Ի՞նչ է կարելի և ի՞նչ չի կարելի անել մարմնի բարձր ջերմաստիճանի դեպքում. newsroyal.com

7 ոսկե կանոն

1. Իջեցնում ենք միայն մարմնի 38.5-ից բարձր ջերմությունը: Եթե ջերմությունն ավելի ցածր է, հարկավոր է պարզապես ուշադիր լինել երեխայի հանդեպ, սակայն ոչ միանգամից ջերմությունն իջեցնել: Հիշեք, որ տենդը խոսում է այն մասին, որ օրգանիզմը պայքարում է ինֆեկցիայի դեմ, և բարձրացած ջերմությունը հարկավոր է պաշտպանական մեխանիզմների առավել արդյունավետ աշխատանքի համար:
   
   
2. Երեխային երբեք ասպիրին կամ անալգին մի տվեք:
   
   
3. Երեխային չափից շատ մի ծածկեք: Օդը սենյակում պետք է զով ու թարմ լինի: Փոքրիկի մոտ ջերմակարգավորման համակարգը դեռ հասուն չէ, հետևաբար օգնեք նրան հովանալ և ոչ ավելի տաքացրեք:
   
   
4. Սպիրտով կամ քացախով շփումներ մի արեք: Ալկոհոլն ու քացախաթթուն փոքրիկի համար թունավոր են:
   
   
5. Հիշե՛ք, որ ջերմիջեցնող դեղերի ազդեցության համար ժամանակ է հարկավոր: Մի՛ սպասեք, որ ջերմաստիճանը միանգամից կիջնի մինչև 36,6: Ուշադիր կարդացեք դեղի հրահանգը` պարզելու չափաբաժինն ու օգտագործման հաճախականությունը:
   
   
6. Երեխայի տաք մարմնին սառը առարկաներ մի հպեք: Սա կարող է մաշկի անոթների սպազմ առաջացնել:
   
   
7. Եթե ջերմաստիճանը բարձր է, իսկ փոքրիկի մարմինը` գունատ, վերջույթները սառն են, ապա «սպիտակ տենդ» է և անոթների սպազմ: Անհապաղ շտապօգնություն կանչեք և շփեք փոքրիկի ձեռքերն ու ոտքերը` սպազմն անցկացնելու համար: Բացառեք ֆիզիկական սառեցման բոլոր միջոցները` շփումներ, թրջոցներ և այլն:

Հարցեր, պատասխաններ, մեկնաբանություններ