Վարակաբանություն
Հեպատիտի դեմ պայքարը` առողջապահության գերակա հիմնախնդիր
Առողջապահության համաշխարհային 63-րդ վեհաժողովը 2010 թվականին ընդունեց վիրուսային հեպատիտների մասին որոշումը, որը ՀՀ առողջապահության նախարարությունը համարում է որպես ուղղորդող փաստաթուղթ` հետագա աշխատանքներն իրականացնելու համատեքստում:
Վերջինիս վկայությունը հուլիսի 28-ը որպես հեպատիտների դեմ պայքարի միջազգային օր ամեն տարի նշելու փաստն է:
Բնագավառի մասնագետները, առողջապահության գործի կազմակերպիչները ՀՀ առողջապահության նախարարությունում այս տարի ևս մամլո ասուլիսի էին հրավիրել հանրապետության ԶԼՄ-ների ներկայացուցիչներին, ովքեր իրենց հրապարակումներում, հաղորդումներում ևս մեկ անգամ ազգաբնակչությանը պետք է իրազեկեն այս դարանակալ հիվանդության կանխարգելման, ժամանակին հետազոտման և բուժման անհրաժեշտության մասին:
Պատահական չէ, որ վիրուսային հեպատիտները, իրենց A, B, C, D, E և այլ տարատեսակներով մեր մոլորակի բազմաթիվ երկրների առողջապահության գերակա խնդիրներից են:
Անդրադառնալով լրագրողների հնչեցրած հարցին` ՀՀ ԱՆ պետական հիգիենիկ-հակահամաճարակային վարչության պետ Արտավազդ Վանյանը ցավով արձանագրեց, որ աշխարհում, համաձայն վիճակագրության, գրանցվում է հեպատիտ A-ի մոտ 1,4 մլն դեպք:
Քրոնիկական հեպատիտ B-ն, որը չափազանց վտանգավոր հիվանդություն է և կարող է հանգեցնել ծանր բարդությունների ու անգամ մահվան, Առողջապահության համաշխարհային կազմակերպության գնահատմամբ` վիրուսակրությամբ ներառել է բնակչության 2-7 տոկոսը: Հեպատիտ B-ով հիվանդների թիվը 10 անգամ գերազանցում է ՄԻԱՎ վարակակիրների թիվը, ինչը տարեկան մեկ միլիոն մարդու մահվան պատճառ է հանդիսանում, քանզի 240 մլն մարդ հիվանդանում է հեպատիտ B-ի քրոնիկական ձևերով, որից 600 հազարը մահանում է քրոնիկական տարատեսակ հետևանքներից:
Բանախոսը փաստեց, որ լյարդի քաղցկեղը 85%-ով պայմանավորված է հեպատիտ B-ով: Ընդհանրապես, քաղցկեղի առաջացման տեսանկյունից հեպատիտ B-ի վիրուսը գրավում է 2-րդ տեղը` ծխելուց հետո:
Անդրադառնալով հեպատիտ C-ին, պարոն Վանյանը նշեց, որ մեր մոլորակի բնակչության 150 միլիոնից ավելին վարակված են այս հիվանդությամբ, ավելին, յուրաքանչյուր տարի հայտնաբերվում է վարակի 3-4 մլն նոր դեպք` երեք անգամ գերազանցելով ՄԻԱՎ վարակակիրների թիվը:
Դժբախտությունն այն է, որ հեպատիտ C-ի 80%-ի դեպքում այն ընթանում է առանց կլինիկական ընդգծված արտահայտությունների, ինչի հետևանքների արդյունքում ամեն տարի 350 հազար մարդ կնքում է իր մահկանացուն:
Վերլուծելով վիրուսային հեպատիտների համաճարակային իրավիճակը, նա բերեց մեր հանրապետության վարչական վիճակագրության տվյալները` համաձայն որոնց, հեպատիտներով հիվանդացության ընդհանուր կառուցվածքում շուրջ 90 տոկոսը բաժին է ընկնում հեպատիտ A-ին, թեպետ, առավելապես վերջին տարիներին առկա է հիվանդացության նվազման միտում (հիվանդացության ցուցանիշը 100 հազար բնակչի հաշվով վերջին չորս տարիների 25,7-ից, անցյալ տարվա վիճակագրությամբ նվազել է` հասնելով 9,1-ի: ՀՀ-ում ներկայումս դիտվում է նաև վիրուսային հեպատիտ B-ի հիվանդացության նվազման միտում (100 հազար բնակչի հաշվարկով 2008-ի 3,4-ից 2011-ին նվազել է 2,2-ի):
Վերջին տասնամյակում հեպատիտ B-ի հիվանդացության նվազումն ակնառու է: Մինչև 1999թ. պատվաստումների ներդրումը նկատվում էր համաչափ նվազում և մեծահասակների, և մինչև 14 տարեկան երեխաների շրջանում` 2,5 %, ապա պատվաստումների ներդրումից հետո արձանագրվում է հիվանդացության կտրուկ նվազում, հատկապես մանկական ազգաբնակչության շրջանում` 98 անգամ (ցուցանիշը 9,8-ից նվազել է 0,1-ի): Նշվածը ապացուցում է պատվաստումների անհրաժեշտությունը, կարևորությունը և դրանց արդյունավետությունը վիրուսային հեպատիտ B-ի կանխարգելման գործում:
Ինչ վերաբերում է հեպատիտ C-ին, ապա, համաձայն վարչական վիճակագրական տվյալների, վերջինիս հիվանդացության աճ չի արձանագրվել: Սակայն այն շարունակում է մնալ առողջապահության գերակա հիմնախնդիրներից մեկը:
Հանրապետության գլխավոր ինֆեկցիոնիստ,«Նորք» ինֆեկցիոն կլինիկական հիվանդանոցի տնօրեն Արա Ասոյանը, Հակահամաճարակային ինստիտուտի տնօրեն Գայանե Մելիք-Անդրեասյանը, Հիգիենիկ հակահամաճարակային տեսչության բաժնի պետ Լիլիթ Ավետիսյանն անդրադառնալով «Մեր հանրապետությունում հիվանդացության ի՞նչ մակարդակի վրա են գտնվում հեպատիտները», «Որո՞նք են վարակի աղբյուրները»,«Ինչպե՞ս է ընթանում հիվանդությունը», «Ինչպե՞ս այն հայտնաբերել և բուժել», «Արդյո՞ք, գոյություն ունեն պատվաստանյութեր», «Ովքե՞ր են առավելապես վտանգված հիվանդանալու հեպատիտ B, և, հատկապես C տարատեսակներով», «Բուժելի՞ է, արդյոք, քրոնիկական հեպատիտ C-ն» լրագրողների հնչեցրած հարցերին, մասնավորապես նշեցին, որ վարակը կարող է անցնել անմիջականորեն վարակված արյան կամ արյան բաղադրամասերի փոխներարկմամբ, հիվանդի արյան հետ միջնորդավորված շփման ժամանակ, սեռական ճանապարհով, դաջվածքներ իրականացնելիս, վարակված մորից երեխային` 5% և 95% ծննդաբերության ընթացքում (հեպատիտ B-ի հարուցիչը 100 անգամ ավելի վարակիչ է, քան ՄԻԱՎ-ինը), հատկապես, հեպատիտ C-ն կարող է փոխանցվել չախտահանված ասեղների, ներարկիչների կամ բժշկական գործիքների միջոցով: Հիվանդությունն ախտորոշվում է արյան հատուկ հետազոտության միջոցով:
Բոլոր բանախոսներն էլ միանշանակ հաստատեցին, որ հեպատիտներով հնարավոր չէ վարակվել օդակաթիլային ճանապարհով, ինչպես նաև սննդամթերքի և կենցաղային շփման միջոցով:
Ինչ վերաբերում է բուժմանը, նրանք կարևորեցին հիվանդության ժամանակին հայտնաբերումը, քանի որ, հատկապես, հեպատիտ C-ի դեպքում, վարակվածների 80-85%-ի շրջանում հիվանդությունն ստանում է թաքնված ընթացք (հիվանդը տարիներ շարունակ մնում է անտեղյակ իր վարակի վերաբերյալ և հայտնաբերում այն պատահական հետազոտության ժամանակ, կամ, երբ հյուսվածքներում, անդարձելի փոփոխությունների արդյունքում, առաջ են գալիս լյարդի գործունեության խանգարման նշաններ):
Հեպատիտների բարդ տարատեսակների բուժումը երկարատև է և հիվանդից համբերություն ու կամք է պահանջում, ինչը պետք է իրականացվի մասնագետ բժշկի հսկողության ներքո: Պարոն Ասոյանն իր հերթին տեղեկացրեց, որպես բնագավառի մասնագետ, ինքն ամեն ինչ անում է, որ ԱՆ բյուջեում ֆինանսական մասնահանումներ արվեն հեպատիտների առանձին տարատեսակները պետպատվերի շրջանակներում բուժելու առնչությամբ:
Արձանագրվեց, որ A և B հեպատիտների համար առկա են ու մեր հանրապետությունն էլ ապահովված է պատվաստանյութերով, իսկ հեպատիտ C-ի պատվաստանյութի ստեղծմանն ուղղված աշխատանքներն աշխարհում դեռևս ընթացքի մեջ են:
Մի կարևոր հանգամանք ևս. դոնորական արյունը 100 տոկոսով հետազոտվում և վերահսկվում է վարակներից զերծ մնալու համար: Չմոռանանք, որ հեպատիտների կանխարգելումն ու բուժումը զգալի ներդրումներ են պահանջում և, այնուամենայնիվ, Առողջապահության նախարարությունը, համապատասխան միջոցառումներ է ձեռնարկում պատվաստանյութերի ձեռքբերման և ապահովման, հիվանդության դեմ պայքարն ու կանխարգելումն առավել նպատակասլաց ու համակարգված իրականացնելու ուղղությամբ:
Այս ամենին մեծապես կօգնի ազգաբնակչության իրազեկվածությունը, ինչի հարցում չափազանց մեծ է լրատվամիջոցների դերը և, իհարկե, համագործակցությունը հեպատիտների դեմ պայքարող բոլոր կառույցների հետ:
Կարդացեք նաև
Բոտուլիզմը ծանր սննդային տոքսիկոզ է, որն առաջանում է Clostridium botulinum-ի արտազատած տոքսին պարունակող սննդամթերքն օգտագործելիս...
Ինչպե՞ս են զարգանում հելմինթոզները։
Հելմինթոզները (ճիճվակրություն) մարդու և կենդանիների մոտ լայնորեն տարածված հիվանդություններ են...
Մենինգոկոկային վարակն արդի առողջապահական կարևոր հիմնախնդիրներից է: Այն օդակաթիլային փոխանցման մեխանիզմով շնչառական վարակ է՝ 70% երիտասարդ բնակչության ընդգրկմամբ՝ երեխաներ և դեռահասներ...
Ինչպե՞ս են զարգանում հելմինթոզները։
Հելմինթոզները (ճիճվակրություն) մարդու և կենդանիների մոտ լայնորեն տարածված...
Վարակային հիվանդությունների տեսակետից ինչպիսի՞ն է իրավիճակը ներկայում։
Ուշադրության կենտրոնում կարմրուկն է, սակայն գրանցվել են նաև ջրծաղիկով և քութեշով...
1, 2 տիպ հերպեսի (Herpes simplex virus) IgG հակարմինների հետազոտությունն իրականացվում է արյան մեջ առաջին և երկրորդ տիպի հերպեսի վիրուսների նկատմամբ G իմունոգլոբուլինների (հակամարմինների) որոշման համար...
Աղմուկն ականջներում որքա՞ն հաճախ է հանդիպում
Աղմուկն ականջներում տարածված և մշտապես անհանգստացնող երևույթ է...
Ի՞նչ է հետքովիդային համախտանիշը:
Հետկոքիդային համախտանիշը քովիդ վարակի հետևանք է, երբ հիվանդացածների մոտ 3 ամիս և ավելի...
Վերջին շրջանում ավելացել է մարդկանց քանակը, որոնք գանգատվում են Քովիդ-19-ից 2-3 ամիս անց սկսված մազաթափությունից: Այս ախտանշանը ժամանակավոր բնույթ է կրում, եթե չկան ուղեկցող խնդիրներ...
Անտիբիոտիկների շնորհիվ բազում կյանքեր են փրկվել և փրկվում: Բայց ժամանակի ընթացքում պարզ դարձավ, որ դրանք պետք է նշանակվեն միայն խիստ անհրաժեշտության դեպքում: Որովհետև՝ ոչնչացնելով վտանգավոր բակտերիաներին...
Ինչպե՞ս են մշակվում և փորձարկվում պատվաստանյութերը։
Ցանկացած պատվաստանյութ անցնում է բավականին երկար փորձաշրջան՝ խստագույն թեստավորում...
Հայաստանում կորոնավիրուսային հիվանդության դեմ կիրառվող կանխարգելիչ պատվաստումների բժշկական հակացուցումները նույնն են, ինչ բոլոր պատվաստումների դեպքում...
Կանդիդոզը միզասեռական օրգանների սնկային (candida) ախտահարումն է։ Որպես պայմանական ախտածին միկրոօրգանիզմ և մշտապես գտնվելով մաշկի և լորձաթաղանթի վրա, սնկերը կարող են երկար ժամանակ հիվանդություն չառաջացնել...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ընկերության մասին
- Ամուսնական առաջին գիշերը
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն