5 ախտանշան, որ կարող են հուշել թոքերի քաղցկեղի զարգացման մասին. tert.am

ԱՄՆ-ում յուրաքանչյուր 14-ից մեկի մոտ կյանքի ընթացքում թոքի քաղցկեղ է ախտորոշվում, որը ավելի հաճախ մահացություն բերող քաղցկեղի տեսակներից է, քան կրծքի, շագանակագեղձի, հաստ աղիքի քաղցկեղը: 

Ըստ վիճակագրական տվյալների՝ քաղցկեղից մահացածների 27 տոկոսը մահացել է թոքերի քաղցկեղից: Ինչպես հաղորդում է healthylivinghouse.com-ը` թոքերի քաղցկեղից մահացողների 90%-ը ծխողներ կամ պասիվ ծխողներ են (նրանք, ովքեր շրջապատված են ծխախոտի ծխով): 

Քաղցկեղի ախտորոշումից հետո բուժումն անհամեմատ ավելի բարդ է, այդ իսկ պատճառով յուրաքանչյուրս պետք է լավ ճանաչենք մեր օրգանիզմը և ուշադիր լինենք ցանկացած ախտանշի նկատմամբ, որը կարող է հուշել հետագայում քաղցկեղի առաջացման մասին: Վաղ փուլում թոքերի քաղցկեղը հայտնաբերելու համար պետք է ուշադրություն դարձնել հետևյալ ախտանիշերին:

Մշտական հազ

Եթե չկա մրսածություն կամ որևէ այլ պատճառ հազի համար, իսկ այն չի դադարում, պետք է ուշադրություն դարձնել դրան, հատկապես, եթե հազն ուղեկցվում է լորձի կամ արյան անսովոր պարունակությամբ:

Շնչառական խնդիրներ կամ ցավ կրծքավանդակում

Եթե շնչառության հանկարծակի դժվարացում կա` առանց որևէ ակտիվ աշխատանքի, պետք է  որքան հնարավոր է շուտ դիմել բժշկի: Այս ախտանշին ուշադրություն կարելի է չդարձնել, եթե առկա է ասթմա կամ ալերգիա: Մնացած ցանկացած դեպքում շնչառական խնդիր ունենալիս պետք է դիմել բժշկի:

Կրծքավանդակի կրկնվող վարակներ

Եթե առկա է շնչառական համակարգի բորբոքում, ինչպես բրոնխիտի կամ թոքաբորբի դեպքում, դա ևս անհանգստանալու առիթ է:  Թոքերի քաղցկեղի առաջանալը կարող է հաճախակի հիվանդանալու պատճառ դառնալ:

Խռպոտություն և ձայնի փոփոխություն

Եթե ձայնի տոնայնության մեջ հանկարծակի փոփոխություն կա, պետք է դարձյալ դիմել բժիշկի օգնությանը:

Քաշի նվազում  կամ ախորժակի անկում

Այս ախտանշի առկայությունը կարող է այնքան էլ վտանգավոր չլինել, սակայն, եթե ուղեկցվում է որևէ հիվանդությամբ կամ այլ ախտանշով, այն անհանգստանալու առիթ է և խոսում է օրգանիզմում փոփոխությունների մասին:

Հարցեր, պատասխաններ, մեկնաբանություններ