Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Պերինատոլոգիա, մանկաբարձություն և գինեկոլոգիա

Միզասեռական կանդիդոզի բուժումը միկոֆլու դեղամիջոցով

Բանալի բառեր. Միզասեռական կանդիդոզ, միկոֆլու, ֆլուկոնազոլ

Ներածություն: Մանկաբարձագինեկոլոգիական հիվանդությունների կառուցվածքում սնկային` կանդիդային վուլվովագինիտը (ԿՎՎ) շարունակում է զբաղեցնել առաջատար տեղերից մեկը:

 

Համաշխարհային վիճակագրական տվյալների համաձայն, այն կազմում է վուլվայի և հեշտոցի վարակական հիվանդությունների 40-50%-ը [5]:

 

Վերջին տարիներին նշվում է սեռական օրգանների ստորին հատվածների ախտահարման դեպքերի, մասնավորապես` կանդիդոզի հաճախականության աճի միտում [2, 4, 5, 6]: Որպես կանոն, սնկային ծագման վուլվովագինիտը հանդիպում է վերարտադրողական տարիքի կանանց, երբեմն` դեռահասների, ինչպես նաև դաշտանադադարի և հետդաշտանադադարի շրջաններում [5]:

 

Կանդիդոզին հիմնականում բնորոշ է ընթացքի երկարատև և կրկնվող բնույթը, ինչպես նաև դրա ընդհանուր ձևերի զարգացմանը զուգընթաց այլ օրգանների և համակարգերի աշխատանքի խանգարումը [1, 2, 3, 7]: Ըստ Վ.Ն. Պրիլեպսկայայի (2001) տվյալների, կանդիդոզի բոլոր ձևերի թվում սնկային վուլվովագինիտը կազմում է 75% [6]:

 

Կանդիդոզի հարուցիչ Candida խմբի խմորասունկն ունի 170 տեսակ, սակայն 85-90% դեպքում հիվանդության հարուցիչ է դառնում C. Albicans, մյուս դեպքերում` C. Glabrata, C. Tropicans, C. Guilliermondi, C. Parapsilosis, C. Krusei, C. Pseudotropicalis և Saccharomyces ceremisiae:

 

Candida խմբի սնկերը պատկանում են պայմանական ախտածին միկրոօրգանիզմների շարքին, սակայն ավելի քան 90% դեպքում դառնում են ախտանշային վագինիտի պատճառ:

 

Հետազոտության նպատակը


Տվյալ աշխատանքի նպատակն է ուրոգենիտալ կանդիդոզի բուժման համար ՙGM Pharmaceuticals՚ դեղագործական ընկերության կողմից առաջարկված հակասնկային միկոֆլու (150 մգ) դեղամիջոցի բուժական արդյունավետության և անվտանգության գնահատումը:

 

Հետազոտել ենք սնկային վուլվովագինիտի ակտիվ, չբարդացած ձևով տառապող կանանց, քանի որ նման դեպքում կարելի է ավելի ճիշտ որոշել դեղամիջոցի արդյունավետությունը` նվազագույնի հասցնելով մակրոօրգանիզմի իմունային հատկությունները և վարակունակությունը:

 

Հետազոտության նյութը և մեթոդները


Հետազոտական աշխատանքներին մասնակցել է 25 բժշկական հաստատության 85 բժիշկ: Սկզբնական փուլում հետազոտության մեջ ներառվել է սնկային վագինիտով կամ վուլվովագինիտով տառապող 18-38 տարեկան 700 կին, որոնք ապրում էին ակտիվ սեռական կյանքով:

 

Հետազոտության մեջ ներառվել են ակտիվ սնկային վուլվովագինիտի կամ վագինիտի հաստատված ախտորոշումով 18-ից բարձր տարիքի կանայք: Չեն ներառվել հղիության և կերակրման շրջանում գտնվող, ֆլուկոնազոլի նկատմամբ ալերգիա ունեցող, կրկնվող կանդիդային վուլվովագինիտով, սեռական ճանապարհով փոխանցվող վարակներով (տրիխոմոնիազ, խլամիդիոզ, ուրեապլազմոզ, գոնոռեա, հերպես), մանրէային վագինոզով, չվերահսկվող շաքարախտով, ՄԻԱՎ-ով, լյարդի անբավարարությամբ կանայք, ինչպես նաև նախկինում 4 շաբաթ հակասնկային բուժում ստացածները:

 

Հավաքվել են բոլոր հետազոտվողների անամնեզը և կատարվել օբյեկտիվ հետազոտություն (այդ թվում նաև գինեկոլոգիական):

 

«Սնկային վուլվովագինիտ» կամ «վագինիտ» ախտորոշումը դրվել է համապատասխան գանգատների առկայության, գինեկոլոգիական հետազոտության օբյեկտիվ և լաբորատոր հետազոտությունների տվյալների հիման վրա: Գանգատները, կլինիկական ախտանիշների և մանրէաբանական հետազոտության արդյունքները գնահատվել են երեք բալանոց համակարգով, իսկ ախտանիշների բացակությունը` 0-ով: 

 

Մանրէաբանական հետազոտության նպատակով հեշտոցային արտադրության ներկումը կատարվել է ըստ Գիմզա-Ռոմանովսկու պրեպարատների:

 

Տարբերությունների հավաստիությունը (p) որոշելու համար օգտագործվել է Սթյուդենտի t չափանիշը: Կազմվել են վիճակագրական դիագրամներ և աղյուսակներ: Հաշվարկվել են դեպքերի քանակը և տոկոսը:

 

Հետազոտության սխեման 


Առաջին բուժայցի ժամանակ կատարվել է կանանց զննում և հետազոտվողների խմբի ձևավորում. ընտրվել է 700 կին, որոնց նշանակվել է միկոֆլու (150 մգ), եռակի` 1 դեղապատիճից 1 անգամ, բուժման I, IV և VII օրը (ներքին ընդունման համար), ինչպես նաև տեղային բուժման 10-օրյա կուրս (հեշտոցի մշակում բետադինով և կլոտրիմազոլի հեշտոցային մոմիկներ):

 

Երկրորդ այց. բուժման 10-րդ օրը գնահատվել են գանգատներն ու հիվանդի կլինիկական վիճակը: 87 կին չի ներառվել հետազոտության մեջ, քանի որ նրանցից 61-ն ընդունել էր բուժման ոչ լրիվ կուրսը, իսկ 26-ը` երկրորդ անգամ չէր ներկայացել: Այսպիսով, այս փուլում հետազոտվել է ընդամենը 613 կին:

 

Երրորդ այց. բուժման 30-րդ օրը ներկայացել է 613 հիվանդ: Գնահատվել են նրանց գանգատներն ու կլինիկական վիճակը, լաբորատոր հետազոտության արդյունքները: Այսպիսով, վերջնական արդյունքում հետազոտվել է ընդամենը 613 կին:

 

Հետազոտության արդյունքները


Ստացված տվյալների վերլուծության հիման վրա պարզվեց, որ հետազոտվողների հիմնական գանգատը (100%) տարբեր չափով արտահայտված քորն էր վուլվայի և/կամ հեշտոցի շրջանում, ինչպես նաև այրոցը և դիսպարեունիան (համապատասխանաբար 78% և 52%), դիզուրիան ավելի հազվադեպ էր հանդիպում (30%): Այդ ախտանիշների արտահայտվածության աստիճանը տարբեր էր, բայց գերակշռում էին միջին արտահայտվածության չբարդացած սնկային վուլվովագինիտին բնորոշ ախտանիշները: Առավել հաճախ հանդիպող ախտանիշը վուլվայի և հեշտոցի լորձաթաղանթի հիպերեմիան էր (78%), ապա հյուսվածքների այտուցը (17%) (աղյուսակ 1):

 

Աղյուսակ 1

 

Աղյուսակ 2

 

Աղյուսակ 3

 

Մշտական ախտանիշը հեշտոցից թանձր, սպիտակավուն լոռանման արտադրությունն էր:

 

Մանրէադիտակային հետազոտության արդյունքում բոլոր հիվանդների մոտ բացահայտվել են բազմացող մանրէային բջիջներ և/կամ կանդիդաների կեղծ միցելաներ: Արձանագրվել է լեյկոցիտների ու մանրէների միջին քանակ:

 

Կլինիկական և լաբորատոր հետազոտությունների վերոնշյալ տվյալները ըստ իրենց հաճախականության և արտահայտվածության աստիճանի համարվում են վուլվովագինիտի ակտիվ ձևեր:

 

Երկրորդ բուժայցի ժամանակ` բուժման 10-րդ օրը, հիվանդները առանձնապես լուրջ գանգատներ չեն ներկայացրել: Միայն 8-ը (1,2%) բուժման սկզբում նշեցին թեթև և կարճատև գլխացավ, 9-ը (1,3%)` սրտախառնոց: 11 հիվանդի (1,6%) մոտ բուժման առաջին օրերին նշվում էր հեշտոցի շրջանում աննշան այրոց, որը հետո վերացավ:

 

Օբյեկտիվ հետազոտության ժամանակ չի բացահայտվել օրգանիզմի ոչ մի համակարգի ֆունկցիայի որևէ խախտում: Գինեկոլոգիական հետազոտության ժամանակ կանդիդային վուլվովագինիտին բնորոշ կլինիկական դրսևորումների մեծ մասը բացակայում էր: Միայն 74 հիվանդի մոտ էր նշվում թեթև աստիճանի հիպերեմիա, 13 հիվանդի մոտ` էքսկորիացիաների մնացորդային երևույթներ, 25 հիվանդի մոտ` աննշան լոռանման արտաթորություն: 

 

Վերջին բուժայցին (բուժման 30-րդ օրը) ներկայացել է 613 հիվանդ: Հիվանդները գանգատներ չեն ներկայացրել, օրգան-համակարգերում ոչ մի խախտում չի հայտնաբերվել: Գինեկոլոգիական զննման ժամանակ միայն 52 կնոջ մոտ եղել է լոռանման աննշան արտադրություն: Լաբորատոր հետազոտության արդյունքները համապատասխանում էին կլինիկական հետազոտության արդյունքներին: Մանրէադիտակային հետազոտության տվյալներով 554 հիվանդի մոտ արձանագրվել է սնկային վուլվովագինիտ` կանդիդա հարուցչի լրիվ էրադիկացիա: 59-ի մոտ մանրէադիտակային հետազոտության արդյունքում բացահայտվել են սակավաթիվ մանրէային բջիջներ և/կամ սնկերի կեղծ միցելաներ (աղյուսակ 2):

 

Եզրակացություններ

 

  1. Հակասնկային միկոֆլու դեղամիջոցը` զուգակցված տեղային բուժման հետ (հեշտոցի մշակում բետադինով և կլոտրիմազոլի սուպպոզիտորիաներ) հետ, համարվում է մեծահասակների սնկային վուլվովագինիտի բուժման ամենաարդյունավետ դեղամիջոցներից մեկը:

  2. Հիվանդների 91,5%-ի մոտ կլինիկորեն արձանագրվել է լրիվ առողջացում, 8,5% դեպքում` վիճակի բարելավում (աղյուսակ 3): 8,5% դեպքում հարուցչի ոչ լրիվ էրադիկացիան, հավանաբար, բացատրվում է կանանց լորձաթաղանթի իմունային յուրահատկություններով, ինչպես նաև հարուցչի ավելի բարձր վարակունակությամբ:

  3. Հակասնկային միկոֆլու դեղամիջոցը օրգանիզմի կողմից հեշտ է յուրացվում, դրան բնորոշ չեն կողմնակի լուրջ բարդությունները:

  4. Խորհուրդ է տրվում հարուցչի ոչ լրիվ էրադիկացիայի դեպքում հիվանդներին նշանակել միկոֆլու հակասնկային դեղամիջոցը` շաբաթը մեկ անգամ 150-ական մգ մեկ ամսվա ընթացքում խմելու համար: 

 

Գրականության ցանկ


  1. Barclay L., Lie D. Weekly Maintenance Fluconazole Reduces Rate of Recurrent Vulvovaginal Candidiasis.- Medscape Medical News, New England Journal of Medicine; 2004, p. 13-18.

  2. Eschenbach D. Maintenance Fluconazole Therapy for Recurrent Vulvovaginal Candidiasis. New England Journal of Medicine, 2004, p. 19-23.

  3. Ferris D., Nyirjesy P. Over -The-counter antifunginal drug misuse. Journal of the American Sexually Transmitted Disease Assotiation, 2006, p. 32-35.

  4. French L., Horton L., Matousek M. Abnormal vaginal discharge: what does and does not work in treating underlying causes. The Journal of family practice, 2004, p. 12-14. 

  5. Mushburn J. Etiology, Diagnosis and Management of Vaginitis - j. Midwibery Womens Health, 2006, v. 51 (6), p. 423-430.

  6. Прилепская В.Н. Клиника, диагностики и лечение вульвовагинального кандидоза.Гинекология, 2001, 600 с .

  7. Workowski K., Berman S. Sexually Transmitted Diseases Treatment Guidelines, 2006, MMWR, 55(30). p. 1-94.

Հեղինակ. Ջ.Ի.Կրիստեսաշվիլի1, Գ.Ս. Ավագյան2 1 Ի.Ժորդանիայի անվան մարդու ռեպրոդուկցիայի գիտահետազոտական ինստիտուտ,Թբիլիսիի Ջավախիշվիլու անվ.Պետ. համ-նի բժշկ-ն ֆակ-տի մանկաբարձ-ն,գին-յի և ռեպրոդուկտոլոգիայի բաժին 2 ՀՀ ԱՆ մոր և մանկան առողջ-ն պահպանման բաժին
Սկզբնաղբյուր. Առողջապահություն 2.2011 (291)
Աղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Share |

Հարցեր, պատասխաններ, մեկնաբանություններ

Կարդացեք նաև

Վուլվայի քաղցկեղի տեղային կրկնողության և մետասթազավորման առանձնահատկությունները

Բանալի բառեր. վուլվայի քաղցկեղ, կրկնողություն, մետասթազավորում, հասարակ վուլվէկտոմիա, արմատական վուլվէկտոմիա, վիրահատական, համակցված, ճառագայթային բուժում...

Ուռուցքաբանություն Մեդիցինսկիյ Վեստնիկ Էրեբունի 4.2012 (52)
Ուրոլոգիական հիվանդությունների ազդեցությունը հղիության ընթացքի վրա

 

Ներածություն

Հղիների մոտ էքստրագենիտալ պաթոլոգիաների մեջ միզային համակարգի հիվանդությունները զբաղեցնում են երկրորդ տեղը, զիջելով սիրտ-անոթային համակարգի ախտա-բանություններին: Հղիության ընթացքում միզային...

Ուրոլոգիա Մեդիցինսկիյ Վեստնիկ Էրեբունի 4.2010 (44)
Էնդոմետրիումի հիպերպլաստիկ պրոցեսների ուլտրաձայնային հետազոտությունը որպես արգանդի մարմնի քաղցկեղի կանխարգելման մեթոդ

Բանալի բառեր: արգանդի մարմնի քաղցկեղ, գերձայնային հետազոտություն, արգանդի խոռոչ, կանխարգելում, էնդոմետրիումի հիպերպլաստիկ փոփոխություններ...

Ուռուցքաբանություն Ախտորոշիչ մեթոդներ Մեդիցինսկիյ Վեստնիկ Էրեբունի 2.2010 (42)
Ալկոհոլային էմբրիոֆետոպաթիա կամ պտղի ալկոհոլային համախտանիշ

Ալկոհոլային էմբրիոֆետոպաթիաներն առաջանում են, եթե հղիության ընթացքում կինն օգտագործում է էթիլալկոհոլ (էթիլսպիրտ` C2H5OH): Պտղի ալկոհոլային համախտանիշն առաջին անգամ նկարագրել է Լեմոինը (Lemoine Portal, 1968թ.)...

Առողջապահություն 1.2010
Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական համակարգի հետաճման պրոցեսներ...

Վնասվածքաբանություն և օրթոպեդիա
Գենիտալ պրոլապսի բուժման ժամանակակից մեթոդների (Prolift &TVT) արդյունավետության գնահատումը

Բանալի բառեր. Prolift and TVT, սթրեսային անմիզապահություն, գենիտալ պրոլապս

Կոնքի հատակի արտանկման և սթրեսա­յին անմիզապահության դեպքում կոնքի հա­տակի ռեկոնստրուկցիայի նպատակով մեր կողմից կիրառվել են PROLIFT™ համա­կար­գը` TVT տեխնոլոգիայով...

Մեդիցինսկիյ Վեստնիկ Էրեբունի 1.2010 (41)
Վիրուսային b հեպատիտի կլինիկական տարբերակները և հղի կանանց բուժման նորագույն մոտեցումները

Վիրուսային B հեպատիտը (ՎԲՀ) ժամանակակից առողջապահության կարևոր խնդիրներից է։ Ըստ ԱՀԿ-ի տվյալների, դրանով տառապում է աշխարհի բնակչության գրեթե 350 միլիոնը։ Առավել հաճախ այն առկա է ՎԲՀ վարակակրության ձևով։ Այդ տեսակետից առավել անբարենպաստ են...

Վարակաբանություն Առողջապահություն 1.2009
Հղիների հոգեբանական աջակցության և ծննդաբերությանը նախապատրաստման նոր մոտեցումներ

Վերջին տարիներին բժշկական գիտության նորագույն նվաճումների ներդրմամբ մանկաբարձության ոլորտը գերբժշկայնացվեց: Հղիությունն ու ծննդաբերությունը դիտվում էին որպես բժշկական գործընթացներ, և անգամ նորմալ ընթացքով հղիության և...

Մանկաբարձություն, գինեկոլոգիա և նեոնատալոգիա 1.2008 (2)
Էստրոգենների ու պրոգեստերոնի կիրառումը շուրջ և հետդաշտանադադարային շրջանում (համակարգված վերլուծությունների հիման վրա ԱՄՆ ՄԶԳ ՆՕՎԱ ծրագիր

Հետազոտության նպատակը. Գնահատել շուրջ և հետդաշտանադադարային շրջանում գտնվող կանանց հորմոն փոխարինող թերապիայի (ՀՓԹ) նշանակման հիմնավորվածությունը, ինչպես նաև այս շրջանին բնորոշ էական մի շարք ցուցանիշների վրա ՀՓԹ ունեցած ազդեցությունը...

Մանկաբարձություն, գինեկոլոգիա և նեոնատալոգիա 1.2008 (2)
Ամնիոտոմիա` կատարել, թե՞ ոչ (համակարգված վերլուծությունների հիման վրա) ԱՄՆ ՄԶԳ ՆՕՎԱ ծրագիր

Հետազոտության նպատակը. Բացահայտել ամնիոտոմիայի իրական ազդեցությունը ծննդաբերության տևողության վրա:

Հետազոտության նյութն ու մեթոդաանությունը. Քոքրեյնի տվյալների բազայից ընտրվել է թեմային վերաբերող երեք տասնյակից ավելի հետազոտություն...

Մանկաբարձություն, գինեկոլոգիա և նեոնատալոգիա 1.2008 (2)
Շարունակական աջակցությունը հղիության ընթացքում (համակարգված վերլուծությունների հիման վրա) ԱՄՆ ՄԶԳ ՆՕՎԱ ծրագիր

Հետազոտության նպատակը. Գնահատել հղիության և ծննդաբերության ընթացքում շարունակական հուզահոգեբանական աջակցության արդյունավետությունն ինչպես մոր, այնպես էլ նորածնի համար...

Մանկաբարձություն, գինեկոլոգիա և նեոնատալոգիա 1.2008 (2)
Պիելոնեֆրիտը որպես հղիության կրելախախտի պատճառ

Հղիության ընթացքում հաճախակի հանդիպող էքստրագենիտալ պաթոլոգիաներից է պիելոնեֆրիտը, որի հաճախականությունը տատանվում է 6-12% սահմաններում: Տվյալ հետազոտության նպատակն է պարզել պիելոնեֆրիտի ազդեցությունը հղիության ընթացքի վրա և հնարավոր բարդությունների վերհանումը...

Մեդիցինսկիյ Վեստնիկ Էրեբունի 3.2008 (35) Նեֆրոլոգիա
Կանանց սթրեսային անմիզապահության բուժման մեր փորձը

Բանալի բառեր. սթրեսային անմիզապահություն, TVT ժապավեն, Դրիպտան

Ներածություն. Կանանց անմիզապահության հանդիպման հաճախականությունը բոլոր տարիքային խմբերում հասնում է մինչև 30-35%-ի, ընդ որում...

Ուրոլոգիա Մեդիցինսկիյ Վեստնիկ Էրեբունի 4.2008 (36)
Արգանդի միոմայի կապակցությամբ կատարված հիստեր է կտոմիայի ազդեցությունը կնոջ կյանքի որակի վրա

Բանալի բառեր. հիստերէկտոմիա, արգանդի միոմա, արգանդի էքստիրպացիա, դաշտանադադար, կյանքի որակ

Աշխարհի շատ երկրներում հիստերէկտոմիան հանդիսանում է առավել տարածված գինեկոլոգիական վիրահատություններից մեկը: Այս վիրահատությունը առավել հաճախ...

Մեդիցինսկիյ Վեստնիկ Էրեբունի 4.2008 (36)

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ