Բաղադրությունը

Ջուր` 4-5%, ազոտային նյութեր` 18-19%, ճարպեր` 54-54.5%, էքստրակտային նյութեր` 17.5-18%, բջջաթաղանթ` 2.6-2.8%, մոխրացող մնացորդ` 2.5%:

Պարունակում է նաև վիտամին А (քիչ քանակով) և բավականին շատ В խմբի վիտամիններ:

Կիրառությունը

Հնադարյան բժշկության մեջ նուշը համարվել է շատ արժեքավոր դեղամիջոց: Իբն Մասսուին չոր և տապակած նուշն օգտագործել է աղիների թուլության դեմ, ցավոտ միզարտադրությունը մեղմելու համար: Ըստ Ռազեսի` նուշը շատացնում և ակտիվացնում է սերմանահեղուկը, նպաստում քաշի ավելացմանը: Ռուսական բժշկությունը լնդերի ամրացման համար խորհուրդ է տալիս բերանում միշտ նուշ պահել, այն նպաստում է նաև ճիճուների ոչնչացմանը: Ըստ Զոբենհեյմի և Դոբրոնրավովի` նուշից ստացած յուղը նշանակվում է շնչառական, սննդառական համակարգի, միզատար ուղիների, սեոական օրգանների հիվանդությունների դեպքում:

Ըստ Ամիրդովլաթի` դառը նուշն ունի մաքրող ագդեցություն: Այն պզուկներին և էկզեմային քսելու դեպքում բուժում է դրանք, եթե խառնվի գինու հետ և լվացվի գլուխը, կվերացնի թեփը, իսկ եթե գինի խմելուց աոաջ հինգ հատիկ նուշ ուտեք, չեք հարբի: Դառը նուշը նաև սրում է տեսողությունը, վերացնում միզակապությունը, հալեցնում միզապարկի քարերը: Քաղցր նուշը` թզի հետ ուտելուց, օգնում է կատաղած շան կծելու դեմ: Կորիզների կեղևի եփուկն իջեցնում է բարձր ջերմությունը, դադարեցնում է լուծը:

Նուշը, շնորհիվ ազոտային նյութերի ու ճարպերի բարձր պարունակության, շատ սննդարար է շաքարախտով տառապողների, միս չօգտագործողների համար:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com