Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հղիություն, ծննդաբերություն

Կնոջ վերականգնումը ծննդաբերությունից հետո. հարցազրույց Դավիթ Ղուկասյանի հետ. morevmankan.am

Կնոջ վերականգնումը ծննդաբերությունից հետո. հարցազրույց Դավիթ Ղուկասյանի հետ. morevmankan.am

Ի՞նչ է ներառում կնոջ վերականգնումը հետծննդյան շրջանում:

Սովորաբար, այն կանայք, որոնց մոտ հղիությունը նորմալ է ընթացել, և՛ նորմալ ծննդաբերությունից, և՛ կեսարյան հատումից հետո հետծննդյան շրջանում վերականգնվումն ընթանում է նորմալ:

Հետծննդյան 42 օրվա ընթացքում այն բոլոր օրգան-համակարգերը, որոնք հղիության ընթացքում ենթարկվել են հորմոնալ փոփոխությունների, սովորաբար, վերականգնվում են, և վերադառնում նախկին վիճակին` կաթնագեղձերից բացի, որոնք կրծքով կերակրման ամբողջ ընթացքում  մնում են դեռևս փոփոխված:

Հետծննդյան շրջանում կնոջ վերականգնման համար կարևոր է օրվա ռեժիմի ճիշտ կազմակերպումը, լիարժեք քունը, լիարժեք սնունդը և այլն:

Որքա՞ն ժամանակ է կինը մնում ծննդատանը և անհրաժե՞շտ է անկողնային ռեժիմ:

Նորմալ ծննդաբերած առողջ կինը ծննդատանը մնում է 2-3 օր, որի ընթացքում կազմակերպվում է նրա հսկողությունը և խնամքը: Կեսարյան հատման դեպքում այդ ժամկետը տևում է 4-5 օր:

Անկողնային ռեժիմ պահպանում են այն կանայք, որոնք ծննդաբերում են բարձր զարկերակային ճնշման առկայությամբ (ծանր պրեէկլամպսիա), կամ ծննդաբերության ժամանակ արյան մեծ կորուստ է լինում: Այդ կանանց զգալի մասը ծննդալուծվում է կեսայան հատման ճանապարհով և առաջին օրերին պահպանում է անկողնային ռեժիմ: Առաջին իսկ հնարավորության դեպքում նրանք անցնում են ակտիվ վիճակի:

Քրոնիկ հիվանդություններ ունեցող կանանց վերականգնման շրջանում կա՞ն առանձնահատկություններ:

Եթե կինն ունի հիվանդություններ, հետծննդյան շրջանում գտնվում է նեղ մասնագետների հսկողության տակ (սրտաբան, էնդոկրինոլոգ և այլն), իրականացվում են հավելյալ հետազոտություններ՝ ԷՍԳ, սրտի էխոգրաֆիա, իրականացվում է համապատասխան բուժում:

Արգանդի կրճատման ի՞նչ նպաստող գործոններ կնշեք:

Արգանդի կրճատման լավագույն միջոցը կրծքով ճիշտ կերակրումն է, որի դեպքում հավելյալ միջամտությունների կարիք չի լինում:

Լինում են դեպքեր, երբ արգանդը լավ չի կրճատվում, լինում է չափից մեծ: Դա հաճախ դիտվում է խոշոր պտուղների, բազմապտուղ հղիությունների ժամանակ, երեք և ավելի անգամ ծննդաբերած կանանց մոտ: Այդ դեպքում կնոջը նշանակվում է արգանդը կրճատող դեղ՝ օքսիտոցին: Զուգահեռ շտկվում են ճիշտ կերակրման հարցերը, որ արգանդի հետագա կրճատումն ընթանա բնականոն:

Վերականգնման ընթացքի հսկողության նպատակով հետազոտություններ իրականացվո՞ւմ են:

Հետծննդյան շրջանում, սովորաբար, ծննդաբերությունից 24 ժամ հետո կատարվում են արյան և մեզի ընդհանուր հետազոտություններ, անհրաժեշտության դեպքում` նաև ուլտրաձայնային և արյան կենսաիմիական հետազոտություն:

Ինչպիսի՞ն է կնոջ սննդակարգը հետծննդյան շրջանում:

Եթե կինը նորմալ է ծննդաբերել, նրա սնունդը՝ կաթի որակը փոխող մթերքներից զատ (ցիտրուսային մրգեր, շոկոլադ, կծու, թթու ուտեստներ, ալկոհոլ, ծովամթերք), ոչնչով չի տարբերվում չծննդաբերած կնոջ սննդակարգից: Կինը կարող է սնվել և հեղուկներ օգտագործել ըստ պահանջի:

Ինչպե՞ս նպաստել կնոջ հոգեբանական վերականգնմանը:

Ծննդաբերությունը մեծ սթրես է կնոջ համար: Կան կանայք, որոնք ծննդաբերությունից հետո առաջանում է ծննդաբերական հոգեբանական ընկճում, հետծննդաբերական պսիխոզ, որոնք երբեմն բավականին ծանր են ընթանում: Նման դեպքերում կնոջ հետ պետք է աշխատի հոգեբանը, ով փորձում է ճշտել հոգեկան խնդիրների պատճառները և շտկել դրանք:

Մեր կենտրոնում առկա է հոգեբանի ծառայություն: Հոգեբանն աշխատում է հետծննդյան շրջանում նման խնդիրներ ունեցող կանանց հետ (զրույցներ, խորհրդատվություն) և անհրաժեշտ ժամանակահատվածում գտնվում են նրա հսկողության տակ:

Երբեմն հոգեբանները զբաղվում են նաև ընտանիքների հետ և հարազատներին կանանց նկատմամբ վերաբերմունքի խորհուրդներ են տրվում:

Կնոջ քունը հետծննդյան շրջանում:


Ծննդաբերությունից հետո վերականգնման համար կարևոր նշանակություն ունի լիարժեք քունը: Բայց, քանի որ երեխային 3-4 ժամից ավելի առանց կերակրման չի կարելի թողնել, կնոջ գիշերային քունն անցնում է ընդհատումներով: Գիշերային կերակրումները բացառել հնարավոր չէ, որովհետև դրանք անհրաժեշտ են երեխայի աճող օրգանիզմին և նպաստում են նաև կաթնարտադրությանը: Կնոջ քնի և հանգստի պակասը խորհուրդ է տրվում լրացնել ցերեկվա ժամերին, երբ երեխան քնած է:

Ինչպիսի՞ն պետք է լինի կնոջ ֆիզիկական ծանրաբեռվածությունը հետծննդյան շրջանում:

Հետծննդյան 42-օրյա շրջանում կինը, բնականաբար, պետք է խուսափի ծանրություն կրելուց, ծանր ֆիզիկական աշխատանքից, զերծ մնա սեռական հարաբերություններից: Կարող է կատարել թեթև մարզումներ,  զբաղվել յոգայով: Յուրաքանչյուր կին իր օրգանիզմն ավելի լավ է ճանաչում, և մարզումները նույնպես անհատական են:

42 օր անց արդեն սահմանափակումներ չկան, և կինը կարող է զբաղվել ակտիվ ապրելակերպով և սպորտով:

Սկզբնաղբյուր. morevmankan.am
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Հակացուցումներ` հղիության երկրորդ եռամսյակում. morevmankan.am
Հակացուցումներ` հղիության երկրորդ եռամսյակում. morevmankan.am

Հղիության երկրորդ եռամսյակում հակացուցումները՝ առաջին եռամսյակի հետ համեմատած, ավելի քիչ են, կամ առանձնապես խիստ չեն: Այնուամենայնիվ դրանք իմանալը և դրանց հետևելը դարձյալ կարևոր է պտղի ճիշտ...

Պերինատոլոգիա, մանկաբարձություն և ուրո-գինեկոլոգիա
Հակացուցումներ` հղիության առաջին եռամսյակում. morevmankan.am
Հակացուցումներ` հղիության առաջին եռամսյակում. morevmankan.am

Հղիության ընթացքում կյանքի բնույթն, իհարկե, փոխվում է:

Հղիության առաջին եռամսյակը ամենապատասխանատու շրջանն է, քանի որ այդ շրջանում են...

Պերինատոլոգիա, մանկաբարձություն և ուրո-գինեկոլոգիա
Առաջին հղիություն. հարցազրույց մանկաբարձ-գինեկոլոգ Մարիամ Հակոբյանի հետ. morevmankan.am
Առաջին հղիություն. հարցազրույց մանկաբարձ-գինեկոլոգ Մարիամ Հակոբյանի հետ. morevmankan.am

Ինչո՞վ է առանձնահատուկ առաջին հղիությունը:

Մայրությունը կնոջ կյանքի ամենաերջանիկ շրջանն է, ինչից, սակայն, երբեմն վախենում են երիտասարդ ապագա մայրերը...

Պերինատոլոգիա, մանկաբարձություն և ուրո-գինեկոլոգիա
Տոքսոպլազմոզը և հղիությունը. morevmankan.am
Տոքսոպլազմոզը և հղիությունը. morevmankan.am

Տոքսոպլազմոզն առաջացնում է Toxoplasma gondii մակաբույծը, որը հանդիպում է տարբեր թռչուններիև կաթնասունների մոտ, սակայն կարող է բազմանալ միայն կատուների օրգանիզմում, որոնք այդ մակաբույծների միակ տերերն են...

Պերինատոլոգիա, մանկաբարձություն և ուրո-գինեկոլոգիա
Հղիության սքրինինգ. ե՞րբ պետք է հղին անցնի սքրինինգային հետազոտություն. erebunimed.com
Հղիության սքրինինգ. ե՞րբ պետք է հղին անցնի սքրինինգային հետազոտություն. erebunimed.com

Հղիության սքրինինգ. ե՞րբ պետք է հղին անցնի սքրինինգային հետազոտություն: Հղիության ընթացքում կատարվող սքրինինգները ներկայացնում է «Էրեբունի» ԲԿ ծննդատան կանանց առողջության կենտրոնի ղեկավար Անահիտ Ստեփանյանը...

Պերինատոլոգիա, մանկաբարձություն և ուրո-գինեկոլոգիա
Միգրենը հղիության ժամանակ. morevmankan.am
Միգրենը հղիության ժամանակ. morevmankan.am

Միգրենը բարորակ հիվանդություն է, որը չի ազդում հղիության ընթացքի և պտղի զարգացման վրա: Բայց նաև հղիության ու միգրենի համակցումը պահանջում է պատասխանատու վերաբերմունք, հատկապես հաճախակի...

Պերինատոլոգիա, մանկաբարձություն և ուրո-գինեկոլոգիա
Երբ պետք է հղին դիմի բժշկի. erebunimed.com
Երբ պետք է հղին դիմի բժշկի. erebunimed.com

Երբ հղիության թեսթը դրական է՝ պետք չէ հապաղել և անհրաժեշտ է դիմել մանկաբարձ-գինեկոլոգի՝ խուսափելու հետագա մի շարք խնդիրներից: Նախ պետք է վստահ լինել, որ հիությունն արտարգանդային չէ: Այնուհետև բժշկի հետ...

ԼՈՒՐԵՐ: Հղիություն, ծննդաբերություն
Ծննդաբերություն` արտամարմնային բեղմնավորումից հետո. morevmankan.am
Ծննդաբերություն` արտամարմնային բեղմնավորումից հետո. morevmankan.am

Արտամարմնային բեղմնավորումից (ԱՄԲ) հետո բնական ճանապարհով ծննդաբերությունն այժմ արդեն իրականություն է, քանի որ վերարտադրողականության օգնող մեթոդները աստիճանաբար կատարելագործվում են, դառնում ավելի հասանելի...

Պերինատոլոգիա, մանկաբարձություն և ուրո-գինեկոլոգիա
Հղիությամբ պայմանավորված տհաճ զգացողություններ. հարցազրույց մանկաբարձ-գինեկոլոգ Սոնա Աբելյանի հետ. morevmankan.am
Հղիությամբ պայմանավորված տհաճ զգացողություններ. հարցազրույց մանկաբարձ-գինեկոլոգ Սոնա Աբելյանի հետ. morevmankan.am

Ի՞նչ տհաճ զգացողություններ կարող են առաջանալ կնոջ մոտ` հղիության ընթացքում:

Հղիությունը փոփոխությունների ժամանակաշրջան է, երբ կարող են լինել որոշակի ֆիզիկական և հուզական...

Կնոջ հսկողությունը և խնամքը ծննդաբերությունից հետո. հարցազրույց Դավիթ Ղուկասյանի հետ. morevmankan.am
Կնոջ հսկողությունը և խնամքը ծննդաբերությունից հետո. հարցազրույց Դավիթ Ղուկասյանի հետ. morevmankan.am

Կնոջ հսկողությունը և խնամքը հետծննդյան շրջանում սկսում է ծննդաբերությունից` ընկերքի ծնվելուց անմիջապես հետո, և առաջին երկու ժամը կինն անցկացնում է ծնարանում: Դա վաղ հետծննդյան շրջանն է, որի ընթացքում...

Խորհուրդներ ապագա մայրերին. հարցազրույց Սոնա Աբելյանի հետ. morevmankan.am
Խորհուրդներ ապագա մայրերին. հարցազրույց Սոնա Աբելյանի հետ. morevmankan.am

Ի՞նչ կարևոր կանոնների պետք է հետևի հղի կինը:

Հղիության սահուն ընթացքի համար անհրաժեշտ է մի քանի պարզ պայման՝ ճիշտ ռեժիմ, բավարար հանգիստ, առողջ սնունդ, զբոսանք մաքուր օդում, թեթև ֆիզիկական ակտիվություն...

Հղիության թեստեր. morevmankan.am
Հղիության թեստեր. morevmankan.am

Գոյություն ունեն հղիության թեստերի երկու տեսակ.

  • մեզի հետազոտություն` տան պայմաններում...

Պերինատոլոգիա, մանկաբարձություն և ուրո-գինեկոլոգիա
Հետծննդյան դեպրեսիա. հարցազրույց Էլեոնորա Սաղաթելյանի հետ. morevmankan.am
Հետծննդյան դեպրեսիա. հարցազրույց Էլեոնորա Սաղաթելյանի հետ. morevmankan.am

Ի՞նչ է հետծննդյան դեպրեսիան:
Հետծննդյան դեպրեսիան հետծննդյան շրջանում բավանակին տարածված հուզական խանգարում է...

Պերինատոլոգիա, մանկաբարձություն և ուրո-գինեկոլոգիա
Հղիությունը և տարիքը. morevmankan.am
Հղիությունը և տարիքը. morevmankan.am

Կարծիք կա, որ որքան վաղ հղիանա կինը, ֆիզիոլոգիական առումով այնքան լավ է: Սակայն դա այդպես չէ: Շատ վաղ հղիությունը հղի է լուրջ բարդություններով, օրգանիզմի հյուծումով և տրավմատիկ ծննդաբերությամբ: Պատճառն այն է...

Պերինատոլոգիա, մանկաբարձություն և ուրո-գինեկոլոգիա

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ