Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Նյարդաբանություն

Ողնաշարի ուռուցքներ․ նյարդավիրաբույժ Մարինա Խաչատրյան. armeniamedicalcenter.am

Ողնաշարի ուռուցքներ․ նյարդավիրաբույժ Մարինա Խաչատրյան. armeniamedicalcenter.am

Ողնաշարի ուռուցքների առանձնահատկությունները


Ողնաշարի ուռուցքները լինում են բարորակ և չարորակ: Կարող են հայտնաբերվել ողնաշարի ցանկացած հատվածում: Ողնաշարի բարորակ ուռուցքներից է հեմանգիոման:

Հեմանգիոման անոթային գոյացություն է, որն աճում է ողի մարմնի հաստության մեջ և, մեծանալով, կարող է բերել տվյալ ողի մարմնի կոտրվածքի։

Ողնաշարի չարորակ ուռուցքները հիմնականում լինում են այլ տեղակայման ուռուցքների մետաստազներ: Երբեմն, այլ օրգան-համակարգերի չարորակ ուռուցքի առկայության պարագայում, ՄՌՏ կամ ԿՏ հետազոտությամբ ողնաշարում հայտնաբերվում են ուռուցքային փոփոխություններ. հիմնականում ողերի մարմիններում: Հաճախ նախ հայտնաբերվում է ողնաշարի մետաստազը, հետո նոր միայն փնտրվում է առաջնային օջախը: Կանանց մոտ առաջնային օջախ են հանդիսանում հիմնականում կրծքագեղձերը, կանացի սեռական օրգանները, տղամարդկանց մոտ՝ թոքերը և շագանակագեղձը:

Մետաստազները կարող են տարածված լինել ոչ միայն ողի մարմիններում ու աղեղներում, այլ նաև՝ կողերում, այլ ոսկրերում և հյուսվածքներում։ Մետաստազները կարող են աճել նաև դեպի ողնաշարային խողովակ` առաջացնելով ողնուղեղի ճնշում: Այդ պատճառով անհրաժեշտ է չթողնել, որ հիվանդությունը խորանա, այլապես հետևանքները կարող են լինել անդառնալի:

Ի՞նչ ախտանշաններով է արտահայտվում


Ողնաշարի ուռուցքն առաջին հերթին արտահայտվում է ողնաշարի շրջանի ցավերով, որոնք երբեմն ճառագայթում են դեպի վերջույթներ:

Ուռուցքային ախտահարումը պատճառ է դառնում նաև ողնաշարի կոտրվածքների:

Անհրաժեշտ հետազոտությունները


Ողնաշարի ուռուցքի դեպքում ռենտգեն հետազոտությունը կարող է ոչինչ ցույց չտալ: Ողնաշարի շրջանում ցավերի դեպքում երբեմն այն երկար ժամանակ բուժում են որպես օստեոխոնդրոզ՝ ավելի խորացնելով ախտաբանությունը: Այդ պատճառով, եթե ողնաշարի ցավերը կայուն են, խորհուրդ է տրվում կատարելու ողնաշարի տվյալ հատվածի ՄՌՏ կամ ԿՏ հետազոտություն:

Ողնաշարի ուռուցքների վիրահատական բուժումը


Վիրահատական տեսակետից բարդություն են ներկայացնում պարանոցային և կրծքային հատվածի ուռուցքները, որովհետև այդ հատվածներում առկա է ողնուղեղ, իսկ գոտկային հատվածներում արդեն ողնուղեղն ավարտված է և միայն նյարդաթելեր կան։

Չնայած ողնաշարի այսպիսի անատոմիական կառուցվածքին` ժամանակակից


տեխնոլոգիաները թույլատրում են կատարել բարդագույն վիրահատություններ ողնաշարի ցանկացած մակարդակում։

Ի՞նչ մոտեցում է ցուցաբերվում ողնաշարի կոտրվածքների ժամանակ


Ողնաշարի կոտրվածքների դեպքում կատարվում է միջմաշկային ցեմենտավորման վիրահատություն, երբ ռենտգեն հսկողությամբ, հատուկ ասեղով մուտք ենք գործում ախտահարված ողի մարմնի մեջ և ներարկում ոսկրային ցեմենտ: Այն ամրացնում է կոտրվածքը, միևնույն ժամանակ, տաքանալով, քայքայում է ողի մարմինն ախտահարած ուռուցքային բջիջները։

Եթե ողի մարմնի բարձրությունն իջել է, ապա ցեմենտավորման վիրահատությունից առաջ կատարվում է կիֆոպլաստիկա. ռենտգեն հսկողությամբ հատուկ բալոնի օգնությամբ բարձրացվում է ողի մարմինը, ապա նոր կատարվում է ցեմենտի ներարկումը։

Հիմնականում, եթե անհրաժեշտ է, միանվագ կարելի է կատարել 1-2 ողի ցեմենտավորում։

Գրականության մեջ նկարագրված են միանվագ մի քանի մակարդակի ցեմենտավորումից հետո առաջացած թունավորման (ինտոքսիկացիայի), սուր երիկամային անբավարարության դեպքեր։

Ինչպե՞ս է արտահայտվում և ի՞նչ ընթացք ունի հեմանգիոման


Ողնաշարի հեմանգիոման բարորակ անոթային գոյացություն է։ Հաճախ հանդիպում են բազմակի հեմանգիոմաներ։ Հեմանգիոմայի դեպքում ոսկրային հյուսվածքը փոխարինվում է անոթային հյուսվածքով, որը չի կարող իր վրա կրել մարմնի ծանրությունը: Մեծ չափերի դեպքում դրանք կարող են առաջացնել ողի մարմնի կոտրվածք, ինչն արտահայտվում է տեղային ցավով, շարժվելու դժվարությամբ, հազվադեպ` նյարդաբանական ախտանիշներով։

Հեմանգիոմաների առկայության դեպքում ֆիզիոթերապևտիկ միջոցառումները հակացուցված են, քանի որ կարող են նպաստել հեմանգիոմայի մեծացմանը։

Հաճա՞խ են հեմանգիոմաները ողնուղեղի ճնշում առաջացնում


Ոչ, հեմանգիոմաները ողնուղեղի ճնշում չեն առաջացնում։ Ողնուղեղի ճնշում կարող են առաջացնել հեմանգիոմայի պատճառով կոտրված ողի ոսկրաբեկորները, այն էլ՝ եզակի դեպքերում։

Բուժական մոտեցումները և ելքը


Հեմանգիոմաների պարագայում ելքը բարորակ է, ցեմենտավորում իրականացնելու հաջորդ օրը հիվանդը քայլում և տուն է գնում:

Մետաստազների դեպքում բուժառուին հնարավոր է օգնել միայն պալիատիվ։ Այս դեպքում ցավերն այնքան ուժեղ են, որ առաջանում է նարկոտիկ ցավազրկողների կիրառման անհրաժեշտություն։ Ախտահարված մարմնի ցեմենտավորումը նույնպես կարող է թեթևացնել հիվանդի վիճակը, քանի որ ոսկրային ցեմենտը, ներարկումից հետո տաքանալով, քայքայում է ոսկորն ախտահարած ուռուցքային բջիջները` յուրօրինակ կերպով «բուժելով» տվյալ ողը։

Սակայն, պետք է գիտակցենք, որ անհրաժեշտություն է առաջանում գտնելու և հեռացնելու առաջնային օջախը, որից հետո հիվանդները հիմնականում ունենում են ճառագայթային բուժման և քիմիոթերապիայի կարիք։

Ինչպիսի՞ բուժական հակացուցումներ կան ողնաշարի ուռուցքների ժամանակ


Ֆիզիոթերապևտիկ բոլոր միջամտությունները հեմանգիոմաների և մետաստազների ժամանակ հակացուցված են, որովհետև կարող են գրգռել, մեծացնել ուռուցքները, ինչի հետևանքով կարող են լինել ավելի մեծ ուռուցքային ախտահարում, կոտրվածքներ, ողնուղեղի ճնշում:

Արգելված է նաև մերսումը, հատկապես կոպիտ մերսումը։ Ցավոք, հաճախակի են դեպքերը, երբ հիվանդը անշարժ վիճակում բերվում է հիվանդանոց նմանատիպ «բուժական» միջոցառումներից հետո։

Ամենևին չեմ ցանկանում նվազեցնել ֆիզիոթերապևտիկ միջոցառումների կարևորությունը։

Դրանք հանդիսանում են նյարդավիրաբուժական հիվանդների վերականգնման կարևորագույն օղակներից մեկը։ Սակայն, դրանց կիրառումը միշտ պետք է համաձայնեցնել նյարդաբանի կամ նյարդավիրաբույժի հետ։

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am
Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am

Գլխի ո՞ր հիվանդությունների դեպքում է իրականացվում ՄՌՏ։

ՄՌՏ իրականացվում է գլխի ցանկացած փոփոխությունների դեպքում, եթե այն ոչ ոսկրային բնույթի է...

Ախտորոշում
Գլխուղեղի ցնցում․ նյարդավիրաբույժ Մարինա Խաչատրյան. armeniamedicalcenter.am
Գլխուղեղի ցնցում․ նյարդավիրաբույժ Մարինա Խաչատրյան. armeniamedicalcenter.am

Գլխուղեղի ցնցումը գանգուղեղային վնասվածքի ամենաթեթև ձևն է։ Այն առաջանում է գլխի վնասվածքի ժամանակ։ Վնասվածքից անմիջապես հետո հիվանդը կարճատև կորցնում է գիտակցությունը, այնուհետև առաջանում են...

Էլեկտրոնեյրոմիոգրաֆիա. nairimed.com
Էլեկտրոնեյրոմիոգրաֆիա. nairimed.com

Եթե առկա են մկանների ոչ կամային կծկումներ, վերին և ստորին վերջույթների թուլություն, թմրածություն, մկանային հոգնածություն, մկանային զանգվածի նվազում և վերջույթների հետ կապված այլ գանգատներ...

Ախտորոշում
Իշիաս (նստանյարդի բորբոքում). armeniamedicalcenter.am
Իշիաս (նստանյարդի բորբոքում). armeniamedicalcenter.am

Գոտկատեղում և ոտքերում հիվանդագին զգացողությունների պատճառ է նյարդային վերջույթների ճնշումը: Ճնշումը չի ախտահարում նստաներվը, սակայն կարող է լուրջ բարդություններ առաջացնել...

Նևրինոմա. armeniamedicalcenter.am
Նևրինոմա. armeniamedicalcenter.am

Նևրինոման բարորակ ուռուցք է, որը զարգանում է նյարդային հյուսվածքից: Տեղակայումից և չափերից կախված` այն առաջացնում է տարբեր ախտանշաններ: Կարող է լինել գլխում, ողնաշարում...

Մկանային սպազմ. armeniamedicalcenter.am
Մկանային սպազմ. armeniamedicalcenter.am

Մկանային սպազմը (մկանային ցնցում) մկանների լարվածության արդյունքում նրանց կծկումն է: Սպազմն ակամա է, կարող է լինել օրվա տարբեր ժամերին, ընդունակ է որոշ ժամանակ անշարժացնել մարդուն...

Վնասվածքաբանություն և օրթոպեդիա
Միասթենիա. armeniamedicalcenter.am
Միասթենիա. armeniamedicalcenter.am

Միասթենիան նյարդաբանական հիվանդություն է, որի ժամանակ դիտվում է մկանային թուլություն, որն առավել արտահայտվում է երեկոյան: Ախտահարվում են մկանային տարբեր խմբեր՝ վերջույթների, իրանի, աչքերի, կոկորդի...

Ինչպես խուսափել կաթվածից. erebunimed.com
Ինչպես խուսափել կաթվածից. erebunimed.com

Ինչպես խուսափել կաթվածից. ամեն ինչ սկսվում է կանխարգելումից: Հայաստանում տարեկան 20 000 մարդ կաթված է ունենում: Ամեն տարի 7000 մարդու կաթվածն ախտորոշվում է առաջին անգամ...

Ողնաշար-ողնուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am
Ողնաշար-ողնուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am

Ողնաշար-ողնուղեղային վնասվածքների տեսակները։

Ողնաշար-ողնուղեղային վնասվածքները կարելի է բաժանել երկու խմբի...

Վիրաբուժություն
Վերտեբրոպլաստիկա. նյարդավիրաբույժ Աղասի Կոչկանյան. armeniamedicalcenter.am
Վերտեբրոպլաստիկա. նյարդավիրաբույժ Աղասի Կոչկանյան. armeniamedicalcenter.am

Ինչպե՞ս կբնորոշեք վերտեբրոպլաստիկան


Վերտեբրոպլաստիկան տարբեր ախտաբանական գործընթացների հետևանքով փոփոխված ողի...

Վիրաբուժություն
Ինչպես կանխարգելել կաթվածը. erebunimed.com
Ինչպես կանխարգելել կաթվածը. erebunimed.com

Ինչպես նվազեցնել գլխուղեղի կաթվածի՝ ինսուլտի ռիսկը. խորհուրդ է տալիս «Էրեբունի» ԲԿ կաթվածի կենտրոնի նյարդաբան Լինա Զուբալովան...

Բժշկի ընդունարանում
Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am
Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am

Գանգուղեղային վնասվածքների /ԳՈՒՎ/ պատճառները և դասակարգումը

Գանգուղեղային վնասվածքները կարող են առաջանալ տարբեր պատճառներով՝ ավտոպատահարների...

Վիրաբուժություն Բժշկի ընդունարանում
Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am
Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am

Միջողային սկավառակների ճողվածքներ. Նյարդավիրաբուժական բաժանմունքի վարիչ Ծերունի Հովհաննիսյան

Ինչպե՞ս կբնորոշեք միջողային սկավառակի ճողվածքը...

Վիրաբուժություն Բժշկի ընդունարանում
Ներգանգային գերճնշում՝ինտրակրանիալ հիպերտենզիա. նյարդավիրաբույժ Աղասի Կոչկանյան. armeniamedicalcenter.am
Ներգանգային գերճնշում՝ինտրակրանիալ հիպերտենզիա. նյարդավիրաբույժ Աղասի Կոչկանյան. armeniamedicalcenter.am

Ի՞նչ պատճառներ ունի ներգանգային գերճնշումը


Ներգանգային գերճնշումը /ՆԳԳ/ որպես համախտանիշ հանդիպում է շատ հիվանդությունների...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ