Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Նյարդաբանություն

Գլխուղեղի անոթների անևրիզմա․ նյարդավիրաբույժ Վարազդատ Սահակյան. armeniamedicalcenter.am

Գլխուղեղի անոթների անևրիզմա․ նյարդավիրաբույժ Վարազդատ Սահակյան. armeniamedicalcenter.am

Որքա՞ն հաճախ է հանդիպում գլխուղեղի անոթների անևրիզման։

Գլխուղեղի անոթների անևրիզման գլխուղեղի անոթային հիվանդություն է: Ըստ վերջին տարիների վիճակագրության՝ անևրիզմաները դարձել են ավելի հաճախակի, և ելնելով այն փաստից, որ անևրիզմաներից մահացության և հաշմանդամության աստիճանը բավականին բարձր է, դա ոչ միայն բժշկական, այլ նաև սոցիալ-տնտեսական մեծ խնդիր է: Գլխուղեղի անևրիզման սովորաբար հանդիպում է երիտասարդ տարիքում /25-50 տարեկան/՝ աշխատունակ ազգաբնակչության մոտ, և դա հավելյալ ծանրացնում է այս պաթոլոգիան:

Ինչպե՞ս է զարգանում անևրիզման։

Գլխուղեղի զարկերակների անևրիզման զարկերակի լայնացումն է:

Նորմայում զարկերակի պատն ունի երեք շերտ՝ արտաքին, միջին մկանային և ներքին:

Անևրիզմայի ժամանակ տվյալ հատվածում միջին մկանային շերտն ավելի թույլ է զարգացած լինում, և ժամանակի ընթացքում՝ սրտի պուլսացիոն աշխատանքի հետևանքով, այդ մասում առաջանում է լայնացում:

Լայնացումը կյանքի ընթացքում աստիճանաբար մեծանում է: Գալիս է մի պահ, երբ ֆիզիկական, հուզական գերծանրաբեռնվածության, զարկերակային ճնշման բարձրացման արդյունքում անևրիզման պատռվում է, և արյունը անոթային համակարգից դուրս գալով լցվում է կա՛մ սուբարախնոիդալ տարածքներ, կա՛մ ուղեղանյութի հյուսվածքի մեջ:

Արյան առկայությունը նորմալ է անոթների ներսում, իսկ անոթներից դուրս այն թունավոր նյութ է հանդիսանում, և այդ թունավոր նյութն ազդում է և՛ ուղեղի աշխատանքի վրա, և՛ առաջացնում է շրջակա անոթների սպազմ: Իսկ երբ արդեն այն դրսևորվում է որպես ծավալ, ճնշում է գլխուղեղին և կարող է բերել ուղեղի դիսլոկացիայի և հիվանդի մահվան:

Որո՞նք են անևրիզմայի առաջացմանը նպաստող գործոնները:

Անևրիզմաներն ունեն ժառանգական բնույթ, և եթե հարազատների մոտ եղել են հանկարծամահություններ, որոնք ամենայն հավանականությամբ ախտորոշվել են ինսուլտ, պետք է զգուշանալ և նախապես հետազոտվել:

Իսկ արդեն ձևավորված անևրիզմայի պատռմանը նպաստող գործոններն են՝ զարկերակային գերճնշումը, տարբեր վարակները, հատկապես սնկային տարածված վարակները, տարաբնույթ վասկուլիտները, անոթային բորբոքումները:

Անևրիզմայի ինչպիսի՞ տեսակներ են տարբերում։

Ըստ անատոմիական կառուցվածքի՝ լինում են պարկաձև և իլիկաձև անևրիզմաներ: Ըստ տեղակայման՝ առաջնային, միջին ուղեղային զարկերակի և կարոտիսի: Հազվադեպ հանդիպում է հետին գանգափոսի՝ վերտեբրոբազիլյար համակարգի անևրիզմա:

 

Սակայն բացառել անևրիզման որևէ տեղում հնարավոր չէ, քանի որ օրգանիզմում ամեն տեղ կան անոթներ:

Ինչպե՞ս են ախտորոշվում անևրիզմաները։

Սովորաբար անևրիզմաներն ախտորոշվում են պատռվելուց հետո: Նախքան պատռվելը դրանք ախտորոշվում են պատահաբար, երբ որևէ այլ պաթոլոգիայի պատճառով գլխուղեղի ԿՏ հետազոտություն է իրականացվում:

Ախտորոշման լավագույն ստանդարտը ԿՏ անգիոգրաֆիկ մեթոդն է, որը անևրիզմաների համար լիովին բավարար է: Կա նաև ուղղակի անգիոգրաֆիկ մեթոդ, որն օգտագործվում է, երբ ԿՏ անգիոգրաֆիայով լիարժեք պատասխան չի ստացվում:

Դուպլեքս հետազոտությունն ավելի շատ կիրառելի է արտագանգային անևրիզմաների ժամանակ, երբ անևրիզմաները լինում են մագիստրալ անոթների վրա՝ մինչև գլխուղեղ մուտք գործելը: Այնուամենայնիվ, դուպլեքսը կարելի է համարել առաջին փուլ, և եթե
հայտնաբերվում է անևրիզմա, հաջորդ փուլը ԿՏ անգիոգրաֆիան է:

Գլխուղեղի անևրիզման ունի՞ որևէ կլինիկական արտահայտություն:

Անևրիզմայի առկայությունը կարող է և որևէ կերպ չարտահայտվել. հիվանդները երբեմն ունենում են գլխում ծանրություն և ցավ, բայց դրանք համարում են առօրյա գլխացավեր:

Ախտանշանները՝ բավականին ծանր կլինիկական պատկերով, լինում են արդեն անևրիզմայի պատռման ժամանակ, իսկ դա հիմնականում դիտվում է երիտասարդ տարիքում: Այն լինում է ֆիզիկական, հուզական գերլարման, զարկերակային ճնշման ժամանակ, ծանրություն բարձրացնելիս, աղիները գործելիս:

Շատ բնորոշ է անևրիզմայի պատռման կլինիկան: Հիվանդը նշում է գլխում եռացրած ջրի զգացողություն: Դրանից հետո լինում են գլխացավեր, որոնք առաջին օրերին այնքան էլ ուժեղ չեն, որովհետև էրիթրոցիտները դեռևս քայքայված չեն լինում, և նրանց թունավոր ազդեցությունը շատ բարձր չէ ուղեղի թաղանթների վրա: Բայց երրորդ, չորրորդ օրն արդեն խիստ արտահայտվում է էրիթրոցիտների քայքայման արգասիքների /բիլիռուբին, բիլիվերդին/ թունավոր ազդեցությունը. առաջանում են ուժեղ գլխացավեր, մենինգեալ համախտանիշ՝ ներգանգային ճնշման բարձրացում, մենինգեալ նշաններ՝ պարանոցային մկանների կարկամում, Կեռնիգի, ակնա-դիմային ախտանիշ և այլն:

Անևրիզմայի բուժումը։

Կա վիրահատական բուժման մի քանի եղանակ՝ բաց, փակ և համակցված: Բացի դեպքում կատարվում է տրեպանացիա, բացվում է պատռված անևրիզման, և նրա վրա դրվում է մետաղական սեղմակ: Փակի դեպքում՝ ներանոթային /էնդովասկուլյար/ եղանակով մտնում և հասնում են մինչև անևրիզմայի մակարդակ, և անևրիզմայի մեջ ներհրվում է պարույր կամ ներմուծվում է հատուկ նյութ, որը նրա խոռոչում նպաստում է թրոմբի առաջացմանը: Այդ կերպ անևրիզման դուրս է գալիս արյան շրջանառությունից:

Լինում են դեպքեր, որոնց ժամանակ հարկ է լինում օգտագործել համակցված մեթոդը, երբ նախնական փուլում էնդովասկուլյար եղանակով կատարվում է անևրիզմայի էմբոլիզացիա, իսկ հետագայում իրականացվում է անևրիզմայի հեռացում, եթե իհարկե առկա է կրկնակի պատռման վտանգ:

Վիրաբուժական տեսակետից ավելի հեշտ է պարկաձև անևրիզմաների վիրահատումը, քան իլիկաձևինը:

Ցանկալի է անևրիզմայի բուժումը կազմակերպել սառը փուլում՝ նախքան պատռվելը, որովհետև պատռվելուց հետո ցուցաբերած օգնության արդյունավետությունը բավականին ցածր է: Սակայն, քանի որ դրանք հիմնականում բացահայտվում են պատռվելուց հետո, դա ծանրացնում է ելքի ցուցանիշները:

Երբեմն, առաջին պատռումից հետո՝ մինչև վիրահատական միջամտությունն իրականացվում է կոնսերվատիվ բուժում, որի արդյունքում հիվանդի վիճակը վերականգնվում է: Սակայն սովորաբար անևրիզմաները մոտ 6 ամսվա ընթացքում 70 տոկոս դեպքերում կրկնակի պատռվածք են տալիս: Դա ռումբ է դրված գլխուղեղում և ամեն պահի կարող է պայթել:

Այդ պատճառով, անգամ չնչին սուբարախնոիդալ արյունազեղման դեպքում, որը կապված չէ տրավմայի (վնասվածքի) կամ այլ պատճառների հետ, անպայման անհրաժեշտ է բժշկի հսկողության տակ լինել, հետազոտվել և անհրաժեշտության դեպքում ստանալ համապատասխան բուժում:

Հնարավո՞ր է կանխարգելել անևրիզմայի պատռումը:

Եթե արդեն ախտորոշված է անևրիզման, և տվյալ պահին հնարավորություն չկա արմատական վիրահատության, կանխարգելման համար անպայման պետք է վերահսկել զարկերակային ճնշումը, խուսափել ֆիզիկական, հուզական գերլարումից, աշխատել, որ աղիները գործեն պարբերաբար, և ներորովայնային ճնշումը չբարձանա, որովհետև շատ դեպքերում անևրիզմայի պատռումը լինում է աղիների գործելու ժամանակ:

Սկզբնաղբյուր. armeniamedicalcenter.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am
Գլխի ՄՌՏ հետազոտություն. հարցազրույց ռադիոլոգ Մերի Սուքիասյանի հետ. armeniamedicalcenter.am

Գլխի ո՞ր հիվանդությունների դեպքում է իրականացվում ՄՌՏ։

ՄՌՏ իրականացվում է գլխի ցանկացած փոփոխությունների դեպքում, եթե այն ոչ ոսկրային բնույթի է...

Ախտորոշում
Գլխուղեղի ցնցում․ նյարդավիրաբույժ Մարինա Խաչատրյան. armeniamedicalcenter.am
Գլխուղեղի ցնցում․ նյարդավիրաբույժ Մարինա Խաչատրյան. armeniamedicalcenter.am

Գլխուղեղի ցնցումը գանգուղեղային վնասվածքի ամենաթեթև ձևն է։ Այն առաջանում է գլխի վնասվածքի ժամանակ։ Վնասվածքից անմիջապես հետո հիվանդը կարճատև կորցնում է գիտակցությունը, այնուհետև առաջանում են...

Էլեկտրոնեյրոմիոգրաֆիա. nairimed.com
Էլեկտրոնեյրոմիոգրաֆիա. nairimed.com

Եթե առկա են մկանների ոչ կամային կծկումներ, վերին և ստորին վերջույթների թուլություն, թմրածություն, մկանային հոգնածություն, մկանային զանգվածի նվազում և վերջույթների հետ կապված այլ գանգատներ...

Ախտորոշում
Իշիաս (նստանյարդի բորբոքում). armeniamedicalcenter.am
Իշիաս (նստանյարդի բորբոքում). armeniamedicalcenter.am

Գոտկատեղում և ոտքերում հիվանդագին զգացողությունների պատճառ է նյարդային վերջույթների ճնշումը: Ճնշումը չի ախտահարում նստաներվը, սակայն կարող է լուրջ բարդություններ առաջացնել...

Նևրինոմա. armeniamedicalcenter.am
Նևրինոմա. armeniamedicalcenter.am

Նևրինոման բարորակ ուռուցք է, որը զարգանում է նյարդային հյուսվածքից: Տեղակայումից և չափերից կախված` այն առաջացնում է տարբեր ախտանշաններ: Կարող է լինել գլխում, ողնաշարում...

Մկանային սպազմ. armeniamedicalcenter.am
Մկանային սպազմ. armeniamedicalcenter.am

Մկանային սպազմը (մկանային ցնցում) մկանների լարվածության արդյունքում նրանց կծկումն է: Սպազմն ակամա է, կարող է լինել օրվա տարբեր ժամերին, ընդունակ է որոշ ժամանակ անշարժացնել մարդուն...

Վնասվածքաբանություն և օրթոպեդիա
Միասթենիա. armeniamedicalcenter.am
Միասթենիա. armeniamedicalcenter.am

Միասթենիան նյարդաբանական հիվանդություն է, որի ժամանակ դիտվում է մկանային թուլություն, որն առավել արտահայտվում է երեկոյան: Ախտահարվում են մկանային տարբեր խմբեր՝ վերջույթների, իրանի, աչքերի, կոկորդի...

Ինչպես խուսափել կաթվածից. erebunimed.com
Ինչպես խուսափել կաթվածից. erebunimed.com

Ինչպես խուսափել կաթվածից. ամեն ինչ սկսվում է կանխարգելումից: Հայաստանում տարեկան 20 000 մարդ կաթված է ունենում: Ամեն տարի 7000 մարդու կաթվածն ախտորոշվում է առաջին անգամ...

Ողնաշար-ողնուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am
Ողնաշար-ողնուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am

Ողնաշար-ողնուղեղային վնասվածքների տեսակները։

Ողնաշար-ողնուղեղային վնասվածքները կարելի է բաժանել երկու խմբի...

Վիրաբուժություն
Վերտեբրոպլաստիկա. նյարդավիրաբույժ Աղասի Կոչկանյան. armeniamedicalcenter.am
Վերտեբրոպլաստիկա. նյարդավիրաբույժ Աղասի Կոչկանյան. armeniamedicalcenter.am

Ինչպե՞ս կբնորոշեք վերտեբրոպլաստիկան


Վերտեբրոպլաստիկան տարբեր ախտաբանական գործընթացների հետևանքով փոփոխված ողի...

Վիրաբուժություն
Ողնաշարի ուռուցքներ․ նյարդավիրաբույժ Մարինա Խաչատրյան. armeniamedicalcenter.am
Ողնաշարի ուռուցքներ․ նյարդավիրաբույժ Մարինա Խաչատրյան. armeniamedicalcenter.am

Ողնաշարի ուռուցքների առանձնահատկությունները


Ողնաշարի ուռուցքները լինում են բարորակ և չարորակ: Կարող են հայտնաբերվել ողնաշարի ցանկացած հատվածում...

Ուռուցքաբանություն
Ինչպես կանխարգելել կաթվածը. erebunimed.com
Ինչպես կանխարգելել կաթվածը. erebunimed.com

Ինչպես նվազեցնել գլխուղեղի կաթվածի՝ ինսուլտի ռիսկը. խորհուրդ է տալիս «Էրեբունի» ԲԿ կաթվածի կենտրոնի նյարդաբան Լինա Զուբալովան...

Բժշկի ընդունարանում
Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am
Գանգուղեղային վնասվածքներ. նյարդավիրաբույժ Կսպոյան Արայիկ. armeniamedicalcenter.am

Գանգուղեղային վնասվածքների /ԳՈՒՎ/ պատճառները և դասակարգումը

Գանգուղեղային վնասվածքները կարող են առաջանալ տարբեր պատճառներով՝ ավտոպատահարների...

Վիրաբուժություն Բժշկի ընդունարանում
Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am
Միջողային սկավառակների ճողվածքներ. նյարդավիրաբուժական բաժանմունքի վարիչ Ծերունի Հովհաննիսյան. armeniamedicalcenter.am

Միջողային սկավառակների ճողվածքներ. Նյարդավիրաբուժական բաժանմունքի վարիչ Ծերունի Հովհաննիսյան

Ինչպե՞ս կբնորոշեք միջողային սկավառակի ճողվածքը...

Վիրաբուժություն Բժշկի ընդունարանում
Ներգանգային գերճնշում՝ինտրակրանիալ հիպերտենզիա. նյարդավիրաբույժ Աղասի Կոչկանյան. armeniamedicalcenter.am
Ներգանգային գերճնշում՝ինտրակրանիալ հիպերտենզիա. նյարդավիրաբույժ Աղասի Կոչկանյան. armeniamedicalcenter.am

Ի՞նչ պատճառներ ունի ներգանգային գերճնշումը


Ներգանգային գերճնշումը /ՆԳԳ/ որպես համախտանիշ հանդիպում է շատ հիվանդությունների...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ