Քաղցկեղի առաջացման մասին հուշող 8 անսպասելի ախտանիշ. tert.am

Այս փոփոխություններն օրգանիզմում հաճախ  աննշան խնդիրների տեղ ենք  ընդունում, սակայն դրանց ետևում ավելի լուրջ առողջական խնդիր կարող է թաքնված լինել:

Քաղցկեղն այն հիվանդությունն է, որը միշտ անակնկալի է բերում: Այս մասին գրում է fithacker.ru-ն և ներկայացնում այն նախանշաններն ու աշխտանիշները, որոնք կարող են հուշել քաղցկեղի առաջացման մասին:

1. Մեջքի ցավ

Մեջքի «նորմալ» ցավն առաջանում է ֆիզիկական ծանրաբեռնվածությունից կամ արտասովոր ֆիզիկական վարժանքից, սակայն, երբ ցավը հայտնվում է հանկարծակիորեն և երկար ժամանակ չի անցնում, անհրաժեշտ է դիմել բժշկի: Ցավի ամենավտանգավոր տեսակը կարող է մատնանշել ենթաստամոքսային գեղձի հետ կապված խնդիրները կամ քաղցկեղի առկայությունը,  իսկ մեջքի վերին հատվածում ցավը խոսում է թոքերի քաղցկեղի մասին: Մեջքի ներքևի հատվածի ցավը մատնանշում է շագանակագեղձի ուռուցք տղամարդկանց մոտ:

2. Հազ և հևոց

Հազի և հևոցի պատճառն առանջնահերթ կապում են սրտի խնդիրների հետ, հատկապես՝ եթե մարդը ծխում է, բայց երկարատև ու անբուժելի հազի պատճառը կարող է թոքերի քաղցկեղը լինել:

3. «Տարօրինակ եղունգներ»

Եղունգի գույնի և ձևի փոփոխությունը կարող է մատնանշել մի քանի հիվանդությունների ի հայտ գալը: Եթե եղունգները գունատվել են, դարձել են գրեթե սպիտակ, ապա հեռու չեն լյարդի հետ կապված խնդիրները: Տարօրինակ սև գծերը եղունգների տակ խոսում են մաշկի քաղցկեղի մասին: Եթե մատների ծայրերն ավելի հաստ են դարձել և եղունգները ձևափոխվել են, ապա հնարավոր է՝ քաղցկեղ  է առաջանում թոքերում:

4. Մարմնի ջերմաստիճանը

Առողջ օրգանիզմի ջերմաստիճանը պետք է լինի 36.6 աստիճան: Եթե այն 37 աստիճանից անցել է և, ամենակարևորը, չի իջնում շաբաթներ շարունակ, անրաժեշտ է արյան հետազոտություն իրականացնել: Վտանգ կա, որ չարորակ բջիջներ են առաջանում ավշային համակարգում:

5. Քաշի նվազում

Քաշի բնականոն  կորուստ կարող է լինել միայն երկու պարագայում` ուժեղ ֆիզիկական ծանրաբեռնվածության և դիետաների արդյունքում, կամ երկարատև էմոցիոնալ ու հոգեկան լարվածության հետևանքով: Իսկ եթե քաշը նվազում է՝ ոչինչ չանելով, դա նշանակում է, որ չարորակ բջիջներ են առաջացել օրգանիզմում, ամենայն հավանականությամբ՝ զարգանում է թոքերի կամ վահանաձև գեղձի քաղցկեղ:

6. Հանկարծակի հոգնածություն

Աշխատունակության անկումը, մշտական հոգնածությունը և երկարատև վատ տրամադրությունը ևս ազդանշաններ են, որոնք կարող են հուշել օրգանիզմում տեղի ունեցող բացասական փոփոխությունների, մասնավորապես` ստամոքսի կամ հաստ աղիքի քաղցկեղի  մասին: 

7. Պետք է հետևել մաշկին

Ծննդանշանները, խալերը, գորտնուկները և պեպենները չպետք է հանկարծակիորեն փոխեն գույնն ու ձևը: Դա տեղի  է ունենում մելանոմայի ժամանակ: Մաշկի քաղցկեղի մասին հուշում է նաև մաշկի մի հատվածի գույնի փոփոխությունը:  

8. Լնդերի արյունահոսությունը

Եթե լնդերում կապտուկներ են առաջանում, սովորական բժշկի այցը քիչ է, պետք է արյան հետազոտություն իրականացնել: Դա խոսում է լեյկեմիայի և արյան քաղցկեղի ախտանիշերի մասին:

Հարցեր, պատասխաններ, մեկնաբանություններ