Ցավային համախտանիշը կրծքավանդակում նեյրոցիրկուլյատոր դիստոնիայի ժամանակ. armeniamedicalcenter.am

Ցավային համախտանիշը կրծքավանդակում նեյրոցիրկուլյատոր դիստոնիայի (ՆՑԴ) ժամանակ բավականին հաճախակի հանդիպող ախտանիշ է: Առանձնացնում են ցավային զգացողության 4 տեսակ:

ՊԱՐԶ ԿԱՐԴԻԱԼԳԻԱ

Նվվացող կամ ճմլող ցավ գագաթնային կամ պերիկարդիալ շրջանում, թույլ կամ տանելի, տևողությունը մի քանի րոպեից մինչև մի քանի ժամ, որը դիտվում է 95 տոկոս հիվանդների մոտ: Անգիոնևրոտիկ կարդիալգիան (25 տոկոս հիվանդների մոտ) նոպայաձև է, համեմատաբար` կարճատև, սակայն օրվա ընթացքում կարող է հաճախ կրկնվել: Լինում է տարբեր տեղակայման, սեղմող կամ ճնշող ցավ, որը հիմնականում ինքնուրույն անցնում է, կամ անցնում է վալիդոլի կամ նիտրոգլիցերինի ընդունումից: Կարող է ուղեկցվել անհանգստությամբ, օդի պակասի զգացողությամբ, պուլսի արագացմամբ: Չի ուղեկցվում  էՍԳ իշեմիկ փոփոխություններով: Դրա հիմքում հնարավոր է կորոնար զարկերակների տոնուսի խանգարումն է և հիպերվենտիլյացիան:

ՆՈՊԱՅԱՁԵՎ ՁԳՁԳՎՈՂ ԿԱՐԴԻԱԼԳԻԱ

Ինտենսիվ ճնշող կամ նվվացող ցավ, որը չի թեթևանում վալիդոլի և նիտրոգլիցերինի ընդունումից, ուղեկցվում է վախով, դողով, սրտխփոցով, հևոցով, զարկերակային ճնշման բարձրացումով: Այն անցնում է, սովորաբար, սեդատիվ միջոցների և բետա-պաշարիչների համակցմամբ: Լինում է ՆՑԴ ծանր ընթացքով հիվանդների 32 տոկոսի մոտ: Պաթոգենեզում դեր ունի հիպերկատեխոլամինեմիան, որն արդյունք է հոգեծին կրիզների կամ հիպոթալամուսի դիսֆունկցիայի:

ՍԻՄՊԱՏԱԼԳԻԿ ԿԱՐԴԻԱԼԳԻԱ

Պերիկարդիալ կամ պարաստերնալ շրջանում այրող կամ ճզմող ցավը գրեթե միշտ ուղեկցվում է միջկողային հատվածների պալպացիայի ժամանակ հիպերալգեզիայով: Ցավը չի անցնում նիտրոգլիցերինի, վալիդոլի վալոկորդինի ընդունումից: Լինում է ՆՑԴ 19 տոկոս հիվանդների մոտ: Պատճառը, թերևս,  սրտային սիմպատիկ հյուսակի գրգռվածությունն է:

ԼԱՐՎԱԾՈՒԹՅԱՆ ՊՍԵՎԴՈՍՏԵՆՈԿԱՐԴԻԱ

Ճնշող, նվվացող, սեղմող ցավ` սրտի շրջանում կամ կրծոսկրի ետևում, որն առաջանում  կամ ուժեղանում է քայլելիս, ֆիզիկական ծանրաբեռնվածության ժամանակ: Ի հայտ է գալիս ՆՑԴ 20 տոկոս հիվանդների մոտ:

Հարցեր, պատասխաններ, մեկնաբանություններ