Տղամարդու սերմնահեղուկը քայքայող 6 գործոն

Տղամարդիկ այնքան են անհանգստանում իրենց սերմնաբջիջների քանակի մասին, որ երբեմն մոռանում են դրանց որակի կարեւորության մասին։ Սակայն փաստ է, որ զույգերի գրեթե 15%-ը, մի քանի տարի համատեղ կյանքից հետո անկարող են երեխա ունենալ, հաղորդում է Medical Daily-ն։ Տղամարդու անպտղությունը կարող է առաջանալ մի քանի պատճառներից. սերմնահեղուկի արտադրման, սերմնաբջիջների շարժունության եւ արգելափակման խնդիրների պատճառով։ Ինչպես հայտնի է, ալկոհոլի եւ ծխախոտի չարաշահումները կարող են սահմանափակել սերմնահեղուկի արտադրությունը եւ բացասաբար ազդել դրա որակի վրա։ Բայց կա՞ն արդյոք այլ վարքագծային եւ էկոլոգիական գործոններ, որոնք կարող են նվազեցնել տղամարդու պտղաբերությունը։ Ահա այն 6 գործոնները, որոնք կարող են բացասաբար ազդել սերմնաբջիջների քանակի վրա, ինչի մասին տղամարդիկ նույնիսկ գլխի էլ չեն ընկնում։

1. Բեկոն
   Բեկոնի խրթխրթան կտորները շատ համեղ են, բայց հետազոտությունները ցույց են տվել, որ նրանք կարող են բացասաբար ազդել սերմնաբջիջների քանակության վրա։ Հարվարդի համալսարանի գիտնականները կատարել են հետազոտություն 156 տղամարդու շրջանում, ովքեր մասնակցել են արտամարմնային բեմնավորման (ԱՄԲ)։ Հետազոտության ղեկավար դոկտոր Մարիամ Աֆեյշը եւ համալսարանական իր գործընկներները ուսումնասիրել են մասնակիցների եւ իրենց զուգընկերուհիների սննդակարգը, թե ինչ հաճախականությամբ են նրանք վերամշակված միս, սպիտակ, թռչնի միս եւ ձուկ կերել։ Հիմնականում ձուկ եւ բանջարեղեն օգտագործած տղամարդկանց մոտ սերմնաբջիջների քանակը ավելի շատ է եղել, քան նրանք, ովքեր վերամշակված եւ կարմիր միս են կերել։
   
   
2. Շոգեբաղնիք (սաունա)
   Շոգեբաղնիքներում քրտնել սիրող, բայց, միեւնույն ժամանակ, երեխա ունենալ ցանկացող  տղամարդիկ պետք է այլընտրանք գտնեն։ Իտալիայում Պադովա համալսարանի հետազոտողները խնդրել են անցկացրել մոտ 30 տարեկան 10 առողջ ֆինն տղամարդու երեք ամիս, շաբաթական երկու անգամ գնալ շոգեբաղնիք եւ քրտնել այնտեղ 15 րոպե։ Հետազոտության սկզբում բոլոր մասնակիցների մոտ եղել են նորմալ քանակությամբ սերմնաբջիջներ։ Շոգեբաղնիք գնալուց առաջ եւ հետո հետազոտողները մասնակիցներից արյան եւ սերմնահեղուկի նմուշներ են վերցրել, չափել նրանց ջերմությունը։ Երեք ամիս անց մասնակիցների սերմնաբջիջների քանակը զգալիորեն նվազել է։ Այնուամենայնիվ, մասնակիցների մոտ ամեն ինչ վերականգնվել է վեց ամիս անց։
   
   
3. Սթրես
   Սթրեսը եւ անհանգստությունը կարող է վնասակար ազդեցություն ունենալ մեր ընդհանուր առողջության վրա, այդ թվում նաեւ տղամարդու պտղաբերության վրա։ 38-49 տարեկան 193 տղամարդու շրջանում անցկացրած հետազոտությունը ներառել է սուբյեկտիվ եւ օբյեկտիվ սանդղակով գնահատել կյանքում եւ աշխատանքում պատահած այն իրադարձությունները, որոնք սթրեսի են ենթարկել մասնակիցներին։  California-Davis համալսարանի հետազոտողները կատարել են սերմնահեղուկի հետազոտություն՝ դրա շարժունակությունը եւ կոնցենտրացիան իմանալու համար։ Կյանքի ընթացքում սթրեսի ենթարկված տղամարդկանց սերմնահեղուկի կոնցենտրացիան ավելի քիչ է եղել, քան նրանք, ովքեր սթրես են տարել աշխատանքում։ Վերջիններիս սերմնահեղուկի նմուշների հետազոտությունները եղել են նորմայի սահմաններում, բայց իրենց մոտ նկատվել է տեստոստերոնի մակարդակի նվազեցում։
   
   
4. Նոթբուք
   Միգուցե լսած կլինեք, որ չի կարելի նոթբուքը երկար ժամանակ դնել ծնկներին, քանի որ համակարգչի տաքությունը կարող է ազդել սերմնաբջիջների քանակի վրա։ Բայց Դուք երեւեի չգիտեք, որ անգամ Ձեր համակարգչին միացված Wi-Fi-ը, կարող է ազդել տղամարդու պտղաբերության վրա։ Fertility and Sterility ամսագրում հրապարակված նոր  հետազոտությունը հավաքել է առողջ տղամարդկանց սերմնաբջիջների 29 նմուշներ, ովքեր չորս ժամ աշխատել են համացանցին միացված նոթբուքով։ Wi-Fi- ճառագայթումը  վնասել է ԴՆԹ-ն եւ նվազեցրել սերմնահեղուկի շարժունությունը։
   
   
5. Պեստիցիդներ
   Պեստիցիդների ազդեցությունը մարդու վրա բացասաբար է ազդում նրա առողջության վրա՝ առաջացնելով բնածին արատներ, նյարդային խանգարումներ եւ, անգամ, սերմնաբջիջների քանակի նվազեցում։ Ջորջ Վաշինգթոնի համալսարանի շրջակա միջավայրի եւ աշխատանքի հիգիենայի վարչությունից գիտնականների մի խումբ ուսումնասիրել է տղամարդու պտղաբերության վրա պեստիցիդների ազդեցության մասին կատարված 17 նոր հետազոտություններ. 17-ից 15-ը բացահայտել են պեստիցիդների պատճառած վնասը։
   
   
6. Մարիխուանա ծխելը
   Վերքին հետազոտություններից շատերում խոսվում է մարիխուանայի ենթադրյալ դրական ազդեցությունների մասին։ Բայց տղամարդիկ պետք է իմանան, թե ինչ կարող է անել կանեփ ծխելն իրենց սերմնահեղուկին։ Բուֆալո համասլարանի հետազոտողները, ովքեր ուսումնասիրել են  մարիխուանա ծխող տղամարդկանց սերմնահեղուկի որակը եւ կոնցենտրացիան, ասել են, որ նրանց «փոքրիկ լողորդները» այրվել են՝ ձվին չհասելով, քանի որ շատ շուտ սկսել են լողալ եւ շատ շուտ խորտակվել։

Հարցեր, պատասխաններ, մեկնաբանություններ