«Իզմիրլյան» ԲԿ վիրաբուժական բաժնում կատարվել է յուրօրինակ վիրահատություն՝ Տիգրան Դուրգարյանի մասնակցությամբ. izmirlianmedicalcenter.com

Պացիենտը` Մ. Ս., 64 տարեկան, ընդունվել է կլինիկա` լեղաքարային հիվանդություն նախնական ախտորոշմամբ: Պացիենտը գանգատվել է աջ թուլակողում անհանգստացնող հաճախակի ցավերից:

Բժշկի ցուցումով իրականացվել են համապատասխան հետազոտություններ և հաստատվել լեղաքարային հիվանդություն ախտորոշումը:

Պացիենտն անամնեզում նշել է, որ նախկինում կատարվել է որովայնի խոռոչի օրգանների ախտահարումների հետ կապված 2 վիրահատություն:

Առաջին վիրահատությունն իրականացվել է 2011 թվականին. սիգմայաձև աղու մասնահատում ՝ դոլիխոսիգմա ախտորոշմամբ, և 2015 թվականին. ցիստպրոստատէկտոմիա` բարակ աղիքային ռեզերվուարի ձևավորումով:

«Իզմիրլյան» ԲԿ-ում, չնայած  կատարված  երկու  մեծ  վիրահատությունների, կպումային  հիվանդության  առկայության,  հիվանդին  կատարվել է լապարոսկոպիկ խոլեցիստեկտոմիա:

Հիվանդի ինքնազգացողությունը ներկայում բավարար է, ապաքինման փուլում և օրերս դուրս կգրվի կլինիկայից:

Հարցեր, պատասխաններ, մեկնաբանություններ