Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Դեղագործական շուկա

Պայքար դեղերի կեղծման դեմ

Պայքար դեղերի կեղծման դեմ

2006 թվականից ի վեր, Եվրոպայի Խորհրդի Դեղերի որակի և առողջապահության վարչությունը կեղծ դեղերի և սննդի նմանատիպ հավելումների շրջանառությունը բացառելու, հիմնախնդրի իրավական կարգավորմանն աջակցելու նպատակով, այս կամ այն տարածաշրջանում  հաճախակի կազմակերպում է մի շարք խորհրդաժողովներ, քննարկումներ և դասընթացներ` նպատակ հետապնդելով առավելագույնս աջակցել դեղերի կեղծման և նմանատիպ հանցագործությունների դեմ պայքարի ազգանվեր գործն իրականացնող բժշկական-փորձագիտական, իրավաբանական և մաքսային այն ծառայություններին, որոնք անմիջականորեն առնչվում են դեղերի հավաստագրման, ներկրման և շրջանառության մեջ դնելու գործընթացներին:

 

Այս ամենի արդյունքում` 4 տարի առաջ շրջանառության մեջ դրվեց «Դեղերի կեղծման և  նմանատիպ հանցագործությունների դեմ պայքարի» «Մեդիքրայմ» համաձայնագրի նախագիծը, որը հաջորդող երեք տարիների ընթացքում  շտկում-լրացումների և կատարելագործման արդյունքում, Եվրոպայի Խորհրդի Նախարարների կոմիտեն 2011 թվականի հոկտեմբերի 28-ին Մոսկվայում ստորագրեց համաձայնագիր` համաձայն որի դեղարտադրանքը դիտարկվում է կեղծ, եթե կանխամտածված կամ խաբեությամբ ներկայացված է իսկության ծագման, բաշխման շղթայի տվյալների մասին ոչ ճշգրիտ տեղեկատվություն: Ընդ որում, Համաձայնագրի գլխավոր առանձնահատկությունն այն է, որ այն համարվում է առաջին միջազգային փաստաթուղթը, որը տարածվում է դեղերի և բժշկական արտադրանքի վրա, սահմանում քրեական պատասխանատվություն նմանատիպ արտադրանքի, ինչպես նաև դրան վերաբերող փաստաթղթերի բոլոր տիպի կեղծումների համար, հնարավորություն ընձեռում ընդունելու կոնվենցիան նաև Եվրոպայի Խորհրդի ոչ անդամ երկրներին, ապահովում միջգերատեսչական համագործակցություն դեղերի ոլորտը կարգավորող կառույցի, ոստիկանության, դատաիրավական, մաքսային մարմինների միջև:

 

Եվրոպայի Խորհրդի կողմից կազմակերպված դասընթացներին, ինչպես նաև «Մեդիքրայմ» համաձայնագրի ամբողջական ձևավորման գործընթացին ակտիվորեն մասնակցել են ՀՀ առողջապահության նախարարության Դեղերի և բժշկական տեխնոլոգիաների փորձագիտական կենտրոնը, իսկ արդեն 2012 թվականի սեպտեմբերի 20-ին մեր երկիրը նույնպես իր ստորագրությունը դրեց «Մեդիքրայմ» համաձայնագրի տակ:

 

Բարձր գնահատելով ՀՀ ԱՆ Դեղերի փորձագիտական կենտրոնի ակտիվ մասնակցությունը, Եվրոպայի Խորհրդի որակի և առողջապահության վարչությունն առաջին անգամ վստահեց, որ ԱՊՀ երկրների համար դեղերի կեղծման դեմ պայքարին նվիրված դասընթացը կազմակերպվի Հայաստանում:

 

Պատեհ առիթը չուշացավ. ընթացիկ տարվա նոյեմբերի 8-9-ը մայրաքաղաքի «Մարիոթ» հյուրանոցում Եվրոպայի Խորհրդի Դեղերի որակի և առողջապահության վարչության կողմից ՀՀ ԱՆ Դեղերի և բժշկական տեխնոլոգիաների փորձագիտական կենտրոնի հետ համատեղ, ԱՀԿ-ի ֆինանսական աջակցությամբ կազմակերպվել էր դեղերի կեղծման և նմանատիպ հանցագործությունների դեմ պայքարին նվիրված երկօրյա դասընթաց-համաժողով, որին մասնակցում էին Ռուսաստանի Դաշնության, Ուկրաինայի, Բելառուսի, Մոլդովայի, Վրաստանի, Ղազախստանի և մեր հանրապետության դեղերի ոլորտը կարգավորող կազմակերպությունների, մաքսային և իրավապահ մարմինների պատվիրակություններ:

 

Այս դասընթացները վարելու իրավունքը վստահված էր բնագավառի եվրոպական առաջատար մասնագետներին, ովքեր հսկայական փորձ ու հմտություն ունեն դեղերի կեղծման և նմանատիպ հանցագործությունների դեմ պայքարի գործում, միաժամանակ հանդիսանում են Դեղերի կեղծման և նմանատիպ հանցագործությունների դեմ պայքարի «Մեդիքրայմ» համաձայնագրի մշակման ակտիվ մասնակիցներ:

 

Բացելով դասընթաց-համաժողովը, ողջունելով մասնակիցներին և հյուրերին, ՀՀ ԱՆ Դեղերի և բժշկական տեխնոլոգիաների փորձագիտական կենտրոնի տնօրեն Հակոբ Թոփչյանն իր առանձնահատուկ շնորհակալությունը հայտնեց Եվրախորհրդի Դեղերի որակի և առողջապահության վարչությանը` ընձեռած նման հնարավորություն համար: Նա շեշտեց, որ երևանյան դասընթաց-համաժողովը ներառում է դեղերի, դեղանյութերի բժշկական նշանակության արտադրանքի կեղծման հիմնահարցերը, կեղծման դեմ պայքարի միջոցները, բաշխման շղթայում հայտնվելու խնդիրները, դեղերի ինտերնետային առևտրի բացերն ու թերությունները, ինչպես նաև մի շարք այլ նմանօրինակ հարցեր:

 

«Ես լիահույս եմ, որ կեղծ դեղերի դեմ պայքարի եվրոպական փորձի փոխանակումը մեզ հնարավորություն կընձեռի աշխատել առավել նպատակասլաց, կիրառել պայքարի արդիական միջոցներ»,-ասաց պարոն Թոփչյանը:

 

ՀՀ առողջապահության փոխնախարար Սերգեյ Խաչատրյանն Առողջապահության նախարարության և անձամբ նախարարի անունից համաժողովի աշխատանքներին արդյունավետ սկիզբ և ավարտ բարեմաղթելով, ընդգծեց, որ թեման մեզ համար շատ հրատապ ու արդիական է, քանզի անկախացումից ի վեր, ավելի քան երկու տասնամյակ, դեղերի շրջանառությունն ազատականացվել, սակայն չի կարգավորվել: Այս ասպարեզում մենք դեռևս շատ անելիքներ ունենք, հանգամանք, որ բազմաթիվ լուծելի խնդիրներ է ծնել` սկսած դեղերի գրանցումից, անվերահսկելի գործածումից, մինչև բացթողում:«Այս հիմնախնդիրների լուծման ուղղությամբ Հայաստանի կառավարությունը մի շարք գործնական քայլեր է ձեռնարկել. շատ շուտով կհաստատվի նոր մշակված օրենքը, ինչը հնարավորություն կտա փակել այն դաշտը, որը բաց էր մնացել: Հենց մեր հետագա անելիքների, ճշգրտումներ մտցնելու շնորհիվ, լիահույս եմ, որ լիովին կկարգավորվի դեղերի դաշտը»,-համոզմունք հայտնեց փոխնախարարը:

 

Եվրախորհրդի Դեղերի որակի և առողջապահության վարչության կեղծման դեմ պայքարի հարցերով պատասխանատու Սաբինա Վալսերը, կարևորելով ԱՊՀ երկրների համար կազմակերպված երևանյան միջոցառումը, ընդգծեց, որ ԽՍՀՄ-ի փլուզումից հետո անկախություն ձեռք բերած հանրապետություններում դեռևս հստակ չի գործում իրավական դաշտը, լիովին հստակեցված չեն շուկայի ազատականացման խնդիրները, ինչն էլ կարող է բացասաբար անդրադառնալ նաև դեղերի հաստատագրման, ներկրման և շրջանառության մեջ դնելու գործընթացների վրա` արդյունքում ծնելով ստվերային քաղաքականություն: Նմանատիպ դասընթացները, բանախոսի կարծիքով, տեղեկատվության, նման պարագայում ճիշտ գործելու և կողմնորոշվելու տեղեկատվական հսկայական շտեմարան են ոչ միայն բժիշկ-փորձագետների, այլև իրավապահ մարմինների և մաքսային ծառայության աշխատակիցների համար, հատկապես, որ դասընթացների ծրագիրն ամբողջությամբ ներառում է Եվրախորհրդի Դեղերի որակի և առողջապահության վարչության տարիներով իրականացրած լայնածավալ պայքարի արդյունավետ  եղանակները` ընդդեմ կեղծ դեղերի և սննդային հավելումների շրջանառության մեջ դրվելուն:

 

Առողջապահության համաշխարհային կազմակերպության հայաստանյան գրասենյակի ղեկավարի ժամանակավոր պաշտոնակատար Տատյանա Կոլպակովան փաստեց, որ ի պաշտոնե Մոսկվայում մասնակցել է Դեղերի կեղծման և նմանատիպ հանցագործությունների դեմ պայքարի «Մեդիքրայմ» համաձայնագրի ստորագրման արարողությանը և գտնում է, որ միայն բնագավառի վերաբերյալ հարուստ գիտելիքներով, տեղեկատվության ու իրազեկվածության միջոցով հնարավոր կլինի արդյունավետ պայքարել հանցագործություն ծնող այնպիսի արատավոր երևույթի դեմ, ինչպիսին կեղծ դեղերի և սննդային հավելումների շրջանառությունն է:

 

«Դեղորայքի կեղծման և նմանատիպ հանցագործությունների հիմնախնդիրներ. փաստեր և սկզբունքներ»,«Դեղորայքի կեղծման դեմ առաջադրվող պայքարի ուղիները և հասարակության առողջության պահպանման մեխանիզմները», «Դեղարտադրող, ներկրող և շրջանառության մեջ դնող մարմինների, ոստիկանության և մաքսային ծառայության համագործակցությունը որպես պայքարի ամենաարդյունավետ եղանակ» վերտառությունների ներքո մի շարք դասախոսություններով ու զեկուցումներով հանդես եկան ԱՀԿ-ի Եվրոպական գրասենյակի ներկայացուցիչ Ալեքսանդր Պոլիշչուկը, Սաբինա Վալսերը, Բելգիայի Դաշնային իրավաբանական ոստիկանության բաժնի պետ Վան Դեն Բոեյնացը, բժիշկ-փորձագետ  Ռուտ Մոյսիմաննը (Շվեյցարիա), Եվրոպական դեղագործական անվտանգության ինստիտուտի տնօրեն Էշլի Հոուն, Հոլանդիայի մաքսային ծառայությունը ներկայացնող Վինֆրեդ Քուիջը և ուրիշներ:

 

Դասընթացներն ընթանում էին մտքերի աշխույժ փոխանակման և հարց ու պատասխանի մթնոլորտում:

 

Հրավիրված դասընթացավարներին ու ԱՊՀ երկրների պատվիրակներին համաժողովից և դասընթացներից ազատ ժամերի ընթացքում հնարավորություն ընձեռվեց մոտիկից ծանոթանալ Հայաստանի տեսարժան վայրերին, պատմամշակութային կոթողներին, առողջապահության բնագավառի ձեռքբերումներին:

Հեղինակ. Սանդրո Ջուլհակյան
Սկզբնաղբյուր. Առողջապահության լրատու 16-17.2012
Աղբյուր. med-practic.com
Լուսանկարը. epochtimes.ru
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին

 

 

Share |

Հարցեր, պատասխաններ, մեկնաբանություններ

Կարդացեք նաև

Նորույթ Հայաստանի շուկայում
Նորույթ Հայաստանի շուկայում

Ակվա Մարիս քսուք

Վագիսան-աշխարհում միակ ներքին ընդունման պրոբիոտիկ...

Դեղամիջոցներ
Կայացավ «Ազգային դեղեր-միջազգային որակ» խորագրով «Մարդու առողջությունը» գիտաբժշկական համաժողովը
Կայացավ «Ազգային դեղեր-միջազգային որակ» խորագրով «Մարդու առողջությունը» գիտաբժշկական համաժողովը

Դեկտեմբերի 10-ին Առողջապահության ազգային ինստիտուտում  «Ազգային դեղեր-միջազգային որակ» խորագրի ներքո կայացավ «Մարդու առողջությունը» տասներորդ ազգային գիտաբժշկական համաժողովը: Համաժողովին...

Իրադարձություններ Հայաստանում ԼՈՒՐԵՐ: Իրադարձություններ Հայաստանում Միջոցառումներ
ՀՀ ՕՐԵՆՔԸ . «ԼԻՑԵՆԶԱՎՈՐՄԱՆ ՄԱՍԻՆ» ԵՎ «ՊԵՏԱԿԱՆ ՏՈՒՐՔԻ ՄԱՍԻՆ» ՀՀ ՕՐԵՆՔՆԵՐՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
ՀՀ  ՕՐԵՆՔԸ . «ԼԻՑԵՆԶԱՎՈՐՄԱՆ ՄԱՍԻՆ» ԵՎ «ՊԵՏԱԿԱՆ ՏՈՒՐՔԻ ՄԱՍԻՆ» ՀՀ ՕՐԵՆՔՆԵՐՈՒՄ  ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

ՆԱԽԱԳԻԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ «ԼԻՑԵՆԶԱՎՈՐՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ...

ՀՀ օրենքներ
«Դեղերի մասին» ՀՀ օրենքի ՀԻՄՆԱՎՈՐՈՒՄ
«Դեղերի մասին» ՀՀ օրենքի ՀԻՄՆԱՎՈՐՈՒՄ

1. Իրավական ակտի անհրաժեշտությունը (նպատակը) «Դեղերի մասին» ՀՀ օրենքի ընդունումը պայմանավորված է դեղերի շրջանառության նոր իրողություններին համապատասխան և համապարփակ կարգավորում...

ՀՀ օրենքներ
ՆԱԽԱԳԻԾ. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ԴԵՂԵՐԻ ՄԱՍԻՆ
ՆԱԽԱԳԻԾ. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ԴԵՂԵՐԻ  ՄԱՍԻՆ

ԳԼՈՒԽ 1. ԸՆԴՀԱՆՈՒՐ ԴՐՈՒՅԹՆԵՐ

ՀՈԴՎԱԾ 1.ՕՐԵՆՔԻ ԿԱՐԳԱՎՈՐՄԱՆ ԱՌԱՐԿԱՆ


1.Սույն օրենքը կարգավորում է...

ՀՀ օրենքներ
Դեղագործությունը՝ հեռանկարային ոլորտ. պետություն-մասնավոր հատված համագործակցությունը կայանում է
Դեղագործությունը՝ հեռանկարային ոլորտ. պետություն-մասնավոր հատված համագործակցությունը կայանում է

Հաշվի առնելով այն հանգամանքը, որ դեղագործությունը Հայաստանում ընդգրկված է արդյունաբերության քաղաքականության ռազմավարության ծրագրում որպես գերակա ուղղություն, այդ ոլորտին միտված գործողությունները...

Հրատապ թեմա Հայաստանում
«Գեդեոն Ռիխտեր» ընկերությունը ներկայացրեց «Դիմիա» և «Դվելլա» դեղամիջոնցերը` նախատեսված կանանց համար
«Գեդեոն Ռիխտեր» ընկերությունը ներկայացրեց «Դիմիա» և «Դվելլա» դեղամիջոնցերը` նախատեսված կանանց համար

Ամերիկյան բիզնես-կենտրոնի կոնֆերանս-դահլիճում հունիսի 27-ին տեղի ունեցավ  «Գեդեոն Ռիխտեր» ԲԲԸ դեղագործական ընկերության կոնֆերանսը` նվիրված հորմոնալ հակաբեղմնավորմանը և հայաստանյան դեղագործական...

Իրադարձություններ Հայաստանում ԼՈՒՐԵՐ: Իրադարձություններ Հայաստանում Միջոցառումներ
Դեղագործության Մրցունակության 5-րդ միջազգային համաժողովը Հայաստանում
Դեղագործության Մրցունակության 5-րդ միջազգային համաժողովը  Հայաստանում

Հունիսի 14-ին Մխ. Հերացու անվան Երևանի պետական բժշկական համալսարանում տեղի ունեցավ դեղագործության մրցունակության 5-րդ միջազգային համաժողովը: Համաժողովը դեղագործակության ոլորտի մասնավոր և հանրային շահառուներին Հայաստանի վերջին...

Իրադարձություններ Հայաստանում Միջոցառումներ
2013թ. մայիսի 26. Պֆայզեր դեղագործական ընկերության հերթական սեմինարը Աղվերանում
2013թ. մայիսի 26. Պֆայզեր դեղագործական ընկերության հերթական սեմինարը Աղվերանում

Մայիսի 26-ին Պֆայզեր դեղագործական ընկերությունը կազմակերպել էր սեմինար ոչ ցանցային դեղատների աշխատակիցների համար, որին մասնակցեցին նաև Մեդ-Պրակտիկ առողջապահական պորտալի աշխատակիցները։ Սեմինարն անցավ ընկերության համար ավանդույթ դարձած...

Իրադարձություններ Հայաստանում ԼՈՒՐԵՐ: Իրադարձություններ Հայաստանում Միջոցառումներ
ԱՐՄԵՆ ՍՈՂՈՅԱՆ. Դեղամիջոցների գովազդման խնդրի կարգավորումը Հայաստանում, առկա թերությունները
ԱՐՄԵՆ ՍՈՂՈՅԱՆ. Դեղամիջոցների գովազդման խնդրի կարգավորումը Հայաստանում, առկա թերությունները

Հայաստանում դեղամիջոցների գովազդման խնդրի կարգավորման, այդ բնագավառում կատարված վերափոխումների և առկա թերությունների մասին զրուցեցինք ՀՀ առողջապահության նախարարության աշխատակազմի Լիցենզավորման գործակալության...

Հրատապ թեմա Հայաստանում
Հղիության դեղորայքային ընդհատման դիմելու դեպքում միայն մեկ դեղամիջոցի օգտագործումը չի կարող բավարար լինել և անպայման պետք է լինի գինեկոլոգի հսկողություն
Հղիության դեղորայքային ընդհատման դիմելու դեպքում միայն մեկ դեղամիջոցի օգտագործումը չի կարող բավարար լինել և անպայման պետք է լինի գինեկոլոգի հսկողություն

Մեր զրուցակիցններն են ՇՏԱԴԱ դեղագործական ընկերության հայաստանյան ներկայացուցչության տնօրեն Աշոտ Այվազյանը, բժշկական ներկայացուցիչ Անժելա Մելիքյանը և ՄԱԼԱԹԻԱ ԲԿ կանանց կոնսուլտացիայի բաժանմունքի վարիչ գինեկոլոգ-էնդոկրինոլոգ...

Պերինատոլոգիա, մանկաբարձություն և ուրո-գինեկոլոգիա Բժշկի ընդունարանում Դեղաբանի մոտ Բժիշկներ
Դեղերի գովազդին ներկայացվող պահանջներ

ՀՀ Առողջապահության նախարարությունը հետևողական գործընթաց է սկսել, որը վերաբերում է մեր հանրապետությունում դեղերի, բուժտեխնիկայի և բուժական մեթոդների գովազդի ընթացակարգին...

Հրատապ թեմա Հայաստանում Առողջապահության լրատու 16-17.2012
Դ. Դումանյան. «Շատ կարևոր գործի հիմնաքարն ենք դնում»

Այսօր տեղի ունեցավ ՀՀ առողջապահության նախարարին կից կոլեգիայի նիստ, որտեղ քննարկվեց «Դեղերի մասին» ՀՀ օրենքի նախագիծը...

Առողջապահության լրատու 14-15.2012
Դեղատոմսերն այլևս չեն կնքվի և չեն դրոշմակնքվի
Դեղատոմսերն այլևս չեն կնքվի և չեն դրոշմակնքվի

Օգոստոսի 25-ից ուժի մեջ են «Հայաստանի Հանրապետությունում կիրառվող դեղատոմսային ձևաթղթերը հաստատելու մասինե ՀՀ կառավարության 2001 թ. օգոստոսի 14-ի որոշման մեջ կատարված փոփոխությունները...

Առողջապահության լրատու 12-13.2012