Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am

Գլխի ո՞ր հիվանդությունների դեպքում է իրականացվում ՄՌՏ։

ՄՌՏ իրականացվում է գլխի ցանկացած փոփոխությունների դեպքում, եթե այն ոչ ոսկրային բնույթի է, օրինակ՝ կաթվածներ, հեմատոմաներ, տարբեր գոյացություններ:

Գլխի ՄՌՏ-ի ընթացքում ի՞նչ ռեժիմներ կարող են ավելացվել։

Հիպոֆիզի հետազոտության դեպքում բժիշկի կողմից նախապես անպայման նշվում է այդ մասին, որպեսզի ավելացվի հատուկ ռեժիմ՝ հիպոֆիզը նկարելու համար:

Այս դեպքում կոնտրաստանյութը դինամիկ հետազոտությամբ է ներարկվում՝ շատ արագ, հասկանալու համար, թե հիպոֆիզն ինչպե՞ս է այն կուտակում: Ըստ կուտակման ձևի տարբերակվում է առկա գոյացությունը:

Կան առանձին ծրագրեր էպիլեպսիայի համար:

Ի՞նչ այլ դեպքերում է կոնտրաստ ներարկման անհրաժեշտություն լինում։

Կոնտրաստանյութը ներարկվում է որևէ գոյացություն հայտնաբերելիս:

Գոյություն ունի առանձին ծրագիր ցրված սկլերոզ հիվանդության համար, որը մեզ մոտ բավականին արդիական թեմա է:

Հետազոտությունը պարտադիր կատարվում է կոնտրաստանյութի ներարկումով:  

Անհրաժե՞շտ է նախապատրաստում գլխի ՄՌՏ-ի դեպքում։

Գլխի ՄՌՏ հետազոտության համար նախապատրաստման անհրաժեշտություն չկա:

Որքա՞ն է տևում գլխի ՄՌՏ հետազոտությունը։

Գլխի ստանդարտ հետազոտությունը կատարվում է 15-20 րոպեում, եթե այն իրականացվում է առանց կոնտրաստանյութի ներարկման, կամ առանց հավելյալ ռեժիմների:

Ի՞նչ այլ հետազոտություններ են նախորդում կամ հաջորդում գլխի հետ կապված խնդիրների դեպքում։

Ճառագայթային ախտորոշումն ընդհանուր է, ՄՌՏ հետազոտությանը կարող է նախորդել կամ հաջորդել ՀՏ հետազոտությանը՝ ըստ բժշկի ցուցման:

Հարցեր, պատասխաններ, մեկնաբանություններ