Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

Հղիություն, ծննդաբերություն

Վահանաձև գեղձը և հղիությունը. nairimed.com

Վահանաձև գեղձը և հղիությունը. nairimed.com

Էնդոկրինոլոգ, բ․գ․թ․ դոցենտ, «Նաիրի» ԲԿ թերապևտիկ ծառայությունների գծով փոխտնօրեն Նոնա Մարտիրոսյանի հետ խոսել ենք վահանձև գեղձի ֆունկցիոնալ խանգարումների և հղիության ու պտղի վրա դրանց անմիջական ազդեցության մասին և թե ինչ պետք է իմանալ` նախքան հղիության պլանավորումը։

Ի՞նչ ազդեցություն ունի վահանագեղձը կնոջ վերարտադրողական առողջության վրա։

Վահանաձև գեղձի հորմոնները շատ կարևոր դեր են կատարում կնոջ օրգանիզմի վերարտադրողականության` հատկապես դաշտանային ցիկլի և ձվազատման կարգավորման գործընթացում։ Գեղձի հորմոնալ փոփոխությունները կարող են մի շարք վերարտադրողական խնդիրների պատճառ լինել։

Ի՞նչ փոփոխության են ենթարկվում վահանագեղձի գործառույթները հղիության ընթացքում։

Հղիության ընթացքում օրգանիզմի ողջ մետաբոլիզմը, այդ թվում և վահանաձև գեղձի գործառույթները, փոփոխվում են էմբրիոնի աճող պահանջների ապահովման նպատակով։ Հղիության սկզբում, առաջին եռամսյակում, երբ դեռ պտղի վահանաձև գեղձը ձևավորված չէ, հղի կնոջ մոտ դիտվում է վահանաձև գեղձի ֆունկցիայի ուժեղացում՝ ֆիզիոլոգիական հիպերթիրեոզ։ Իսկ երրորդ եռամսյակում, կարող է դիտվել ազատ թիրոքսինի մակարդակի իջեցում՝ ի հաշիվ թիրեոիդ հորմոնները կապող սպիտակուցի ավելացման։

Կարևոր է, որ հղիության պլանավորումից մինչև երեխայի լույս աշխարհ գալը հղին լինի էնդոկրինոլոգի և գինեկոլոգի հսկողության ներքո՝ հնարավոր վատ զարգացումները կանխարգելելու և առողջ բալիկ ունենալու համար։

Հղիություն պլանավորելիս ի՞նչ պետք է իմանա կինը։

Առաջինը. շատ կարևոր է գնահատել կնոջ վահանաձև գեղձի ֆունկցիոնալ վիճակը, աուտոիմուն թիրեոիդ խնդրի առկայությունը, հանգույցների առկայության դեպքում չարորակ նորագոյացությունների ընտանեկան դեպքերի առկայությունը։ Վահանաձև գեղձի գեր- կամ թերֆունկցիա ունեցող կանայք պետք է պլանավորեն հղիությունը դեղորայքային կոմպենսացիայի փուլում։ Այն կանայք, ովքեր ստացել են ռադիոյոդթերապիա թիրեոտոքսիկոզի /գեղձի գերֆունկցիա/ կամ դիֆերենցված քաղցկեղի կապակցությամբ, պետք է պլանավորեն հղիությունը ռադիոյոդթերապիայից առնվազն մեկ տարի անց։

Ո՞րն է վահանագեղձի հորմոնների դերը պտղի ներարգանդային զարգացման փուլում։

Վահանաձև գեղձի հորմոնները շատ կարևոր են պտղի աճի և նորմալ զարգացման գործընթացում։ Այս հորմոնների դերը կարևորվում է հատկապես նյարդային համակարգի, այդ թվում գլխուղեղի, հենաշարժիչ ապարատի, սիրտ-անոթային, սեռական համակարգի ձևավորման ժամանակ։

Հարկ է նշել, որ ռիսկային շրջանը հղիության առաջին եռամսյակն է, քանի որ պտուղն այդ ընթացքում չունի սեփական վահանաձև գեղձ և պտղի համար գործառույթն իրականացնում է ապագա մոր վահանագեղձը։ Պտղի վահանաձև գեղձը լիարժեք ձևավորվում և սկսում է ինքնուրույն գործել 14-16 շաբաթականից հետո։

Անդրադառնանք հղի կանանց օրգանիզմում յոդի քանակին: Ի տարբերություն ոչ հղի կանանց, յոդի պահանջը հղիների մոտ կրկնակի մեծ է, ինչը պետք է լրացնել։ Կան հետազոտություններ, որոնց միջոցով պարզում ենք` յոդը բավարա՞ր է, թե` ոչ, ու, ըստ այդմ, նշանակվում է համապատասխան դեղորայք։

Տարբերվո՞ւմ է հղի կնոջ մոտ վանագեղձի հիվանդությունների ախտորոշումն ու բուժումը։

Վահանագեղձի հետազոտությունները բազմազան են։ Կան կարևորագույն հորմոններ, որոնք պարտադիր հետազոտվում են և՛ հղիների, և՛ ոչ հղի կանանց մոտ։ Հակամարմինները ստուգվում են հիվանդության ախտորոշման սկզբում, ինչպես նաև հղիություն պլանավորելիս։ Երկու դեպքում էլ կատարվում է ուլտրաձայնային հետազոտություն։ Հղի կանանց մոտ պարտադիր կատարվում է ազատ թիրոքսինի և թիրեոտրոպ հորմոնի համատեղ որոշում։ Վերջիններս որոշվում են յուրաքանչյուր եռամսյակում, իսկ դեղորայք ստանալու դեպքում՝ ավելի հաճախ, 4-5 շաբաթը մեկ։

Ի՞նչ բուժում է ենթադրվում:

Ինչպես նշեցի՝ հղիություն պլանավորելիս պետք է անցնել համապատասխան բուժում, եթե առկա է խնդիր ու հորմոնալ վիճակը կոմպենսացնել։ Եթե դա չի կատարվել և ունենք վահանաձև գեղձի թեր կամ գերֆունկցիա, այս երկու դրսևորումներն էլ, իհարկե, բացասական են անդրադառնում պտղի զարգացման վրա։ Սրանք կարող են պատճառ դառնալ բնածին արատների զարգացման, կամ հղիության վաղաժամ ընդհատման համար։

Նման վատ սցենարներից խուսափելու համար առաջին բանը, որ պետք է անել, դա հորմոնալ խախտումն արձանակագրելուն զուգահեռ անմիջապես բուժումը սկսելն է։

Թերֆունկցիայի ժամանակ կատարվում է փոխարինող հորմոնալ թերապիա։ Միակ խնդիրը, որ այս դեպքում ծառանում է, կապված է դեղաչափի չափաբաժնի հետ՝ կապված հղիների համար ընդունված ավելի խիստ պահանջների հետ, համապատասխան հղիության եռամսյակներին։ Սրանից պետք է չվախենալ, քանի որ բուժման ամբողջ ընթացքը հսկվում է բուժող բժշկի կողմից։

Գերֆունկցիայի դեպքում կարևոր է վահանաձև գեղձի ֆունկցիան ընկճող դեղորայքի ընտրությունը․ ընտրվում է այն դեղորայքը, որը չի վնասում պտղին։ Վիրահատական միջամտություն հղի կանանց մոտ կատարվում է այն ժամանակ, երբ բարակ ասեղային պունկցիոն բիոպսիայով հայտնաբերվել է չարորակ նորագոյացության պատկեր կամ առկա է դեղորայքային բուժմանը չենթարկվող արտահայտված դեկոմպենսացիայով վահանաձև գեղձի գերֆունկցիա։ Վերջինիս դեպքում կարող է նույնիսկ դրվի հղիության ընդհատման հարց։

Վիրահատության համար միակ նախընտրելի ժամկետը երկրորդ եռամսյակն է, առաջին և երրորդ եռամսյակում չի կարելի։

Խոսենք հիպոֆունկցիայի և հիպերֆունկցիայի մասին։

Կան որոշակի կլինիկական դրսևորումներ, որոնք բնորոշ են այս կամ այն ֆունկցիոնալ խանգարմանը։
Թերֆունկցիայի նշաններն են` թուլություն, մաշկի չորություն, դյուրհոգնելիություն, մազաթափություն, հիշողության վատացում, քաշի ավելացում, կարող է լինել նաև փորկապություն։

Գերֆունկցիայի դեպքում՝ դյուրագրգիռ պահվածք, սրտի զարկերի արագացում, քրտնարտադրության ուժեղացում, քաշի նվազում և այլն։

Հղիության ընթացքում ուղեկցվող զգացողությունները հաճախ կարող են համադրվել վահանաձև գեղձի կլինիկական դրսևորումների, ախտանիշների հետ, ուստի դժվար է որոշել`գերֆունկցիայի՞, թե՞ թերֆունկցիայի հետ գործ ունենք։ Ուստի պարտադիր է կատարել հորմոնալ քննություն, հայտնաբերել խնդիրը, և, անհրաժեշտության դեպքում` բուժել։

Ո՞ր դեպքերում են հղիներն ընդգրկվում ռիսկի խմբում։

Ռիսկային խմբում ընդգրկվում են այն հղիները, որոնք կարող են ունենալ վահանաձև գեղձի արտահայտված գեր- կամ թերֆունկցիա, կամ չկարգավորվող, դեղորայքին չենթարկվող խնդիր։

Ռիսկային խմբում են նաև այն կանայք, ովքեր ունեն չարորակ գոյացությունների ժառանգական ֆոն, նախկին հղիությունների ժամանակ ունեցել են վահանաձև գեղձի խանգարումներ։

Եթե կինը որոշել է ընդհատել հղիությունը, միևնույն ժամանակ, վերջինիս մոտ առկա է վահանաձև գեղձի ֆունկցիոնալ խանգարում, կառաջացնի՞ դա հավելյալ բարդություններ։

Գեղձի ախտահարումը հակացուցում չէ հղիության ընդհատման համար, եթե կինը որոշում է կայացրել։ Անկախ դրանից, կինը պետք է հսկվի էնդոկրինոլոգի կողմից և վերականգնի հորմոնալ բալանսը։

Վահանաձև գեղձն ու անպտղությունը

Վահանագեղձի ախտահարումը համարվում է անպտղության կարևոր պատճառներից մեկը։ Այն զույգերն, ովքեր ունեն անպտղության հետ կապված խնդիրներ, պետք է անցնեն վահանաձև գեղձի հորմոնալ հետազոտություն։ Ինչպես արդեն նշեցի՝ այս գեղձը պատասխանատու է կնոջ վերարտադրողականության համար։

Նման խնդրի դեպքում պահանջվում է էնդոկրինոլոգի և գինեկոլոգի կողմից համատեղ բուժում։ Հաճախ, գեղձի հորմոնալ խնդիրները կարգավորելով, կինը հղիանում է։

Արտամարմնային բեղմնավորման դեպքում ևս պետք է կարևորվի այս գեղձի հորմոնների բալանսավորումը, որպեսզի կրկին ապահովի հղիության հաջող ընթացք։

Ամփոփելով ևս մեկ անգամ նշենք՝ ի՞նչ պետք է անի կինը, եթե չպլանավորած հղիություն է և առկա է գեղձի ախտահարում։

Պետք է անմիջապես դիմել էնդոկրինոլոգի և գինեկոլոգի, որպեսզի համատեղ վարեն հղիությունը, բոլոր եռամսյակներում իրականացվեն սահմանված հետազոտությունները, կատարվեն դեղորայքի դոզայի ճշգրտումներ։ Այս ամենին հետևելով՝ հնարավոր է նման իրավիճակում հաջողել, հասնել ցանկալի արդյունքին՝ ունենալ առողջ բալիկ։

Սկզբնաղբյուր. nairimed.com
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Share |

Հարցեր, պատասխաններ, մեկնաբանություններ

Կարդացեք նաև

Հակացուցումներ` հղիության երկրորդ եռամսյակում. morevmankan.am
Հակացուցումներ` հղիության երկրորդ եռամսյակում. morevmankan.am

Հղիության երկրորդ եռամսյակում հակացուցումները՝ առաջին եռամսյակի հետ համեմատած, ավելի քիչ են, կամ առանձնապես խիստ չեն: Այնուամենայնիվ դրանք իմանալը և դրանց հետևելը դարձյալ կարևոր է պտղի ճիշտ...

Պերինատոլոգիա, մանկաբարձություն և ուրո-գինեկոլոգիա
Հակացուցումներ` հղիության առաջին եռամսյակում. morevmankan.am
Հակացուցումներ` հղիության առաջին եռամսյակում. morevmankan.am

Հղիության ընթացքում կյանքի բնույթն, իհարկե, փոխվում է:

Հղիության առաջին եռամսյակը ամենապատասխանատու շրջանն է, քանի որ այդ շրջանում են...

Պերինատոլոգիա, մանկաբարձություն և ուրո-գինեկոլոգիա
Առաջին հղիություն. հարցազրույց մանկաբարձ-գինեկոլոգ Մարիամ Հակոբյանի հետ. morevmankan.am
Առաջին հղիություն. հարցազրույց մանկաբարձ-գինեկոլոգ Մարիամ Հակոբյանի հետ. morevmankan.am

Ինչո՞վ է առանձնահատուկ առաջին հղիությունը:

Մայրությունը կնոջ կյանքի ամենաերջանիկ շրջանն է, ինչից, սակայն, երբեմն վախենում են երիտասարդ ապագա մայրերը...

Պերինատոլոգիա, մանկաբարձություն և ուրո-գինեկոլոգիա
Տոքսոպլազմոզը և հղիությունը. morevmankan.am
Տոքսոպլազմոզը և հղիությունը. morevmankan.am

Տոքսոպլազմոզն առաջացնում է Toxoplasma gondii մակաբույծը, որը հանդիպում է տարբեր թռչուններիև կաթնասունների մոտ, սակայն կարող է բազմանալ միայն կատուների օրգանիզմում, որոնք այդ մակաբույծների միակ տերերն են...

Պերինատոլոգիա, մանկաբարձություն և ուրո-գինեկոլոգիա
Հղիության սքրինինգ. ե՞րբ պետք է հղին անցնի սքրինինգային հետազոտություն. erebunimed.com
Հղիության սքրինինգ. ե՞րբ պետք է հղին անցնի սքրինինգային հետազոտություն. erebunimed.com

Հղիության սքրինինգ. ե՞րբ պետք է հղին անցնի սքրինինգային հետազոտություն: Հղիության ընթացքում կատարվող սքրինինգները ներկայացնում է «Էրեբունի» ԲԿ ծննդատան կանանց առողջության կենտրոնի ղեկավար Անահիտ Ստեփանյանը...

Պերինատոլոգիա, մանկաբարձություն և ուրո-գինեկոլոգիա
Միգրենը հղիության ժամանակ. morevmankan.am
Միգրենը հղիության ժամանակ. morevmankan.am

Միգրենը բարորակ հիվանդություն է, որը չի ազդում հղիության ընթացքի և պտղի զարգացման վրա: Բայց նաև հղիության ու միգրենի համակցումը պահանջում է պատասխանատու վերաբերմունք, հատկապես հաճախակի...

Պերինատոլոգիա, մանկաբարձություն և ուրո-գինեկոլոգիա
Երբ պետք է հղին դիմի բժշկի. erebunimed.com
Երբ պետք է հղին դիմի բժշկի. erebunimed.com

Երբ հղիության թեսթը դրական է՝ պետք չէ հապաղել և անհրաժեշտ է դիմել մանկաբարձ-գինեկոլոգի՝ խուսափելու հետագա մի շարք խնդիրներից: Նախ պետք է վստահ լինել, որ հիությունն արտարգանդային չէ: Այնուհետև բժշկի հետ...

ԼՈՒՐԵՐ: Հղիություն, ծննդաբերություն
Ծննդաբերություն` արտամարմնային բեղմնավորումից հետո. morevmankan.am
Ծննդաբերություն` արտամարմնային բեղմնավորումից հետո. morevmankan.am

Արտամարմնային բեղմնավորումից (ԱՄԲ) հետո բնական ճանապարհով ծննդաբերությունն այժմ արդեն իրականություն է, քանի որ վերարտադրողականության օգնող մեթոդները աստիճանաբար կատարելագործվում են, դառնում ավելի հասանելի...

Պերինատոլոգիա, մանկաբարձություն և ուրո-գինեկոլոգիա
Հղիությամբ պայմանավորված տհաճ զգացողություններ. հարցազրույց մանկաբարձ-գինեկոլոգ Սոնա Աբելյանի հետ. morevmankan.am
Հղիությամբ պայմանավորված տհաճ զգացողություններ. հարցազրույց մանկաբարձ-գինեկոլոգ Սոնա Աբելյանի հետ. morevmankan.am

Ի՞նչ տհաճ զգացողություններ կարող են առաջանալ կնոջ մոտ` հղիության ընթացքում:

Հղիությունը փոփոխությունների ժամանակաշրջան է, երբ կարող են լինել որոշակի ֆիզիկական և հուզական...

Կնոջ հսկողությունը և խնամքը ծննդաբերությունից հետո. հարցազրույց Դավիթ Ղուկասյանի հետ. morevmankan.am
Կնոջ հսկողությունը և խնամքը ծննդաբերությունից հետո. հարցազրույց Դավիթ Ղուկասյանի հետ. morevmankan.am

Կնոջ հսկողությունը և խնամքը հետծննդյան շրջանում սկսում է ծննդաբերությունից` ընկերքի ծնվելուց անմիջապես հետո, և առաջին երկու ժամը կինն անցկացնում է ծնարանում: Դա վաղ հետծննդյան շրջանն է, որի ընթացքում...

Խորհուրդներ ապագա մայրերին. հարցազրույց Սոնա Աբելյանի հետ. morevmankan.am
Խորհուրդներ ապագա մայրերին. հարցազրույց Սոնա Աբելյանի հետ. morevmankan.am

Ի՞նչ կարևոր կանոնների պետք է հետևի հղի կինը:

Հղիության սահուն ընթացքի համար անհրաժեշտ է մի քանի պարզ պայման՝ ճիշտ ռեժիմ, բավարար հանգիստ, առողջ սնունդ, զբոսանք մաքուր օդում, թեթև ֆիզիկական ակտիվություն...

Կնոջ վերականգնումը ծննդաբերությունից հետո. հարցազրույց Դավիթ Ղուկասյանի հետ. morevmankan.am
Կնոջ վերականգնումը ծննդաբերությունից հետո. հարցազրույց Դավիթ Ղուկասյանի հետ. morevmankan.am

Ի՞նչ է ներառում կնոջ վերականգնումը հետծննդյան շրջանում:

Սովորաբար, այն կանայք, որոնց մոտ հղիությունը նորմալ է ընթացել, և՛ նորմալ ծննդաբերությունից...

Պերինատոլոգիա, մանկաբարձություն և ուրո-գինեկոլոգիա
Հղիության թեստեր. morevmankan.am
Հղիության թեստեր. morevmankan.am

Գոյություն ունեն հղիության թեստերի երկու տեսակ.

  • մեզի հետազոտություն` տան պայմաններում...

Պերինատոլոգիա, մանկաբարձություն և ուրո-գինեկոլոգիա
Հետծննդյան դեպրեսիա. հարցազրույց Էլեոնորա Սաղաթելյանի հետ. morevmankan.am
Հետծննդյան դեպրեսիա. հարցազրույց Էլեոնորա Սաղաթելյանի հետ. morevmankan.am

Ի՞նչ է հետծննդյան դեպրեսիան:
Հետծննդյան դեպրեսիան հետծննդյան շրջանում բավանակին տարածված հուզական խանգարում է...

Պերինատոլոգիա, մանկաբարձություն և ուրո-գինեկոլոգիա
Հղիությունը և տարիքը. morevmankan.am
Հղիությունը և տարիքը. morevmankan.am

Կարծիք կա, որ որքան վաղ հղիանա կինը, ֆիզիոլոգիական առումով այնքան լավ է: Սակայն դա այդպես չէ: Շատ վաղ հղիությունը հղի է լուրջ բարդություններով, օրգանիզմի հյուծումով և տրավմատիկ ծննդաբերությամբ: Պատճառն այն է...

Պերինատոլոգիա, մանկաբարձություն և ուրո-գինեկոլոգիա

Notice: Undefined index: HTTP_X_FORWARDED_FOR in /sites/med-practic.com/classes/flud_class.php on line 33

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ