Տարեց մարդկանց համար ամենավտանգավոր վեց դեղորայքը. news.am

Յուրաքանչյուր տարի  մոտավորապես 1.5 միլիոն ամերիկացի է մահանում սխալ ընտրված դեղորայքի պատճառով:  Փորձագետների խոսքով՝ մահանում են հիմնականում տարեցները:

«Յուրաքանյուր ժամը մեկ իր տան մեջ սխալ ընտրված դեղորայքի պատճառով մեկ մարդ է մահանում», - Newsmax Health-ին տված հարցազրույցում  նշում է Մայքլ Նեգրետը դեղատների Կալիֆորնիայի հիմնադրամից:

Ստորեւ ներկայացնում ենք տարեց մարդկանց համար վեց ամենավտանգավոր դեղերի ցանկը: Փորձագետները հորդորում են շատ զգուշորեն օգտագործել դրանք:

- Դիաբետով տառապողների համար նախատեսված այն դեղորայքը, որը շատ երկար է դուրս բերվում օրգանիզմում: Դրա վառ օրինակն է Diabenes-ը (քլորպրոպրամիդը): Տարեց մարդկանց դեպքում այս դեղամիջոցները կարող են հանգեցնել երկարատեւ գիպոգլիկեմիայի: Օրգանիզմից ավելի շուտ դուրս բերվող դեղամիջոցները՝ օրինակ, Glucotrol-ը (գլիպիզիդը)  շատ արդյունավետ կերպով կարող են փոխարինել վտանգավոր այս դեղորայքը:

- Հակահիստամինները, հակախոլիներգիկ դեղամիջոցները: Դրանց վառ օրինակն է Դեմիդրոլը (Benadryl-ը եւ այլն): Նախընտրելի չէ այս դեղորայքի օգտագործումը տարեց մարդկանց կողմից, քանի որ այն կարող է հանգեցնել ընկալողունակության խնդիրների, բերանում չորության զգացումների, կոգնիտիվ խախտումների եւ նույնիսկ զառանցանքի: Արդյունավետ այլընտրանք են համարվում Allegra-ն (ֆեկսոֆենադինը) եւ Claritiny-ը (լորատադին):

- Միոռելաքսանտները: Հատկապես վտանգավոր են Flexeril-ը, Robaxin-ը: Մի շարք այլ դեղամիջոցներ եւս կարող են կողմնակի ազդեցություն ունենալ: Այդ պատճառով շատ ավելի նախընտրելի է փոխարինել դրանք ֆիզիոթերապիայով եւ բուժման այլընտրանքային մեթոդներով:

- Փորկապության դեմ միներալային յուղերը: Այս դեղամիջոցները տարեց մարդկանց մոտ կարող են թոքերի բորբոքում առաջացնել: Փորկապությամբ տառապող տարեց մարդկանց խորհուրդ է տրվում շատ հեղուկ օգտագործել:

- Բենզոդիազեպիններ: Valium-ն ու նմանօրինակ դեղամիջոցները պետք է մեծ զգուշությամբ օգտագործել, քանի որ դրանք կարող են վատթարացնել կոգնիտիվ խախտումները կամ առաջացնել դրանք: Երբեմն այդ դեղամիջոցները զառանցանք եւ տարածության մեջ կողմնորոշման հետ կապված խնդիրներ են առաջացնում: Այս դեղորայքի փոխարեն շատ ավելի լավ է պայքարել տագնապային խախտումների դեմ ոչ դեղորայքային բուժման միջոցով:

Կալիում խնայող միզամուղներ: Այստեղ իր վտանգավորությամբ առանձնանում է Triamterene-ը: Դրանք պետք է շատ զգույշ օգտագործել, քանի որ երբեմն, որպես կողմնակի ազդեցություն, կարող են հանդես գալ երիկամային խանգարումները եւ առիթմիան:

Հարցեր, պատասխաններ, մեկնաբանություններ