Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Նարկոլոգիա և տոքսիկոլոգիա

Ալկոհոլի ազդեցությունը 40 տարեկանից հետո. urolog.am

Ալկոհոլի ազդեցությունը 40 տարեկանից հետո. urolog.am

The Telegraph բրիտանական հրատարակչությունը հրապարակել է մի հոդված, որտեղ գիտնականները բացատրել են, թե ինչպես են սպիրտային խմիչքներն ազդում օրգանիզմի վրա` 40 տարեկանից հետո: Մեջբերենք հիմնական թեզերը:

Ալկոհոլն օրգանիզմի վրա ազդում է ցանկացած տարիքում, սակայն 40 տարեկանն անց անձանց մոտ հետևանքներն ավելի լուրջ են, քան 20 կամ 30 տարեկանում, գտնում է Լոնդոնի Համալսարանական քոլեջի առողջապահության պրոֆեսոր Փոլ Ուոլլեսը: Տարեց հիվանդների հետ աշխատող հոգեբույժ Տոնի Ռաոի խոսքերով, դա բացատրվում է նրանով, որ ալկոհոլի վերամշակման համար պատասխանատու օրգանները «ծերանում» են և սկսում են ավելի դանդաղ աշխատել, ինչը նշանակում է, որ վնասակար նյութերն օրգանիզմում սկսում են ավելի երկար մնալ:  Բացի այդ, տարիքի հետ մարմնում հեղուկի քանակը նվազում է, ինչը նշանակում է, որ 40 տարեկանում արյան մեջ ալկոհոլի խտությունն ավելի բարձր կլինի, քան 20 տարեկանում ընդունած նույն քանակությունը, գրում է The Telegraph-ը What alcohol does to your body after the age of 40 հոդվածում:

Ուղեղ
Սպիրտային խմիչքը հաճախ կիրառվում է տրամադրության բարձրացման նպատակով: Խմելու ընթացքում մենք գրգռվում և ուժ ենք ստանում, քանի որ ալկոհոլը, թափանցելով հեմատոէնցեֆալիկ պատնեշով, ընկճում է կենտրոնների աշխատանքը, որոնք պատասխանատու են ինքնավերահսկման, դատողության և պլանավորման համար: Սակայն այդպիսի ազդեցությունն ավարտվում է բավականին արագ, տեղի է ունենում վերադարձ, ուստի արդեն առավոտյան մարդն ընկճված է և զայրացած:


Ալկոհոլն ուղեղն ավելի վաղ է սկսում ախտահարել, քան լյարդը, ասում է բժիշկ Ռաոն: Ընդ որում, վնասակար է ո՛չ միայն վառ արտահայտված ալկոհոլիզմը, այլ նաև սպիրտային խմիչքի կանոնավոր օգտագործումը:  Մինչև լյարդի ցիրոզ ախտորոշումը հիվանդը, որպես կանոն, անցնում է դեպրեսիայի և ինքնավերահսկման խնդիրների միջով: 40 տարեկանից հետո վտանգավոր է ո՛չ միայն ուղեղի ֆունկցիայի վատթարացումը, այլ նաև ախտորոշման դժվարությունը:  Եթե 20- կամ 30-ամյա երիտասարդի տրամադրության անկումը շրջապաատին ազդարարում է առողջական խնդիրների մասին, ապա ավելի մեծ տարիքի մարդկանց մասին հաճախ ասում են, որ պարզապես նրա բնավորությունն է վատացել: Թեև հնարավոր է՝ խնդիրը տարիքի մեջ չէ, այլ սպիրտային խմիչքի բացասական ազդեցության: Սակայն լավ նորությունն այն է, որ ուղեղի աշխատանքը վերականգնվում է ալկոհոլի հրաժարումից ընդամենը կես տարի անց:

Մաշկը
Ալկոհոլը նպաստում է արյունատար անոթների մեծացմանը և արյան հոսքի արագացմանը, ինչը կարող է մաշկի քրոնիկական կարմրության՝ ռոզացեայի պատճառ լինել: Չնայած կարմրությունը մի քանի ժամից անցնում է՝ սպիրտի կանոնավոր ընդունման ժամանակ անոթները մեծանում են, իսկ երակային ցանցը տեսանելի է դառնում մաշկի վրա, բացատրում է մաշկաբան, պրոֆեսոր Նիկ Լոուեն: Դա կարելի է բուժել լազերի օգնությամբ, սակայն ավելի լավ է այն իրականացնել վաղ շրջաններում: 
Հետևանքներից մեկն էլ մաշկի ցանավորումն է: Ալկոհոլը նպաստում է սթրեսին և զայրույթին, որն էլ բերում է անդրոգենների (արական սեռական հորմոններ) մակարդակի բարձրացման և նպաստում է ակնեների առաջացմանը:  Բացի այդ, սպիրտը բերում է մաշկի ջրազրկման և, որպես հետևանք, թեփոտման և աչքերի տակ պարկերի առաջացման: Գարեջրի և գինու մեջ պարունակող շաքարը քայքայում է կոլագենը, ինչը նվազեցնում է մաշկի էլաստիկությունը և նպաստում է վերջինիս ծերացմանը: 


Սիրտ
Հետազոտությունները վկայում են այն մասին, որ կարմիր գինին դրական է ազդում սիրտ-անոթային համակարգի վրա, եթե այն չի գերազանցում օրական մեկ գավաթը:  Սահմանաչափի գերազանցումը (տղամարդկանց համար` 3-4 գավաթ, կանանց համար` 2-3 գավաթ) բարձրացնում է զարկերակային ճնշումը ինչպես կարճաժամկետ, այնպես էլ երկարաժամկետ՝ մեծացնելով կաթվածի ռիսկը: Ըստ սրտային հիվանդությունների դեմ պայքարի բրիտանական Ֆոնդի փոխտնօրեն, բժիշկ Մայք Կնեպտոնի խոսքերի՝ սպիրտի չվերահսկված ընդունումը նաև բերում է սրտի փականների հյուծման և սրտային անբավարարության զարգացման:

Լյարդ
Լյարդի ցիրոզը դադարել է ալկոհոլիզմով տառապողների հիվանդությունը լինելուց, այն ավելի հաճախ ախտորոշում են միջին տարիքի մարդկանց մոտ, ովքեր պարբերաբար սպիրտային խմիչքներ են չարաշահում: Երիտասարդ ժամանակ ալկոհոլի կանոնավոր ընդունումը կարող է բերել լյարդի ճարպակալման, սակայն 40-ից հետո այդ սովորությունից չհրաժարվելու դեպքում ճարպը սկսում է բորբոքվել, սպիներ են առաջանում, լյարդը կրճատվում է, ինչը բերում է ռիսկի խմբի` յուրաքանչյուր վեցերորդի մոտ ցիրոզի առաջացման:  Լյարդի վերականգնման համար անհրաժեշտ է շաբաթը երեք անգամ կանոնավոր հայտարարել բեռնաթափման օր: Ընդ որում, այն ներառում է ո՛չ միայն ալկոհոլից հրաժարում, այլ նաև առողջ սննդակարգ՝ ֆիզիկական ակտիվության հետ միասին:

Քաղցկեղային բջիջներ
Հնարավոր չէ ճշգրիտ ասել, թե ալկոհոլի որ մակարդակն է ազդում քաղցկեղի զարգացման ռիսկի վրա: Ընկնելով օրգանիզմ՝ էթանոլը տրոհվում է ացետալդեհիդի, որն ազդում է քաղցկեղ առաջացնող բջիջների վրա: Այսպիսով, վտանգավոր կարող է լինել սպիրտի ցանկացած քանակություն, իսկ եթե մարդը նաև ծխում է, նրա մոտ բազմապատկվում է բերանի խոռոչի և ըմպանի քաղցկեղի առաջացման ռիսկը, քանի որ ալկոհոլը բարձրացնում է բջիջների զգայնությունը ծխախոտի ծխի նկատմամբ:

Վերարտադրողական ֆունկցիա
Համաձայն դանիական հետազոտության, ալկոհոլից լիովին հրաժարված զույգերի մոտ մի քանի անգամ նվազում է վիժումների ռիսկը` նույնիսկ համեմատած նրանց հետ, ովքեր չափազանց հազվադեպ և քիչ են ընդունում սպիրտային խմիչք: Շաբաթական կես շիշ գինին նվազեցնում է կանանց հղիանալու հավանականությունը 18%-ով: Ինչ վերաբերում է տղամարդկանց, սպիրտը նպաստում է տեստոստերոնի մակարդակի իջեցմանը և նվազեցնում է պտղաբերությունը, հատկապես 40-ից հետո:

Քաշը
Օրգանիզմն ալկոհոլն ընդունում է որպես թույն, այդ պատճառով սկսում է այն ավելի արագ մարսել, քան` սնունդը, որպեսզի վտանգավոր նյութերը հնարավորինս շուտ դուրս բերի: Ընդ որում, սպիրտային խմիչքները, որպես կանոն, կալորիական են, իսկ դա նշանակում է, որ մարսողական համակարգը սննդի վերամշակման ժամանակ ավելորդ կալորիաները վերածում է ճարպի, բացատրում է սննդաբան Ռոբերտ Հոբսոնը: 

Հետազոտությունները ցույց են տվել, որ էթանոլը ընկճում է ախորժակի համար պատասխանատու լեպտին հորմոնը, հենց այդ պատճառով օրգանիզմի համար դժվար է ընկալել` այն հագեցած է, թե` ոչ: Քաղցր ալկոհոլային ըմպելիքները բարձրացնում են ինսուլինի մակարդակը, որը նպաստում է ճարպի կուտակմանը: 40-ից հետո սկսում են ճարպակալել ներքին օրգանները, ինչը բերում է, այսպես կոչված գարեջրային որովայնի առաջացմանը:

Սկզբնաղբյուր. urolog.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Թունաբանության ծառայությունը «Արմենիա» բժշկական կենտրոնում. հարցազրույց Շավարշ Մելքոնյանի հետ. armeniamedicalcenter.am
Թունաբանության ծառայությունը «Արմենիա» բժշկական կենտրոնում. հարցազրույց Շավարշ Մելքոնյանի հետ. armeniamedicalcenter.am

Որքա՞ն ժամանակ եք զբաղվում թունաբանությամբ:

Մոտ 25 տարի աշխատել եմ Մոսկվայի Սկլիֆասովսկու անվան Շտապօգնության ինստիտուտի սուր թունավորումների...

Բժշկի ընդունարանում Բժշկական կազմակերպություններ և կենտրոններ
Բոտուլիզմ, սնկային և սպիրտային թունավորումներ. հարցերին պատասխանում է թունաբան Միքայել Գաբրիելյանը. armeniamedicalcenter.am
Բոտուլիզմ, սնկային և սպիրտային թունավորումներ. հարցերին պատասխանում է թունաբան Միքայել Գաբրիելյանը. armeniamedicalcenter.am

Օրգանիզմի թունավորումների առաջացման պատճառները բազմաթիվ են՝ սննդային, ալկոհոլային, սնկային, բոտուլիզմ, շարքը կարելի է անվերջ թվել: «Արմենիա» ԲԿ բժիշկ-թունաբան, ՀՀ ԱՆ գլխավոր մասնագետ Միքայել Գաբրիելյանի հետ...

Բժշկի ընդունարանում
Էպշտեյն-Բարի վիրուսը որպես հոգնածության պատճառ
Էպշտեյն-Բարի վիրուսը որպես հոգնածության պատճառ

Այս հիվանդության հարուցիչն այնքանով է տարածված, որքանով քիչ է ուսումնասիրված Էպշտեյն-Բարի վիրուսը կամ հերպեսի վիրուսի 4-րդ տեսակը: Ինչպես հաստատում են մասնագետները...

Վարակաբանություն Առողջապահության լրատու 16-17.2012
Սննդային թունավորումներ
Սննդային թունավորումներ

Որոշ թույներ մարդու մարմին ներթափանցում են սննդի հետ։ Սննդային թունավորումներն իրենց հերթին բաժանվում են երկու տեսակի՝ մանրէային և քիմիական թունավորումներ...

Առաջին նախաբժշկական օգնություն
Միջատների խայթոցի դեմ
Միջատների  խայթոցի դեմ

Ամռան ամենատճաճ երևույթներից մեկը մոծակների խայթոցն է: Սակայն, եթե մոծակների դեմ հնարավոր է հատուկ սարքերի միջոցով պայքարել, ապա մեղուների ու կրետների խայթոցից խուսափելն ավելի բարդ է...

Առաջին նախաբժշկական օգնություն Առողջապահության լրատու 10-11.2012
Թմրամոլության դեմ պայքարն անվերջ թեմա է...Թմրանյութերը տարեկան սպանում են մոտ 200 000 մարդու:
Թմրամոլության դեմ պայքարն անվերջ թեմա է...Թմրանյութերը տարեկան սպանում են մոտ 200 000 մարդու:

1987 թվականի դեկտեմբերի 7-ին ՄԱԿ-ի Գլխավոր ասամբլեան որոշում է ընդունել հունիսի 26-ը նշել որպես Թմրամիջոցների օգտագործման և դրանց ապօրինի շրջանառության դեմ պայքարի միջազագային օր...

Առողջապահության լրատու 10-11.2012
Սնկային թունավորումներ. Ի՞նչ անել
Սնկային թունավորումներ. Ի՞նչ անել

ԱԻՆ-ից հայտնում են ու կոչ անում բնակիչներին գնումներ չկատարել փողոցային առևտրի կետերից` փոխարենն օգտվելով անասնաբուժական և սանիտարական ծառայություն ունեցող շուկաներից ու խանութներից...

Առաջին նախաբժշկական օգնություն
Սննդային թունավորումներն աղտոտված մթերքի արդյունք են
Սննդային թունավորումներն աղտոտված մթերքի արդյունք են

Սննդային թունավորումներն առաջանում են սննդի հետ աղիների մեջ թունավոր նյութերի կամ մանրէների թափանցմամբ: Հաճախ սննդային թունավորումների հանգեցնում են ստաֆիլակոկն ու աղիքային ցուպիկը...

Առողջապահության լրատու 8-9.2012
Քրոնիկական հոգնածության համախտանիշ
Քրոնիկական հոգնածության համախտանիշ

Քրոնիկական հոգնածության համախտանիշը միայն աշխատամոլների մոտ չէ, որ լինում է: Եվ, ընդհանրապես, սովորական հոգնածության հետ այն ընդհանրապես կապ չունի: Բժիշկները որոնում են քրոնիկական հոգնածության...

Հոգեկան առողջություն Ես Առողջապահության լրատու 6-7.2012
Օձի խայթոցից տարեկան 30 հազար մարդ է մահանում
Օձի խայթոցից տարեկան 30 հազար մարդ է մահանում

Գրեթե ամեն օր արտակարգ իրավիճակների նախարարության պաշտոնական կայքում տեղադրվում են օձի խայթելու դեպքերի վերաբերյալ հաղորդագրություններ: Առողջապահության նախարարի մամուլի քարտուղար Շուշան Հունանյանը...

Հրատապ թեմա Աշխարհում
Ինչպե՞ս զերծ մնալ ամանորյա թունավորումներից
Ինչպե՞ս զերծ մնալ ամանորյա թունավորումներից

Շուկայում վաճառված սատկած ձիու մսի օգտագործման հետևանքով «Նորք» ինֆեկցիոն հինանդանոց դիմողներ չեն եղել: Այս մասին Panorama.am-ի թղթակցի հետ զրույցում հայտնեց հանրապետության գլխավոր վարակաբան, հիվանդանոցի տնօրեն Արա Ասոյանը...

Հրատապ թեմա Հայաստանում ԼՈՒՐԵՐ: Կանխարգելում և բուժում տանը
Հայկական իժի (Vipera raddei) կծելու դեպք

Դեպքը կատարվել է փորձառու սողունաբանի` տողերի հեղինակի հետ, ուստի նկարագրությունների հավաստիությունը հեռու է վախի հետ կապված չափազանցված լինելուց...

Կլինիկական դեպքեր Առողջապահություն 2.2010
Մեթադոնային փոխարինող բուժումը` արդեն Հայաստանում

Պատմական ակնարկ

Որպես ցավազրկող միջոց, մեթադոնը հայտնագործել են գերմանացի գիտնականներ Բոկմյուլը և Էրխարտը, Գերմանիայում, երկրորդ համաշխարհային պատերազմի տարիներին...

Առողջապահություն 1.2010
Ինչ են անում օձերը ձմռանը
Ինչ են անում օձերը ձմռանը

Հավանաբար դժվար է նշել կենդանիների մի այնպիսի խումբ, որը առաջացնի այնպիսի զգուշավորություն ու զգաստացնող հետաքրքրություն և վախի զգացում, ինչպիսին օձերն են...

Թվեր և փաստեր Առողջապահություն 4.2009

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ