Միջավայրի կենսապահովման ֆիզիկական գործոնների օրինաչափ փոփոխության մեթոդով  իմունո-հորմոնալ հոմեոստազի ուղղման կենսաֆիզիկական տեխնոլոգիա։

Բնական քարաղի էներգիայի կիրառմամբ բուժում։

Ասթմայից և այլ ալերգիկ հիվանդություններից ազատվելու բնաբուժական տեխնոլոգիա, բուժում, կանխարգելում և մեծահասակերի, երեխաների ու հղի կանանց ռեկրեացիա:

Քարաղային քարանձավի՝ «Հանրապետական սպելեոթերապևտիկ կենտրոն» անվամբ առողջարանի,  բնական ֆիզիկական գործոնների բուժական-կանխարգելիչ արդյունավետությունը ապացուցված է գիտականորեն, փորձարկված է ժամանակի ընթացքում, ինչպես նաև ասթմայով, ալերգիկ և այլ հիվանդություններով  հիվանդ ավելի քան 10 հազար մարդկանց բուժման փորձով:

Ոչ բոլոր բուժման կարիք ունեցողները կարող ընդմիջել կյանքի ռիթմը, չգնալ աշխատանքի կամ դասի, կտրվել առօրյա կյանքից 6 կամ ավել ժամ, այն էլ` առավոտյան: Սպելեոթերապիայի ժամը  փոխել հնարավոր չէ, քանի որ աշխատում ենք հանքի քարաղի ստացման ժամանակին համընթաց, հակառակ դեպքում ստորգետնյա առողջարանի կենսագործունեության տեխնիկական ծախսեռը շատ անգամ ավելի կլինեին:

Նույնիսկ այն հիվանդները, ովքեր պատրաստ են ֆինանսական մեծ ծախսերի և ժամանակի հարցում խնդիր չունեն, միշտ չէ, որ կարող են օգտվել ասթմայի կամ ալերգիկ վիճակների ոչ ավանդական բուժման այդքան արդյունավետ մեթոդից: Սպելեոթերապիայի ժամանակ առաջացած խոչընդոտները կարող են ասթմայի բարդությունների կամ այլ հիվանդությունների հիմք դառնալ, ինչպիսիք են սրտի անբավարարությունը, լյարդի, երիկամների, անոթային հիվանդությունները, էպիլեպսիան կամ կոորդինացված շարժման խախտման այլ հիվանդությունները: «Քարանձավ առողջարանում» չեն կարող բուժվել հղիության առաջին շաբաթներում, առավել ևս պաթոլոգիկ հղիության, հետծննդաբերական շրջանում գտնվող կանայք,  փոքր երեխաները և այլն։

Ի հետաքրքրություն բոլոր հիվանդների, առավել հասանելի և ժամանակի հարմարավետության համար մենք մշակել ենք հալո-աէրոզոլ-քրոմո-քվանտային մոդուլյացիոն պալատը: Դրա հիմքում ընկած են պատենտավորված երկու հայտնագործություն (АС №1193 А2; АС №61) և օգտակար հարմարանքներ:  Մոդուլը պատրաստված և տեղադրված է «Բնաբուժություն» կորպորացիայի բժշկական կենտրոնում, ք. Երևան, փ. Գ. Նժդեհ, տուն նկուղային-7 հասցեով, հեռ.՝ +374 10 42 07 79, +374 10 44 73 73:

Բարձրակարգ բնաբուժական միջոցառումները կատարվում են բացառիկ, հարմարավետ, գեղեցիկ ու անկրկնելի առողջարան-պալատում, ուր մոդելավորվում են սպելեոառողջարանի բուժական-առողջարարական ֆիզիկական գործոնները, այդ թվում` համաչափ լույսի հոսքով բնական  քարաղի  բյուրեղների քվանտային էներգիան:

Կրկնակի էկրանավորումը պալատում գտնվող հիվանդներին մեկուսացնում է ինչպես արհեստական, այնպես էլ բնական էլեկտրամագնիսական դաշտերի ազդեցությունից` օրգանիզմին ենթարկելով միայն երկրի մշտական մագնիսական դաշտի ազդեցությանը: Պալատում պահպանվում է հաստատուն ջերմություն (19.5⁰ С) և օդի խոնավություն (32%): Պալատում օդը հագեցած է բուժական աէրոզոլով, իսկ հիվանդները վայելում են բուժիչ խոտերով պատրաստած թթվածնային կոկտեյլներ:

Այս ամենը իրականացվում է հարմարավետ պայմաններում, հիվանդները տեղավորվում են ռելաքսացիոն թիկնակային աթոռներում, իսկ գործընթացն ուղեկցվում է ձայնա- և տեսաթերապևտիկ լրացումներով: Անհրաժեշտության դեպքում թերապիան համադրվում է նաև ձեռքի մերսումով և ասեղնաբուժությամբ: Կատարվում են արոմոթերապիայի սենասներ:

Ցուցումներ.

• բրոնխիալ ասթմա,
• ալերգիա,
• շնչառական հիվանդություններ,
• տարած սուր հիվանդություններից հետո ընկած ժամանակահատված,
• մանկական ինֆանտալիլիզմ,
• հոգնածություն,
• իմունո-հորմոնալ ստատուսի դիսֆունկցիայով պայմանավորված ախտաբանական հղիություն և բեղմնավորում:

Հակացուցում.

• չարորակ նորագոյացություններ։

Չեն ընդունվում հիվանդներ.

• սուր վարակներով,
• հոգեկան խանգարումներով,
• վեներական հիվանդություններով։

Բուժման կուրսը. 10-40 սեանս, 45 րոպեից մինչև 1,5 ժամ: Բուժման կուրսը խորհուրդ է տրվում կրկնել 6-8 ամիս անց, մինչև իմունո-հորմոնալ հոմեոստազի ամբողջական վերականգնումը: Կարելի է հալո-աէրոզոլ-քրոմո-քվանտային թերապիային հաջորդել բնական սպելեոթերապիան: Բուժումը կատարվում է հիվանդի համար հարմար ժամին` նմանատիպ հիվանդների խմբում:

Հալո-աէրոզոլ-քրոմո-քվանտային բուժման ցուցումը սահմանվում է Բնաբուժություն կենտրոնի բժիշկների կողմից:

Բժշկական հետազոտությունը և անհրաժեշտության դեպքում` բուժումը, հիվանդի ցանկությամբ կարող է կատարվել ընտանեկան բժշկի կամ, ըստ ապրելու վայրի, պոլիկլինիկայի բժշկի կողմից:

Անհրաժեշտ բժշկական փաստաթղթեր.

1. ուղարկող հաստատության կողմից հակիրճ էպիկրիզ,
2. լեյկոֆորմուլայով արյան ընդհանուր անալիզ,
3. կրծքավանդակի ռենտգեն հետազոտություն,
4. դիսբակտերիոզի, հելմինտների հայտնաբերման համար կղանքի հետազոտություն,
5. մաշկավեներաբանի եզրակացություն,
6. բնակության վայրի համաճարակային իրավիճակի վերաբերյալ տեղեկանք։