Փսորիազ

Փսորիազը մաշկի բորբոքային քրոնիկական հիվանդություն է: Այս հիվանդության ժամանակ մարմնի վրա ի հայտ են գալիս տեսանելի խոցեր, որոնք ուղղեկցվում են կարմրությամբ, թեփոտվածությամբ, քորով և ցավերով` պատճառելով հիվանդին անհարմարության զգացում:

Որտեղի՞ց է առաջացել «փսորիազ» անվանումը:

Հիվանդության անվանումն առաջացել է հունական «Psora» - քորել բառից: Իրո′ք, քորը և թեփով պատված մաշկը փսորիազի տիպիկ բնորոշումներից են:

Ովքե՞ր կարող են հիվանդանալ փսորիազով:

Փսորիազով կարող են հիվանդանալ բնակչության 1-3%-ը` տղամարդիկ և կանայք հավասարապես: Որպես կանոն, փսորիազի առաջին ախտանշաններն ի հայտ են գալիս երիտասարդ տարիքում: Դրա հետ մեկտեղ հիվանդների շրջանում հանդիպում են և′ երեխաներ, և′ տարեց մարդիկ:

Վարակի՞չ է արդյոք փսորիազը:

Ո′չ, ևս մեկ անգամ ո′չ: Փսորիազը վարակիչ հիվանդություն չէ: Դա ժառանգական նախատրամադրվածություն ունեցող հիվանդություն է, որը գլուխ է բարձրացնում իմունային համակարգի թուլացման, դիմադրողականության անկման արդյունքում: Խոսքը չի գնում արտաքին արակի կամ մաշկային էկզեմայի մասին, այդ իսկ պատճառով փսորիազը վարակիչ լինել չի կարող: Մի′ խուսափեք այդ հիվանդությամբ տառապող մարդկանց ընկերակցությունից, ընդհակառակը, անհրաժեշտ է ցուցաբերել բարյացակամ վերաբերմունք, ամեն կերպ քաջալերել ու հուսադրել:

Որքանո՞վ է մեծ հավանականությունն այն բանի, որ փսորիազով հիվանդ ծնողների երեխաները կժառանգեն այդ հիվանդությունը:

Քանի որ խոսքը գնում է ժառանգական նախատրամադրվածություն ունեցող հիվանդության մասին, ապա ռիսկի գործոնը բավականին մեծ է: Եթե ծնողներից երկուսի մոտ էլ առկա է այս հիվանդությունը, ապա նրանց երեխաներին հիվանդության ժառանգաբար փոխանցվելու հավանականությունը մեծանում է մինչև 50%:

Թույլատրվու՞մ Է հիվանդին երկար ժամանակ անցկացնել արևի տակ:

Ցանկալի է կարծել, որ խելամիտ չափաբաժնով արևային լոգանքները բարերար ազդեցություն են ունենում փսորիազով հիվանդի վրա:

Ցավոք ոչ միշտ է այդպես: Որոշ դեպքերում արևը կարող է նաև վնասել: Համենայն դեպս, ամեն բուժական միջոցառումից առաջ, կամ մաշկի վրա փոփոխություններ նկատելու դեպքում անհրաժեշտ է խորհրդակցել մաշկաբանի հետ:

Ի՞նչը կարող է հիվանդության ժամանակ առ ժամանակ սրացման պատճառ լինել:

Փորձը ցույց է տալիս , որ սթրեսային իրավիճակները և հոգեկան լարվածությունը, նաև մարսողական համակարգի ախտահարումները կարող են առաջ բերել հիվանդության սրացում: Հայտնի են դեպքեր, երբ հիվանդությունը սրացել է ստերոիդներով բուժման հետևանքով:

Արդյո՞ք ալկոհոլային խմիչքների օգտագործումը և ծխելը բացասաբար են անդրադառնում փսորիազի վրա:

Հետազոտությունները ցույց են տվել, որ` այո′, ալկոհոլի և ծխախոտի չարաշահումը նպաստում են հիվանդության զարգացմանը:

Գոյություն ունե՞ն արդյո ք ստերոիդ պարունակող քսուքներին փոխարինող դեղորայք:

Հայտնի է, որ ստերոիդներն իրենցից մեծ վտանգ են ներկայացնում օրգանիզմի համար: Այդ դեղորայքի կիրառումը կարող է բացասաբար անդրադառնալ կենսական կարևոր նշանակություն ունեցող օրգանների վրա, իսկ որոշ դեպքերում` նույնիսկ առաջ բերել հիվանդության սրացում: Այդ իսկ պատճառով «Օն Կլինիք» միջազգային բժշկական կենտրոնի առաջատար մասնագետները բացահայտեցին ստերոիդ չպարունակող բնական բուժիչ նոր միջոցներ` պատրաստված «Մեռյալ» ծովի բնական հումքից և ցեխերից: Տասնյակ հազարավոր հիվանդներ ամբողջ աշխարհում դրականորեն արձագանքեցին իր տեսակի մեջ բուժման միակ բնական մեթոդին: Փսորիազի բուժման այս բացառիկ մեթոդը բարելավվեց հիվանդների առողջական վիճակը` մաշկին հաղորդելով առողջ և գեղեցիկ տեսք:

Հնարավո՞ր է արդյոք վերջնականապես բուժել փսորիազը:

Քանի որ խոսքը գնում է ժառանգական հիվանդության մասին` ժամանակակից բժշկությանը հայտնի դեղամիջոցներն ընդունակ են փսորիազի ախտանիշները վերացնել միայն որոշակի ժամանակով:

Հարցեր, պատասխաններ, մեկնաբանություններ