միջամտություն. oncology.am
Արգանդի հեռացումը միոմայի դեպքում. փրկության վիրահատություն, թե՞ չհիմնավորված վիրաբուժական միջամտություն. oncology.am

Արգանդի միոման վերարտադրողական համակարգի ամենահաճախ հանդիպող հիվանդություններից մեկն է: Ախտորոշումից հետո հաճախ բժիշկները հիվանդներին առաջարկում են խնդրից ազատվել արմատական եղանակով՝ հեռացնելով...

Պերինատոլոգիա, մանկաբարձություն և ուրո-գինեկոլոգիա
Սնուցումը ենթաստամոքսային գեղձի քաղցկեղի ժամանակ. oncology.am
Սնուցումը ենթաստամոքսային գեղձի քաղցկեղի ժամանակ. oncology.am

Ենթաստամոքսային գեղձի քաղցկեղին հաճախ նախորդում է քրոնիկական պանկրեատիտը կամ մարսողական համակարգի այլ հիվանդությունները: Եվ այս ախտաբանության ռիսկի գործոններից մեկը սխալ սնուցումն է՝ շատ ուտելը, արագ սննդի, ճարպային, սուր համեմված...

Սնունդը և առողջությունը Սննդակարգեր
Ոսկրի քաղցկեղ․ օստեոսարկոմա. oncology.am
Ոսկրի քաղցկեղ․ օստեոսարկոմա. oncology.am

Օստեոսարկոման՝ առաջնային ոսկրային քաղցկեղի ամենատարածված տեսակը, ագրեսիվ չարորակ նորագոյացություն է, որի բջիջներն առաջանում են ոսկրային հյուսվածքից։ Ամենից հաճախ օստեոսարկոման ախտահարում է ձեռքերի...

Վնասվածքաբանություն և օրթոպեդիա
Թոքի քաղցկեղ․ աշխարհամարտերի ժառանգություն. oncology.am
Թոքի քաղցկեղ․ աշխարհամարտերի ժառանգություն. oncology.am

Թոքի քաղցկեղի և ծխելու կապը ապացուցել է բրիտանացի բժիշկ սըր Ռիչարդ Դոլը։ Իր շնորհիվ մարդկությունն այսօր վերացնում է երկու համաշխարհային պատերազմի սարսափելի արձագանքը․ ծխելու համընդհանուր համաճարակը...

Շնչառական համակարգ
Ի՞նչ ախտանշաններ են ի հայտ գալիս երեխաների մոտ` ոսկրերի ուռուցքի դեպքում. nairimed.com
Ի՞նչ ախտանշաններ են ի հայտ գալիս երեխաների մոտ` ոսկրերի ուռուցքի դեպքում. nairimed.com

Մեր զրուցակիցն է օրթոպեդ-ուռուցքաբան, «Նաիրի» ԲԿ օնկոօրթոպեդիայի և ոսկրային ախտաբանության ծառայության ղեկավար Գալուստ Գալուստյանը...

Մանկական հիվանդություններ
Արյուն կղանքի մեջ․ երբ է դա քաղցկեղի նշան. oncology.am
Արյուն կղանքի մեջ․ երբ է դա քաղցկեղի նշան. oncology.am

Կղանքի մեջ արյունը չի կարելի նորմալ վիճակ համարել, բայց դրա հետևում կարող են թաքնված լինել ինչպես ոչ վտանգավոր խանգարումներ, այնպես էլ լուրջ հիվանդություններ, օրինակ՝ հաստ աղու քաղցկեղ...

Ախտորոշում
Օնկոմարկերներ. ուռուցքային հիվանդությունների վաղ հայտնաբերման մեթոդների վարկանիշը. oncology.am
Օնկոմարկերներ. ուռուցքային հիվանդությունների վաղ հայտնաբերման մեթոդների վարկանիշը. oncology.am

Օրգանիզմում ուռուցքային գործընթացի սկիզբը կարելի է հայտնաբերել առնվազն հինգ եղանակով, ընդ որում, մեկի կիրառումը, սովորաբար, պահանջում է մյուսի իրականացումը, որն առավել հստակեցնող և տեղեկատվական է...

Ախտորոշում
Էնդոսկոպիկ հետազոտությունը` ուռուցքների կանխարգելման միջոց. Թևոս Սարգսյան. nairimed.com
Էնդոսկոպիկ հետազոտությունը` ուռուցքների կանխարգելման միջոց. Թևոս Սարգսյան. nairimed.com

Կոլոռեկտալ ուռուցքը կանխարգելելու համար կիրառվում է, այսպես կոչված` թաքնված արյան թեստ: Բոլոր այն քաղաքացիներին, որոնք գենետիկայում ունեն կոլոռեկտալ քաղցկեղի բարձր ռիսկ, այսինքն, առաջին կարգի հարազատների մոտ եղել է...

Ախտորոշում Բժշկի ընդունարանում
Հնարավո՞ր է կանխել արգանդի վզիկի քաղցկեղը. oncology.am
Հնարավո՞ր է կանխել արգանդի վզիկի քաղցկեղը. oncology.am

Ըստ կանանց մոտ ուռուցքային հիվանդությունների մահացության՝ արգանդի վզիկի քաղցկեղը աշխարհում երկրորդ տեղն է գրավում։ Յուրաքանչյուր տարի գրանցվում է արգանդի վզիկի քաղցկեղի մոտավորապես 500 հազար նոր դեպք,  240 հազար կին մահանում է...

Առողջ կին Պերինատոլոգիա, մանկաբարձություն և ուրո-գինեկոլոգիա
Իմունիտետն ու քաղցկեղը․ նոր հետազոտություն. oncology.am
Իմունիտետն ու քաղցկեղը․ նոր հետազոտություն. oncology.am

Քարդիֆի համալսարանի գիտնականների հայտնագործությունը թույլ կտա բժիշկներին այնպես կարգավորել մարդու իմունային համակարգը, որպեսզի այն պայքարի քաղցկեղային բջիջների դեմ։ Դա կարող է ճանապարհ հարթել դեպի քաղցկեղի դեմ համադարման դեղամիջոցը...

Իմունաբանություն
Ստամոքսի քաղցկեղի 5 տարածված ախտանշան. oncology.am
Ստամոքսի քաղցկեղի 5 տարածված ախտանշան. oncology.am

Ստամոքսի քաղցկեղի ախտանշանները հաճախակի շփոթում են այլ, ոչ այդքան վտանգավոր հիվանդությունների ախտանշանների հետ։ Մինչդեռ քաղցկեղի վաղ հայտնաբերումը զգալի դեր է խաղում հետագա բուժման հաջողության հարցում...

Գաստրոէնտերոլոգիա և լյարդաբանություն
ՀԱՐՑՐՈՒ ԲԺՇԿԻՆ հաղորդման հյուրն է ուրոլոգ-ուռուցքաբան Կարեն Ծառուկյանը (տեսագրություն)․ oncology.am
ՀԱՐՑՐՈՒ ԲԺՇԿԻՆ հաղորդման հյուրն է ուրոլոգ-ուռուցքաբան Կարեն Ծառուկյանը (տեսագրություն)․ oncology.am

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնի ուրոլոգ-ուռուցքաբան Կարեն ծառույանը հարցազրույց է տվել NEWS.am- ին...

Ուրո-անդրոլոգիա
Հարցրու բժշկին. գլխուղեղի ուռուցքը կարո՞ղ է տարածվել դեպի այլ օրգաններ. med.news.am
Հարցրու բժշկին. գլխուղեղի ուռուցքը կարո՞ղ է տարածվել դեպի այլ օրգաններ. med.news.am

Այսօրվա հաղորդման հյուրն է նեյրովիրաբույժ Լևոն Հարությունյանը ։ Նա պատասխանում է հետեւյալ հարցերին...

Նյարդաբանություն

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ