Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Սրտանոթաբանություն

Գլխուղեղի ներանոթային բացառիկ վիրահատություն «Էրեբունի» բժշկական կենտրոնում

Գլխուղեղի ներանոթային բացառիկ վիրահատություն «Էրեբունի» բժշկական կենտրոնում

Երիտասարդ նյարդավիրաբույժ Դավիդ Սահակյանն օրերս էնդովասկուլյար կամ ներանոթային ճանապարհով իրականացրել է գլխուղեղի զարկերակային համակարգի բացառիկ վիրահատություն: Աշխարհում առաջին անգամ նմանատիպ վիրահատություններ կատարվել են անցյալ դարի 90-ական թվականների սկզբին և ներկայումս առաջատար բժշկության լավագույն մեթոդներից մեկն է: 

 

Մեզ հետ զրույցում Դավիդ Սահակյանը, ով բազմիցս վերապատրաստվել է Միացյալ Նահանգներում, բարձր գնահատեց «Էրեբունի» բժշկական կենտրոնի կադրային և տեխնիկական հագեցվածությունը՝ նշելով, որ այն չի զիջում ամերիկյան կլինիկաներին: 

 

–   Էնդովասկուլյար եղանակով իրականացվող վիրահատությունները հատկապես ինչո՞վ են բացառիկ: 

 

–   Էնդովասկուլյար նյարդավիրաբուժության բացառիկությունը նրանում է, որ հնարավորություն է ստեղծվում գլխուղեղի անոթային համակարգի վրա կատարվող գործողություններն իրականացնել առանց գանգի և գլխուղեղի կառուցվածքային ամբողջականության խախտման, ինչը հատուկ է բաց նյարդավիրաբուժական միջամտություններին: Մենք վիրահատում ենք անոթները՝ աշխատելով անոթի ներսից և նվազագույնի հասցնելով միջամտության ընթացքում հասցվող վնասը: Վերջին հանգամանքը չափազանց մեծ առավելություն է ստեղծում բաց վիրահատական միջամտությունների համեմատությամբ: Մեր հիմնական թիրախն է անոթային համակարգի ախտաբանությունը, ինչպիսիք են, օրինակ, գլխուղեղի զարկերակային անևրիզմաները, արտերիովենոզ մալֆորմացիաները և ֆիստուլաները: Վերջիններս հաճախ դրսևորվում են գլխուղեղի կաթվածով (ինսուլտ)՝ հանգեցնելով հիվանդի ընդհանուր ծանր վիճակի և կյանքի համար լուրջ սպառնալիքի: Այս պայմաններում չափազանց կարևոր է, որ նման ախտաբանությունների վնասազերծումն իրականացվի հնարավորինս արագ և մինիմալ ինվազիվ եղանակով: Տարիներով կուտակված միջազգային փորձը վկայում է, որ նման տեխնոլոգիաների կիրառումը չափազանց բարենպաստ է ազդում բուժման արդյունքների վրա՝ խիստ նվազեցնելով մահացության և հաշմանդամության հավանականությունը:   

 

Գլխուղեղի ներանոթային բացառիկ վիրահատություն «Էրեբունի» բժշկական կենտրոնում–   Այս վիրահատության հիմնական առավելությունը, փաստորեն, այն է, որ կատարվում է անարյուն, փա՞կ եղանակով:

 

–   Ես կասեի՝ գրեթե անարյուն: Մենք մուտք ենք գործում հիվանդի անոթային համակարգ հիմնականում ազդրային զարկերակից, այնուհետև, օգտագործելով հատուկ գործիքներ և տեխնիկա, հասնում գլխուղեղը սնուցող զարկերակներին: Երբեմն հարկ է լինում աշխատել նաև երակային համակարգում: Բնակչության մեծ մասն արդեն ծանոթ է սրտաբանների կողմից իրականացվող նմանատիպ վիրահատություններին, օրինակ, կորոնար զարկերակների ստենտավորմանը: Մեր կողմից իրականացվող վիրահատություններն ունեն որոշակի ընդհանրություն, սակայն մենք աշխատում ենք գլխուղեղի անոթների հետ:   

 

–   Կարելի՞ է արդյոք ասել, որ այս եղանակը գլխուղեղի կաթվածների բուժման ճանապարհ է: 


–   Գոյություն ունեն գլխուղեղի կաթվածների 2 տեսակ: Առաջին դեպքում տեղի է ունենում արյան արտահոսք անոթային համակարգից դեպի գլխուղեղի հյուսվածքը կամ նրա թաղանթների տակ: Այս դեպքում շատ կարևոր է հայտնաբերել անոթային անոմալիաները, որոնք առաջացնում են արյունահոսություն: Հայտնաբերելուց հետո անհրաժեշտ է նրանց  վնասազերծել՝ կանխելով կրկնակի արյունահոսությունը: Դեպքերի մեծ մասում սա կարելի է լավագույն ձևով իրականացնել միայն էնդովասկուլյար ճանապարհով:

 

Երկրորդ դեպքում տեղի է ունենում ուղեղը սնուցող զարկերակների խցանում, ինչը հանգեցնում է ուղեղային հյուսվածքի մահվան: Որոշակի պայմաններում փրկության միակ ճանապարհը կարող է լինել ներանոթային եղանակով անոթային խցանի հեռացումը կամ լուծումը:

 

Գլխուղեղի անոթային ախտաբանությունների պատահական հայտնաբերման դեպքում ներանոթային վիրահատական միջամտությունները շատ կարևոր և բացառիկ դեր ունեն հնարավոր մահացու կաթվածների կանխարգելման գործում:

 

ԷՐԵԲՈՒՆԻ բժշկական կենտրենի նյարդավիրաբույժ Դավիդ Սահակյան–   Խոսենք այն բացառիկ վիրահատության մասին, որը Դուք կատարել եք օրերս:

 

–   Իր տեսակի մեջ այն առաջինն էր «Էրեբունի» բժշկական կենտրոնում: Մեզ մոտ 36 տարեկան երիտասարդ էր ընդունվել, ով պարզապես գանգատվում էր գլխացավից և գլխում տաքության զգացողությունից: Կատարված հետազոտություններով հայտնաբերվեց գլխուղեղի արյունային կաթված՝ սուբարախնոիդալ արյունազեղում: Սովորաբար արյունազեղման հիմնական պատճառը գլխուղեղի զարկերակային անևրիզման է, որն իրենից ներկայացնում է անոթի պատի պարկանման արտափքում: Վերջինս կարող է լինել անախտանիշ և օրերից մի օր պատռվել: Արտահոսած արյունը տարածվում է գլխուղեղը  սնուցող անոթների շուրջը՝ հանգեցնելով կյանքին սպառնացող բարդությունների զարգացման: Նման չափազանց ծանր հիվանդության հաճախ հանդիպող առաջին ախտանիշներն են անտանելի ուժեղ գլխացավը, սրտխառնոցը, փսխումը, գիտակցության կորուստը, պարանոցային մկանների կարկամությունը: Այս հիվանդության դեպքում հիվանդների մոտ 15%-ը մահանում է մինչև հիվանդանոց հասնելը, չվիրահատվելու դեպքում մահանում է 67%-ը, իսկ վիրահատական բուժման դիմելիս՝ առավել մեծանում է հիվանդության բարենպաստ ելքի հավանականությունը և կրկնակի նվազում մահացությունը: Վիրահատության իմաստը անևրիզմայի վնասազերծումն է, որը «ռումբի» պես կարող է ցանկացած պահի պատռվել: Ներանոթային ճանապարհով անևրիզմայի խոռոչում տեղադրվում են միկրոպարույրներ: Հետագայում այդ միկրոպարույրների շուրջն առաջանում է սպիական հյուսվածք, և անոթի ամբողջականությունը վերականգնվում է: Վիրահատական միջամտությունը սովորաբար տևում է առավելագույնը երեք ժամ՝ կախված անևրիզմայի տեսակից և չափից: 

 

–   Այս վիրահատության հաջողվածությունն առավելապես կախված է բժշկի հմտությունների՞ց,  թե՞ սարքավորումներից:

 

–   Ժամանակակից նյարդավիրաբուժության մեջ երկուսն էլ համարժեք կարևորություն ունեն՝ և՛ սարքավորումները, և՛ մասնագետները: «Էրեբունի» բժշկական կենտրոնն այսօր ունի վերջին սերնդի հզոր սարքավորումներով հագեցած վիրասրահ՝ անգիոգրաֆիկ սենյակ, որն իր հզորությամբ նմանը չունի Հայաստանում: Մենք օգտագործում ենք համաշխարհային հայտնի ընկերությունների արտադրած գործիքները: Այստեղ աշխատում է մասնագիտացած, լավ պատրաստված թիմ:

 

–   Վիրահատված երիտասարդն այժմ հետվիրահատական փուլում է, ինչպե՞ս է ինքնազգացողությունը, և առհասառակ, ինչպե՞ս է անցնում այդ փուլը:

 

–   Անևրիզման վնասազերծելուց հետո դեռևս պահպանվում է արդեն կայացած արյունազեղման հետ կապված վտանգները: Այդ պատճառով բուժումը պետք է իրականացվի ինտենսիվ թերապիայի բաժանմունքի պայմաններում, որտեղ և գտնվում է հիվանդը:

 

–   Հիմնականում ո՞ր տարիքային խմբում են հանդիպում գլխուղի զարկերակային անևրիզմաները:

 

–   Հիմնականում հանդիպում են միջին և բարձր տարիքային խմբում: Միայն 2% դեպքերում են նրանք լինում բնածին: Նպաստող հիմնական գործոններն են՝ զարկերակային չվերահսկվող գերճնշումը, ծխելը, ժառանգական նախատրամադրվածությունը: 

Սկզբնաղբյուր. erebouni.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

Սրտի անոթների շունտավորում. armeniamedicalcenter.am
Սրտի անոթների շունտավորում. armeniamedicalcenter.am

Շունտավորումը վիրահատական միջամտություն է, երբ ախտահարված անոթում դրվում է բնական կամ արհեստական շունտ-անոթ՝ արյան շրջանառությունը կարգավորելու համար...

Սրտի անոթների ստենտավորում․ հարցազրույց ինտերվենցիոն սրտաբան Պողոս Սարգիսյանի հետ. armeniamedicalcenter.am
Սրտի անոթների ստենտավորում․ հարցազրույց ինտերվենցիոն սրտաբան Պողոս Սարգիսյանի հետ. armeniamedicalcenter.am

Ինչո՞ւ է սրտամկանի անոթների ստենտավորումն արդիական։

Կորոնար անոթների ստենտավորումն արդիական խնդիր է, քանի որ սրտի անոթների խցանումը  թրոմբով, և դրա արդյունքում զարգացող սրտամկանի ինֆարկտն ամբողջ աշխարհում...

Ստորին վերջույթների անոթների շունտավորում. armeniamedicalcenter.am
Ստորին վերջույթների անոթների շունտավորում. armeniamedicalcenter.am

Վարիկոզ հիվանդությունից զատ, կան այլ ախտաբանական վիճակներ ևս, երբ զգալիորեն նեղանում են ստորին վերջույթների անոթները: Արդյունքում վատանում է ոտքերի հյուսվածքների սնուցումը...

Սրտի վնասվածք. armeniamedicalcenter.am
Սրտի վնասվածք. armeniamedicalcenter.am

Սրտի վնասվածքը պերիկարդի, սրտամկանի, հաղորդչական ուղիների վնասումն է՝ մեխանիկական ազդակի հետևանքով։

Մեխանիկական ազդակնեը տարբեր են` ծակող կտրող գործիքներ, հրազեն, սրտի ուղղությամբ...

Զարկերակային ճնշման օրվա մոնիթորինգ. armeniamedicalcenter.am
Զարկերակային ճնշման օրվա մոնիթորինգ. armeniamedicalcenter.am

Օրվա ընթացքում զարկերակային ճնշման մոնիթորինգն ախտորոշման մեթոդ է, որը հնարավորություն է տալիս արյան ճնշումը որոշել 24 ժամվա ընթացքում և ավելի ճիշտ գնահատել բուժառուի վիճակն ու առկա հիվանդության...

Ախտորոշում
ԵՊԲՀ. Զարկերակային գերճնշում ունեցող մարդկանց շուրջ կեսը տեղյակ չէ դրա մասին
ԵՊԲՀ. Զարկերակային գերճնշում ունեցող մարդկանց շուրջ կեսը տեղյակ չէ դրա մասին

«Հերացի» վերլուծականը շարունակում է հրապարակումները` նվիրված առավել տարածված ոչ վարակիչ հիվանդություններին:

 

Այսօրվա նյութը վերաբերվում է զարկերակային գերճնշմանը...

Թերապիա
Հոլտերի մոնիթորինգ
Հոլտերի մոնիթորինգ

Հոլտեր մոնիթորինգը երկարատև էլեկտրասրտագրության (ԷՍԳ) ժամանակ սրտի աշխատանքը գրանցվում է 24 (երբեմն՝ 48-72) ժամվա ընթացքում: Այդ ընթացքում սրտի կծկումների թիվը հասնում է մոտավորապես...

Ախտորոշում
Խոլեսթերինի ռիսկերը և գենդերային տարբերությունները. armeniamedicalcenter.am
Խոլեսթերինի ռիսկերը և գենդերային տարբերությունները. armeniamedicalcenter.am

Բարձր խոլեսթերինի ռիսկի մակարդակները տարբեր են՝ կախված տարիքից և սեռից: Առողջ սիրտը երկար ու առողջ կյանքի շարժիչ ուժերից է: Թե՛ տղամարդիկ և թե՛ կանայք կարող են ունենալ խոլեսթերինի բարձր...

Զարկերակային գերճնշում. nairimed.com
Զարկերակային գերճնշում. nairimed.com

Զարկերակային գերճնշումը (ԶԳ) տարածված, հանրային առողջության համար լուրջ խնդիր ներկայացնող սիրտ-անոթային հիվանդություն է...

Ո՞ր դեպքերում և ինչպե՞ս է կատարվում սրտի անոթների ստենտավորումը
Ո՞ր դեպքերում և ինչպե՞ս է կատարվում սրտի անոթների ստենտավորումը

«Արամյանց» ԲԿ ընդհանուր և ինվազիվ սրտաբանական բաժանմունքը վերաբացումից հետո աշխատում է ժամանակակից տեխնիկական հագեցվածությամբ: Նորացվել է գործիքակազմը: Աշխատում են շուրջօրյա, շտապ կարգով...

Բժշկական կազմակերպություններ և կենտրոններ
Զարկերակային հիպերտենզիա. armeniamedicalcenter.am
Զարկերակային հիպերտենզիա. armeniamedicalcenter.am

Զարկերակային հիպերտենզիան /ԶՀ/ 140/90 մմ. սնդ․ սյուն և ավելի զարկերակային ճնշման բարձրացումն է:

Այս վիճակի տեսակներից մեկը էսենցիալ հիպերտենզիան է /հիպերտոնիկ հիվանդությունը/...

Հաճախասրտություն. armeniamedicalcenter.am
Հաճախասրտություն. armeniamedicalcenter.am

Հաճախասրտությունը՝ տախիկարդիան, սրտային ռիթմի տարածված խանգարում է, նրա հաճախացումը /հաճախ մեկ րոպեում 90-ից ավելի սրտի կծկումներով/...

Ինչպիսի՞ զարկերակային ճնշման դեպքում պետք է բուժվել. nairimed.com
Ինչպիսի՞ զարկերակային ճնշման դեպքում պետք է բուժվել. nairimed.com

Զարկերակային գերճնշմամբ տառապում է յուրաքանչյուր հինգերորդ մարդը, իսկ 50 տարի հետո՝ յուրաքանչյուր երկրորդը։ Այդ վիճակից լիովին ազատվել հնարավոր չէ, սակայն անպայման պետք է սեփական ճնշումը վերահսկել...

Մագիստրալ անոթների դուպլեքս հետազոտություն. հարցազրույց սոնոգրաֆիստ Հասմիկ Օհանյան. armeniamedicalcenter.am
Մագիստրալ անոթների դուպլեքս հետազոտություն. հարցազրույց սոնոգրաֆիստ Հասմիկ Օհանյան. armeniamedicalcenter.am

Անոթների դուպլեքս կամ տրիպլեքս ուլտրաձայնային սքանավորումը ախտորոշման նորագույն մեթոդներից է: Այն հնարավորություն է տալիս ստանալ անոթների երկչափ պատկեր, որի հիման վրա անոթային բոլոր ախտաբանությունների...

Ախտորոշում
Նախասրտերի շողացում և թրթռում (շողացող առիթմիա). nairimed.com
Նախասրտերի շողացում և թրթռում (շողացող առիթմիա). nairimed.com

Շողացող առիթմիան անկանոն, հաճախացած սրտխփոցն է, որը կարող է բարձրացնել կաթվածի, սրտային անբավարարության և այլ սիրտ-անոթային բարդությունների ռիսկը։ Տվյալ վիճակը նախասրտերի՝ սրտի երկու վերին...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ