Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Բուժման մեթոդներ

ՍՈՒՊՐՈ-760 սննդային հավելումը որպես քրոնիկ երիկամային անբավարարության զարգացումը դանդաղեցնող միջոց

Վերջին տասնամյակներում ամբողջ աշխարհում դիտվում է երիկամների քրոնիկ հիվանդությամբ /ԵՔՀ/ տառապողների թվի կտրուկ աճ:ԵՔՀ աստիճանաբար բերում է երիկամների ֆունկցիայի նվազեցման, որը բնորոշվում է կծիկային ֆիլտրացիայի պրոգրեսիվացող անկմամբ և պլազմայում կրեատինինի մակարդակի աստիճանական բարձրացմամբ: Ձևավորվում է քրոնիկ երիկամային անբավարարություն /ՔԵԱ/, որն ունի անընդհատ խորացող բնույթ` մինչև տերմինալ ուրեմիայի զարգացումը: Վերջինս էլ որոշում է նեֆրոլոգիական հիվանդությունների ելքը [3]: ՔԵԱ ժամանակ օրգանիզմում կատարվում են մի շարք կենսաքիմիական փոփոխություններ, այդ թվում նաև լիպիդների մակարդակի բարձրացում: Վերջինս կլինիկորեն արտահայտվում է աթերոսկլերոզի վաղաժամ զարգացմամբ [1]:

 

ՔԵԱ բուժումը մինչև ուրեմիկ շրջանի զարգացումը կոնսերվատիվ է: Ուրեմիկ շրջանում անցկացվում են ծրագրավորված հեմոդիալիզի սեանսներ: Վերջիններս ֆինանսավորվում են պետության կողմից և համարվում են բավարար ծախսատար: Սակայն հեմոդիալիզի ապարատներն անհամեմատ քիչ են, քան ուրեմիկ շրջանում գտնվող հիվադների քանակը, հետևաբար, այն հիվանդները, որոնք դուրս են մնում այդ օգնությունից, մահանում են ուրեմիայից:

 

Ելնելով վերոհիշյալից, պարզ է դառնում ՔԵԱ պրոֆիլակտիկայի և վաղ շրջանում կոնսերվատիվ բուժման անհրաժեշտությունը: Այդ ուղղությամբ կատարվող բոլոր հետազոտությունները համարվում են նեֆրոլոգների առաջնահերթ խնդիրներից մեկը [3,5]:

 

Կոնսերվատիվ բուժման անկյունաքարը սահմանափակ սպիտակուցային սննդակարգն է: Հայտնի է, որ սննդի հետ ընդունվող սպիտակուցները (հատկապես կենդանական ծագում ունեցող) մի կողմից բերում են հիպերֆիլտրացիայի` արագացնելով կծիկների սկլերոզը, մյուս կողմից քայքայվելով` բարձրացնում են ազոտային շլակների մակարդակը արյան մեջ, իսկ վերջիններս կարևորագույն դեր են խաղում ինտոքսիկացիայի զարգացման մեջ: Օրվա սննդակարգում սպիտակուցների քանակի պակասեցումը լինում է արդյունավետ, եթե այն զուգակցվում է անփոխարինելի ամինաթթուներ պարունակող պրեպարատների և սննդային հավելումերի հետ: Վերջիններից նեֆրոլոգիայում առավել տարածում ունի առանձնացված սոյայի սպիտակուց ՍՈՒՊՐՈ-760, որն իր մեջ պարունակում է 18 անփոխարինելի ամինաթթուներ: Նրանք համարվում են լիարժեք սպիտակուցներ և քայքայվելով` չեն բարձրացնում ազոտային շլակների մակարդակն արյան մեջ [1,2]: Միաժամանակ ՍՈՒՊՐՈ-760-ը նպաստում է հիպերֆիլտրացիայի պակասեցմանը և հետևաբար դանդաղեցնում է կծիկների սկլերոզացման պրոցեսը [2]: Տարբեր հեղինակների կողմից ՍՈՒՊՐՈ-760-ը նշանակվել է ՔԵԱ ինչպես վաղ, այնպես էլ ուրեմիկ շրջանում, երբ հիվանդները ստանում էին ծրագրավորված հեմոդիալիզի սեանսներ: Ըստ մեզ հասու գրականության տվյալների ՔԵԱ վաղ շրջանում գտնվող հիվանդները, որոնք մշտապես ստացել են ՍՈՒՊՐՈ-760-ը, հսկողության տակ են եղել 1,5 տարի [4]:

 

Ներկա աշխատանքի նպատակը եղել է գնահատել ՍՈՒՊՐՈ-760-ի ազդեցությունը ՔԵԱ ընթացքի վրա` նրա զարգացման վաղ և ուրեմիկ շրջաններում, երբ հիվանդները ստացել են ծրագրավորված հեմոդիալիզի սեանսներ:

 

Այդ նպատակով մենք հետազոտել ենք ՔԵԱ տառապող 82 հիվանդ, նրանցից 52-ը գտնվել են ՔԵԱ վաղ շրջանում, իսկ 30 հիվանդ` տերմինալ շրջանում և ստանում էին հեմոդիալիզ:

 

Վերոհիշյալ 52 հիվանդները մեր վերահսկողության տակ են եղել 2001-2008 թթ.: Նրանք հետազոտվել են ամբուլատոր և ստացիոնար պայմաններում («Սուրբ Գրիգոր Լուսավորիչ» ԲԿ, նեֆրոլոգիական բաժին), իսկ մնացած 30 հիվանդները վերցվել են հսկողության տակ վերջին տարում:

 

ՔԵԱ զարգացման վաղ շրջանում գտնվող 52 հիվանդների ընտրության հիմնական ցուցանիշներն եղել են կծիկային ֆիլտրացիան և կրեատինինի մակարդակն արյան մեջ (կծիկային ֆիլտրացիան <60մլ/ր, կրեատինինի մակարդակը պլազմայում >120մկմոլ/լ): Կատարված մնացած կենսաքիմիական հետազոտություններից առանձնացրել ենք խոլեսթերինի մակարդակի ցուցանիշները: Հիվանդների խմբավորման մեջ դեր չեն խաղացել հիմնական հիվանդության տարիքը, սեռը, կլինիկական և այլ հարկլինիկական հետազոտման տվյալները: 

 

ՔԵԱ վաղ շրջանում գտնվող 52 հիվանդի նշանակվել է սահմանափակ սպիտակուց պարունակող սննդակարգ (0,3-0,6գ/կգ քաշին): Նրանցից 30-ը ստացել է ՍՈՒՊՐՈ-760 0,3գ/կգ քաշին:

 

ՍՈՒՊՐՈ-760 նշանակելուց առաջ 30 հիվանդների մոտ որոշվել է կծիկային ֆիլտրացիայի, կրեատինինի և խոլեսթերինի մակարդակը պլազմայում: Կրեատինինի մակարդակը կազմել է 220,4՞5,45մկմոլ/լ, կծիկային ֆիլտրացիան 39,6՞0,17մլ/ր, խոլեսթերինի մակարդակը` 5,3՞0,05մմոլ/լ (p

 

Մնացած 22 հիվանդներից, որոնք չէին ստացել ՍՈՒՊՐՈ-760, 7 տարի անց կրկնակի հետազոտվել են 14-ը: Վերջիններիս մոտ դիտվել էր ինչպես կրեատինինի, այնպես էլ խոլեսթերինի մակարդակի աճ և կծիկային ֆիլտրացիայի անկում (կրեատինին` 598,6՞2,92մկմոլ/լ, խոլեսթերին` 6,8՞0,08մմոլ/լ, կծիկային ֆիլտրացիան` 12՞0,20,2մլ/ր), 14 հիվանդներից 5-ի մոտ զարգացել էր տերմինալ ՔԵԱ:Մնացած 8 հիվանդի ճակատագիրն անհայտ է:

 

Հեմոդիալիզի սեանսներ ստացող 30 հիվանդներից 15-ին 1 տարի նշանակվել է «Սուպրո-760» 0,6գ/կգ քաշին: Նրանց մոտ այդ ընթացքում պակասել է ընդհանուր թուլությունը և քաշի կորուստը: Հեմոդիալիզի յուրաքանչյուր սեանսից հետո կրեատինինի մակարդակի իջեցումն եղել է ավելի արտահայտված (կրեատինինի մակարդակը պլազմայում մինչ դիալիզային սեանսը 1000-800 մկմոլ/լ, սեանսից հետո` 400-250մկմոլ/լ): Մնացած 15 հիվանդների մոտ, որոնք չեն ստացել ՍՈՒՊՐՈ-760, նման դրական տեղաշարժեր չեն արձանագրվել:

 

Այսպիսով. քրոնիկ երիկամային անբավարարության վաղ շրջանում նշանակված սահմանափակ սպիտակուցային սննդին զուգակցված ՍՈՒՊՐՈ-760, որն իրենից ներկայացնում է անփոխարինելի ամինաթթուներով հարստացված սննդային հավելում, նպաստել է ՔԵԱ ընթացքի դանդաղեցմանը` երկարաձգելով նախադիալիզային շրջանը: 7 տարվա հսկողությունը ՍՈՒՊՐՈ-760 ստացող հիվանդների մոտ ցույց է տվել կրեատինինի մակարդակի աճի դանդաղեցում` սկսած ընդունման երրորդ ամսից: Իսկ խոլեսթերինի մակարդակը սկսել է իջնել արդեն ընդունման առաջին ամսից:

 

Նախադիալիզային շրջանի երկարացումը նշանակում է, որ հիվանդները մնում են հասարակության և ընտանիքի լիարժեք անդամներ, իսկ պետության կողմից խնայվում են դիալիզին տրամադրվող ֆինանսները:

 

Ծրագրավորված հեմոդիալիզով բուժվող հիվանդները, որոնք ստացել են ՍՈՒՊՐՈ-760 նշել են ընդհանուր թուլության պակասեցում, քաշի ավելացում: Նրանց մոտ բարձրացել է զգայունությունը հիպոտենզիվ դեղորայքի նկատմամբ: ՍՈՒՊՐՈ-760-ը, լինելով անփոխարինելի ամինաթթուների կոմպլեքս, քայքայվելով ոչ միայն չի բարձրացնում կրեատինինի, այլ նաև կալիումի, նատրիումի և ֆոսֆորի մակարդակը, միաժամանակ կանխարգելում է սպիտակուցա-էներգետիկ անբավարարության զարգացումը:

 

Գրականություն 


  1. Кузьмин О.Б. Хроническая болезнь почек, состояние сердечно-сосудистой системы. Нефрология, 2007, 11/1, с.28-35.
  2. Кучер А.Г. Соевые изоляты в лечебном питании больных хронической почечной недостаточностью. Нефрология, 2000, 4(2), с.91-92.
  3. Мухин Н.А., Тареева И.Е., Шилов Е.М., Козловская Л.В. Диагностика и лечение болезни почек. Изд-во ‚ГЭО ТАР-Медиаե, 2007, с.141-150.
  4. Рябов С.И., Кучер А.Г. Влияние различных режимов малобелковой диеты на прогрессирование хронической почечной недостаточности и показатели состояния питания на додиализном этапе. Терапевтический архив, 2000, դ6, с.10-12.
  5. Смирнов А.В., Добронравов В.А., Каюков И.Г., Есаян А.М. Хроническая болезнь почек, дальнейшее развитие концепции и классификация. Нефрология, 2008, 12(1), с.7-13.

Հեղինակ. Թևոսյան Տ., Պանդունց Ռ., Տրոզյան Ա., Հովսեփյան Ռ., Մարգարյան Ա., ԱԱԻ, «Սուրբ Գրիգոր Լուսավորիչ» ԲԿ
Սկզբնաղբյուր. Գիտական բժշկության հանդես ԱԱԻ 2.2009
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Բիպոլյար ներմիզուկային մասնահատման առավելությունները միզապարկի քաղցկեղի դեպքում

Բանալի բառեր. միզապարկի քաղցկեղ, բիպոլյար ներմիզուկային մասնահատում

Առաջին հիշատակումները ներմիզուկային մասնահատման (ՆՄՄ) կիրառման վերաբերյալ հանդիպում են 16-րդ դարից: Հետագայում, գիտատեխնիկական առաջընթացին զուգընթաց...

Ուռուցքաբանություն Ուրոլոգիա Մեդիցինսկիյ Վեստնիկ Էրեբունի 3.2012 (51)
Շագանակագեղձի բարորակ հիպերպլազիայով պայմանավորված ստորին միզուղիների ախտանիշների դեղորայքային բուժման ժամանակակից մոտեցումները (գրականության ակնարկ)

Բանալի բառեր. շագանակագեղձի բարորակ հիպերպլազիա, էրեկտիլ դիսֆունկցիա, ֆոսֆո-դիէսթերազա 5-ի ինհիբիտորներ, ստորին միզուղիների ախտանիշներ

Տարեց տղամարդկանց շրջանակներում լայն տարածում ունեցող էրեկտիլ դիսֆունկցիան (ԷԴ) և շագանակագեղձի բարորակ հիպերպլազիայի (ՇԲՀ) հետևանքով առաջացող ստորին միզուղիների ախտանիշները (ՍՄԱ) սովորաբար ի հայտ են գալիս կյանքի 5-րդ և 6-րդ տասնամյակներում [11,15,24]...

Ուռուցքաբանություն Ուրոլոգիա Մեդիցինսկիյ Վեստնիկ Էրեբունի 3.2012 (51)
Լրիվ և բարդ մարջանաձև քարերի բուժման բաց վիրահատական մեթոդ` պիելոլիթոտոմիա զուգակցված կոնտակտային լիթոտրիպսիայի հետ

Բանալի բառեր. միզաքարային հիվանդություն, պիելոլիթոտոմիա

Միզաքարային հիվանդությունը` իր տարածվածության (մինչև 5%), բուժման համար պահանջվող ծախսերի շարունակական մեծացման պատճառով համարվում է ոչ միայն ժամանակակից ուրոլոգիայի այլ նաև առողջապահական լուրջ հիմնախնդիր...

Ուրոլոգիա Մեդիցինսկիյ Վեստնիկ Էրեբունի 3.2012 (51)
Գերակտիվ միզապարկի և ինֆրավեզիկալ օբստրուկցիայի զուգակցման դեպքում վիրահատական բուժման արդյունավետությունը շագանակագեղձի բարորակ հիպերպլազիայով հիվանդների մոտ (գրականության ակնարկ)

Բանալի բառեր. միզապարկ, շագանակագեղձ, հիպերպլազիա

Մի շարք կլինիկական դիտարկումներ ցույց են տվել, որ շագանակագեղձի բարորակ հիպերպլազիայով (ՇԲՀ) զգալի թվով հիվանդների մոտ ինֆրավեզիկալ օբստրուկցիայի (ԻՎՕ) ախտանիշները զուգորդվում են գերակտիվ միզապարկի (ԳԱՄ) ախտանիշներով...

Ուռուցքաբանություն Ուրոլոգիա Մեդիցինսկիյ Վեստնիկ Էրեբունի 3.2012 (51)
Քրոնիկական դակրիոցիստիտի բուժումը մոդիֆիկացված դակրիոցիստոռինոստոմիայի եղանակով (գրականության տեսություն)

Քրոնիկական դակրիոցիստիտը հանդիսանում է արցունքապարկի քրոնիկ բորբոքումը, որը զարգանում է արցունքաքթային խողովակի բլոկադայի հետևանքով: Այն հանդիսանում է բավականին տարածված պաթոլոգիա և կարող է հանդիպել բոլոր տարիքային խմբերում...

Ակնաբանություն Հ.Ս. Թամազյանի անվ. Հայաստանի վիրաբուժության լրաբեր 2.2012
Աճուկային ճողվածքների բուժումը «Ռեպերեն-2» սինթետիկ էնդոպրոթեզի կիրառմամբ

Բանալի բառեր. «Ռեպերեն-2», աճուկային ճողվածքներ, սինթետիկ էնդոպրոթեզ

Ճողվածքների վիրահատական բուժումն ինչպես բժշկական, այնպես էլ սոցիալ-տնտեսական նշանակություն ունի: Դա պայմանավորված է ճողվածքների լայն տարածվածությամբ, հատկապես աճուկային կրկնվող մեծ...

Վիրաբուժություն Առողջապահություն 4.2011
Համառոտ` ցողունային բջիջների մասին

Բանալի բառեր. ռեգեներատիվ բժշկություն, արյունաստեղծ, մեզենխիմային, սաղմնային ցողունայինբջիջներ

Դեռևս X դարի սկզբներին մեծն Ավիցեննան նշում էր, որ բժշկի գործիքներն են խոսքը, բույսը և դանակը...

Առողջապահություն 2.2011
Ֆիտոբեզոարի առաջացրած բարակաղիքային անանցանելիության բուժման մեր փորձը

Բանալի բառեր. ֆիտոբեզոար, բարակաղիքային անանցանելիություն

Ներածություն: Բարակաղիքային մեխանիկական անանցանելիությունը բարակ աղիքի վիրաբուժական միջամտություն պահանջող և առավել հաճախ հանդիպող ախտաբանական վիճակ է...

Գաստրոէնտերոլոգիա, լյարդաբանություն Վիրաբուժություն Առողջապահություն 2.2011
Քրոնիկ հետտրավմատիկ ոսկրաբորբ, միոպլաստիկան` որպես բուժման տարբերակ

Ոսկրաբորբը վերջին տարիներին որպես բարդություն համեմատաբար ավելի քիչ է հանդիպում մեր պրակտիկայում` կապված քիչ հանդիպող հրազենային վնասվածքների, բաց և փակ կոտրվածքների բուժման...

Վնասվածքաբանություն և օրթոպեդիա Մեդիցինսկիյ Վեստնիկ Էրեբունի 3.2010 (43)
Սուր պանկրեատիտի բուժման ժամանակակից հարցերը (գրականության տեսություն)

Սուր դեստրուկտիվ պանկրեատիտի բուժման պատմությունն իրենից ներկայացնում է բազմամյա երկխոսությունների պատմություն` կոնսերվատիվ բուժման և ակտիվ վիրաբուժական մեթոդների կողմնակիցների միջև...

Գաստրոէնտերոլոգիա, լյարդաբանություն Վիրաբուժություն
Սուր պանկրեատիտի բուժման ժամանակակից հարցերը (գրականության տեսություն)

Սուր դեստրուկտիվ պանկրեատիտի բուժման պատմությունն իրենից ներկայացնում է բազմամյա երկխոսությունների պատմություն` կոնսերվատիվ բուժման և ակտիվ վիրաբուժական մեթոդների կողմնակիցների միջև։ Դա պատմություն է մշտական անցումների...

Գաստրոէնտերոլոգիա, լյարդաբանություն Գիտական բժշկության հանդես ԱԱԻ 1.2010
Տիբանտինային մոնոթերապիան նեյրոպաթիկ ցավային համախտանիշի բուժման ժամանակ

Ժամանակակից բժշկության մեջ նեյրոպաթիկ ցա­վային համախտանիշի (ՆՑՀ) բուժումը համարվում է բարդ և մեծ արդիականություն վայելող խնդիր, ինչը պայմանավորված է ոչ միայն ՆՑՀ-ով տառապող հիվանդների մեծ թվով, այլ նաև մինչ օրս կիրառվող բուժման ավանդական մեթոդների խիստ ցածր արդյունավետությամբ, որի արդյունքում սուր ցավը վերածվում է քրոնիկականի...

Նյարդաբանություն Ինտենսիվ թերապիա Մեդիցինսկիյ Վեստնիկ Էրեբունի 3.2008 (35)
Կոնքազդրային հոդի հետվնասվածքային օստեոխոնդրալ ազատ մարմինների արթրոսկոպիկ բուժումը

Առօրյա կյանքում հաճախ են հանդիպում կոնքազդրային հոդի այնպիսի հիմնախնդիրներ, որոնք շատ դժվար է հայտնաբերել ռենտգենա­բա­նական հետազոտությամբ և պահանջում են լուրջ բուժական միջոցառումներ: Դրանց մեջ կարևոր տեղ են զբաղեցնում հետվնասվածքային ազատ օստեո­խոնդրալ մարմինները, ասեպտիկ նեկրոզի օջախները...

Վնասվածքաբանություն և օրթոպեդիա Մեդիցինսկիյ Վեստնիկ Էրեբունի 3.2008 (35)
Օզոնոթերապիայի կիրառման արդյունավետության գնահատումը լապարասկոպիկ խոլեցիստէկտոմիայի ժամանակ

Արդիականությունը.

Ներկայումս օզոնոթերապիան, որպես ոչ դեղո­րայ­քային թերապիա, լայն կիրառություն ունի բժշկության տարբեր ասպարեզներում: Այն ունի ազդեցության լայն սպեկտր. դրսևորում է բակտերացիդ, վիրիցիդ, ֆունգոցիդ, իմունամոդուլացնող, հակահիպօքսիկ, դեզինտոքսիկացիոն ազդեցություն, նկատելիորեն լա­վաց­նում է...

Վիրաբուժություն Մեդիցինսկիյ Վեստնիկ Էրեբունի 3.2008 (35)

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ