ՀՀ ԱՆ. Մասնագետի խորհուրդ. մարիխուանայի գործածության հետևանքները

Մարիխուանայի մշտական գործածումը հանգեցնում է հիշողության թուլացման, հուզական բթացման, ուսուցանելիության և ինտելեկտի իջեցման։ Դրա հոգեներգործուն ազդեցությունը պայմանավորված է գլխուղեղի վրա տետրահիդրոկանաբինոլի ախտաբանական ներգործությամբ։

Գործածմանը հաջորդող հոգեախտաբանական դրսևորումներն են.

• Արտահայտված հոգեշարժական ակտիվություն. էականորեն նվազում է նպատակաուղղված գործողություններ կատարելու ունակությունը, դրսևորվում է անհանգիստ, ապարգելակված, կոպիտ, հաճախ հակաօրինական և հակահասարակական վարք։
• Հուզական խանգարումներ. առաջանում է հույզերի ծայրահեղ փոփոխականություն՝ էյֆորիային անմիջապես կարող է հաջորդել դեպրեսիան կամ դիսֆորիան։
• Հաճախ առաջանում են ընկալման, մտածողության և գիտակցության ֆունկցիաների խանգարումներ։

Զե՛րծ մնացեք թմրամիջոցներից. դրանք վտանգավոր են ձեր առողջության և կյանքի համար։

Հարցեր, պատասխաններ, մեկնաբանություններ