Հարգելի Maga, բարև Ձեզ: Կարող եք կատարել լվացումներ երիցուկի թուրմով, հեքսիկոնի լուծույթով: Երեկոյան քնելուց առաջ կարող եք օգտագործել միկոնազոլ և մետրոնիդազոլ պարունակող մոմիկներ, 5 օր:

Հարգելի Hasmik, բարև Ձեզ: Եթե համոզված եք, որ դա ջրային արտադրություն է, թափանցիկ է, առանց հոտի, հնարավոր է պտղաջրեր են արտահոսում: Հարկավոր է անպայման դիմել գինեկոլոգի:

Հարգելի Sofia, բարև Ձեզ: Ըստ Ձեր նկարագրածի կարելի է ենթադրել, որ Ձեզ մոտ կա միզապարկի բորբոքում և բավականին բարդացած ընթացքով: Խորհուրդ կտայի անպայման դիմել ուրոլոգի:

Հարգելի Diana, բարև Ձեզ: Ամենայն հավանականությամբ կա բորբոքային պրոցես, սակայն միայն նշված գանգատներով կողմնորոշվել ինչ խնդիր է, մի փոքր դժվար է: Կարևոր է արտադրության բնույթը, ունի հոտ, թե ոչ: Տնային պայմաններում կարող եք կատարել լվացումներ  հակասեպտիկ լուծությներով, կամ հակասեպտիկ պարունակող մոմիկներ օգտագործել: Որովայնի ստորին և աճուկային հատվածի ցավերի պատճառները տարբեր , դրանք կարող են կապված լինել արգանդի միոմայի, էնդոմետրիոզի, ձվարանների կիստաների և այլ պատճառների հետ:

Հարգելի Meri, բարև Ձեզ: Լիարժեք բուժում ստանալու համար հարկավոր է կատարել մեզի ցանքս և որոշել հակաբիոտիկի հանդեպ զգայունություն: Բացի հակաբիոտիկից նշանակվում են նաև սիմպտոմատիկ և միզուղիների աշխատանքը լավացնող միջոցներ:

Հարգելի'  կայքի այցելուներ, տեխնիկական պատճառներով հարցերին պատասխանելը ժամանակավորապես հնարավոր չէր, և որոշ հարցեր, որոնց պատասխանելն այլևս ակտուալ չէ, հեռացվել են կայքից: Խնդրում ենք, եթե Ձեր հարցերը դեռևս ակտուալ են, նորից գրել:  Հայցում են Ձեր ներողամտությունը պատճառված անհարմարության համար:

Հարգելի Lilit, բարև Ձեզ: Ցանկալի էր օգտագործել առանց որևէ քիմիական հավելումի: Ամենայն հավանականությամ քորը հենց դրանից է: Կարող եք կատարել երիցուկի թուրմով լվացումներ, եթե քորն անտանելի է, կարելի է խմել որևէ հակաալերգիկ միջոց: 

Հարգելի Anahit, բարև Ձեզ: "Պապ" քսուկով ախտորոշվում են արգանդի պարանոցի էպիթելի բջջային փոփոխությունները: Ամենայն  հավանականությամբ նկատի են ունեցել, որ կան ատիպիկ բջիջներ: Նման պատասխանից հետո ցանկալի է անցկացնել նաև կոլպոսկոպիկ հետազոտություն:

Հարգելի Lilt, բարև Ձեզ: Խնդրում եմ մանրամասնեք որ հատվածի համար եք օգտագործել: Եթե ժամկետն անց է, պարունակում է քիմիական գունանյութ կամ արոմատիզատոր, հնարավոր է:

Հարգելի Sona, բարև Ձեզ: Պարզելու համար հարկավոր է հանձնել հեշտոցի քսուք, հնարավոր է արտադրության պատճառը սնկերն են կամ գարդներելյոզը:  

Հարգելի SOXHIK, եթե սնկային ախտահարումը լինի մաշկի վրա, որը տվյալ հատվածին այնքան էլ բնորոշ չէ, ապա քերուկով այն կարելի է ախտորոշել: Եթե ունենում եք նաև չորության զգացում և տվյալ հատվածի մաշկը համեմատած ավելի բաց գույնի է, չի բացառվում, որ դա լեյկոպլակիա է, ցանկալի է նորից հանձնել անալիզ տվյալ հատվածից, բայց արդեն բջջաբանական հետազոտության  համար: Ցանկալի է նաև հետազոտել միզապարկը, հանձնել մեզի անալիզ, հնարավոր է քորը կապված է միզապարկի բորբոքման հետ: