Օրգանիզմի 9 հուշում, որ սրտի հետ ինչ-որ բան այնպես չէ. 1in.am

Առողջ սննդի և ժամանակակից բժշկության շնորհիվ այսօր մարդիկ ավելի քիչ են մահանում սրտի հիվանդություններից, հայտնում է health.obozrevatel.com-ը: Սակայն անոթների խցանումը դեռ մնում է արդիական խնդիր:

Սրտի նոպան ամենալուրջ պատճառն է բժշկի դեմելու համար: Ներքոհիշյալ խնդիրները կարող են խոսել այլ հիվանդությունների մասին, այնպես որ, պետք չէ դրանք սրտին մոտ ընդունել: Հիշեք, որ վերջնական ախտորոշում կարող է տալ միայն բժիշկը:

1. Դուք մշտապես հոգնածություն եք զգում

Խոսքը ոչ թե քնի պակասի մասին է, այլ արտահայտված հոգնածության, որը կարող է կապված լինել սրտի խնդիրների հետ:

2. Ձեր ներբանները ձգվում են

Ոտնաթաթերը կարող են ձգվել տարբեր պատճառներով. հղիություն, երակների լայնացում, նույն դիրքում երկար լինելը: Եթե ունեք նաև շնչահեղձություն կամ գերհոգնածություն, ապա դիմեք բժշկի:

3. Քայլելիս զգում եք խիստ ցավեր

Եթե ոտքերի մկանները ցավում են շարժվելիս, կարող է դրա պատճառը լինել ծայրամասային զարկերակային աթերոսկլերոզը:

4. Գլխապտույտներ

Դրանք կարող են առաջանալ ջրազրկումից, ծանրաբեռնվածություններից կամ կտրուկ կանգնելուց: Սակայն մշտական գլխապտույտների դեպքում պետք է դիմել բժշկի:

5. Շնչահեղձություն, չնայած զբաղվում եք սպորտով

Հնարավոր է դուք ունեք ասթմա, անեմիա, ախտահարություններ, սրտի փականի կամ արյան շրջանառության հետ կապված խնդիրներ, դեպրեսիա: Դեպրեսիան ըստ էության սրտի խնդիր չէ, սակայն ճնշված վիճակում գտնվող մարդիկ ավելի հակված են սրտային հիվանդություններ ունենալուն: Ավելի լավ է ազատվել դեպրեսիայից:

6. Գլխացավ

Մշտական գլխացավը կարող է վկայել սրտի խնդիրների մասին: Հայտնի է, որ գլխացավը կապված է սրտի հիվանդության հետ, սակայն կան շատ այլ պատճառներ՝ կապված նյարդային համակարգի հետ:

7. Գիշերը քնելիս լսում եք սրտի զարկերը

Սրտի փականի աշխատանքի խափանման դեպքում կարելի է լսել սրտի զարկերի ձայնը: Այն նաև կարող է նշանակել ճնշման և շաքարի ցածր մակարդակ, դեղերի կողմնակի ազդեցություն, անեմիա, ջրազրկում և այլն:

8. Անհանգստություն, քրտնարտադրություն և սրտխառնոց՝ միանգամից

Հանկարծակի սկսում եք անհանգստանալ, քրտնել, զգալ սրտխառնոց, որը նշան է սրտի կաթվածի: Եթե դա ուղեկցվում է շնչահեղձությամբ, կրծքում ցավերով, որը տարածվում է դեպի թիկունք, թևեր, պարանոց և կոկորդ, շտապ դիմեք բժշկի: 5 րոպե ուշացումն անգամ կարող է կյանքի համար վտանգավոր լինել:

Հարցեր, պատասխաններ, մեկնաբանություններ