Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Առողջ կին

Կանանց միջին տարիքի ճգնաժամը

Կանանց միջին տարիքի ճգնաժամը

Ի՞նչ նշաններով կարելի է հասկանալ` ճգնաժամ է, թե ոչ, երբ մտածում եք, որ ծերանում եք, երիտասարդությունն անցավ, տարիներն իրենցն անում են, երբ այլևս ոչինչ չեք ուզում, ամեն ինչ նյարդայնացնում է, սարսափում եք ապագայի մասին մտածելուց:

 

Առողջության, անձնագրային տարիքի կամ «դուք գիտեք` կյանքի կեսն ապրել եմ, ես այլևս երբեք չեմ կարող անել այս կամ այն», «միշտ էլ կգտնվի ինձնից երիտասարդն ու գեղեցիկը» մտքեր ու արտահայտություններ: Ծանո՞թ են: Ինչո՞ւ են նման մտքեր առաջանում, ու ինչի՞ց է նման վիճակ ստեղծվում: Ինքներդ էլ գիտեք պատասխանը. տարիքը, հորմոնալ փոփոխությունները, ձեր ընտանեկան ու սոցիալական վիճակը, ահա անձնական ճգնաժամի իսկական «սադրիչները»:

Տարիք

Արդարացիորեն նկատել են, որ եթե տղամարդկանց տարիքային ճգնաժամը սկսվում է աշխատանքից, ապա կանանց  դեպքում` արտաքինից:

Ինչ-որ ժամանակից հետո դեմքի քսուք գնելու համար հարկ կլինի հիշել անձնագրային տարիքը, քանի որ քսուքներ կան, որոնց վրա նշվում է` «35 տարեկան կանանց համար» կամ «40-ից բարձր»: Սովորաբար կանայք ահավոր սարսափում են ապագան պատկերացնելուց կամ էլ փորձում են բոլոր փոփոխություններն անխուսափելի չարիքի պես ընդունել: Չէ՞ որ ԶԼՄ-ներում հաճախ ես հանդիպում` «20-ից հետո մաշկը թոշնում է» կամ էլ նմանատիպ հաճախ հնչող արտահայտություններ: Սակայն ոչ մի կոսմետիկ միջոց ու պլաստիկ վիրահատություն չի կարող վերադարձնել աչքերի փայլը, մարմնի ճկունությունը, հոգու համարձակությունը և շարժումը: Մարած ու խամրած հայացքն անձնագրից ավելի խոսուն է:

Ինչ անել

Առաջին հերթին նկատված բոլոր փոփոխությունները մի վերագրեք տարիքին, փորձեք դրանց տրամաբանական բացատրություններ գտնել, ասենք` կյանքի բարդ ռիթմ, էկոլոգիա, լարված աշխատանք: Երկրորդ` փորձեք պահպանել հոգեկան առողջությունը, այսինքն` փորձեք ակտիվ զգալ ինքներդ ձեզ , ինչ-որ բանով տարվեք ու հետաքրքրվեք: Դրական ներքին տրամադրվածությունը դրական էլ ազդեցություն է ունենում արտաքին կերպարանքի վրա: Լավ տեսք ունենալ կարելի է բոլոր տարիքներում:

Հորմոնալ փոփոխություններ

Բոլորը թերևս գիտեն, որ 40-ի մոտ կնոջ օրգանիզմում կենսական պրոցեսները դանդաղում են, մկանային զանգվածը` նվազում, իսկ ճարպի քանակը` ավելանում, եթե անգամ երբեք գիրանալու հակում չեք ունեցել:

Կանայք սկսում են գիրանալ և ընդամենը մի քանի տարում կարող են ավելանալ նույնիսկ երկու չափսով:

Մինչդեռ ՀԱԿ-ի տվյալներով` ավելորդ քաշն ու սակավաշարժ կենսակերպը կրծքագեղձի, աղիքային, ձվարանների ու ենթաստամոքսային գեղձի չարորակ ուռուցքների դեպքերի 1/3-ի պատճառն են համարվում: 40-ին մոտ կանայք պետք է հասկանան, որ պասիվ հանգիստը բազմոցին, ոչ էլ ակտիվ տնտեսական գործունեությունը` ի բարօրություն ընտանիքի, չեն անի իր համար այն, ինչին կարելի է հասնել լողի ու մարզասրահ հաճախելով ու այլ մարզաձևերով զբաղվելով:

Ի՞նչ կարելի է անել

Պետք է կարգավորել ճարպային հավասարակշռությունը: Եթե երիտասարդ տարիներին ճարպը հիմնականում կուտակվում է ազդրերի շրջանում, ապա տարիքի հետ այն տեղակայվում է փորի շրջանում: Դա կարող է ձեզ գեղագիտական առումով չանհանգստացնել, սակայն պետք է առողջության տեսանկյունից մտահոգության առիթ դառնա, քանի որ ճարպը ոչ միայն մաշկի տակ է կուտակվում, այլև որովայնի շրջանի օրգաններն է պատում: Իսկ ներքին ճարպակալման պատճառով բարձրանում է արյան ճնշումը, առաջանում են սրտային հիվանդություններ, հնարավոր է` շաքարախտ զարգանա, կամ այլ «տհաճություններ ու անհանգստություններ» ի հայտ գան: Ներքին ճարպը ոչնչացնելու համար առաջարկվում է պարբերաբար կարդիոպարապմունքներ կատարել: Այդ նպատակին կօգնեն հատուկ մարզիչները: Նույն նպատակով պետք է ամբողջությամբ վերանայվի ամենօրյա սննդակարգը, և առողջ սննդի սովորույթներ մշակվեն: Ցանկալի է, որ ինքներդ սթրեսը վերացնելու մի քանի հնարք սովորեք. չէ՞ որ ցանկացած սթրեսի ժամանակ (նույնիսկ սովորական անլիարժեք քնի դեպքում) օրգանիզմը «տագնապի» հորմոն` կորտիզոլ է արտադրում, որին հետևում է ճարպային բջիջների ակտիվ բազմացումը:

Ընտանեկան իրավիճակը

Եթե կինը 30-ն անց էու դեռևս ամուսնացած չէ, երեխա չունի, ապա նրա համար գլխավորը դառնում է երեխա ունենալու հարցը, քանի որ կնոջ վերարտադրողական տարիքը շատ ավելի կարճատև է, քան տղամարդունը: Այդ մտահոգության ֆոնին էլ կարող է անկումնային տրամադրություն ու ճնշվածություն առաջանալ, իսկ 20-ամյա երիտասարդ կնոջ հետ համեմատվելն էլ լրիվ դեպրեսիայի մեջ կգցի ձեզ: Թվում է, թե կյանքը դատարկ է, ու ոչնչով չես կարող լցնել, այն ինչ ունես, այլևս չի բավարարում, իսկ նորն էլ չկա…

Իսկ ամուսնացած կանանց մոտ էլ ուրիշ խնդիր է առաջանում. երեխաները հասուն են, ու ժամանակն է, որ առանձնանան: Այդ դեպքում ամուսինները սկսում են անընդհատ կռվել, չէ՞ որ հիմա կարծես եկել է հին խնդիրները պարզաբանելու ժամանակը, որոնց մասին տարիներ շարունակ լռել են: Երբեմն թվում է, որ կողքիդ լրիվ անծանոթ մեկն է: Ի դեպ , դա խիստ վտանգավոր է ընտանիքի համար: Եթե կուտակված խնդիրները հարկ է լուծել, ինչը ցավոտ է ու տհաճ, ապա անհաջող «պարզաբանումներն» էլ կարող են հանգեցնել ամուսնալուծության:

Ի՞նչ անել

Ճգնաժամը հաճախ ուղեկցվում է անձի ու հարաբերությունների վերակառուցմամբ, դրանից չես փախչի, չես թաքնվի: Ազնվորեն ինքներդ ձեզ խոստովանեք` ինչն է ձեզ ձեր հարաբերություններում բավարարում, ու ինչը` ոչ: Պատմեք զուգընկերոջն այդ մասին: Փորձեք խոսել ու հասկացնել, որ այդ ամենը ձեզ համար շատ կարևոր է: Իսկ հետո ուշադրություն դարձրեք` արդյոք ձեր ամուսինը փորձո՞ւմ է ինչ-որ բան փոխել: Որակյալ հարաբերությունների համար անհրաժեշտ է, որ ամուսինները համաձայնեն միմյանց հետ ոչ միայն խոսքով, այլև գործով:

Իսկ եթե ճգնաժամային տարիքում միայնակ եք, փորձեք հասկանալ` ձեզ ընկեր պե՞տք է, թե՞ ոչ, ի՞նչ հարաբերություններ եք նախընտրում, ի՞նչ կարող եք անել, որ այդպիսի տղամարդու հանդիպեք:

Սոցիալական վիճակը

Ընդունված է կարծել, որ տղամարդու միջին տարիքի ճգնաժամը ինքնուրույնության ու նպատակների բացակայությունն է : Իսկ ժամանակակից 40-ամյա աշխատող կանանց մոտ այդ թեման նույնպես կարող է ճգնաժամի պատճառ դառնալ:«Ինչի՞ եմ հասել այս կյանքում, ի՞նչ է լինելու հետո» հարցերի պատասխանները միշտ չէ, որ բավարար կարելի է համարել: Իրավիճակը սրվում է, երբ 45-ից հետո դժվարանում ես գտնել լավ վարձատրվող աշխատանք: Փորձառու և ուսյալ կանայք ավելի նվազ եկամուտներ ունեն, քան երիտասարդներն ու տղամարդիկ: Դա չպահանջվածության ու անպետքության զգացում է ստեղծում, ինչը կարող է բացասական վերաբերմունք ձևավորել կյանքի նկատմամբ:

Ի՞նչ անել

Առաջին հերթին ուշադրություն դարձրեք ձեր ձեռքբերումներին: Եթե հատուկ հաջողություններ չունեք, զբաղվեք ձեր սիրած գործով ու փորձեք ձեր ոլորտի լավագույն մասնագետ դառնալ: Առժամանակ տնային հոգսերի մի մասը թոթափեք (խնդրեք մտերիմներին օգնել ձեզ այդ հարցում), ձեր հոգու համար այցելեք խմբակ, որի համար երբեք ժամանակ չեք ունեցել: Փորձեք աշխատավայրում չափից ավելի չհոգնել, ժամանակ առ ժամանակ լիարժեք հանգիստ կազմակերպեք:

Եթե հարմար տեղ չեք գտնում, եթե մտածում եք ձեր գործը ստեղծելու մասին, մի վարանեք, մի վախեցեք:

Ամփոփում

Միջին տարիքի ճգնաժամը կարող է այն տպավորությունը ստեղծել, այն զգացումը, որ ժամանակն անվերջ չէ, ու այդ ժամանակ հատկապես սուր է զգացվում «Ինչո՞ւ եմ ապրում, ո՞ւր եմ գնում, ինչի՞ եմ ուզում հասնել, ի՞նչն է այժմ կյանքում կարևոր» հարցերի պատասխանների կարևորությունը: Ու այդ հարցերի պատասխաններից որոշվում է ձեր հետագա կյանքի ընթացքը: Ինչ-որ մեկը փոխում է մասնագիտությունը, ուրիշներըը` ամուսնալուծվում , ամուսնանում, երեխա ունենում, սիրեկան պահում, նկարել, ծեփել կամ հուլունքագործություն սովորում:

Պահի երջանկությունն ու միաժամանակ դժվարությունն այն է, որ հիմա ամեն ինչ ձեր ձեռքում է, ձեզնից է կախված: Ինչպես ապրել` որոշում եք դուք, միայն ու միայն: Իսկ եթե ինքներդ չեք կողմնորոշվում, չեք հասկանում` ինչպես վարվել, ելքը, բնականաբար, դժվարին է: Այդ դեպքերում թերևս հոգեբանի օգնություն է անհրաժեշտ: Նա, իհարկե, կյանքի նոր նպատակների դեղատոմսեր չի տա, բայց կօգնի վերլուծելու ինքներդ ձեզ, հասկանալու ձեր ներուժը, միասին ելք կգտնելու այդ վիճակից, միաժամանակ մտնելու նոր կենսաշրջան: Թե՛ կանանց և թե՛ տղամարդկանց մոտ միջին տարիքի ճգնաժամն ուղեկցվում է անհատականության ու հարաբերությունների վերակառուցմամբ: Եթե դա ավելի երջանիկ կյանքի հանգեցնի,  ուրեմն ճգնաժամը ձեզ օգուտ է տվել:

Սկզբնաղբյուր. Panorama.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Հնարավո՞ր է կանխել արգանդի վզիկի քաղցկեղը. oncology.am
Հնարավո՞ր է կանխել արգանդի վզիկի քաղցկեղը. oncology.am

Ըստ կանանց մոտ ուռուցքային հիվանդությունների մահացության՝ արգանդի վզիկի քաղցկեղը աշխարհում երկրորդ տեղն է գրավում։ Յուրաքանչյուր տարի գրանցվում է արգանդի վզիկի քաղցկեղի մոտավորապես 500 հազար նոր դեպք,  240 հազար կին մահանում է...

Ուռուցքաբանություն Պերինատոլոգիա, մանկաբարձություն և ուրո-գինեկոլոգիա
Հակաբեղմնավորիչների դրական և բացասական կողմերը
Հակաբեղմնավորիչների դրական և բացասական կողմերը

Հակաբեմնավորումը անցանկալի հղիությունից պաշտպանությունն է: Հակաբեղմնավորման ժամանակակից մեթոդները բազմազան են: Հակաբեղմնաբորման միջոցները բաժանվում են երկու խմբի` կանանց և տղամարդկանց: Կանանց հակաբեղմնավորման միջոցները...

Պերինատոլոգիա, մանկաբարձություն և ուրո-գինեկոլոգիա
Հնարավո՞ր է կանխել արգանդի վզիկի քաղցկեղը
Հնարավո՞ր է կանխել արգանդի վզիկի քաղցկեղը

Ըստ կանանց մոտ ուռուցքային հիվանդությունների մահացության՝ արգանդի վզիկի քաղցկեղը աշխարհում երկրորդ հորիզոնականում է։ Յուրաքանչյուր տարի գրանցվում է արգանդի վզիկի քաղցկեղի մոտավորապես 500 հազար նոր դեպք...

Ուռուցքաբանություն Պերինատոլոգիա, մանկաբարձություն և ուրո-գինեկոլոգիա
Ե՞րբ այցելել գինեկոլոգի (հաճախ տրվող հարցեր). nairimed.com
Ե՞րբ այցելել գինեկոլոգի (հաճախ տրվող հարցեր). nairimed.com

Խորհուրդ է տրվում տարեկան 1-2 անգամ այցելել գինեկոլոգի` ընդհանուր հետազոտության նպատակով, ինչպես նաև` անհրաժեշտ է դիմել գինեկոլոգի խորհրդատվության, եթե առկա են անհանգստացնող ախտանիշներ...

Պերինատոլոգիա, մանկաբարձություն և ուրո-գինեկոլոգիա
Ե՞րբ այցելել գինեկոլոգի (հաճախ տրվող հարցեր). nairimed.com
Ե՞րբ այցելել գինեկոլոգի (հաճախ տրվող հարցեր). nairimed.com

Խորհուրդ է տրվում տարեկան 1-2 անգամ այցելել գինեկոլոգի` ընդհանուր հետազոտության նպատակով, ինչպես նաև` անհրաժեշտ է դիմել գինեկոլոգի խորհրդատվության, եթե առկա են անհանգստացնող ախտանիշներ...

Պերինատոլոգիա, մանկաբարձություն և ուրո-գինեկոլոգիա
Դաշտանադադար. ախտանիշներն ու բուժման եղանակները. վիրաբույժ-գինեկոլոգ Անժելա Լեխլյան, «Նաիրի» ԲԿ. nairimed.com
Դաշտանադադար. ախտանիշներն ու բուժման եղանակները. վիրաբույժ-գինեկոլոգ Անժելա Լեխլյան, «Նաիրի» ԲԿ. nairimed.com

Տարիքի հետ կնոջ օրգանիզմը բազմաթիվ փոփոխություններ է կրում, և դրանից առաջնայինը դաշտանային ցիկլի դադարումն է, որը երբեմն կարող է լինել տիպիկ տարիքային շեմից շուտ, իսկ երբեմն էլ ուշանալ: Երկու դեպքում էլ դաշտանադադարն...

Պերինատոլոգիա, մանկաբարձություն և ուրո-գինեկոլոգիա
Ստուգեք Ձեզ. արդյո՞ք կրծքագեղձի քաղցկեղի ռիսկեր ունեք. oncology.am
Ստուգեք Ձեզ. արդյո՞ք կրծքագեղձի քաղցկեղի ռիսկեր ունեք. oncology.am

Կրծքագեղձի քաղցկեղի ռիսկն աճում է տարիքի հետ, փոխանցվում է ժառանգականությամբ և պայմանավորված է մի շարք գործոններով, որոնց կարող եք ծանոթանալ հետևյալ թեստի միջոցով...

Ուռուցքաբանություն
Անմիզապահությունն ընկճում է սեռական ակտիվությունը. urolog.am
Անմիզապահությունն ընկճում է սեռական ակտիվությունը. urolog.am

Տարեցների մոտ անմիզապահությունն ընկճում է սեռական ակտիվությունը և բացասաբար է ազդում հոգեկանի վրա: Այսպիսի եզրակացության է եկել Մանչեսթրի մայրաքաղաքային համալսարանի հետազոտական խումբը...

Հայտնի են կրծքագեղձի քաղցկեղի կանխարգելման մթերքները. oncology.am
Հայտնի են կրծքագեղձի քաղցկեղի կանխարգելման մթերքները. oncology.am

Հետազոտությունն իրականացրել են ամերիկացի գիտնականները: Հիվանդությունների վերահսկման Ամերիկյան կենտրոնի տվյալներով այն ամբողջ աշխարհում հանդիսանում է կանանց ուռուցքային հիվանդությունների ամենատարածված...

Սնունդը և առողջությունը
Կոնտրացեպցիան տարբեր տարիքային խմբերում. tsnndatun.am
Կոնտրացեպցիան տարբեր տարիքային խմբերում. tsnndatun.am

ԿՈՆՏՐԱՑԵՊՑԻԱՆ ԵՐԻՏԱՍԱՐԴՆԵՐԻ   ՇՐՋԱՆՈՒՄ

Ներկայումս երիտասարդների կենսաբանական հասունացումը տեղի է ունենում ավելի վաղ, քան նախորդ սերունդներինը...

Անցանկալի հղիություն. կոնտրացեպցիա (2-րդ մաս). tsnndatun.am
Անցանկալի հղիություն. կոնտրացեպցիա (2-րդ մաս). tsnndatun.am

Շարունակելով անցանկալի հղիության թեման՝ ծանոթանանք այն տեսականու հետ, որ մեզ առաջարկում է ժամանակակից բժշկական արտադրությունը՝ անցանկալի հղիությունից և սեռական ճանապարհով փոխանցվող...

Պերինատոլոգիա, մանկաբարձություն և ուրո-գինեկոլոգիա
Անցանկալի հղիություն. կոնտրացեպցիա
Անցանկալի հղիություն. կոնտրացեպցիա

Ընտանիքի պլանավորման հարցն անհանգստացնում է բոլորին անխտիր։ Իսկ դա նշանակում է, որ վաղ թե ուշ մեր առջև կկանգնի հակաբեղմնավորիչ միջոցների ընտրության խնդիրը։ Բայց ինչպես հայտնի է, հղիությունից պաշտպանվելու...

Դեղամիջոցներ Պերինատոլոգիա, մանկաբարձություն և ուրո-գինեկոլոգիա
Հաճախ տրվող հարցեր գինեկոլոգին. izmirlianmedicalcenter.com
Հաճախ տրվող հարցեր գինեկոլոգին. izmirlianmedicalcenter.com

1. Առավել հաճախ ի՞նչ խնդիրներով են կանայք դիմում գինեկոլոգին:

Կապված տարիքային խմբից կնոջը հուզող խնդիրները տարբեր են։ Երիտասարդ տարիքում հիմնականում դիմում են...

ԿԻՆ: Հիվանդություններ Պերինատոլոգիա, մանկաբարձություն և ուրո-գինեկոլոգիա
«Օստեոպորոզի ժամանակակից հիմնախնդիրները» թեմայով դասընթացի շրջանակում. կանանց մոտ օստեպորոզի կանխարգելմանը վերաբերող հաճախ տրվող հարցերի պատասխաններ
«Օստեոպորոզի ժամանակակից հիմնախնդիրները» թեմայով դասընթացի շրջանակում. կանանց մոտ օստեպորոզի կանխարգելմանը վերաբերող հաճախ տրվող հարցերի պատասխաններ

Օստեոպորոզի կենտրոնում հայկական ասոցիացիայի կողմից կազմակերպած «Օստեոպորոզի ժամանակակից հիմնախնդիրները» թեմայով հերթական դասընթացի շրջանակում փորձեցինք ստանալ 40 տարեկանն անց կանանց մտահոգող...

Վնասվածքաբանություն և օրթոպեդիա
«Օստեոպորոզի ժամանակակից հիմնախնդիրները» թեմայով դասընթացի շրջանակում. ինչու՞ են կանայք ավելի հաճախ հիվանդանում օստեոպորոզով
«Օստեոպորոզի ժամանակակից հիմնախնդիրները» թեմայով դասընթացի շրջանակում. ինչու՞ են կանայք ավելի հաճախ հիվանդանում օստեոպորոզով

Օստեոպորոզի կենտրոնում հայկական ասոցիացիայի կողմից կազմակերպվել էր ավանդական դարձած «Օստեոպորոզի ժամանակակից հիմնախնդիրները» թեմայով հերթական դասընթացը...

Վնասվածքաբանություն և օրթոպեդիա Իրադարձություններ Հայաստանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ