Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հղիություն, ծննդաբերություն

 

 

 

 

Ճարպակալումը և հղիությունը. հարցազրույց Լուսինե Մանուկյանի հետ. morevmankan.am

Ճարպակալումը և հղիությունը. հարցազրույց Լուսինե Մանուկյանի հետ. morevmankan.am

Ավելորդ քաշի, ճարպակալման խնդիրը խիստ արդիական է և վերջին տարիներին դարձել է լուրջ բժշկա-սոցիալական, համաշխարհային առողջապահական խնդիր: Ըստ Առողջապահության համաշխարհայի կազմակերպության (ԱՀԿ) տվյալների, ճարպակալումն աշխարհում իր տարածվածությամբ հասնում է համաճարակային մասշտաբների: 2014 թ. ԱՀԿ կողմից ներկայացվել է զեկույց, ըստ որի աշխարհում 600 մլն-ից ավելի մարդ ունի ճարպակալում:

Հղիության ժամանակ ճարպակալման հետ կապված հարցերի շուրջ զրուցեցինք մանկաբարձ-գինեկոլոգ, բ.գ.թ. Լուսինե Մանուկյանի հետ:

Ինչպե՞ս է հաշվարկում ավելորդ քաշի առկայությունը:


Գիտնականները հատուկ ինդեքս են ընդունել՝ մարմնի զանգվածի ինդեքս, որն առաջարկվել է դեռևս 1869 թ. բելգիական սոցիոլոգ Կետլեի կողմից: Արդեն երկար տարիներ այն ընդունվել է ԱՀԿ կողմից, և ճարպակալման դասակարգումն կատարվում է համաձայն այդ բանաձևի: Բանաձևը հետևյալն է. կնոջ քաշը բաժանվում է նրա հասակի քառակուսուն: Նման ձևաչափով հաշվարկման ինդեքսը նորմայում պետք է լինի 18,5-24,99, այսինքն, մինչև 25 ցուցանիշը համարվում է նորմա: Համաձայն այդ ցուցանիշի, գոյություն ունի 3 աստիճանի ճարպակալում: Առաջին աստիճանի ինդեքսը կազմում է 30-35, երկրորդը՝ 35-40, երրորդը՝ 40-ից ավելի:

Ի՞նչ հետազոտություններ և հսկողություն է սահմանվում:


Եթե կա ճարպակալում, հարկ է դիմել ներզատաբանի խորհրդատվության, և մանկաբարձ-գինեկոլոգի հետ միասին պլանավորել հղիությունը: Մասնագետների կողմից նշանակվում են համապատասխան կլինիկական և ֆունկցիոնալ հետազոտություններ:

Ի՞նչ բարդություններ կարող են լինել ճարպակալման ժամանակ:


Չնայած պերինատալ և անտենատալ հսկողության մեթոդների կատարելագործմանը, հղիության և ծննդաբերության բարդացումների հաճախականությունը ճարպակալում ունեցող հղիների մոտ մնում է բարձր՝ 32-83 տոկոս:

Նախքան հղիությունը վերարտադրողական տարիքի ճարպակալում ունեցող կանանց մոտ հաճախ ախտորոշվում են տարբեր հիվանդություններ՝ ներզատաբանական (օրինակ` շաքարաին դիաբետ), սիրտ-անոթային (հիպերտոնիա, անոթային խնդիրներ), միզային համակարգի հիվանդություններ (քրոնիկ ցիստիտներ, պիելոնեֆրիտ, միզաքարային հիվանդություն և այլն): Գինեկոլոգիական բարդություններից կարող են լինել ներզատաբանական խանգարումներով պայմանավորված դաշտանային ցիկլի խանգարումներ, սեռական օրգանների քրոնիկական բորբոքային գործընթացներ և այլն:


Հարկ եմ համարում նշել, որ ճարպակալման առավել վտանգավոր բարդություն է առաջնային և երկրորդային չբերությունը: Ճարպակալում ունեցող կանանց մոտ հղիության առաջին եռամսյակում կարող են լինել ակամա ընդհատումներ, չզարգացող հղիություններ, իսկ երկրորդ կեսում արտահայտվում են առավել վտանգավոր բարդություններ՝ պրեէկլամպսիա, հեստացիոն շաքարային դիաբետ և այլն:

Բարդություններից են նաև հղիության երկրորդ կեսում վաղաժամ ծննդաբերությունները, պտղի ներարգանդային աճի դանդաղումը, զարկերակային գերճնշումը, հաճախ են հանդիպում միզային համակարգի վարակներ:

Որքան բարձր է ճարպակալման աստիճանը, այնքան բարդություններն առավել հաճախ են հանդիպում:

Ի՞նչ բարդություններ կարող են լինել ծննդաբերության ժամանակ:


Ճարպակալման հետևանքով առաջացող շաքարախտով տառապող հղիի մոտ հիպերինսուլինեմիայի, գլյուկոզայի բարձր քանակի հետևանքով պտուղը կարող է խոշոր լինել, որը ծննդաբերության ժամանակ բերում է ծննդաբերական ուժերի առաջնային կամ երկրորդային թուլության, պտղաջրերի վաղաժամ արտահոսքի և այլ ծննդաբերական բարդությունների: Ճարպակալում ունեցող հղիների մոտ 3-3,5 անգամ ավելի հաճախ են հանդիպում պտղի ներարգանդային հիպօքսիկ վիճակները և կենտրոնական նյարդային համակարգի ախտահարումները:  

Հաճա՞խ է իրականացվում կեսարյան հատում:


Ճարպակալում և դրա հետևանքով խնդիրներ ունեցող հղիների շրջանում կեսարյան հատման տոկոսը բավականին բարձր է: Պատճառը հիմնականում խոշոր պտուղն է, կամ, որպես ուղեկցող հիվանդություն, շաքարային դիաբետի առկայությունը:

Ինչպե՞ս կանխարգելել ճարպակալումը:


Հարկ է իրականացնել առաջնային կամ կանխարգելիչ ծրագրեր:


Աշխարհում, անգամ զարգացած երկրներում, հղիությունից առաջ, հղիության ընթացքում կամ դրանից հետո ճարպակալման վերաբերյալ չկան կլինիկական ուղեցույցներ, չնայած առողջապահական խորհրդատվությունները խիստ անհրաժեշտ են` հետագա մետաբոլիկ և սիրտ-անոթային ռիսկերը, ինչպես նաև հասարակության համար հարակից ծախսերը նվազեցնելու համար:

Ճարպակալման դեմ պայքարի համար շատ կարևոր է ֆիզիկական ակտիվությունը, քանի որ ներկայում մարդիկ ավելի նստակյաց կյանք են վարում: Ներզատաբանները խորհուրդ են տալիս ակտիվ կյանք վարել:

Քանի որ ճարպակալման խնդիրները կարող են ի հայտ գալ նաև դեռահաս տարիքում, ուստի ծնողներին խորհուրդ եմ տալիս կանխարգելիչ միջոցառումներ սկսեն արդեն այդ տարիքից և խնդիրը չհասցնեն ռեպրոդուկտիվ շրջան: Կարևոր նշանակություն ունի սննդակարգը, ուստի, ի սկզբանե, հարկ է երեխային և դեռահասին սովորեցնել ճիշտ սնվելու մշակույթը:

Սկզբնաղբյուր. morevmankan.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Հետաձգված մայրություն․ ձվաբջջի սառեցում 35-ն անց կանանց մոտ. morevmankan.am
Հետաձգված մայրություն․ ձվաբջջի սառեցում 35-ն անց կանանց մոտ. morevmankan.am

Առաջնային ձվաբջիջներն առաջանում են աղջկա սաղմում հղիության 2-5-րդ ամսում: Այդ բջիջները բավականին շատ են՝ մոտավորապես 7 միլիոն: Դրանց մեծամասնությունը...

Պերինատոլոգիա, մանկաբարձություն և ուրո-գինեկոլոգիա
Ուշ վերատադրողական տարիք. morevmankan.am
Ուշ վերատադրողական տարիք. morevmankan.am

Կրթությունը, կարիերան, հասարակական կարգավիճակի որոշ նվաճումները պահանջում են վերանայել վերաբերմունքն այնպիսի կարևոր գործառույթի նկատմամբ, ինչպիսին վերարտադրողությունն է...

Պերինատոլոգիա, մանկաբարձություն և ուրո-գինեկոլոգիա
Հիստերոսկոպիա ԱՄԲ-ից առաջ. morevmankan.am
Հիստերոսկոպիա ԱՄԲ-ից առաջ. morevmankan.am

Օժանդակ վերարտադրողական մեթոդների արդյունավետությունը ապահովող կարևոր միջոց է ճիշտ ախտորոշումը: Այդպիսի մեթոդներից է հիստերոսկոպիան...

Պերինատոլոգիա, մանկաբարձություն և ուրո-գինեկոլոգիա
Ճանաչեք հղիության ընթացքում վտանգի նշանները. morevmankan.am
Ճանաչեք հղիության ընթացքում վտանգի նշանները. morevmankan.am

Հիշեք, անհրաժեշտ է անհապաղ դիմել հիվանդանոց, եթե առկա է...

Ինչպես՞ է ազդում էլեկտրոնային և տաքացվող ծխախոտը հղիության վրա. morevmankan.am
Ինչպես՞ է ազդում էլեկտրոնային և տաքացվող ծխախոտը հղիության վրա. morevmankan.am

Տեխնոլոգիաների զարգացումը չի շրջանցել նաև ծխախոտի արդյունաբերությունը։ Վերջին տարիներին շուկայում են հայտնվել նոր արտադրատեսակներ, որոնք, ըստ արտադրողների...

Վնասակար սովորություններ
Կարո՞ղ է դաշտան լինել հղիության ժամանակ. morevmankan.am
Կարո՞ղ է դաշտան լինել հղիության ժամանակ. morevmankan.am

Հղիության ընթացքում հեշտոցից արյունային արտադրությունը կարող է անհանգստացնել յուրաքանչյուր կնոջ: Ոմանք դա շփոթում են դաշտանի հետ, հատկապես, երբ արտադրությունը...

Պերինատոլոգիա, մանկաբարձություն և ուրո-գինեկոլոգիա
Հնարավո՞ր է հղիանալ մեկ ձվարանով
Հնարավո՞ր է հղիանալ մեկ ձվարանով

Միակողմանի ձվարանի հեռացումը (օվարիոէկտոմիա) հաճախ հանդիպող վիրահատական միջամտություն է: Այն իրականացվում է ձվարանում բարորակ կամ կիստոզ գոյացությունների, արտահայտված էնդոմետրիոզի...

Պերինատոլոգիա, մանկաբարձություն և ուրո-գինեկոլոգիա
Նախաիմպլանտացիոն թեստավորում. morevmankan.am
Նախաիմպլանտացիոն թեստավորում. morevmankan.am

Նախաիմպլանտացիոն գենետիկ թեստավորումը (ՆԳԹ, PGT) հնարավորություն է տալիս նախքան իմպլանտացիան ուսումնասիրել էմբրիոնի գեները և քրոմոսոմները: Այս թեստավորումը ցուցված է այն զույգերին, որոնց մոտ նախկինում...

Պերինատոլոգիա, մանկաբարձություն և ուրո-գինեկոլոգիա
Հղիության վաղ ախտորոշում. ինչո՞ւ է դա կարևոր. morevmankan.am
Հղիության վաղ ախտորոշում. ինչո՞ւ է դա կարևոր. morevmankan.am

Կանայք գիտեն, որ դաշտանի ուշացումը, սրտխառնոցը, թուլությունը, ախորժակի փոփոխությունը և այլ նշաններ ոչ միշտ են վկայում հղիության մասին: Գինեկոլոգները ինքնազգացողության այդ փոփոխությունները համարում են...

Մարդկանց 30 տոկոսը տեղյակ չէ հղիության ընթացքի վրա ծխելու և երկրորդային ծխի բացասական ազդեցության մասին. morevmankan.am
Մարդկանց 30 տոկոսը տեղյակ չէ հղիության ընթացքի վրա ծխելու և երկրորդային ծխի բացասական ազդեցության մասին. morevmankan.am

Համաձայն Հայաստանում իրականացված հետազոտությունների տվյալների, ամեն օր ծխող կանանց քանակը 2023 թվականին կազմել է 2.3%, որը բարձր ցուցանիշ չէ...

Վնասակար սովորություններ
Որքա՞ն ավելի շատ պետք է ուտել հղիության ժամանակ. morevmankan.am
Որքա՞ն ավելի շատ պետք է ուտել հղիության ժամանակ. morevmankan.am

Առաջին եռամսյակում Ձեզ հարկավոր չէ որևէ ավելորդ բաժին ուտել։ Երկրորդ եռամսյակում անհրաժեշտ կլինի օրական լրացուցիչ 340 կալորիա, իսկ երրորդ եռամսյակում՝ օրական շուրջ 450 կալորիա...

Ի՞նչ մթերքից պետք է խուսափել հղիության ժամանակ. morevmankan.am
Ի՞նչ մթերքից պետք է խուսափել հղիության ժամանակ. morevmankan.am

Հղիությունը կնոջ կյանքի, թերևս, ամենասպասված և գեղեցիկ պահերից է, որի ժամանակ ցանկալի է հետևել որոշ կանոնների՝ հատկապես ճիշտ սննդակարգի պահպանմանը։ Պետք է հիշել, որ հղիներն ավելի...

Ինչպե՞ս պահպանել ճիշտ սննդակարգը հղիության ընթացքում. morevmankan.am
Ինչպե՞ս պահպանել ճիշտ սննդակարգը հղիության ընթացքում. morevmankan.am

Սրտանց շնորհավորում ենք հղիության կապակցությամբ․․․

Միևնույն ժամանակ, հղիությունն առաջացնում է մի շարք բնական հարցեր՝ հղիության ընթացքում...

Ալկոհոլի օգտագործումը հղիության ընթացքում
Ալկոհոլի օգտագործումը հղիության ընթացքում

Ալկոհոլի օգտագործումը շարունակում է մնալ հանրային առողջության հիմնական խնդիրներից մեկը, ինչն արդի է նաև Հայաստանում, այդ թվում նաև կանանց շրջանում: Պաշտոնական վիճակագրության համաձայն...

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ